ព័ត៌មានអន្ដរជាតិ
ទីបំផុត កាណាដា ក្លាយជាដៃគូយុទ្ធសាស្ត្ររបស់ អាស៊ាន
យោងតាមការចុះផ្សាយរបស់សារព័តមាន Thai PBS បានឲ្យដឹងថា អាស៊ាន និងកាណាដានឹងបើកកិច្ចប្រជុំកំពូលមួយនៅខែកញ្ញាខាងមុខនេះ ដើម្បីរំលឹកពីឋានៈថ្មីរបស់ប្រទេសកាណាដា ជាដៃគូសន្ទនាយុទ្ធសាស្ត្ររបស់អាស៊ាន ។
បន្ទាប់ពីការពន្យារពេលដ៏យូរ ទីបំផុតកាណាដានឹងក្លាយជាដៃគូយុទ្ធសាស្ត្រចុងក្រោយបង្អស់របស់ប្លុកអាស៊ាន បន្ទាប់ពីលោកនាយករដ្ឋមន្ត្រី Justin Trudeau បានចូលរួមកិច្ចប្រជុំកំពូលអាស៊ាន-កាណាដា ជាលើកដំបូងកាលពីឆ្នាំមុន ដើម្បីរំលឹកខួបលើកទី៤៥ របស់ខ្លួននៅទីក្រុងភ្នំពេញនៃព្រះរាជាណាចក្រកម្ពុជា ។
អាស៊ានបានបង្កើតទំនាក់ទំនងជាមួយកាណាដាក្នុងឆ្នាំ ១៩៧៧ ដោយមានកិច្ចសហប្រតិបត្តិការលើបញ្ហានយោបាយ និងសន្តិសុខ សមាហរណកម្មតំបន់ ផលប្រយោជន៍សេដ្ឋកិច្ច ការសន្ទនាអន្តរជំនឿ ឧក្រិដ្ឋកម្មឆ្លងដែន ការប្រឆាំងភេរវកម្ម ការកាត់បន្ថយហានិភ័យគ្រោះមហន្តរាយ និងវិស័យផ្សេងៗទៀតជាដើម ។
ក្នុងឆ្នាំ ២០០៩ ភាគីទាំងពីរបានអនុម័តសេចក្តីប្រកាសរួមស្តីពីភាពជាដៃគូពង្រឹង អាស៊ាន-កាណាដា ជាមួយនឹងការចុះហត្ថលេខាលើសេចក្តីថ្លែងការណ៍រួម កាណាដា-អាស៊ាន ស្តីពីពាណិជ្ជកម្ម និងការវិនិយោគក្នុងឆ្នាំ ២០១១ ដើម្បីបង្កើនភាពជាដៃគូសេដ្ឋកិច្ចរបស់ពួកគេ ។
ក្រោយមក កាណាដាក៏បានតែងតាំងឯកអគ្គរដ្ឋទូតប្រចាំអាស៊ានក្នុងឆ្នាំ ២០១៦ ខណៈបច្ចុប្បន្នកាណាដាក៏មានតំណាងការទូតក្នុងប្រទេសសមាជិកអាស៊ានទាំង ១០ ផងដែរ ។
គួរបញ្ជាក់ថា បច្ចុប្បន្នអាស៊ានមានដៃគូចំនួន ៥ រួមមាន នូវែលហ្សេឡង់ ជប៉ុន សហភាពអឺរ៉ុប កូរ៉េខាងត្បូង និងរុស្ស៊ី ។ ចំណែកចិន អូស្ត្រាលី អាមេរិក និងឥណ្ឌា គឺជាដៃគូយុទ្ធសាស្ត្រគ្រប់ជ្រុងជ្រោយទាំង ៤ របស់អាស៊ាន ខណៈចក្រភពអង់គ្លេសបានក្លាយជាដៃគូសន្ទនារបស់អាស៊ាននៅឆ្នាំ ២០២១ ក្រោមការដឹកនាំរបស់ព្រុយណេដារូសាឡឹម ៕
ប្រែសម្រួលដោយ ៖ ជីវ័ន្ត
ប្រភព ៖ Thai PBS
ចុចអាន ៖ ឥណ្ឌូណេស៊ី ប្រាប់ពេលវេលារៀបចំវេទិកា អាស៊ាន ឥណ្ឌូ-ប៉ាស៊ីហ្វិក និងកិច្ចប្រជុំពាក់ព័ន្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ