អាថ៌កំបាំងថែរាងរបស់មិត្តស្រី Ronaldo ទោះមានកូន២ហើយ នៅតែទាក់ទាញ

មិត្តស្រីរបស់ Ronaldo នាង ​Georgina Rodriguez តែងតែទទួលបានការចាប់អារម្មណ៍ពីមហាជន រាល់ពេលដែលនាងបង្ហាញខ្លួនជាសាធារណៈ ដោយសាររាងកាយដ៏ស្រឡូនស្អាត មិនថានាងសម្រាលកូនទី២ហើយក៏ដោយ ក៏នៅតែទាក់ទាញខ្លាំង។

ថ្មីៗនេះ រូបភាពរបស់ Georgina នៅឯមហោស្រពភាពយន្តទីក្រុង Cannes បានធ្វើឲ្យកក្រើកពេញបណ្តាញសង្គម ដោយមានការសរសើរជាច្រើនចំពោះរូបរាងដ៏ស្រស់ស្អាតរបស់នាង។ ថ្វីត្បិតតែនាងទើបតែសម្រាលបានកូនទី២ កាលពីមួយខែមុនក៏ដោយ ក៏នាងនៅតែធ្វើឱ្យអ្នកគាំទ្រទាក់ភ្នែកជាមួយនឹងរូបរាងដ៏សិចស៊ី ដូចកាលនាងនៅក្មេងអ៊ីចឹង។

តាមពិតរូបរាងដ៏ស្រស់ស្អាតរបស់ Georgina មិនមែនកើតឡើងដោយឯកឯង ឬការកែកុនណាមួយឡើយ ប៉ុន្តែដោយសារតារាស្រីរូបនេះមានទម្លាប់ល្អមួយចំនួន ដែលនាងតែងតែអនុវត្តជាប្រចាំ។

ជាញឹកញាប់ Georgina តែងចូលកន្លែងហាត់ប្រាណ មិនដែលខាន។ ការ​ហាត់ប្រាណ​មិនមែនជា​និន្នាការ​ចម្លែក​ទៀតទេ ​​សម្រាប់​អ្នក​ដែល​ចង់​​សម្រក​ទម្ងន់ ក៏ដូចជាចង់​រក្សា​រាង​ឲ្យ​សមសួន​។ ដូចគ្នានេះ Georgina តែងតែអនុវត្តលំហាត់ជាប្រចាំដើម្បីជួយបង្កើនទំហំដើមទ្រូង និងត្រគាករបស់នាង។ គេបានដឹងផងដែរថា នាងមានទម្លាប់រាំជាទៀងទាត់ ដោយនាងរមែងទៅហាត់របាំបាឡេ។ លើសពីនេះ Georgina តែងតែហាត់ហែលទឹក ហាត់យូហ្គា ឬជិះកង់ជាមួយមិត្តប្រុស។

ក្រៅ​ពី​នេះ របប​អាហារ​របស់ Georgina ក៏​ត្រូវ​បាន​​យក​ចិត្ត​ទុក​ដាក់​ផង​ដែរ។ មេចុងភៅរបស់គ្រួសាររបស់ Ronaldo បានឱ្យដឹងថា Georgina និងមិត្តប្រុស ចូលចិត្តញ៉ាំអាហារសម្បូរប្រូតេអ៊ីន និងកាបូអ៊ីដ្រាត ជាពិសេសសាច់មាន់ដែលចម្អិនដោយគ្មានប្រេង និងអំបិល។ ចំណែកអាហារពេលព្រឹក នាងតែងតែផឹកទឹកម្នាស់ ឬទឹកក្រូច។

បច្ចុប្បន្ន Georgina មានវ័យ ២៩ឆ្នាំ និងមានកូន២នាក់ទៅហើយ ប៉ុន្តែគ្រប់គ្នាមិនអាចប្រកែកបានទេថា នាងតែងតែទាក់ទាញ ទទួលបានការចាប់អារម្មណ៍គ្រប់ពេលពេលបង្ហាញខ្លួនម្ដងៗ៕

ប្រែសម្រួល៖ សន្យា

ចុចអាន៖ មិត្តស្រី Ronaldo ធ្វើរឿងមួយពេលចូលរួមកម្មវិធី Cannes ថ្ងៃមុន មហាជនចំហមាត់ធ្លុង

ចុចអាន៖ លម្អិតខ្ទេចគ្មានសល់ អំពីបណ្តឹងអូសបន្លាយរវាង Johnny និង Amber