ជីវិតកម្សាន្ដ

ឆន សុវណ្ណារាជ បកស្រាយទៅកាន់អ្នកគាំទ្រក្រោយមានការយល់ច្រឡំលើរឿងនេះ

បានផុស

៤ years មុន

នៅ

ថ្ងៃសុក្រ ៣ មិថុនា ២០២២

ដោយ

ភ្នំពេញ ៖ គេកត់សម្គាល់ឃើញថា អំឡុងពេលប៉ុន្មានថ្ងៃនេះសម្លេងនៃការរិះគន់លើតារាចម្រៀងឆន សុវណ្ណារាជ គឺបានកើនឡើងដោយឥតឈប់ឈរប្រៀបដូចជាទឹកបាក់ទំនប់បន្ទាប់ពីលោកបង្ហោះសារមួយចំពេលដែលកាលៈទេសៈមិនអំណោយផលពោលគឺកើតឡើងព្រមគ្នាជាមួយរឿងឆ្លើយNOចំពោះ បេក្ខជន ទុំ រដ្ឋា ហៅ ទុំ សុវត្ថិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែខ្លឹមសារនៃការបង្ហោះរបស់លោក ឆន សុវណ្ណារាជ នេះហើយទើបភ្លាមៗនោះហាក់កើនកំដៅខ្លាំងឡើងថែមទៀតក្រោយហេតុផលថាតារាប្រុសរូបនេះមានចេតនារិះគន់វាយបកទៅកាន់មហាជននិងអ្នកគាំទ្រខ្លួន។ ប៉ុន្តែយ៉ាងណាមិញលោកឆន សុវណ្ណារាជ ក៏បានធ្វើការបកស្រាយទៅមហាជនវិញថា លោកមិនមានបំណងណាមួយដើម្បីរិះគន់ឬចង់វាយប្រហារសំដៅលើអ្នកគាំទ្រលោកទេ។

លោក ឆន សុវណ្ណារាជ ធ្វើការបកស្រាយតាមរយៈការខំមិនក្រោមផុសភ្លាមៗនោះថា«ជូនដល់មនុស្សជាទីស្រលាញ់ខ្ញុំតែងតែសរសេរពាក្យនេះរហូតរឿងខួរក្បាលខ្ញុំមិនមែនធុងសំរាមតាមសង្ឃដីការបស់លោកគ្រូ គូ សុភាពមិនមែនថាឲ្យបងប្អូនទេ សរសេរមករហូតហើយការសរសេរមួយនេះគឺចង់ប្រាប់ពីហេតុផលដែលខ្ញុំឡាយសុខៗក៏បាត់ខ្លួន ដោយសារចាញ់ក្លិនធុរេនម្តេចក៏បានជាទៅថាខ្ញុំថាឲ្យបងប្អូនទៅវិញសូមមេត្តាយល់ក្នុងផ្លូវល្អផង»។

ដោយឡែកក្រោយពេលការបង្ហោះសារនោះគឺប៉ុន្មានម៉ោងក្រោយមកទៀតស្រាប់តែគេឃើញលោកឆន សុវណ្ណរាជ ក៏បានសម្រេចលុបសារនេះចោលវិញហើយចេញឡាយវីដេអូធ្វើការបកស្រាយថាការលុបនេះដោយសារតែកុំឲ្យមានការយល់ច្រឡំបន្ថែមទៀតលើរូបលោកដោយសារកន្លងមកលោកតែងតែប្រើប្រាស់ពាក្យនេះហើយទុកថាជាថ្ងៃមិនល្អរបស់លោកទៅចុះ។ ម្យ៉ាងទៀតលោកថាបើសិនលោកធ្វើខុសគឺសូមទោសមហាជន។

ទាក់ទងនឹងការប្រឡងកម្មវិធីCambodian Idol តារាចម្រៀងលោក ឆន សុវណ្ណារាជ បានបញ្ជាក់ថាលោកសូមមិនធ្វើការបកស្រាយអ្វីទាំងអស់ហើយ សម្រាប់ការរិះគន់ចំពោះការសម្រេចចិត្តរបស់លោកទៅលើបេក្ខជន ទុំ សុវត្ថិ ក៏លោកមិនធ្វើការបកស្រាយអ្វីនោះទេ ព្រោះលោកគឺជាមនុស្សសាធារណៈដូច្នេះមហាជនមានសិទ្ធិរិះគន់ ប៉ុន្តែលោកមិនធ្វើការនិយាយពាក់ព័ន្ធនឹងការសម្រេចចិត្តនេះទេ។

លោកថា រឿងដែលលោកធ្វើការបកស្រាយនោះ គឺពាក់ព័ន្ធនឹងការបង្ហោះសាររបស់លោកគឺគ្មានចេតនាថាឲ្យបងប្អូនអ្នកគាំទ្រនោះទេ៕

ដោយ ៖ ចាន់រ៉ា