ដឹងតម្លៃសំបុត្រចូលមើលការប្រគុំតន្ត្រីរបស់ Taylor Swift ហើយ មហាជនចំហមាត់ធ្លុង

បន្ទាប់ពីផ្អាកការប្រគុំតន្ត្រីមួយរយៈ អំឡុងពេលជំងឺរាតត្បាត ពេលនេះតារាចម្រៀង Taylor Swift ចាប់ផ្ដើមដំណើរទេសចរណ៍តន្រ្តីឡើងវិញ ដែលក្នុងនោះសំបុត្រចូលទស្សនាការសម្ដែងរបស់នាង ត្រូវបានទស្សនិកជនរាប់លាននាក់ប្រញាយគ្នាទិញអស់ សឹងតែគ្មានសល់ ខណៈតម្លៃវិញ ឡើងខ្ពស់មិនធម្មតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១៦ ខែវិច្ឆិកា កន្លងទៅ សំបុត្រចូលមើលការប្រគុំតន្ត្រីរបស់ Taylor Swift សម្រាប់ឆ្នាំ២០២៣ ខាងមុខ បានហក់ឡើងរហូតដល់ ២៨,០០០ដុល្លារអាមេរិក ប៉ុន្តែអ្នកខ្លះនៅតែទិញសំបុត្រមិនទាន់បាន ស្របពេលវេបសាយលក់សំបុត្រត្រូវជាប់គាំង ដោយសារមនុស្សនាំគ្នាសម្រុកចូលទិញច្រើនពេក។ យ៉ាងណាមិញ ចំពោះសំបុត្រ​នៅសល់ ​ត្រូវ​បាន​ដាក់​លក់​ជូន​សាធារណជន​ទូទៅ ​នៅ​ថ្ងៃ​សុក្រនេះ។

គួរបញ្ជាក់ថា Taylor Swift បាន​ចេញ​អាល់ប៊ុម​ចម្រៀង​ថ្មី​បំផុត​​ដែល​មាន​ឈ្មោះ​ថា Midnights កាលពី​ខែ​តុលាកន្លងទៅ ហើយនាង​គ្រោងធ្វើដំណើរទេសចរណ៍តន្ត្រី​ Eras ​នៅតាម​រដ្ឋមួយចំនួន ទូទាំងសហរដ្ឋ​អាមេរិក ​ដែលវានឹង​ចាប់​ផ្តើម​នៅ​ខែ​មីនា និង​បញ្ចប់​នៅ​ខែ​សីហា ឆ្នាំ២០២៣៕

ប្រែសម្រួ៖ សន្យា

ចុចអាន៖ អាល់ប៊ុម Midnights របស់ Taylor Swift បង្កើតប្រវត្តិសាស្ត្រមិនធ្លាប់មាន លើ Billboard Hot 100

ចុចអាន៖ មិនធម្មតាមែន Beyonce ឈ្នះពានរង្វាន់ Grammy ដល់ទៅ ៩ តែម្នាក់ឯង