អ្នកស្រី Anna Giorgi អ្នកនិពន្ធអត្ថបទដែលបានបោះពុម្ពផ្សាយនៅក្នុង Very well health នៅថ្ងៃទី ២១ ខែមករា ឆ្នាំ ២០២៦ បាននិយាយថា ការទាញយកអត្ថប្រយោជន៍ពីគ្រឿងទេសគឺជាវិធីសាមញ្ញមួយដើម្បី អបអរសាទរដោយមិនបាត់បង់សុខភាព ជាពិសេសក្នុងអំឡុងពេលថ្ងៃឈប់សម្រាកដ៏វែង។

គ្រឿងទេសដែលធ្លាប់ស្គាល់ អត្ថប្រយោជន៍ដែលមិននឹកស្មានដល់សម្រាប់ជាតិស្ករក្នុងឈាម

Cinnamon គឺជាគ្រឿងទេសដែលត្រូវបានសិក្សាច្រើនបំផុតទាក់ទងនឹងការគ្រប់គ្រងជាតិស្ករក្នុងឈាម។ ក្លិនរបស់វាជួយបង្កើតជារសជាតិផ្អែមធម្មជាតិ ដែលជួយកាត់បន្ថយតម្រូវការសម្រាប់ជាតិស្ករបន្ថែម ខណៈពេលដែលធ្វើឲ្យប្រសើរឡើងនូវភាពប្រែប្រួលអាំងស៊ុយលីន។ ការសិក្សាមួយលើមនុស្សដែលមានជំងឺទឹកនោមផ្អែមបានបង្ហាញថាការបន្ថែមក្លិន Cinnamon ជួយធ្វើឲ្យជាតិស្ករក្នុងឈាមមានស្ថេរភាពក្នុងពេលឃ្លាន ធ្វើឲ្យកម្រិត HbA1c ប្រសើរឡើង ដែលជាកត្តាសំខាន់មួយដែលឆ្លុះបញ្ចាំងពីការគ្រប់គ្រងជាតិស្ករក្នុងឈាមរយៈពេលវែង។

ខ្ញី ជាមួយនឹងក្លិនក្រអូបក្តៅហឹររបស់វា ជារឿយៗលេចឡើងនៅក្នុងម្ហូបរាល់រដូវបុណ្យទានម្ដងៗ។ នៅពេលប្រើក្នុងកម្រិតធម្មតា ខ្ញីត្រូវបានវាយតម្លៃថាមានសុវត្ថិភាពសម្រាប់អ្នកដែលមានជំងឺទឹកនោមផ្អែម និងអាចជួយកាត់បន្ថយជាតិស្ករក្នុងឈាមក្នុងពេលឃ្លាន ក៏ដូចជាធ្វើឲ្យប្រសើរឡើងនូវសូចនាករមេតាប៉ូលីស ទោះបីជាលទ្ធផលស្រាវជ្រាវមិនទាន់មានភាពស៊ីសង្វាក់គ្នាទាំងស្រុងក៏ដោយ។

រមៀត ជាពិសេសសារធាតុសកម្ម curcumin លេចធ្លោសម្រាប់លក្ខណៈសម្បត្តិប្រឆាំងអុកស៊ីតកម្ម និងប្រឆាំងនឹងការរលាករបស់វា។ ការសិក្សាបង្ហាញថា curcumin អាចកាត់បន្ថយជាតិស្ករក្នុងឈាមក្នុងពេលឃ្លាន បង្កើនភាពរសើបអាំងស៊ុយលីន និងកំណត់ការរលាករ៉ាំរ៉ៃ ដែលជាកត្តាមួយដែលរួមចំណែកដល់ភាពធន់នឹងអាំងស៊ុយលីន។

ជីអង្កាមខ្មៅ ត្រូវបានគេប្រើជាទូទៅនៅក្នុងម្ហូបមជ្ឈិមបូព៌ា និងឥណ្ឌា ក៏ត្រូវបានកត់ត្រាថាមានប្រសិទ្ធភាពក្នុងការបន្ថយជាតិស្ករក្នុងឈាម និងកាត់បន្ថយ HbA1c ផងដែរ។ ការសាកល្បងមួយចំនួនបង្ហាញថាសារធាតុសកម្ម thymoquinone នៅក្នុងជីអង្កាមខ្មៅជួយធ្វើឲ្យប្រសើរឡើងនូវការបញ្ចេញអាំងស៊ុយលីន និងបង្កើនការស្រូបយកជាតិស្ករ ទោះបីជាការសិក្សាបន្ថែមទៀតរបស់មនុស្សគឺត្រូវការដើម្បីបញ្ជាក់យ៉ាងពេញលេញក៏ដោយ។

គ្រាប់សណ្តែកសៀងនិងទឹកដោះគោស៊ុត ត្រូវបានបង្ហាញនៅក្នុងការសិក្សាលើសត្វថា មានសមត្ថភាពកាត់បន្ថយជាតិស្ករក្នុងឈាម និងភាពតានតឹងអុកស៊ីតកម្មយ៉ាងច្រើន ខណៈពេលដែលក៏ធ្វើឲ្យប្រសើរឡើងនូវកម្រិតអាំងស៊ុយលីនផងដែរ។

ដោយឡែក យោងតាមលោកវេជ្ជបណ្ឌិត Emily Roberts អ្នកជំនាញអាហារូបត្ថម្ភនៅមជ្ឈមណ្ឌលជំងឺទឹកនោមផ្អែម Joslin សាលាវេជ្ជសាស្ត្រ Harvard (សហរដ្ឋអាមេរិក) បានឲ្យដឹងថា ថ្វីដ្បិតតែអំបិលមិនមែនជាថ្នាំព្យាបាល ប៉ុន្តែនៅពេលដែលប្រើប្រាស់ជាប្រចាំ និងត្រឹមត្រូវ វាអាចជួយដល់ការគ្រប់គ្រងជាតិស្ករក្នុងឈាម ជាពិសេសនៅក្នុងបរិបទនៃរបបអាហារដែលមានថាមពលខ្ពស់នៃរដូវវិស្សមកាល។

អ្នកជំនាញសង្កត់ធ្ងន់ថា គ្រឿងទេសមានប្រសិទ្ធភាពលុះត្រាតែផ្សំជាមួយនឹងរបបអាហារមានតុល្យភាព និងរបៀបរស់នៅដែលមានសុខភាពល្អ។ ការប្រើប្រាស់អាហារដែលមានមុខងារច្រើនហួសហេតុពេកត្រូវការដំបូន្មានពីគ្រូពេទ្យ ជាពិសេសសម្រាប់អ្នកដែលកំពុងប្រើថ្នាំបញ្ចុះជាតិស្ករក្នុងឈាម៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ចង់បន្ថយជាតិអាស៊ីតអ៊ុយរិក កុំភ្លេចពិសាម្នាស់

The post គ្រឿងទេសធម្មតាៗ តែអាចជួយគ្រប់គ្រងជាតិស្ករក្នុងឈាមបានយ៉ាងប្រសើរ appeared first on Kampuchea Thmey Daily.

ការទទួលទានអំបិលច្រើនពេក ធ្វើឲ្យខូចថ្លើម អំបិលគឺជាគ្រឿងទេសដែលមិនអាចខ្វះបាននៅគ្រប់ផ្ទះបាយ ហើយការទទួលទានអំបិលច្រើនពេក អាចប៉ះពាល់ដល់ថ្លើម។ ជាតិ​សូដ្យូម​លើស​ក្នុង​អំបិល​អាច​បង្កើន​សម្ពាធ​ឈាម បំផ្លាញ​សរសៃឈាម​ក្នុង​ថ្លើម និង​រួមចំណែក​ដល់​ជំងឺ​ថ្លើម​ដូចជា​ជំងឺ​ថ្លើម​ខ្លាញ់​មិន​ប្រើ​គ្រឿង​ស្រវឹង (NAFLD) និង​ក្រិន​ថ្លើម​។ ចំពោះអំបិល ការទទួលទានប្រចាំថ្ងៃមិនគួរលើសពី ៥ ក្រាម។ អ្នកគួរតែចម្អិនម្ហូបឲ្យស្រាលជាងមុន ហើយប្រើគ្រឿងទេសផ្សេងទៀតដើម្បីបង្កើនរសជាតិដូចជាឱសថ ខ្ទឹមស ខ្ទឹមបារាំង ភេសជ្ជៈ ម្រេច ដាក់កម្រិតលើការទទួលទានផលិតផលកែច្នៃ ឬផលិតផលកំប៉ុង ព្រោះវាច្រើនតែមានអំបិលច្រើន។

ការ​ញ៉ាំ​ស្ករ​ច្រើន​ធ្វើ​ឲ្យមាន​ជាតិ​ខ្លាញ់​កកកុញ ការសិក្សាជាច្រើនបានសន្និដ្ឋានថា ការទទួលទានជាតិស្ករច្រើនហួសហេតុ គឺជាកត្តាចម្បងមួយដែលបណ្តាលឲ្យកើតជំងឺខ្លាញ់រុំថ្លើម ដែលមិនមានជាតិអាល់កុល ។ របបអាហារសម្បូរជាតិស្ករមិនត្រឹមតែធ្វើឲ្យរាងកាយប្រមូលផ្តុំជាតិខ្លាញ់ប៉ុណ្ណោះទេ ថែមទាំងបង្កើនហានិភ័យនៃការឆ្លងមេរោគថ្លើម ដោយហេតុនេះនាំឱ្យមានផលវិបាកធ្ងន់ធ្ងរដូចជាក្រិនថ្លើម និងមហារីកថ្លើម។ មិន​ត្រឹម​តែ​ស្ករ​ដែល​ប្រើ​សម្រាប់​គ្រឿងទេស​ប៉ុណ្ណោះ​ទេ ប៉ុន្តែ​ស្ករ​ក្នុង​ផ្លែឈើ និង​ភេសជ្ជៈ​ក៏​ជា​ការ​គំរាម​កំហែង​ដល់​ថ្លើម​ដែរ។ ភាគច្រើននៃជាតិស្ករដែលប្រើប្រាស់លើសនឹងត្រូវបំប្លែងទៅជាខ្លាញ់ កកកុញក្នុងថ្លើមក្នុងរយៈពេលយូរ ដែលបង្កឲ្យមានជំងឺធ្ងន់ធ្ងរដូចជាខ្លាញ់រុំថ្លើម ក្រិនថ្លើម និងសូម្បីតែមហារីក។

ប៊ីចេង ជាគ្រឿងទេសដ៏ពេញនិយមដែលត្រូវបានប្រើប្រាស់យ៉ាងទូលំទូលាយ ដើម្បីបង្កើនរសជាតិនៃចាននោះ មានហានិភ័យដែលអាចព្រួយបារម្ភចំពោះសុខភាព ជាពិសេសថ្លើម។ ការសិក្សាជាច្រើនបានបង្ហាញថាការប្រើប្រាស់ ប៊ីចេងច្រើនពេកអាចបណ្តាលឲ្យមានប្រតិកម្មអាឡ័កស៊ី បំផ្លាញកោសិកាថ្លើម និងបង្កើនហានិភ័យនៃជំងឺថ្លើមដូចជាខ្លាញ់រុំថ្លើម និងក្រិនថ្លើម។ ដូច្នេះ ដើម្បីការពារសុខភាពខ្លួនយើង និងក្រុមគ្រួសារ យើងគួរតែកាត់បន្ថយការប្រើប្រាស់ ប៊ីចេងក្នុងការរៀបចំអាហារ ហើយរកមើលគ្រឿងទេសធម្មជាតិជំនួសវិញ។

ទឹកស៊ីអ៊ីវ​ ជាគ្រឿងទេសនាំមកនូវរសជាតិឆ្ងាញ់ ប៉ុន្តែវាមានលទ្ធភាពបង្កគ្រោះថ្នាក់ដល់ថ្លើម ប្រសិនបើប្រើប្រាស់ច្រើនពេក។ ដំណើរការនៃការ fermentation នៃសណ្តែកសៀងដើម្បីបង្កើតទឹកស៊ីអ៊ីវផលិតអាម៉ូញ៉ូមនីទ្រីតដែលជាសារធាតុដែលអាចបង្កមហារីក។ នៅពេលដែលអាម៉ូញ៉ូមនីត្រាតចូលក្នុងខ្លួន វានឹងត្រូវបានរំលាយដោយថ្លើមសម្រាប់ការលុបបំបាត់។ ប្រសិនបើបរិមាណអាម៉ូញ៉ូមនីត្រាតធំពេក ថ្លើមនឹងផ្ទុកលើសទម្ងន់ ដែលនាំឲ្យខូចកោសិកាថ្លើម រារាំងការបែងចែកកោសិកា និងជំងឺក្រិនថ្លើម។

ប្រេងឆាអាចប្រើបានយូរ ឬប្រើឡើងវិញច្រើនដង ប្រេងឆាទោះរក្សាទុកបានល្អប៉ុណ្ណាក៏ដោយ វាមានអាយុកាលធ្នើជាក់លាក់។ នៅពេលដែលទុកចោលយូរពេក ប្រេងចម្អិនអាហារនឹងកត់សុី បង្កើតសារធាតុពុលដែលបង្កគ្រោះថ្នាក់ដល់សុខភាព។ ការប្រើប្រាស់ប្រេងឆាដែលខូចអាចបណ្តាលឲ្យរំលាយអាហារ ថ្លើម និងបញ្ហាសរសៃឈាមបេះដូង។ ដើម្បីការពារសុខភាពរបស់យើង យើងគួរពិនិត្យមើលកាលបរិច្ឆេទផុតកំណត់នៃប្រេងចម្អិនអាហារឲ្យបានទៀងទាត់ និងជំនួសនៅពេលចាំបាច់។

ប្រេងឆាដែលធ្លាប់ប្រើច្រើនដង ក៏មានផ្ទុកសារធាតុពុលយ៉ាងច្រើនផងដែរ ជាពិសេសអាក្រូលីន ដែលជាសារធាតុបង្កមហារីកខ្លាំង។ នៅពេលទទួលទានអាហារដែលផលិតពីប្រេងនេះជាប្រចាំ ថ្លើមនឹងត្រូវធ្វើការលើសម៉ោងដើម្បីច្រោះជាតិពុល ដែលនាំឲ្យខូចកោសិកាថ្លើម និងបង្កើនហានិភ័យនៃជំងឺដូចជារលាកថ្លើម និងក្រិនថ្លើម ដើម្បីការពារសុខភាព យើងគួរប្តូរប្រេងឆាជាប្រចាំ ហើយចៀសវាងប្រើវាឡើងវិញ៕

អត្ថបទ៖ សាង ស្រីល័ក្ខ

ចុចអាន៖គ្រឿងទេសនៅផ្ទះបាយ ៤ មុខ មានសមត្ថភាពពិសេសក្នុងការជួយសម្រកទម្ងន់

The post ពេទ្យប្រាប់ថាគ្រឿងទេស៥មុខ បំផ្លាញថ្លើមលឿនជាងស្រាទៅទៀត appeared first on Kampuchea Thmey Daily.

រឿងនេះកើតឡើង ចំពេលប្រទេសប្រឈមនឹងអតិផរណាកើនឡើងខ្ពស់ ហើយចំពេលអត្រាគាំទ្រគណបក្សសេរីនិយម របស់នាយករដ្ឋមន្ត្រី Justin Trudeau ធ្លាក់ចុះដល់កម្រិតទាបដ៏អាក្រក់។

ថ្លែងក្នុងកិច្ចប្រជុំថ្នាក់ជាតិរបស់គណបក្សសេរីនិយម នៅទីក្រុងឡុងដ៍ នៃខេត្ត Ontario កាលពីចុងសប្តាហ៍ លោក Justin Trudeau និយាយថា លោករំពឹងថា ហាងលក់គ្រឿងទេសធំៗនឹងផ្តល់ដំណឹងល្អ ដោយការធ្វើឲ្យតម្លៃមានស្ថិរភាព។ ប្រសិនបើផែនការរបស់ពួកគេមិនបានផ្តល់ការសង្គ្រោះពិតប្រាកដសម្រាប់មនុស្សវណ្ណៈកណ្តាល និងប្រជាជនដែលខិតខំជាមួយខ្លួនទេនោះ យើងនឹងចាត់វិធានការបន្ថែម បូករួមទាំងវិធានការពន្ធផងដែរ។

ស្របពេលជាមួយគ្នានោះ រដ្ឋមន្ត្រីក្រសួងនវានុវត្តន៍ វិទ្យាសាស្ត្រ និងឧស្សាហកម្ម លោក Francois-Philippe Champagne បាននិយាយនៅក្នុងបទសម្ភាសជាមួយ CBC ថា លោកបានផ្ញើលិខិតអញ្ជើញទៅកាន់នាយកប្រតិបត្តិនៃក្រុមហ៊ុន Loblaw, Sobeys, Metro, Costco និង Walmart ដែលជាបណ្តាញគ្រឿងទេសដ៏ធំបំផុតក្នុងប្រទេស ឲ្យចូលរួមកិច្ចប្រជុំនៅទីក្រុង Ottawa ដើម្បីបង្ហាញពីចំណាត់ការ ដែលនឹងកាត់បន្ថយអតិផរណាតម្លៃនៅក្នុងវិស័យគ្រឿងទេស។

ទោះបីជាយ៉ាងណាក៏ដោយ លោក Champagne មិនបានរៀបរាប់លម្អិតអំពីថាតើវិធានការពន្ធ ដែលនាយករដ្ឋមន្ត្រីកំពុងពិចារណានោះ គឺជាអ្វីទេ ប៉ុន្តែបានរំលឹកឡើងវិញថា នឹងមានផលវិបាក ប្រសិនបើពួកគេមិនមកអង្គុយតុពិភាក្សា យកដំណោះស្រាយជាមួយគ្នា។

សូមបញ្ជាក់ ការគំរាមនេះ កើតឡើងចំពេលតម្លៃទំនិញនៅក្នុងប្រទេសកាណាដា កើនឡើងខ្ពស់ ហើយមានរបាយការណ៍ថា ក្រុមហ៊ុនយក្សលក់គ្រឿងទេស រកបានប្រាក់ចំណេញកប់ក្តោង៕

ប្រែសម្រួល៖ Vann Vann

ប្រភព៖ RT

ចុចអាន៖ ទីបំផុត កាណាដា ក្លាយជាដៃគូយុទ្ធសាស្ត្ររបស់ អាស៊ាន

The post កាណាដា គំរាមពិន័យហាងផ្គត់ផ្គង់គ្រឿងទេសណា ដែលលក់ថ្លៃជ្រុល មិនគិតដល់ប្រជាជន appeared first on Kampuchea Thmey Daily.

១- ខ្ញី

ខ្ញី​ជា​បន្លែ និង​ជា​គ្រឿង​ទេស​ដ៏​ពេញ​និយម​មួយ​សម្រាប់​ប្រជាពលរដ្ឋ​កម្ពុជា ហើយ​វា​ក៏​ជា​ភ្នាក់ងារ រំញោច​មេតា​ប៉ូលីស​ដែល​បង្កើត​កម្ដៅ​នៅ​ក្នុង​កាកសំណល់​សរីរាង្គ មាន​ប្រសិទ្ធភាព​ដុត​រំលាយ​ជាតិ​ខ្លាញ់​កាឡូរី​បាន​យ៉ាង​ប្រសើរ តាមរយៈ​ការ​បង្កើន​សីតុណ្ហភាព​ក្នុង​រាងកាយ​។ ខ្ញី​ក៏​មាន​សមត្ថភាព​បង្កើន​ការ​រំលាយ​អាហារ និង​ពន្លឿន​ការ​ដុត​រំលាយ​អាហារ​ក្នុង​រាងកាយ​ដែល​ប្រសើរ​បំផុត​ជួយ​ក្នុង​ការ​សម្រក​ទម្ងន់​។

២- ម្ទេស

ម្ទេស​ជា​គ្រឿង​បន្ថែម​រសជាតិ​ដែល​មិន​អាច​ខ្វះ​បាន​ក្នុង​គ្រួសារ​នីមួយ​ៗ ដើម្បី​ធ្វើឲ្យ​អាហារ​កាន់តែ​ឆ្ងាញ់ ហើយ​វា​ក៏​ល្អ​ក្នុង​ការ​ជួយ​ដុត​កាឡូរី​ចេញ​ពី​ក្នុង​រាងកាយ។ ក្រោយ​ការ​ញ៉ាំ​អាហារ​ហឹរ ជួយ​កាត់​បន្ថយ​ការ​ឃ្លាន​ចំណី​ផ្អែម​ៗ​បាន​ទៀត​ផង។ នៅ​ក្នុង​ម្ទេស​មាន​សារធាតុ capsaicin ដែល​ជួយ​បង្កើន​សីតុណ្ហភាព​រាងកាយ ដើម្បី​ដុត​កាឡូរី។

៣- ខ្ទឹមស

ខ្ទឹម​ស​មាន​មុខ​ងារ​ល្អ​ជាច្រើន​ចំពោះ​សុខភាព ហើយ​ក្នុង​នោះ​វា​ក៏​មាន​សមត្ថភាព​ជួយ​ពន្លឿន ការ​ដុត​រំលាយ​អាហារ​ផង​ដែរ។ ការ​បន្ថែម​ខ្ទឹមស​ក្នុង​របប​អាហារ​ប្រចាំថ្ងៃ​នឹង​ជួយ​ឲ្យ​អ្នក​ធាត់​ៗ ឆាប់​ស្រក​ទម្ងន់​បាន​មួយចំណែកទៀត។

៤- ម្រេច

ម្រេច គឺជា​គ្រឿង​ទេស​ដ៏​សំខាន់​នៅ​ក្នុង​ការ​ចម្អិន​ម្ហូប​អាហារ​ប្រចាំថ្ងៃ ហើយ​វា​ក៏​មាន​ផ្ទុក​នូវ​វីតាមីន​ជាច្រើន​ដូចជា វីតាមីន A, C, K និង​សារធាតុ​រ៉ែ​សំខាន់​ៗ​មួយ​ចំនួន​ទៀត ដែល​មិន​ត្រឹម​តែ​ជំនួយ​សុខភាព តែ​ក៏​មាន​ប្រយោជន៍​ជំនួយ​ដល់​មុខងារ​មេតាប៉ូលីស ក្នុង​ការ​រំលាយ​អាហារ ដ៏​ល្អ​បំផុត​នៅ​ក្នុង​ការ​ដុត​រំលាយ​ជាតិ​ខ្លាញ់ ជំនួយ​ដល់​ការ​សម្រក​ទម្ងន់​៕

អត្ថបទផ្ដល់ដោយHello Krupet

ចុចអាន៖ហេតុផល ៨ យ៉ាង ធ្វើឱ្យមនុស្សជាច្រើនបរាជ័យក្នុងការសម្រកទម្ងន់

The post គ្រឿងទេសនៅផ្ទះបាយ ៤ មុខ មានសមត្ថភាពពិសេសក្នុងការជួយសម្រកទម្ងន់ appeared first on Kampuchea Thmey Daily.

ទឹកខ្មេះមានអាស៊ីត​អាមីណូអាស៊ីតក្រូចឆ្មា និងអាស៊ីតអាសេទិក ដែល​មាន​ប្រយោជន៍​ដល់​រាងកាយ​ដូចខាងក្រោម៖

១ ធ្វើឲ្យ​ប្រសើរ​ឡើង​នូវ​ចរន្តឈាម អាស៊ីដ​ក្រូចឆ្មារ​មាន​តួនាទី​ការពារ​ការ​កកឈាម និង​ធ្វើឲ្យ​ឈាម​រត់​បាន​ស្រួល​។ លើសពីនេះ អាស៊ីត​អាសេទិក​ត្រូវបានបំប្លែងទៅជាអាឌីណូស៊ីនក្នុងរាងកាយ ដែល​ជួយ​កាត់បន្ថយ​សម្ពាធឈាម។ អាស៊ីត​អាមីណូ​ជាច្រើន​នៅ​ក្នុង​ទឹក​ខ្មេះ​ជួយកាត់បន្ថយ​កូលេស្តេរ៉ុលអាក្រក់ លទ្ធផលជួយការពារជំងឺលើសឈាម និង​ជំងឺ​សរសៃ​ឈាមបេះដូង។

២ ជួយ​ពន្យារ​ភាព​ចាស់ មាតិកាខ្ពស់នៃអាស៊ីតនៃក្រូចឆ្មានៅក្នុងទឹកខ្មេះ ជួយការពារអុកស៊ីតកម្មដែល​បណ្តាល​ឲ្យ​រ៉ាឌីកាល់សេរី​នៅ​ក្នុង​ខ្លួន។ ដូច្នេះហើយ អ្នក​ដែល​ផឹក​ជាប្រចាំ​នឹង​ក្មេង​ជាង​វ័យ និង​មាន​សុខភាព​ល្អ​ថែម​ទៀត។​

៣ ធ្វើឲ្យ​ប្រសើរឡើងនូវបរិយាកាសពោះវៀន និង​ការពារការ​ទល់​លាមក ទឹក​ខ្មេះជាតិ fermented នឹងជួយឲ្យរព័ន្ធរំលាយអាហាររបស់អ្នកដំណើរការបានល្អ ឲ្យ​រាងកាយ​ស្រូប​យក​សារធាតុចិញ្ចឹមបានពេញលេញ វាក៏ជួយជំរុញចលនាពោះវៀនផងដែរ។ ដូច្នេះវាអាចជួយការពារការទល់លាមកផងដែរ។ លើសពីនេះទៅទៀត ទឹកខ្មេះជាតិ fermented ក៏សម្បូរទៅ​ដោយអាស៊ីតគ្លុយកូនិច (Gluconic acid) ដែលជួយ​បង្កើន​ចំនួន​បាក់តេរី​ល្អ​នៅ​ក្នុង​ពោះវៀន។

៤ ធ្វើឲ្យ​ស្បែកមានសុខភាពល្អ

អាស៊ីតអាមីណូជាច្រើននៅក្នុងទឹកខ្មេះ នឹងជំរុញការរំលាយអាហារថាមពលស្បែករបស់អ្នក ជួយស្តារ​ស្ថានភាព​ឡើងវិញ​បន្ទាប់​ពី​ការ​បន្តកោសិកាស្បែក។

៥ ជំនួយ​ក្នុងការសម្រកទម្ងន់ អាស៊ីត​អាសេទិកនៅក្នុងទឹកខ្មេះមានប្រសិទ្ធភាពកាត់បន្ថយការប្រមូលផ្តុំជាតិខ្លាញ់នៅក្នុងខ្លួន ពន្លឿនការបំប្លែងជាតិខ្លាញ់ដែលប្រមូលផ្តុំក្នុងរាងកាយទៅជាថាមពល។ អាស៊ីតអាមីណូនៅក្នុងទឹកក្រូច នឹងជួយជំរុញការដុតបំផ្លាញជាតិខ្លាញ់ក្នុងរាងកាយ។

៦ ពង្រឹងមុខងារថ្លើម អាស៊ីតអាមីណូសំខាន់ៗចំនួន ៨ នៅក្នុងទឹកខ្មេះ ដែលរាងកាយមិនអាចផលិតដោយខ្លួនឯងបាន។ វានឹងពង្រឹងមុខងារថ្លើមកាន់តែប្រសើរ។

៧ បំបាត់ភាពអស់កម្លាំង ទាំងអាស៊ីតអាមីណូ និងអាស៊ីតនៃក្រូចឆ្មានៅក្នុងទឹកខ្មេះ គឺល្អសម្រាប់ពន្លឿនការធូរស្បើយពីការហត់នឿយកំដៅ ឬការងារលើសទម្ងន់។

៨ ពង្រឹងឆ្អឹង ទឹកខ្មេះដែលមានជាតិ fermented នឹងជួយកែលម្អការស្រូបយកជាតិកាល់ស្យូមទៅក្នុងរាងកាយ។ ការផឹក ឬទទួលទានទឹកខ្មេះរួមជាមួយអាហារសម្បូរវីតាមីន D ដូចជាផ្សិត និងត្រីតូចៗ នឹងជួយ្យរាងកាយរបស់អ្នកស្រូបយកជាតិកាល់ស្យូមបានល្អប្រសើរ។

៩ ពន្យឺតការកើនឡើងនៃជាតិស្ករក្នុងឈាមបន្ទាប់ពីអាហាររួច ការកើនឡើងនិងការថយចុះជាតិស្ករក្នុងឈាមយ៉ាងឆាប់រហ័ស រួម​គ្នា​ជា​យូរ​មក​ហើយ​ នឹង​កើត​ជំងឺ​ទឹក​នោម​ផ្អែម។ ទឹកខ្មេះជាតិ fermented មានប្រសិទ្ធិភាពពន្យឺតការកើនឡើងនៃជាតិស្ករក្នុងឈាមបន្ទាប់ពីអាហាររួច។ វាជួយការពារជំងឺទឹកនោមផ្អែមផងដែរ។

ទោះយ៉ាងណាអ្នកក៏ត្រូវញ៉ាំ​ក្នុង​កម្រិត​ល្មម​តាម​ការណែនាំ​ខាងលើ​ កុំផឹកទឹកខ្មេះនៅលើពោះទទេ ព្រោះវាអាចធ្វើឲ្យឈឺក្រពះ៕

ប្រែសម្រួល៖ សាង ស្រីល័ក្ខ

ចុចអាន៖ផលិតផលសណ្ដែកសៀង ពិតជាមានហានិភ័យមហារីកសុដន់?

The post អត្ថប្រយោជន៍ ៩ យ៉ាងរបស់ទឹកខ្មេះដែល ជប៉ុន ទម្លាប់ប្រើចំពោះសុខភាព appeared first on Kampuchea Thmey Daily.

– ប្រភេទ​ម្សៅ៖ ​មាន​សុពលភាព​ចាប់ពី ៦-១២ ខែ ម្សៅ​មាន​គុណភាព​ល្អ​ធម្មតា​អាច​ទុក​បាន ៦ ខែ រី​ឯ​ម្សៅ​ល្អ​លេខ​មួយ​អាច​ទុក​បាន ១ ឆ្នាំ។

– ប៊ីចេង៖​ មាន​អាយុកាល​ចាប់ពី ២ ឆ្នាំ ឡើង​ទៅ ប្រសិនបើ​យើង​ថែរក្សា​នៅ​កន្លែង​មាន​សុវត្ថិភាព និងមិនហែកកញ្ចប់។

– ស្ករ​ស៖ អាច​មាន​រយៈពេល​រហូត​ដល់ ២ ឆ្នាំ​បន្ទាប់ពី​យើង​បើក​ប្រើ​ហើយ។ តាម​បច្ចេកទេស​ ស្ករ​មិន​ដែល​ខូច​គុណភាពឡើយ ឲ្យតែ​គ្មាន​របស់​កខ្វក់ ឬ​ជាតិ​សំណើម​ចូល តែ​គេ​ណែនាំ​ឲ្យ​បោះបង់​ចោល​បន្ទាប់ពី ២ ឆ្នាំ។

– អំបិល៖ មាន​អាយុ​កាល​វែង​ណាស់ ប៉ុន្តែ​យក​ល្អ​យើង​គួរ​ទុក​វា​ប្រហាក់ប្រហែល​ទៅ​នឹង​ស្ករ ប៊ីចេង​​ទៅ​បាន​ហើយ។

– ប៊័រ៖ អាច​ទុក​បាន​ប្រហែល ៦-៩ ខែ​ប៉ុណ្ណោះ​នៅ​ក្នុង​ទូទឹកកក ហើយ​កាលបរិច្ឆេទ​ល្អ​បំផុត​ដោយ​បោះត្រា​លើ​កញ្ចប់​នោះ​មាន​រយៈពេល​យ៉ាងហោចណាស់​តែ ១ ខែ​ប៉ុណ្ណោះ។

– ម្រេច៖ ប្រសិនបើ​មិន​មាន​កាលបរិច្ឆេទ​នៅ​លើ​កញ្ចប់ ឬ​មាន​តែ​កាលបរិច្ឆេទ​វេច​ខ្ចប់ ម្រេច​មូល​អាច​រក្សា​គុណភាព​ប្រហែល ៣ ទៅ ៤ ឆ្នាំ ហើយ​ម្រេច​ម៉ដ្ដ​ល្អ​បំផុត​ប្រហែល​ជា ២ ឆ្នាំ។ ម្រេច​នឹង​មិន​ខូច​គុណភាព​ទេ បើ​យើង​រក្សា​ទុក​វា​ឲ្យ​បាន​ត្រឹមត្រូវ។

– ទឹក​ស៊ីអ៊ីវ៖​ បើ​មិន​បាន​បើក​គម្រប​ទេ អាច​រក្សា​ទុក​រហូត​ដល់ ២ ឆ្នាំ ហើយ​បើ​បើក​រួច​យ៉ាង​យូរ​ត្រឹម ៦ ខែ​ប៉ុណ្ណោះ។

– ប្រេង​ខ្យង៖ មាន​អាយុកាល​ប្រហែល ១៨ ទៅ ២៤ ខែ​បើ​មិន​ទាន់​បើក​គម្រប ​នេះ​ជា​កាលបរិច្ឆេទ​នៅ​សម្រក​ដប ប៉ុន្តែ​បើ​យើង​មិន​ប្រាកដ​អំពី​គុណភាព​សូម​ប្រើ​កន្លះ​ឆ្នាំ​បាន​ហើយ ដើម្បី​ទទួល​បាន​រសជាតិ​អាហារ​ឈ្ងុយឆ្ងាញ់។

– ប្រេង​ឆា៖ ដរាបណា​យើង​មិនទាន់បើក និង​រក្សា​ទុកបាន​ត្រឹមត្រូវ​ល្អ យ៉ាងហោចណាស់​ក៏ ២ ឆ្នាំដែរ ឬ​អាច​យូរជាងនេះទៅទៀត។ នៅ​ពេល​បើកដបប្រើ​រួច​ហើយ ប្រេងឆាអាច​ទុក​បាន​ ៦ ខែ ទៅ ១ឆ្នាំ។

លោក​វេជ្ជបណ្ឌិត​រូប​នោះ​បាន​បន្ត​ទៀត​ថា គ្រឿង​ទេស​ខ្លះ​ពេល​ហួស​កាលបរិច្ឆេទ​ហើយវា​នឹង​បាត់បង់​រសជាតិ ​ក្លិន និង​អាច​មាន​បាក់តេរី ផ្សិត កកើត​ទៅ​ក្នុង​នោះ ដែល​ពេល​ញ៉ាំ​ទៅ​នាំឲ្យ​ឈឺពោះ រាករូសជាដើម។ មួយ​វិញ​ទៀត​ផលិតផល​ដែល​ប្រើ​ជ័រ​ទៅ​វេចខ្ចប់​ទុក​កាន់តែ​យូរ ជាតិ​ជ័រ​កាន់តែ​សាយភាយ​ នាំឲ្យ​មាន​បញ្ហាសុខភាព​នា​អនាគត។ ចំពោះការ​ទិញ​គ្រឿង​អស់​នោះ​យក​មក​ប្រើ​ត្រូវ​ដឹង​ពី​កម្រិត​បរិមាណ​ត្រូវ​ប្រើប្រាស់​ក្នុង​ផ្ទះ ពោល​បាន​គ្រួសារ​ធំ​ទិញ​ទំហំ​ធំ​មិន​ខុស​ទេ តែ​បើ​គ្រួសារ​តូច​ទិញ​ចំណុះ​តិច​ទៅ។

រឿង​សំខាន់​មួយ​ទៀត​គេ​តែងតែ​ណែនាំ​ឲ្យ​យើង​រក្សា​ទុក​គ្រឿង​ទេស​ទាំង​នោះ​នៅ​កន្លែង​មាន​សុវត្ថិភាព បើ​ទោះ​ជា​ផ្ទះបាយ​ជា​កន្លែង​មាន​កម្ដៅ​ក្ដៅ​ជាង​កន្លែង​ដទៃ តែ​មិនគួរឲ្យ​ត្រូវ​ថ្ងៃ ភ្លើង ឬ​ទុក​ជ្រាប​ចូល​ឡើយ៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ ប្រើគ្រឿងផ្សំ ៣ មុខនេះច្រើនក្នុងអាហារ ប្រៀបបាននឹងយកជំងឺដាក់ខ្លួន

ចុចអាន៖ គ្រឿងផ្សំមានក្នុងអាហារ និងអាហារកញ្ចប់មួយចំនួននេះ អាចបង្កគ្រោះថ្នាក់ដល់សុខភាព

The post ដឹងអត់ គ្រឿងទេសក្នុងផ្ទះបាយ ទុកបានយូរប៉ុនណា? appeared first on Kampuchea Thmey Daily.

១. អំបិល

អំបិល​ជា​គ្រឿង​ផ្សំ​ដ៏​ពេញ​និយម ដែល​សឹង​គ្រប់​មុខ​ម្ហូប​មិន​អាច​ខ្វះ​អំបិល​បាន​ឡើយ​ទោះ​តិច ឬ​ច្រើ។ តែ​ទោះ​យ៉ាង​ណា​យើង​ម្នាក់ៗ​ត្រូវ​កំណត់​បរិមាណ​វា​តិច​ជាង ៥ ក្រាម/ថ្ងៃ (១ស្លាប​ព្រា​កាហ្វេ) ប៉ុណ្ណោះ ទើប​មិន​មាន​ផល​ប៉ះពាល់​ចំពោះ​សុខភាព បើ​តាម​អង្គការ​សុខភាព​ពិភព​លោក។ ញ៉ាំ​ប្រៃ​ជា​មូលហេតុ​ឈាន​ទៅ​មាន​ជំងឺ​លើសសម្ពាធ​ឈាម គ្រោះថ្នាក់សរសៃ​ឈាម​ខួរក្បាល ជំងឺបេះដូង មហារីក​ក្រពះ- ពោះវៀន ក្រួស​តម្រង​នោម និង​​ជំងឺ​​ជា​ច្រើន​​ទៀត។

២. ស្ករ

អង្គការ​សុខភាព​ពិភពលោក​ណែនាំ​ឱ្យ​មនុស្ស​ពេញ​វ័យ​ញ៉ាំ​ជាតិ​ស្ករ​សរុប​តិច​ជាង ១០% ក្នុង​ចំណី​អាហារ​សរុប​ប្រចាំថ្ងៃ ឯ​កុមារ​វិញ​តិច​ជាង ៥%។ “ស្ករ”​ ជា​សារធាតុ​បន្ថែម​ក្នុង​ចំណី​អាហារ ជួយ​ឲ្យ​មាន​រស​ជាតិ​ផ្អែម ឆ្ងាញ់ ទាក់​ទាញ និង​​ចង់​ញ៉ាំ។ យ៉ាងណា បើ​យើង​ញ៉ាំ​ជាតិស្ករ​ច្រើន​ពេក នាំ​ឲ្យ​មាន​បញ្ហា​គ្រោះ​ថ្នាក់​ចំពោះ​សុខភាព ពិសេស​ទៅ​ជា​ធាត់​លើស​ទម្ងន់ ប្រឈម​នឹង​កើត​ជំងឺ​សរសៃ​ឈាម​បេះដូង លើស​សម្ពាធឈាម ទឹក​នោម​ផ្អែម ជំងឺបេះដូងជាដើម។

៣. ប៊ីចេង

ប៊ីចេង​ជា​ម៉ូលេគុលគីមី ប្រើ​ជា​គ្រឿង​បន្ថែម​រសជាតិ និង​រក្សា​គុណភាព​អាហារ។ ជាយូរមកហើយ យើង​តែង​ឮ​ពាក្យ​ចចាម​អារ៉ាម​លើក​ឡើង​ថា ញ៉ាំ​ប៊ីចេង​ធ្វើ​ឲ្យ​ពុក​ឆ្អឹង តែ​មក​​ដល់​​ពេល​នេះ​មិន​ទាន់​មាន​ភស្តុតាង​ណា​បញ្ជាក់​រឿង​នេះ​ជា​ការ​ពិត​នៅ​ឡើយ។ ទោះ​មិន​បង្ក​ឲ្យ​ពុក​ឆ្អឹង ប៊ីចេង​អាច​បង្ក​ឲ្យ​មាន​ជំងឺ​ផ្សេងៗ​ជាច្រើន។ ប៊ីចេង ដែល​ជា​សារធាតុ​រំញោច​រសជាតិ អាច​បង្ក​ឲ្យ​យើង​ឈឺ​ក្បាល ដូច្នេះដើម្បី​ទទួល​បាន​សុខភាព​ល្អ គួរតែ​ប្រើ​ប៊ីចេង​នៅ​ក្នុង​កម្រិត​តិច​បំផុត ហើយ​បើ​គិត​ថា​ខ្លួនឯង​ប្រតិកម្ម​ដូចជា ឈឺក្បាល បែកញើស វិល​មុខ ស្ពឹក​ដៃ​ជើង ឬ​កន្លែង​ផ្សេង ឈឺ​ទ្រូង ក្អួត ចង្អោរ គួរ​ចៀសវាង​អាហារ​មាន​ជាតិ​ប៊ីចេង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គ្រឿងទេស​ដែល​បង្កើន​ភាព​ស៊ាំ​ដល់​រាងកាយ​ ខណៈ​អាច​រក​បាន​ដោយ​ងាយ​នៅ​ក្នុង​ផ្ទះ

ចុចអាន៖ ឱសថរុក្ខជាតិ ពិតជាអាចការពារកូវីដបាន ឬគ្រាន់តែជាពាក្យចចាមអារ៉ាម

ចុចអាន៖ ល្បីខ្ទឹមខ្មៅ ជាឱសថអាចការពារមហារីក បានពិតមែន?

The post ប្រើគ្រឿងផ្សំ ៣ មុខនេះច្រើនក្នុងអាហារ ប្រៀបបាននឹងយកជំងឺដាក់ខ្លួន appeared first on Kampuchea Thmey Daily.

១- ខ្ញី

ខ្ញី​ជា​បន្លែ និង​ជា​គ្រឿង​ទេស​ដ៏​ពេញ​និយម​មួយ​សម្រាប់​ប្រជាពលរដ្ឋ​កម្ពុជា ហើយ​វា​ក៏​ជា​ភ្នាក់ងារ រំញោច​មេតា​ប៉ូលីស​ដែល​បង្កើត​កម្ដៅ​នៅ​ក្នុង​កាកសំណល់​សរីរាង្គ មាន​ប្រសិទ្ធភាព​ដុត​រំលាយ​ជាតិ​ខ្លាញ់​កាឡូរី​បាន​យ៉ាង​ប្រសើរ តាមរយៈ​ការ​បង្កើន​សីតុណ្ហភាព​ក្នុង​រាងកាយ​។ ខ្ញី​ក៏​មាន​សមត្ថភាព​បង្កើន​ការ​រំលាយ​អាហារ និង​ពន្លឿន​ការ​ដុត​រំលាយ​អាហារ​ក្នុង​រាងកាយ​ដែល​ប្រសើរ​បំផុត​ជួយ​ក្នុង​ការ​សម្រក​ទម្ងន់​។

២- ម្ទេស

ម្ទេស​ជា​គ្រឿង​បន្ថែម​រសជាតិ​ដែល​មិន​អាច​ខ្វះ​បាន​ក្នុង​គ្រួសារ​នីមួយ​ៗ ដើម្បី​ធ្វើឲ្យ​អាហារ​កាន់តែ​ឆ្ងាញ់ ហើយ​វា​ក៏​ល្អ​ក្នុង​ការ​ជួយ​ដុត​កាឡូរី​ចេញ​ពី​ក្នុង​រាងកាយ។ ក្រោយ​ការ​ញ៉ាំ​អាហារ​ហឹរ ជួយ​កាត់​បន្ថយ​ការ​ឃ្លាន​ចំណី​ផ្អែម​ៗ​បាន​ទៀត​ផង។ នៅ​ក្នុង​ម្ទេស​មាន​សារធាតុ capsaicin ដែល​ជួយ​បង្កើន​សីតុណ្ហភាព​រាងកាយ ដើម្បី​ដុត​កាឡូរី។

៣- ខ្ទឹមស

ខ្ទឹម​ស​មាន​មុខ​ងារ​ល្អ​ជាច្រើន​ចំពោះ​សុខភាព ហើយ​ក្នុង​នោះ​វា​ក៏​មាន​សមត្ថភាព​ជួយ​ពន្លឿន ការ​ដុត​រំលាយ​អាហារ​ផង​ដែរ។ ការ​បន្ថែម​ខ្ទឹមស​ក្នុង​របប​អាហារ​ប្រចាំថ្ងៃ​នឹង​ជួយ​ឲ្យ​អ្នក​ធាត់​ៗ ឆាប់​ស្រក​ទម្ងន់​បាន​មួយចំណែកទៀត។

៤- ម្រេច

ម្រេច គឺជា​គ្រឿង​ទេស​ដ៏​សំខាន់​នៅ​ក្នុង​ការ​ចម្អិន​ម្ហូប​អាហារ​ប្រចាំថ្ងៃ ហើយ​វា​ក៏​មាន​ផ្ទុក​នូវ​វីតាមីន​ជាច្រើន​ដូចជា វីតាមីន A, C, K និង​សារធាតុ​រ៉ែ​សំខាន់​ៗ​មួយ​ចំនួន​ទៀត ដែល​មិន​ត្រឹម​តែ​ជំនួយ​សុខភាព តែ​ក៏​មាន​ប្រយោជន៍​ជំនួយ​ដល់​មុខងារ​មេតាប៉ូលីស ក្នុង​ការ​រំលាយ​អាហារ ដ៏​ល្អ​បំផុត​នៅ​ក្នុង​ការ​ដុត​រំលាយ​ជាតិ​ខ្លាញ់ ជំនួយ​ដល់​ការ​សម្រក​ទម្ងន់​៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ ចង់សម្រកទម្ងន់បានលឿនទាន់ចិត្ត កុំមើលរំលងប៉េងប៉ោះឲ្យសោះ

ចុចអាន៖ អ្នកធាត់ៗ ឡើងគីឡូមិនឈប់ ព្រោះមានទម្លាប់អាក្រក់ទាំងនេះ

The post គ្រឿងទេសនៅផ្ទះបាយ ៤ មុខ មានសមត្ថភាពពិសេសក្នុងការជួយសម្រកទម្ងន់ appeared first on Kampuchea Thmey Daily.