អតីតតារាម៉ូដែល Daphne Selfe ជឿជាក់ថា សកម្មភាពជាក់ស្តែងមួយចំនួន ដូចជាការញ៉ាំត្រឹមត្រូវ និងការធ្វើលំហាត់ប្រាណ បានជួយឲ្យនាងមានសុខភាពល្អ ដើម្បីបន្តការងារក្នុងអាជីពក្នុងរយៈពេលជាច្រើនឆ្នាំកន្លងមកនេះ។ ប៉ុន្តែក៏មានចំណុចគួរឲ្យចាប់អារម្មណ៍មួយចំនួន ដែលរួមចំណែកដល់ការធ្វើដំណើររបស់នាងក្នុងការរក្សាភាពរឹងមាំ។

យោងតាម The People បានដកស្រង់សម្ដីរបស់តារាម៉ួដែលវ័យចាស់រូបនេះថា ម្តងម្កាលគាត់ចូលចិត្តស្រាសំប៉ាញមួយកែវ។ ប្រសិនបើវាជាថ្ងៃកំណើតរបស់នរណាម្នាក់ ឬថ្ងៃកំណើតរបស់គាត់ជាដើម។

Daphne Selfe សារភាពថា​​ តែងតែញ៉ាំបានល្អ មិនចាំបាច់តមអាហារ។ ទោះជាយ៉ាងណាក៏ដោយ ការធំឡើងក្នុងសម័យសង្រ្គាមបានបង្ខំនាងឲ្យកំណត់ការទទួលទានអាហារ។ Selfe បាននិយាយថា នាងមិនដែលខ្វល់ខ្វាយពីទម្ងន់របស់នាងឡើយ ប៉ុន្តែសំណាងល្អនាងចូលចិត្តញ៉ាំអាហារដែលមានសុខភាពល្អ។

ដើម្បីរក្សាស្បែកឲ្យស្ថិតក្នុងស្ថានភាពល្អបំផុត អ្នកស្រី Daphne Selfe ប្រើតែផលិតផលពេញនិយមប៉ុណ្ណោះ។ នាង​បាន​កំណត់​ច្បាប់​បង្ខំ​ខ្លួន​ឯងឲ្យស្រូប​យក​វីតាមីន D ឲ្យបាន​ច្រើន ដោយ​ចេញ​ទៅ​ក្រៅ​ជា​ញឹក​ញាប់ ហើយ​តែងតែ​រីករាយ​នៅ​ក្រៅ​ផ្ទះ។​ អតីត​តារា​បង្ហាញ​ម៉ូដ​រូប​នេះ​បាន​សារភាព​ថា នាង​រក្សា​ថាមពល​វិជ្ជមាន​ដោយ​សារ​ការ​ស្រឡាញ់​សត្វ និង​ការ​ជប់លៀង​ម្តងម្កាល៕

អត្ថបទ៖ សាង ស្រីល័ក្ខ

ចុចអាន៖Li Ziqi បញ្ឆេះភាពចម្រូងចម្រាស ក្រោយប្រាប់ដំបូន្មានប្រឆាំងនឹងការក្លាយជាអ្នកដឹកនាំ

The post តារាម៉ូដែលចាស់ជាងគេលើលោក ប្រាប់គន្លឹះនាំឲ្យសុភាពល្អ នៅតែរឹងមាំ appeared first on Kampuchea Thmey Daily.

ត្បិតថា​ស្ថិត​ក្នុង​អាជីពជាង ៥០ ឆ្នាំក៏ដោយ អ្នកស្រី Maye Musk នៅតែជាម៉ូដែលប្រឆាំងនឹងពេលវេលា។ ភាព​រហ័សរហួន​និងស្វាហាប់ និងមាន​ស្បែកស្អាត បាន​បង្ហាញឲ្យ​ឃើញ​បន្ថែម​ទៀត​នូវពាក្យថា “អាយុគ្រាន់​តែ​ជាតួរលេខ”។

មិនត្រឹមតែជាតារាម៉ូដែល​ដែលមានបទពិសោធន៍ជាច្រើនឆ្នាំ Maye Musk ក៏ជាអ្នកនិពន្ធ និងជា​អ្នក​ជំនាញ​អាហារូបត្ថម្ភ​ផងដែរ។ ប្រហែលជាដោយសារហេតុនេះហើយ ទើបតារាម៉ូដែល​រូប​នេះ តែងតែ​ចេះ​កែសម្រួល​របបអាហារ​របស់​នាង ទើបសម​ហេតុផលដើម្បី​ជួយ​រក្សា​សម្រស់ និង​រាង​ដោយ​មិន​ប៉ះពាល់​ដល់​សុ​ខភាព។

កត្តា​សំខាន់​បំផុតដើម្បីរក្សាស្បែកដោយមិនចាស់ ឬខ្មៅ ជាំ អាចម៍រុយ គឺត្រូវមាន​ការ​ការពារ​កម្ដៅ​ថ្ងៃ​គ្រប់គ្រាន់។ នេះ​ក៏​ត្រូវ​បាន​អ្នក​ជំនាញ​ជា​ច្រើន​ទទួល​ស្គាល់ និង​ណែនាំ​ឲ្យ​​ប្រើ​ឡេ​ការពារ​កម្ដៅ​ថ្ងៃ ជា​ពិសេស​ពេល​ត្រូវ​កម្ដៅ​ថ្ងៃ​ច្រើន។​ បន្ថែម​ពីលើការការពារកម្តៅថ្ងៃជាទៀងទាត់ ការ​លុប​គ្រឿងសម្អាង និង​ការសម្អាតស្បែក​យ៉ាងជ្រៅ​ក៏​ជា​ជំហាន​ដ៏​សំខាន់​បំផុត​ផងដែរ។ ជំហាន​នេះ​នឹង​ជួយ​ឲ្យ​ស្បែក​កម្ចាត់​ធូលី​ដី ក្រែម​លាប​មាត់​ដែល​នៅ​ជាប់​ស្បែក​ពេញ​មួយថ្ងៃ។

លើសពីនេះទៀត ដើម្បីអាចស្លៀកសំលៀកបំពាក់​ដ៏​ប្រណិត​បែបនេះ Maye Musk ត្រូវ​អនុវត្ត​របបអាហារ​បែប​វិទ្យាសាស្ត្រ ប៉ុន្តែមិនចាំបាច់តមអាហារច្រើនពេកទេ។ ចាប់តាំងពីអាជីពជាតារាបង្ហាញម៉ូដដំបូងមក ម្តាយរបស់មហាសេដ្ឋី Elon Musk ដឹងពីរបៀបជ្រើសរើស​អាហារដើម្បីទទួលទានតាមបែបវិទ្យាសាស្ត្រ។ ជាពិសេស អ្នកស្រី Maye Musk ប្រឆាំង​យ៉ាងខ្លាំងចំពោះការរំលងអាហារ ផ្ទុយទៅវិញអ្នកស្រីជ្រើសរើសជាអ្នកបួស ហើយ​ម្តងម្កាល​នៅតែបរិភោគត្រី ហើយ​សំខាន់បំផុតគឺស្តាប់រាងកាយ៕

ប្រែសម្រួល៖ សាង ស្រីល័ក្ខ

ចុចអាន៖The Weeknd សរសើរចំពោះការសម្តែងរបស់ Jennie និង Lily-Rose Depp ក្នុងរឿង “The Idol”

The post ម្ដាយមហាសេដ្ឋី Elon Musk នៅតែជាកំពូលតារាម៉ូដែលប្រជែងសម្រស់ជាមួយរលកក្រោយ appeared first on Kampuchea Thmey Daily.

យោងតាមគណនីដែលបង្ហាញដោយ Daily Mail កាលពីថ្ងៃសុក្រ ថ្ងៃទី២៥ ខែវិច្ឆិកា សប្ដាហ៍មុន បានបង្ហាញថា តារា​ស្រីវ័យ ៣០ឆ្នាំ​រូប​នេះបានកើនឡើងតម្លៃនៃក្រុមហ៊ុនរបស់នាង កាលពីនៅឆ្នាំ២០២១ ដែលកាលណោះទ្រព្យសម្បត្តិរបស់នាងមានត្រឹមតែ ២៨លានដុល្លារប៉ុណ្ណោះ ប៉ុន្តែបច្ចុប្បន្ននាងបានក្លាយជាតារាបង្ហាញម៉ូដដែលរកចំណូលខ្ពស់បំផុតរបស់ចក្រភពអង់គ្លេស ហើយទ្រព្យសម្បត្តិរបស់នាងបានកើនលើស ៥៥លានដុល្លាអាមេរិករ។

គួរបញ្ជាក់ថា Cara Delevingne ជាតារាម៉ូឌែល តារាចម្រៀង និងជាអ្នកសម្តែងដ៏ល្បីល្បាញលំដាប់ទី៣ នៅលើពិភពលោក។ ចាប់តាំងពីបង្ហាញខ្លួនលើកដំបូង នៅអាយុ ១០ឆ្នាំ នាងបានចូលរួមជាមួយនៅក្នុងកម្មវិធីម៉ូដធំៗជាច្រើនដូចជា Dolce & Gabbana, Burberry, Mulberry និង Jason Wu និងធ្លាប់ជាប់ចំណាត់ថ្នាក់ទី១៣ ក្នុងបញ្ជីស្ត្រីដែលគួរឱ្យស្រឡាញ់បំផុតរបស់ AskMen ៕

ប្រែសម្រួល៖ សន្យា

ចុចអាន៖ Cara ដោះអាវកណ្ដាលហ្វូង ​ផ្អើលកម្មវិធី Met Gala ឆ្នាំនេះ

ចុចអាន៖ ដឹងតម្លៃសំបុត្រចូលមើលការប្រគុំតន្ត្រីរបស់ Taylor Swift ហើយ មហាជនចំហមាត់ធ្លុង

The post ដឹងចំណូលប្រចាំថ្ងៃរបស់កំពូលតារាបង្ហាញម៉ូដ Cara ម្នាក់ៗសឹងដាច់ផ្ងារ appeared first on Kampuchea Thmey Daily.

ប្រទេសម៉ិកស៊ិក មិនដែលឈានដល់វគ្គ ១ភាគ៤ ផ្តាច់ព្រ័ត្រទេ ក្នុងការប្រកួត World Cup ចាប់តាំងពីឆ្នាំ ១៩៨៦មក ហើយ Wanda ត្រូវបានគេសួរថា តើនាងមានអ្វីលើកទឹកចិត្តដល់ Ochoa ទេ ក្នុងព្រឹត្តិការណ៍បាល់ទាត់ពិភពលោក នៅប្រទេសកាតា ក្នុងឆ្នាំ២០២២នេះ?

Wanda ដែលមានអ្នក Follow លើ Instagram ដល់ទៅ១.១លាននាក់ បានឆ្លើយតបថា នាងនឹងទៅជួបអ្នកចាំទីម៉ិកស៊ិកដោយផ្ទាល់ ហើយប្រគល់ខ្លួនទៅឲ្យរូបគេ បើសិនជាក្រុមជម្រើសជាតិក្លាយជាជើងឯក World Cup។

Ochoa គឺ​ជាតារាគួរឲ្យចាប់អារម្មណ៍ក្នុងព្រឹត្តិការណ៍​បាល់ទាត់​ពិភពលោកនាពេលកន្លងមក ដោយគាត់បានទម្រង់ដ៏ល្អឲ្យជម្រើសជាតិម៉ិកស៊ិក ក្នុង​ឆ្នាំ២០១៤និង២០១៨។

គួរបញ្ជាក់ថា Ochoa បានបង្ហាញខ្លួនលើកដំបូងឲ្យក្រុមជម្រើសជាតិម៉ិកស៊ិកក្នុងឆ្នាំ២០០៥៕

ប្រែសម្រួល៖ Vann Vann

ប្រភព៖ SUN

ចុចអាន៖ អ្នកគាំទ្រ បារាំងនិងអូស្រ្តាលី វាយគ្នាប្រាវ ក្រោយចប់ការប្រកួត

The post តារាម៉ូដែលរូបស្រស់ សន្យាប្រគល់ខ្លួនឲ្យកីឡាករម៉ិកស៊ិក បើឈ្នះ World Cup appeared first on Kampuchea Thmey Daily.

Khloe Kardashian បានសារភាពត្រង់ៗដោយឥតលាក់លៀមថា នាងសញ្ជឹងគិតអំពីការធ្វើឱ្យដើមទ្រូងធំ សឹងតែគ្រប់ពេល។ នាងថា ទោះពេលកន្លងមកនាងធ្លាប់ពាក់អាវកល់ដើមទ្រូង ប៉ុន្តែ​នាងនៅតែមិនពេញចិត្ត។ ម្យ៉ាងនាងមានបំណងកែកុនដើមទ្រូង ព្រោះចង់ស្លៀក​ឈុត​ប៊ីគីនី ដែលពោរពេញដោយទំនុកចិត្ត។

យ៉ាងណាក្ដី បំណងរបស់ Khloe Kardashian គ្រាន់តែជាពាក្យព្រលយរបស់នាងប៉ុណ្ណោះ ​ចំណែកការពិតជាក់ស្ដែងបែបណា នៅមិនទាន់ប្រកាសនោះទេ៕

ប្រែសម្រួល៖ សន្យា

ចុចអាន៖ ព្យាយាមលាក់បាំងជិតមួយឆ្នាំ ពេលនេះ Billie Eilish ព្រមបង្ហាញមុខមិត្តប្រុសជាសាធារណៈ

The post Khloe Kardashian សារភាពចង់កែដើមទ្រូង ដើម្បីវ៉ាផ្ដាច់បងប្អូនស្រីរបស់ខ្លួន appeared first on Kampuchea Thmey Daily.

ថ្ងៃនេះ កម្ពុជាថ្មី នឹងលើកយកអាថ៍កំបាំង ៣ យ៉ាងរបស់ Kendall Jenner ដែលនាងប្រើក្នុងការការសម្រកទម្ងន់ជាប្រចាំ ហើយសុភាពនារីដែលចង់បានរាងស្អាតដូចនាង អាចសាកល្បងអនុវត្តវា ដោយពុំចាំបាច់វះកាត់នោះទេ​!

១. ផឹកតែបន្សាបជាតិពុល ជារៀងរាល់ព្រឹក

អាថ៌កំបាំងនៃការសម្រកទម្ងន់របស់ Kendall Jenner មិនសូវជាខុសឆ្ងាយពីទម្លាប់សម្រកទម្ងន់របស់តារាល្បីៗដទៃទៀតឡើយ។ ជារៀងរាល់ព្រឹក នាងផ្តោតលើការផឹកតែ detox ព្រោះវាជួយកម្ចាត់កាកសំណល់ចេញពីខ្លួន មិនថាជាសារធាតុពុល និងអតិសុខុមប្រាណផ្សេងៗក្នុងរាងកាយនោះទេ។ លើសពីនេះការផឹកតែ detox ក៏ជួយកាត់បន្ថយការឃ្លានរយៈពេល ៤-៦ ម៉ោង ហើយក៏អាចប្រើជំនួសកាហ្វេបានផងដែរ។ ហើយពេលខ្លះ Kendall Jenner ផឹកតែ detox ដល់ទៅ ១២ពែងក្នុងមួយថ្ងៃឯណោះ។

២. រៀបចំកាលវិភាគទទួលទានប្រចាំថ្ងៃ

Kendall Jenner ជាមនុស្សមានច្បាស់លាស់ណាស់ ​លើរបបអាហារប្រចាំថ្ងៃរបស់នាង។ តារាស្រីរូបនេះទទួលទាន​អាហារ​យ៉ាងទៀងទាត់ មិនមានការតមនោះទេ។ ជា​រៀង​រាល់​ថ្ងៃ​ នាងញ៉ាំអាហារ​ចម្បង​ ៣ពេល និង​អាហារ​សម្រន់​ម្ដង​។ នៅក្នុងនោះអាហារពេលព្រឹក នាង​ជ្រើសរើស​ញ៉ាំ​ផ្លែ​បឺរ​ ​ជាមួយ​ស៊ុត ឬញ៉ាំទឹកដោះគោជូរជាមួយផ្លែឈើស្រស់។ សម្រាប់​អាហារ​ថ្ងៃត្រង់ Kendall ជ្រើសរើសញ៉ាំអង្ករសំរូប និងមាន់ដុត រួមជាមួយនឹងបន្លែសាឡាដ។ សម្រាប់​អាហារ​ពេល​ល្ងាចវិញ នាង​នឹង​ញ៉ាំ​ស៊ូស៊ី ស្ប៉ាហ្គាទី គ្រាប់​ធញ្ញជាតិ ឬ​ឈីស parmesan ជាមួយ​អំបិល និង​ម្រេច។ ចំណែកអាហារសម្រន់វិញ នាងរើសញ៉ាំវាចន្លោះអាហារថ្ងៃត្រង់ និងអាហារពេលល្ងាច ដោយនាងតែងតែផឹកទឹកផ្លែឈើ ឬញ៉ាំគ្រាប់អាល់ម៉ុន។

៣. ធ្វើលំហាត់ប្រាណទៀងទាត់

គ្រប់គ្នាដែលចង់រក្សារាងស្អាត និងស្បែកចាំល្អ ​ពិតជាមិនអាចព្រងើយកន្តើយនឹងការហាត់ប្រាណឡើយ។ Kendall តែងតែ​ផ្តល់​អាទិភាព​ដល់​ការ​ហាត់ប្រាណ​ជា​ប្រចាំ ទើបនាងទទួលបានរូបរាងដែលមនុស្សស្រីជាច្រើនស្រមៃចង់បាន ដូចពេលនេះ។ នាងចាប់ផ្តើមហាត់ប្រាណនៅម៉ោង ៧ ព្រឹក ហើយចំណាយពេលប្រហែលមួយម៉ោង ក្នុងមួយថ្ងៃដើម្បីហាត់ប្រាណធ្ងន់ៗដូចជា squash និង plank ព្រោះវាជួយបង្កើតសាច់ដុំរឹងមាំ ហើយពេលខ្លះនាងឆ្លាស់គ្នាទៅហាត់ cardio ជាមួយ kickboxing និង yoga ជាដើម។

ចំពោះនារីណាដែលចង់បានរាងស៊ិចស៊ីដូច Kendall Jenner យ៉ាងហោចណាស់ គួរបែងចែកកាលវិភាគញ៉ាំឱ្យបានត្រឹមត្រូវ និងកុំភ្លេចផ្តោតលើការហាត់ប្រាណជាប្រចាំផង ពុំនោះទេគម្រោងសម្រកទម្ងន់របស់អ្នកនឹងមិនបានផលអ្វីទេ។ ​យ៉ាងណាមិញវិធីទាំងនេះ ត្រូវការពេលវេលាបន្តិច ដូច្នេះសូមព្យាយាមអត់ធ្មត់ ទើបអ្នកទទួលជោគជ័យ៕

ប្រែសម្រួល៖ សន្យា

ចុចអាន៖ ដឹងអាថ៌កំបាំងរក្សាវ័យមិនចេះចាស់របស់ អតីតតួ ហាន់ជីអ៊ុន

ចុចអាន៖ អាថ៌កំបាំងថែរាងរបស់មិត្តស្រី Ronaldo ទោះមានកូន២ហើយ នៅតែទាក់ទាញ

The post អាថ៌កំបាំងសម្រកទម្ងន់របស់ Kendall Jenner គ្រប់គ្នាសុទ្ធតែអាចធ្វើបាន appeared first on Kampuchea Thmey Daily.

កាលពីព្រឹកថ្ងៃទី៦ ខែកក្កដា ខណៈដែលនាង Din Shaun Kyaw តារា​សម្ដែង និង​ម៉ូដែល​សិចស៊ី​ដ៏​ល្បី​ល្បាញរបស់​មីយ៉ាន់ម៉ា រួម​ជាមួយនឹង​មិត្ត​ប្រុសបាន​ធ្វើ​ដំណើរ​តាម​ផ្លូវ​​ពី​ស្រុក​កេសី ខេត្ត Doi Laem រហូតដល់ស្រុក មឿងយ៉ៃ ខេត្ត​ឡា​សៀវ នៅភាគខាងជើងរដ្ឋសាន ខណៈពួកយោធាមីយ៉ាន់ម៉ាដាក់ប៉ុស្តិ៍​ដើម្បី​ស្ទាក់​ចាប់​រថយន្ត​របស់​នាងនិងចាប់ខ្លួន រួមទាំង​មិត្ត​ប្រុស​ផងមក​ធ្វើការ​សាកសួរ។

សូមបញ្ជាក់ថា កាលពីថ្ងៃទី៣ ខែកក្កដាកន្លងមក នាង Din Shaun Kyaw បានពាក់ឯងសណ្ឋានយោធានៃកងទ័ពរដ្ឋសាន ដើម្បីចូលរួមក្នុងពិធីមង្គលការកូនស្រីរបស់លោកឧតម្តសេនីយ៍អ្នកនាំពាក្យនៃកងទ័ពរដ្ឋសានភាគខាងជើង បើទោះបីជាមានចាស់ទុំមួយចំនួនបានព្រមាន មិនគួរនាងស្លៀកពាក់បែបនេះក៏ដោយ៕

អត្ថបទ៖ គង់ សំអាន

The post យោធាមីយ៉ាន់ម៉ាចាប់ខ្លួន នារីម៉ូដែលសិចស៊ី ដែលពាក់ឯកសណ្ឋានយោធា ចូលរួមពិធីមង្គលការ appeared first on Kampuchea Thmey Daily.

តារាស្រី Thalito do Valle វ័យ ៣៩ឆ្នាំ ជាមនុស្សម្នាក់ដែលធ្លាប់ចូលរួមក្នុងបេសកកម្មមនុស្សធម៌ជាច្រើនកន្លែងនៅជុំវិញពិភពលោក និងធ្លាប់បានប្រយុទ្ធជាមួយក្រុម ISIS នៅក្នុងប្រទេសអ៊ីរ៉ាក់ផងដែរ។ ប៉ុន្តែក្រោយចូលរួមជាមួយយោធាអ៊ុយក្រែន បាន៣សប្ដាហ៍ នាងត្រូវបានសម្លាប់កាលពីអាទិត្យមុន បន្ទាប់ពីមីស៊ីលមួយបានវាយប្រហារលេណដ្ឋានរបស់នាងនៅក្នុងទីក្រុង Kharkov ដែលជាទីក្រុងភាគឦសាននៃប្រទេសអ៊ុយក្រែន។

ប្រភពពី Daily Mail បានឱ្យដឹងថា Thalito ជាអតីតនិស្សិតបញ្ចប់ការសិក្សាផ្នែកច្បាប់ និងធ្លាប់ធ្វើការជាតារាបង្ហាញម៉ូដ ក៏ដូចជាធ្លាប់ធ្វើជាតារាសម្តែងកាលពីកុមារភាព ហើយនាពេលកន្លងមកនាងបានចូលរួមក្នុងសកម្មភាពជួយសង្គ្រោះសត្វជាមួយអង្គការក្រៅរដ្ឋាភិបាលយ៉ាងសកម្មផងដែរ។

នៅក្នុងសង្គ្រាមអ៊ុយក្រែន-រុស្ស៊ី Thalito do Valle បានធ្វើដំណើរទៅប្រទេសអ៊ុយក្រែន ដើម្បីជួយកងទ័ពប្រទេសនេះ ក៏ដូចជាជួយបង្វឹកអ្នកបាញ់កាំភ្លើង។ ជាអកុសល បន្ទាប់ពីរស់រានមានជីវិតពីការបំផ្ទុះគ្រាប់បែកនៅរដ្ឋធានី កៀវ Thalito បានផ្លាស់ទៅទីក្រុង Kharkov និងត្រូវស្លាប់នៅទីនោះ ដោយសារគ្រាប់មីស៊ីលរបស់រុស្ស៊ី៕

ប្រែសម្រួល៖ សន្យា

ចុចអាន៖ ១០ ថ្ងៃចុងក្រោយ រុស្ស៊ី សម្លាប់ទាហានស៊ីឈ្នួលបរទេស ១៧០នាក់ 

The post តារាម៉ូដែលប្រេស៊ីល ត្រូវស្លាប់ដោយសារមីស៊ីលរុស្ស៊ី នៅអ៊ុយក្រែន appeared first on Kampuchea Thmey Daily.