ព័ត៌មានអន្ដរជាតិ

យោធាមីយ៉ាន់ម៉ាចាប់ខ្លួន នារីម៉ូដែលសិចស៊ី ដែលពាក់ឯកសណ្ឋានយោធា ចូលរួមពិធីមង្គលការ

បានផុស

២ years មុន

នៅ

ថ្ងៃព្រហស្បតិ៍ ៧ កក្កដា ២០២២

ដោយ

ប្រភពព័ត៌មានបានឱ្យដឹងថា តារាម៉ូដែលសិចស៊ីដ៏ល្បីល្បាញម្នាក់របស់មីយ៉ាន់ម៉ា គឺនាង Din Shaun Kyaw ត្រូវបានយោធាមីយ៉ាន់ម៉ាចាប់ខ្លួនក្នុងអំឡុងពេលនាងកំពុងធ្វើដំណើរទៅព្រលានយន្តហោះ Lashio ដើម្បីត្រឡប់ទៅទីក្រុងយ៉ាំងហ្គោនវិញ បន្ទាប់ពីនាងបានពាក់ឯកសណ្ឋានយោធានៃរដ្ឋសានភាគខាងជើងចូលរួមពិធីមង្គលការមួយនៅតំបន់នោះ ហើយខណៈពេលនេះគេនៅមិនទាន់ដឹងថាជោគវាសនារបស់នាងយ៉ាងណានៅឡើយទេ។

កាលពីព្រឹកថ្ងៃទី៦ ខែកក្កដា ខណៈដែលនាង Din Shaun Kyaw តារាសម្ដែង និងម៉ូដែលសិចស៊ីដ៏ល្បីល្បាញរបស់មីយ៉ាន់ម៉ា រួមជាមួយនឹងមិត្តប្រុសបានធ្វើដំណើរតាមផ្លូវពីស្រុកកេសី ខេត្ត Doi Laem រហូតដល់ស្រុក មឿងយ៉ៃ ខេត្តឡាសៀវ នៅភាគខាងជើងរដ្ឋសាន ខណៈពួកយោធាមីយ៉ាន់ម៉ាដាក់ប៉ុស្តិ៍ដើម្បីស្ទាក់ចាប់រថយន្តរបស់នាងនិងចាប់ខ្លួន រួមទាំងមិត្តប្រុសផងមកធ្វើការសាកសួរ។

សូមបញ្ជាក់ថា កាលពីថ្ងៃទី៣ ខែកក្កដាកន្លងមក នាង Din Shaun Kyaw បានពាក់ឯងសណ្ឋានយោធានៃកងទ័ពរដ្ឋសាន ដើម្បីចូលរួមក្នុងពិធីមង្គលការកូនស្រីរបស់លោកឧតម្តសេនីយ៍អ្នកនាំពាក្យនៃកងទ័ពរដ្ឋសានភាគខាងជើង បើទោះបីជាមានចាស់ទុំមួយចំនួនបានព្រមាន មិនគួរនាងស្លៀកពាក់បែបនេះក៏ដោយ៕

អត្ថបទ៖ គង់ សំអាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត