ចំពោះការសម្រេចចិត្តដ៏ត្រឹមត្រូវបស់តារាចម្រៀងល្បីឈ្មោះ លោក ឆន សុវណ្ណារាជ នៅពេលនេះ ក៏កំពុងទទួលបានការគាំទ្រខ្លាំង ពីមហាជនខ្មែរស្របពេលដែលចោរសៀមវង្វេងប្រវត្តិសាស្ត្រកំពុងមានមហិច្ចតាឈ្លានពានចង់បានទឹកដីប្រទេសកម្ពុជាដោយងងើលឥតខ្មាស។

លោក ឆន សុវណ្ណារាជ បានរៀបរាប់ថា “ខ្ញុំ​បាទ​ ឆន សុវណ្ណារាជ សូមអភ័យទោស​ទុកជាមុនទៅដល់ទស្សិកជននិង អ្នកគាំទ្រនូវរាល់ការសំណូមពរបទចម្រៀងរបស់ខ្ញុំបាទដែលខ្ញុំមិនអាចច្រៀងបាន ​ដូចជា បទ មួយខែដប់ថ្ងៃ​, ជួបដេីម្បីបែក, បងដឹង, រឿងនិទានមុនចូលគេង, បទមិនហ៊ាន​ប្រាប់​អូនផ្ទាល់មាត់​, វេលាទឹកភ្នែក និង បទ សប្បាយចិត្តទេអូន ។

តារាចម្រៀងលោក ឆន សុវណ្ណារាជ បានបញ្ជាក់ហេតុផលដូច្នេះថា “មូលហេតុ ដោយសារបទទាំងនេះជាបទដែលយេីងយកតាមលំនាំថៃកាលពីប៉ុន្មានឆ្នាំមុន​ គឺខ្ញុំ​បាទសុំធ្វេីការពហិការមិនច្រៀងទៀតឡេីយ សូមអរគុណ​ទុកជាមុនសម្រាប់ការយោគយល់”។

តាមរយ: ការសម្រេចចិត្តរបស់លោក ឆន សុវណ្ណារាជ ខាងលើនេះ បានបង្ហាញពីឆន្ទ:ក្នុងស្មារតីខ្មែររួមគ្នាតែមួយប្រឆាំងការឈ្លានពានពីសំណាក់ក្រុមចោរសៀមមកលើប្រទេសកម្ពុជា៕ ចាន់រ៉ា

The post ឆន​ សុវណ្ណា​រាជ ដាក់ចម្រៀងធ្លាប់ល្បីច្រើនឆ្នាំមុនរបស់ខ្លួន ៧បទ ក្នុងបញ្ជីខ្មៅ ឈប់ច្រៀងតែម្តង appeared first on Kampuchea Thmey Daily.

បន្ទាប់​​ពីចេញទៅច្រៀង និង​សម្តែងនៅ​លើទឹកដី​ប្រទេស​កាណាដា​រយៈ​ពេល​ជាង ១ខែ ទីបំផុត​តារាចម្រៀង ឆន សុវណ្ណារាជ និង​តារាស្រី​កញ្ញា ឈិន ម៉ានិច្ច បាន​ដល់​ពេល​វេលាកំណត់​ឡើងយន្តហោះ​ត្រឡប់មក​ទឹកដីប្រទេស​កំណើត​​កម្ពុជាវិញហើយ។

នៅលើ​ទំព័រហ្វេសប៊ុក​របស់​តារា​ចម្រៀងចាស់​វស្សា​គឺ​លោក ឆន សុវណ្ណារាជ នៅ​ថ្ងៃទី​១៤ ខែវិច្ឆិកា ឆ្នាំ២០២៣នេះ បានបញ្ជាក់​ពីការវិលត្រឡប់ដោយ​ខ្លីថា​លា​ហើយ កាណាដា អរគុណ​គ្រប់​យ៉ាង ជួបគ្នា​លើក​ក្រោយ​ណា​ជួប​គ្នាឆាប់ៗ​កម្ពុជា​ជា​​ទីស្នេហា។ ចំណែក​ឯ​តា​រា​ស្រី ឈិន ម៉ានិច្ច ក៏​បានឲ្យដឹង​ដែរថា អរគុណ​បងៗ សម្រាប់​កា​រទទួលយ៉ាង​កក់ក្តៅ​រយៈ​ពេល ​១ខែ ១០ថ្ងៃ- ហោះ​ទៅកម្ពុជាវិញ​ហើយ។

គួរ​រម្លឹកថា​ដំណើរ​ចេញ​ទៅក្រៅ​​ប្រទេស​ពីសំណាក់​តារាចម្រៀង​លោក ឆន សុវណ្ណារាជ និង​តារាវ័យ​ក្មេង ឈិន ម៉ានិច្ច ហោះ​ទៅក្រៅ​ប្រទេស​កាលថ្មីៗនោះ​បាន​ធ្វើ​ឲ្យ​មហាជន​មាន​ការ​ចាប់​អារម្មណ៍​គ្រប់គ្នា។ បើតាមការបញ្ជាក់ពី​លោក ឆន សុវណ្ណារាជ បាន​ឲ្យដឹង​ថា ការចេញទៅ​លើក​នេះគឺ​លោក​និង​ម៉ានិច្ច​ មាន​បេសកម្ម​ច្រៀង -សម្តែង​នៅ​ទឹកដី​ប្រទេស​កាណាដា។

តារា​ចម្រៀង​លោក ឆន សុវណ្ណារាជ ធ្លាប់​បានបញ្ជាក់​ដែរថា ការចេញទៅ​នេះ គឺប្រើពេល ១ខែកន្លះ​ដើម្បីស្នាក់នៅច្រៀងទីនោះ។ យ៉ាងមិញ​ពេលនេះ​ការស្នាក់នៅរបស់អ្នកទាំងពីរ​បានដល់ពេលកំណត់ និងបាន​ឡើង​យន្តហោះ​ត្រឡប់មក​កម្ពុជា​វិញ​ហើយ​នា​ថ្ងៃ​១៤ ខែ​វិច្ឆិកា នេះ​៕

អត្ថបទ៖ ចាន់រ៉ា

The post ឆន សុវណ្ណារាជ និង ឈិន ម៉ានិច្ច ហោះមកកម្ពុជាវិញតាមការកំណត់ appeared first on Kampuchea Thmey Daily.

ដំណើរ​ចេញ​ទៅ​​ក្រៅ​ប្រទេស​ពី​សំណាក់​តារាចម្រៀង​លោក ឆន សុវណ្ណារាជ និង​តារា​វ័យក្មេង ឈិន ម៉ានិ ច្ច បាន​ធ្វើ​ឲ្យ​មហាជន​មាន​ការ​ចាប់អារម្មណ៍​គ្រប់គ្នា។ បើតាមការ​បញ្ជាក់​ពីលោក ឆន សុវណ្ណារាជ បាន​ឲ្យ​ដឹងថា ការចេញទៅលើនេះ​គឺ លោក និង ម៉ានិច្ច មាន​បេសកកម្ម​ច្រៀង-សម្តែង​នៅ​ក្នុងកម្មវិធី​មួយ​នា​ទឹកដី​ប្រទេស​កាណាដា។

តារា​ចម្រៀង​លោក ឆន សុវណ្ណារាជ បញ្ជាក់​ថា​ការ​ចេញ​ទៅនេះ គឺ ប្រើ​ពេល ១ ខែកន្លះ ដើម្បី​ស្នាក់​នៅ ​និង​ច្រៀង​ទីនោះ។ នៅទំព័រ​ហ្វេសប៊ុក​លោក ឆន សុវណ្ណារាជ បានឲ្យ​ដឹងដែរ​ថា «បេសកកម្ម​បន្ទាប់​របស់ខ្ញុំ  ខ្ញុំបាទ ឆន សុវណ្ណារាជ និង​ប្អូន​ស្រី​ឈិន ម៉ានិច្ច នឹង​មានTour Concert នៅ​ប្រទេស​កាណាដា​រយៈ​ពេល មួយ​ខែកន្លះ ចាប់​ពី​ដើម​ខែតុលា នេះ​តទៅ ​ចាំជួបគ្នា​ណា​អ្នក​កាណាដា តាមschedule ដែល​យើងខ្ញុំបានកំណត់»។

លោក ឆន សុវណ្ណារាជ និយាយ​ទៀត​ថា​ «លាមួយរយៈ​ ពេលសិន​ហើយ​កម្ពុជា​ទឹកដី​កំណើត​ដែនដី​សុវណ្ណភូមិ ជួបគ្នាឆាប់​​ៗនេះ​ប្រទេសកាណាដា»។

សុវណ្ណារាជ បន្ថែម​ថា «ជំរាប​សួរ​បងប្អូន​ទាំងអស់គ្នា Show លើក​ទី១ របស់​យើង​ខ្ញុំ​នៅ Montreal ប្រទេស​កាណាដា​នៅថ្ងៃទី០៧ ខែតុលា នេះ​ចាំ ជួបគ្នា​ទាំងអស់គ្នាណា។ យ៉ាង ណា​ក្នុង​ដំណើរចេញទៅ​នេះគេក៏ឃើញមាន​អ្នកគាំទ្រមួយចំនួនបាន​ទៅជូនដំណើរ​លោកដល់​ព្រលានយន្តហោះផងដែរ៕

អត្ថបទ៖ ចាន់រ៉ា

The post ឆន សុវណ្ណារាជ ដឹកដៃ ឈិន ម៉ានិច្ច ហោះទៅក្រៅប្រទេសលើកដំបូង appeared first on Kampuchea Thmey Daily.

លោក ឆន សុវណ្ណរាជ បានឈានជើងចូលវិស័យសិល្បៈនៅឆ្នាំ ២០០៥ ដល់ ឆ្នាំ ២០០៧ ជាមួយផលិតកម្ម U2 ដែលជាបក្សសម្ព័ន្ធជាមួយផលិតកម្ម ចេនឡាប្រាដឺ។ ក្រោមការជ្រកកោនជាមួយផលិតកម្មនោះលោកក៏បានចេញបទចម្រៀងជាលើកដំបូងគឺបទ វេលាទឹកភ្នែក ស្រាប់តែនៅឆ្នាំ ២០០៧ លោកក៏បានលេចមុខនៅក្នុងផលិតហង្សមាសជាមួយបទចម្រៀង នឹកពៅនៅកន្លែងចាស់ ដែលអ្នកគាំទ្រពេញចិត្តជាមួយសំឡេងដ៏ផ្អែមអមជាមួយរូបសម្រស់ដ៏ស្រស់សង្ហាររបស់លោក។

ក្រោយចូលផលិតកម្មហង្សមាស ឆន សុវណ្ណរាជ ហាក់មានសម្ទុះគាំទ្រកាន់តែខ្លាំង ជាមួយបទចម្រៀងជាច្រើនដូចជា ទីក្រុងគ្មានមេឃ អង្វរព្រះ យំប្រាប់មេឃ គង់មានថ្ងៃអូនដឹងខ្លួន ធម្មជាតិស្ងៀមឈឹង និងបទពិរោះៗជាច្រើនទៀត។ ទន្ទឹមនឹងទទួលបានការគាំទ្រលើវិស័យចម្រៀង នៅឆ្នាំ ២០១៧ លោកក៏បានក្លាយទៅជាតួឯកប្រុសនៅក្នុងរឿង សិសិររដូវក្នុងបេះដូង ជាមួយអ្នកនាង សុគន្ធ នីសា ដែលធ្វើឲ្យទស្សនិជនលើកសរសើរមិនដាច់ពីមាត់ពីការសម្ដែងរបស់លោក។

បើនិយាយពីវិស័យចម្រៀងវិញ តារាចម្រៀងសំឡេងផ្អែមរូបនេះក៏បានឆក់ចិត្តអ្នកគាំទ្រជាច្រើនឲ្យអន្លង់អន្លោចទៅតាមបទចម្រៀងនោះផងដែរ។ លើសពីនោះ លោកក៏លេចមុខជាញឹកញាប់នៅក្នុងកម្មវិធីធំៗនៅក្នុងផលិតកម្មហង្សមាសដោយលោកបានក្លាយទៅជាគណៈកម្មាការជាច្រើនដូចជា The Voice Cambodia ៣ រដូវកាល, Cambodia Idols ៤ រដូវកាល, The Voice Kids ១ រដូវកាល, Beat The Best ១ រដូវកាល។

គួររំលឹកថា លោក ឆន សុវណ្ណរាជ ជាកូនទី៣ ក្នុងចំណោមបងប្អូន ៨នាក់ មកពីគ្រួសារក្នុងជីវភាពមធ្យម និងមានស្រុកកំណើតនៅខេត្តកំពង់ស្ពឺ ហើយលោកក៏បានបញ្ចប់ការសិក្សាថ្នាក់បរិញ្ញាប័ត្រ​ផ្នែកគណនេយ្យ នៅសាកលវិទ្យាល័យបៀលប្រាយ (BBU) ផងដែរ៕
អត្ថបទ៖ ផានិត

The post ឆន សុវណ្ណរាជ តារាចម្រៀងពេញដោយសមត្ថភាពមានមុខស្ទើរគ្រប់កម្មវិធីធំៗ appeared first on Kampuchea Thmey Daily.

ផ្ទុយមកវិញ អំឡុងពេលជាមួយគ្នានេះដែរ ស្រាប់តែមានការបញ្ចេញសារភ្ជាប់នឹងកាត់តវីដេអូរបស់លោក ឆន សុវណ្ណារាជ គ្រាដែលបញ្ចេញមតិទៅលើតារាចម្រៀងស្រី ឈី​ន រតនៈ មកភ្ជាប់ជាមួយសាច់រឿងបេក្ខជន ទុំ សុវត្ថិ ដែលធ្វើ​ឲ្យ​មហាជន​កាន់តែ​ផ្ទុះការយល់ច្រឡំ និង​រិះគន់​លោកឥត​សំចៃ​មាត់​ថែមទៀតផង។

ពាក់ព័ន្ធបញ្ហានេះដែរ នៅយប់ថ្ងៃទី០៣ខែមិថុនាឆ្នាំ ២០២២គេឃើញលោក ឆន សុវណ្ណារាជ បង្ហោះ​ភ្ជាប់ជាមួយវីដេអូថ្មីគ្រាដែលបញ្ចេញទស្សន:លើតារាច្រៀង ឈីន រតនៈ ដោយបានរៀបរាប់ដូច្នេះថា«​នេះ​ជា​វីដេអូ​ពិតប្រាកដ ដោយសារ​តែ​មាន​វីដេអូ​កាត់ត​ធ្វើ​អោយ​បងប្អូន​មានការ​យល់ច្រឡំ សូមពុកម៉ែបងប្អូនមើលដោយការពិចារណា ដើម្បី​កុំ​អោយ​មានការ​យល់ច្រឡំ​ច្រើន​មក​លើ​រូប​ខ្ញុំបាទ»​។

តារាចម្រៀងលោក ឆន សុវណ្ណារាជ បន្តទៀតថា សូមអរគុណដល់ប្អូនស្រី Chann Davyy ដែល​ផុស​វីដេអូ​មួយ​នេះហើយក៏​សូមទោសផងដែលយកមកផុសបន្តសង្ឃឹមថា យោគយល់ណាសូម​អរគុណ។

តាមរយៈ​នេះក៏មានការចូលទៅខំមិនដោយ​​អ្នក​ខ្លះ​បន្ត​រិះគន់ ​ឯខ្លះលើកទឹកចិត្តខណ:មានការលើកឡើងដែរថា «ហ៊ឺពូខំ​ជេរ​ឡើង​២​ថ្ងៃSorryចឹ​ង​»​។ ជា​ការ​ឆ្លើយតបតារា​ចម្រៀង ឆន សុវណ្ណារាជបានតបវិញយ៉ាងខ្លីថា«អ្នកមិនដឹងគ្មាន​កំហុស​»៕

អត្ថបទ៖ ចាន់រ៉ា

The post ភស្តុតាងថ្មី ឆន សុវណ្ណារាជ បញ្ចេញក្រោយមានការយល់ច្រឡំកាន់តែធ្ងន់ appeared first on Kampuchea Thmey Daily.

ដោយសារតែ​ខ្លឹមសារ​នៃ​ការ​បង្ហោះ​របស់លោក ឆន សុ​វណ្ណា​រាជ នេះហើយ​ទើប​ភ្លាមៗ​នោះ​ហាក់​កើន​កំដៅ​ខ្លាំង​ឡើង​ថែមទៀត​ក្រោយ​ហេតុផល​ថា​តារា​ប្រុសរូប​នេះ​មាន​ចេតនា​រិះគន់​វាយបក​ទៅកាន់​មហាជន​និង​អ្នកគាំទ្រ​ខ្លួន​។​ ប៉ុន្តែ​យ៉ាងណាមិញ​លោក​ឆន សុ​វណ្ណា​រាជ ក៏បាន​ធ្វើការ​បកស្រាយ​ទៅ​មហា​ជន​វិញ​ថា ​លោក​មិនមាន​បំណង​ណាមួយ​ដើម្បី​រិះគន់​ឬ​ចង់​វាយប្រហារ​សំដៅលើ​អ្នកគាំទ្រ​លោក​ទេ​។

លោក ឆន សុ​វណ្ណា​រាជ ធ្វើការ​បកស្រាយ​តាមរយៈ​ការ​ខំ​មិន​ក្រោម​ផុស​ភ្លាមៗ​នោះ​ថា​«​ជូន​ដល់​មនុស្ស​ជាទី​ស្រលាញ់​ខ្ញុំ​តែងតែ​សរសេរ​ពាក្យ​នេះ​រហូត​រឿង​ខួរក្បាល​ខ្ញុំ​មិនមែន​ធុងសំរាម​តាម​សង្ឃដីកា​របស់​លោក​គ្រូ គូ សុភាព​មិនមែន​ថា​ឲ្យ​បងប្អូន​ទេ សរសេរ​មករ​ហូត​ហើយ​ការសរសេរ​មួយ​នេះ​គឺ​ចង់​ប្រាប់​ពី​ហេតុផល​ដែល​ខ្ញុំ​ឡាយ​សុខៗ​ក៏​បាត់​ខ្លួន ដោយសារ​ចាញ់​ក្លិន​ធុ​រេ​ន​ម្តេចក៏​បានជា​ទៅ​ថា​ខ្ញុំ​ថា​ឲ្យ​បងប្អូន​ទៅវិញ​សូម​មេត្តា​យល់​ក្នុង​ផ្លូវ​ល្អ​ផង​»​។

ដោយឡែក​ក្រោយពេល​ការ​បង្ហោះ​សារ​នោះ​គឺ​ប៉ុ​ន្មាន​ម៉ោង​ក្រោយមកទៀត​ស្រាប់តែ​គេ​ឃើញ​លោក​ឆន សុវណ្ណ​រាជ ក៏បាន​សម្រេច​លុប​សារ​នេះ​ចោល​វិញ​ហើយ​ចេញ​ឡាយ​វីដេអូ​ធ្វើការ​បកស្រាយ​ថា​ការ​លុប​នេះ​ដោយសារតែ​កុំ​ឲ្យ​មានការ​យល់​ច្រឡំ​បន្ថែម​ទៀត​លើ​រូបលោក​ដោយសារ​កន្លង​មក​លោក​តែង​តែ​ប្រើប្រាស់​ពាក្យ​នេះហើយ​ទុក​ថា​ជា​ថ្ងៃ​មិនល្អ​របស់លោក​ទៅ​ចុះ​។​ ម្យ៉ាងទៀត​លោក​ថាបើ​សិន​លោក​ធ្វើ​ខុស​គឺ​សូមទោស​មហាជន​។

ទាក់ទង​នឹង​ការ​ប្រឡង​កម្មវិធី​Cambodian Idol តារា​ចម្រៀង​លោក ឆន សុ​វណ្ណា​រាជ បានបញ្ជាក់​ថា​លោក​សូម​មិន​ធ្វើការ​បកស្រាយ​អ្វី​ទាំង​អស់ហើយ សម្រាប់​ការរិះគន់​ចំពោះ​ការសម្រេចចិត្ត​របស់​លោក​ទៅលើ​បេក្ខជន ទុំ សុវត្ថិ ក៏​លោក​មិន​ធ្វើការ​បក​ស្រាយ​អ្វី​នោះទេ​ ព្រោះ​លោក​គឺជា​មនុស្ស​សាធារណៈ​ដូច្នេះ​មហាជន​មាន​សិទ្ធិ​រិះគន់​ ប៉ុន្តែ​លោក​មិន​ធ្វើ​ការនិយាយ​ពាក់ព័ន្ធ​នឹង​ការសម្រេចចិត្ត​នេះ​ទេ​។

លោ​កថា​ រឿង​ដែល​លោក​ធ្វើការ​បកស្រាយ​នោះ​ គឺពាក់ព័ន្ធ​នឹង​ការ​បង្ហោះ​សារ​របស់លោក​គឺ​គ្មាន​ចេតនា​ថា​ឲ្យ​បងប្អូន​អ្នក​គាំទ្រ​នោះទេ​៕

ដោយ ៖ ចាន់​រ៉ា

The post ឆន សុ​វណ្ណា​រាជ បកស្រាយ​ទៅកាន់​អ្នកគាំទ្រ​ក្រោយ​មានការ​យល់ច្រឡំ​លើ​រឿងនេះ appeared first on Kampuchea Thmey Daily.

​ជាការ​ពិត​ចំពោះ​ការបាត់បង់​មនុស្ស​ជាទី​ស្រលាញ់​ ចេញពី​ក្រុមគ្រួសារ​ពិតជា​ធ្វើ​ឲ្យ​ពួកគេ​មានការ​សោក​ស្តាយ​និង​អាឡោះអាល័យ​ខ្លាំង​បំផុត​។​ ម្យ៉ាង​ការបាត់បង់​នេះ ​គឺ​ស្រប​ពេលដែល​បញ្ហា​ជំងឺ​កូ​វីដ​-១៩​កំពុង​រាតត្បាត​ ដែល​ធ្វើ​ឲ្យ​ពួកគេ​ពិបាក​ក្នុង​ការ​រៀប​ចំ​ពិធី​បុណ្យ​សព​ផងដែរ​ ព្រោះ​ដើម្បី​ចូលរួម​តាម​ការណែ​នាំ​និង​ទប់ស្កាត់​ការ​ឆ្លង​ជំងឺ​ដ៏​កាច​សាហាវ​នេះ។​

​ចំពោះ​តារា​ប្រុស​-​ស្រី​ទាំង​៥​រូប​ដែល​ជួប​ទុក្ខ​នោះ​រួមមាន​,

១. ​តារាចម្រៀង​ទ្រនំ​ហង្ស​មាស ក​ញ្ញា វី ឌី​ណែ​ត​ និង​ក្រុម​គ្រួសារ​ បាន​ជួប​ទុក្ខ​ជា​ទម្ងន់​ដោយសារ​អ្នក​ម្ដាយ​ជាទី​ស្រឡាញ់​ បាន​ទទួល​មរណភាព​កាលពី​ថ្ងៃទី​១៩​ ខែ​មីនា ​ឆ្នាំ​២០២១ ​ក្នុង​ជន្មាយុ​៦២​ឆ្នាំ​ ដោយសារ​តែ​ជំងឺ​កូ​វីដ​-១៩​។​

២. តារា​កំប្លែង​កញ្ញា ស្រី ពីន ​បានជួបទុក្ខធំ និង​ក្រៀម​ក្រំ​កាលពី​ថ្ងៃ​ទី​២៣​ ខែមីនា ឆ្នាំ​២០២១​ ខណៈ​អ្នកម្ដាយ​ជាទី​ស្រឡាញ់​របស់​នាង​ បាន​ទទួល​មរណភាព​ ក្នុង​ជន្មាយុ​៦២ឆ្នាំ​ ដោយសារ ជំងឺកូវីដ-១៩។

៣. តារា​សម្ដែង វ៉ាង ស្រីណូ បានជួបទុក្ខយ៉ាងក្រៀម​ក្រំ​ជាទីបំផុត​ ព្រោះ​លោក​ឪពុក​ជាទី​ស្រឡាញ់​ បាន​ទទួលមរណភាព កាលពីយប់ថ្ងៃទី០១​ ខែមេសា ឆ្នាំ២០២១​ ដោយ​រោគាពាធ​។​

៤. ​តារា​សម្ដែង​កញ្ញា​ គៀត សុវណ្ណា​ឡាង បានជួបទុក្ខ​ធំ​ដូចគ្នា​ ខណៈលោកឪពុកជាទីស្រឡាញ់ បាន​ទទួល​មរណភាព​ កាលពី​ថ្ងៃ​ទី​៣០​ ខែ​មេសា ​ឆ្នាំ​២០២១ ​ក្នុងជន្មាយុ៥០ឆ្នាំ ដោយលោក​ឪពុក របស់នាង ​មាន​ជំងឺកៀបសរសៃឆ្អឹងខ្នង​។​

៥. តារាចម្រៀង​ប្រុស​លោក ឆន សុវណ្ណ​រាជ ក៏បាន​ជួប​ទុក្ខ​ធំ​ក្នុង​គ្រួសារ​ដូចគ្នា ​ខណៈអ្នក​ម្តាយ​ជាទី​ស្រលាញ់​ បានទទួល​មរណភាព​ កាលពី​ថ្ងៃ​ទី​២៣ ​ខែឧសភា ​ឆ្នាំ​២០២១​។​ បើ​តាម​ការបញ្ជាក់​ម្តាយ​របស់​តារា​ចម្រៀង​លោក ឆន សុវណ្ណ​រាជ​បាន​ទទួល​មរណភាព ​ដោយសារ​ជំងឺលើសឈាម​និង​គាំងបេះដូង​។​

​ជា​ការ​កត់សម្គាល់​តាម​រយៈ​ដំណឹង​នៃ​មរណទុក្ខ​ដ៏​ក្រៀមក្រំ​នេះ ​គេ​ឃើញ​មាន​មិត្តភក្តិ​សិល្បៈ ដែល​ស្និទ្ធ​ជាមួយ​តារា​ចម្រៀង​និង​សម្តែង​ប្រុស​-​ស្រី​ល្បីៗ​ទាំងនោះ បាន​សម្តែង​ការចូលរួម​រំលែក​ទុក្ខ​ដ៏​សោកសៅ​និង​ក្រៀមក្រំ​នេះ​គ្រ​ប់ៗ​គ្នា​ផង​ដែរ​៕

អត្ថបទ៖ ចាន់​រ៉ា

សូមចុចអាន៖ ​មក​ស្គាល់​ថៅកែ​ម្ចាស់​សណ្ឋាគារ​សមុទ្រមាស ដែល​ដាក់​បង្កប់​កាមេរ៉ា​ក្នុង​បន្ទប់​សណ្ឋាគារ​នៅ​ព្រះសីហនុ

The post តារា​ប្រុស​-​ស្រី​ល្បីៗ​៥​រូប ​ជួប​ទុក្ខ​ធំ​អំឡុង​ជំងឺ​កូ​វីដ​រាតត្បាត​ appeared first on Kampuchea Thmey Daily.

​ជាមួយគ្នានេះដែរ​គេ​ក៏​សង្កេតឃើញ​មាន​តារា​ប្រុស -​ស្រី​ល្បីៗ​ដូចជា​:​កំពូល​តារាចម្រៀង​លោក ព្រាប​សុវត្ថិ ដែលជា​រៀមច្បង​និង​ជា​អតីត​រួម​ទ្រនំ​តារា​ហង្ស​មាស ,​អ្នកនាង សុគន្ធ នីសា ,​អ្នកនាង ឱក សុគន្ធ​កញ្ញា ,​អ្នកនាង ចាន់ កែវ​និមល និង​តារា​ប្រុស​ស្រី​ជាច្រើន​ទៀតផង​ដែរ​។

សូម​បញ្ជាក់​ថា ​កាលពី​ថ្ងៃទី​២៣​ខែឧសភា​ឆ្នាំ​២០២១​ម្សិលមិញ​នេះ ​លោក ឆន សុវណ្ណ​រាជ បា​ន​បង្ហោះ​រូបថត​ក្នុង​ពិធី​បុណ្យសព​ម្ដាយ​អម​ដោយ​សារ​ទៀត​ថា ​”​ខ្ញុំបាទ និង​ក្រុមគ្រួសារ មានទុក្ខ​ជា​ទម្ងន់ ដោយសារ​ម្ដាយ​ជាទី​ស្រលាញ់​របស់ខ្ញុំ​បាន​លាចាក​លោក​ទៅកាន់​ទីឋាន​បរមសុខ​កាលពី​យប់មិញ​”​។

​ដូច្នេះ​ខ្ញុំបាទ និង​ក្រុម​គ្រួសារ​ទាំងមូល​បាន​រៀបចំ​ពិធីបុណ្យ​សព​នៅ​គេហដ្ឋាន​ដែល​មាន​ទីតាំង​ផ្ទះ លេខ 59E0 ផ្លូវលំ​លេខ 5​ភូមិ​ទួល​សំពៅ​សង្កាត់​ទួល​សង្កែ​១​ខណ្ឌឫស្សីកែវ រាជធានី​ភ្នំពេញ​។​ បើ​តាម​ការ​បញ្ជាក់​ម្តាយ​របស់​តារាចម្រៀង​លោក ឆន សុវណ្ណ​រាជ បាន​ទទួល​មរណភាព​ដោយសារ​ជំងឺ លើសឈាម​និង​គាំងបេះដូង​៕

ដោយ ៖ ចាន់​រ៉ា

The post តារា​ល្បីៗ​ផ្ញើ​សារ​រំលែក​ទុក្ខ​ចំពោះ​គ្រួសារ​លោក ឆន សុវណ្ណ​រាជ appeared first on Kampuchea Thmey Daily.