ជីវិតកម្សាន្ដ

ឆន សុវណ្ណារាជ និង ឈិន ម៉ានិច្ច ហោះមកកម្ពុជាវិញតាមការកំណត់

បានផុស

៧ នាទី មុន

នៅ

ថ្ងៃពុធ ១៥ វិច្ឆិកា ២០២៣

ដោយ

គេចាំបានថាតារាចម្រៀងប្រុសរៀមច្បងលោក ឆន សុវណ្ណារាជ កាលពីថ្មីៗកន្លងទៅបានដឹកដៃតារាចម្រៀង ឈិន ម៉ានិច្ច ចេញទៅច្រៀង និងសម្ដែងនៅក្រៅប្រទេសយ៉ាងភ្ញាក់ផ្អើល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីចេញទៅច្រៀង និងសម្តែងនៅលើទឹកដីប្រទេសកាណាដារយៈពេលជាង ១ខែ ទីបំផុតតារាចម្រៀង ឆន សុវណ្ណារាជ និងតារាស្រីកញ្ញា ឈិន ម៉ានិច្ច បានដល់ពេលវេលាកំណត់ឡើងយន្តហោះត្រឡប់មកទឹកដីប្រទេសកំណើតកម្ពុជាវិញហើយ។

នៅលើទំព័រហ្វេសប៊ុករបស់តារាចម្រៀងចាស់វស្សាគឺលោក ឆន សុវណ្ណារាជ នៅថ្ងៃទី១៤ ខែវិច្ឆិកា ឆ្នាំ២០២៣នេះ បានបញ្ជាក់ពីការវិលត្រឡប់ដោយខ្លីថាលាហើយ កាណាដា អរគុណគ្រប់យ៉ាង ជួបគ្នាលើកក្រោយណាជួបគ្នាឆាប់ៗកម្ពុជាជាទីស្នេហា។ ចំណែកឯតារាស្រី ឈិន ម៉ានិច្ច ក៏បានឲ្យដឹងដែរថា អរគុណបងៗ សម្រាប់ការទទួលយ៉ាងកក់ក្តៅរយៈពេល ១ខែ ១០ថ្ងៃ- ហោះទៅកម្ពុជាវិញហើយ។

គួររម្លឹកថាដំណើរចេញទៅក្រៅប្រទេសពីសំណាក់តារាចម្រៀងលោក ឆន សុវណ្ណារាជ និងតារាវ័យក្មេង ឈិន ម៉ានិច្ច ហោះទៅក្រៅប្រទេសកាលថ្មីៗនោះបានធ្វើឲ្យមហាជនមានការចាប់អារម្មណ៍គ្រប់គ្នា។ បើតាមការបញ្ជាក់ពីលោក ឆន សុវណ្ណារាជ បានឲ្យដឹងថា ការចេញទៅលើកនេះគឺលោកនិងម៉ានិច្ច មានបេសកម្មច្រៀង -សម្តែងនៅទឹកដីប្រទេសកាណាដា។

តារាចម្រៀងលោក ឆន សុវណ្ណារាជ ធ្លាប់បានបញ្ជាក់ដែរថា ការចេញទៅនេះ គឺប្រើពេល ១ខែកន្លះដើម្បីស្នាក់នៅច្រៀងទីនោះ។ យ៉ាងមិញពេលនេះការស្នាក់នៅរបស់អ្នកទាំងពីរបានដល់ពេលកំណត់ និងបានឡើងយន្តហោះត្រឡប់មកកម្ពុជាវិញហើយនាថ្ងៃ១៤ ខែវិច្ឆិកា នេះ៕

អត្ថបទ៖ ចាន់រ៉ា