ជីវិតកម្សាន្ដ
ឆន សុវណ្ណរាជ តារាចម្រៀងពេញដោយសមត្ថភាពមានមុខស្ទើរគ្រប់កម្មវិធីធំៗ
លោក ឆន សុវណ្ណរាជ តារាចម្រៀងសំឡេងផ្អែមប្រុសជួរមុខប្រចាំផលិតកម្មរស្មីហង្សមាស ជារឿយៗលោកមិនដែលបាត់មុខពីកម្មវិធីធំៗរបស់ផលិតកម្មហង្សមាសសោះ គឺតែតែងតែលេចមុខជាញឹកញាប់រហូតមក។

លោក ឆន សុវណ្ណរាជ បានឈានជើងចូលវិស័យសិល្បៈនៅឆ្នាំ ២០០៥ ដល់ ឆ្នាំ ២០០៧ ជាមួយផលិតកម្ម U2 ដែលជាបក្សសម្ព័ន្ធជាមួយផលិតកម្ម ចេនឡាប្រាដឺ។ ក្រោមការជ្រកកោនជាមួយផលិតកម្មនោះលោកក៏បានចេញបទចម្រៀងជាលើកដំបូងគឺបទ វេលាទឹកភ្នែក ស្រាប់តែនៅឆ្នាំ ២០០៧ លោកក៏បានលេចមុខនៅក្នុងផលិតហង្សមាសជាមួយបទចម្រៀង នឹកពៅនៅកន្លែងចាស់ ដែលអ្នកគាំទ្រពេញចិត្តជាមួយសំឡេងដ៏ផ្អែមអមជាមួយរូបសម្រស់ដ៏ស្រស់សង្ហាររបស់លោក។



ក្រោយចូលផលិតកម្មហង្សមាស ឆន សុវណ្ណរាជ ហាក់មានសម្ទុះគាំទ្រកាន់តែខ្លាំង ជាមួយបទចម្រៀងជាច្រើនដូចជា ទីក្រុងគ្មានមេឃ អង្វរព្រះ យំប្រាប់មេឃ គង់មានថ្ងៃអូនដឹងខ្លួន ធម្មជាតិស្ងៀមឈឹង និងបទពិរោះៗជាច្រើនទៀត។ ទន្ទឹមនឹងទទួលបានការគាំទ្រលើវិស័យចម្រៀង នៅឆ្នាំ ២០១៧ លោកក៏បានក្លាយទៅជាតួឯកប្រុសនៅក្នុងរឿង សិសិររដូវក្នុងបេះដូង ជាមួយអ្នកនាង សុគន្ធ នីសា ដែលធ្វើឲ្យទស្សនិជនលើកសរសើរមិនដាច់ពីមាត់ពីការសម្ដែងរបស់លោក។


បើនិយាយពីវិស័យចម្រៀងវិញ តារាចម្រៀងសំឡេងផ្អែមរូបនេះក៏បានឆក់ចិត្តអ្នកគាំទ្រជាច្រើនឲ្យអន្លង់អន្លោចទៅតាមបទចម្រៀងនោះផងដែរ។ លើសពីនោះ លោកក៏លេចមុខជាញឹកញាប់នៅក្នុងកម្មវិធីធំៗនៅក្នុងផលិតកម្មហង្សមាសដោយលោកបានក្លាយទៅជាគណៈកម្មាការជាច្រើនដូចជា The Voice Cambodia ៣ រដូវកាល, Cambodia Idols ៤ រដូវកាល, The Voice Kids ១ រដូវកាល, Beat The Best ១ រដូវកាល។

គួររំលឹកថា លោក ឆន សុវណ្ណរាជ ជាកូនទី៣ ក្នុងចំណោមបងប្អូន ៨នាក់ មកពីគ្រួសារក្នុងជីវភាពមធ្យម និងមានស្រុកកំណើតនៅខេត្តកំពង់ស្ពឺ ហើយលោកក៏បានបញ្ចប់ការសិក្សាថ្នាក់បរិញ្ញាប័ត្រផ្នែកគណនេយ្យ នៅសាកលវិទ្យាល័យបៀលប្រាយ (BBU) ផងដែរ៕
អត្ថបទ៖ ផានិត

-
ព័ត៌មានអន្ដរជាតិ៤ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៦ ថ្ងៃ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ២ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ២ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានជាតិ៦ ថ្ងៃ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៥ ថ្ងៃ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ២ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ