ជីវិតកម្សាន្ដ

ឆន សុវណ្ណារាជ ដឹកដៃ ឈិន ម៉ានិច្ច ហោះទៅក្រៅប្រទេសលើកដំបូង

បានផុស

១ ខែ មុន

នៅ

ថ្ងៃពុធ ៤ តុលា ២០២៣

ដោយ

ទើបតែបញ្ចប់បេសកកម្មជាគណ:កម្មការនៃកម្មវិធីប្រឡងចម្រៀងលំដាប់ថ្នាក់ពិភពលោកមិនទាន់បានប៉ុន្មានផងស្រាប់តែមានដំណឹងថា តារាចម្រៀងលោក ឆន សុវណ្ណារាជ ដឹកដៃតារាចម្រៀងស្រី ឈិន ម៉ានិច្ច ចេញទៅក្រៅប្រទេសយ៉ាងភ្ញាក់ផ្អើល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរចេញទៅក្រៅប្រទេសពីសំណាក់តារាចម្រៀងលោក ឆន សុវណ្ណារាជ និងតារាវ័យក្មេង ឈិន ម៉ានិ ច្ច បានធ្វើឲ្យមហាជនមានការចាប់អារម្មណ៍គ្រប់គ្នា។ បើតាមការបញ្ជាក់ពីលោក ឆន សុវណ្ណារាជ បានឲ្យដឹងថា ការចេញទៅលើនេះគឺ លោក និង ម៉ានិច្ច មានបេសកកម្មច្រៀង-សម្តែងនៅក្នុងកម្មវិធីមួយនាទឹកដីប្រទេសកាណាដា។

តារាចម្រៀងលោក ឆន សុវណ្ណារាជ បញ្ជាក់ថាការចេញទៅនេះ គឺ ប្រើពេល ១ ខែកន្លះ ដើម្បីស្នាក់នៅ និងច្រៀងទីនោះ។ នៅទំព័រហ្វេសប៊ុកលោក ឆន សុវណ្ណារាជ បានឲ្យដឹងដែរថា «បេសកកម្មបន្ទាប់របស់ខ្ញុំ ខ្ញុំបាទ ឆន សុវណ្ណារាជ និងប្អូនស្រីឈិន ម៉ានិច្ច នឹងមានTour Concert នៅប្រទេសកាណាដារយៈពេល មួយខែកន្លះ ចាប់ពីដើមខែតុលា នេះតទៅ ចាំជួបគ្នាណាអ្នកកាណាដា តាមschedule ដែលយើងខ្ញុំបានកំណត់»។

លោក ឆន សុវណ្ណារាជ និយាយទៀតថា «លាមួយរយៈ ពេលសិនហើយកម្ពុជាទឹកដីកំណើតដែនដីសុវណ្ណភូមិ ជួបគ្នាឆាប់ៗនេះប្រទេសកាណាដា»។

សុវណ្ណារាជ បន្ថែមថា «ជំរាបសួរបងប្អូនទាំងអស់គ្នា Show លើកទី១ របស់យើងខ្ញុំនៅ Montreal ប្រទេសកាណាដានៅថ្ងៃទី០៧ ខែតុលា នេះចាំ ជួបគ្នាទាំងអស់គ្នាណា។ យ៉ាង ណាក្នុងដំណើរចេញទៅនេះគេក៏ឃើញមានអ្នកគាំទ្រមួយចំនួនបានទៅជូនដំណើរលោកដល់ព្រលានយន្តហោះផងដែរ៕

អត្ថបទ៖ ចាន់រ៉ា