The Weeknd សរសើរចំពោះការសម្តែងរបស់ Jennie និង Lily-Rose Depp ក្នុងរឿង “The Idol”

តារាចម្រៀងនិងសម្តែងThe Weeknd សរសើរចំពោះសមត្ថភាពក្នុងការសម្តែងរបស់ Jennie សមាជិក BLACKPINK និង Lily-Rose Depp និងភាពប៉ិនប្រសព្វអ្នកទាំងពីរក្នុងការដើរតួរក្នុងខ្សែភាពយន្ត”The Idol” ។

នៅក្នុងបទសម្ភាសន៍ជាមួយក្នុង Apple តារាចម្រៀង The Weeknd បានរៀបរាប់ពីសហការតារាស្រី ទាំងពីរនាក់នៅក្នុងរឿង The Idol ដោយ Jennie សមាជិកក្រុម BLACKPINK និងតារាសម្តែង Lily-Rose Depp ។ ជាពិសេស តារាចម្រៀងប្រុសរូបនេះ បានផ្តល់ការសរសើរជាច្រើនដល់តារាទាំងពីរ និងភាពស្អិតរមួតរបស់តួសម្តែងក្នុងខ្សែភាពយន្ត ។

ជាពិសេសនៅពេលដែលនិយាយដល់ Jennie តារាចម្រៀង The Weeknd បាននិយាយថាសមាជិក ក្រុម BLACKPINK ម្នាក់នេះគឺជាតួអង្គចាំបាច់សម្រាប់ខ្សែភាពយន្ត ព្រោះនាងគឺជាមនុស្សម្នាក់ដែល “ស្គាល់ពិភពកម្សាន្តមួយនេះច្បាស់ ហើយ Jennie និងសិល្បករជាច្រើនដូចជាខ្ញុំមិនមែនជាតួសម្តែងដំបូងឡើយ យើងយល់ពីពិភពលោកនេះ និងយល់ពីតួអង្គទាំងនេះ។ យើងទាំងពីរនាក់បានទាញយកទិដ្ឋភាពនេះ។ ខ្ញុំគិតថា Jennie បានធ្វើការងារដ៏អស្ចារ្យសម្រាប់រឿងភាគនេះ ហើយខ្ញុំពិតជា មានមោទនភាពចំពោះនាង ។

ទោះជាយ៉ាងណាក៏ដោយ The Weeknd ក៏បាននិយាយផងដែរថា”គាត់មានមោទនភាពបំផុតចំពោះសហជាមួយ Lily-Rose Depp ដែលនាងអាចច្រៀងរាំបាន។ ជាពិសេសពេលយើងថតរឿង យើងមានឈុតជាច្រើនដែលថតនៅផ្ទះខ្ញុំ ហើយយើងមានស្ទូឌីយ៉ូនៅបន្ទប់ក្រោមដី។ បន្ទាប់ពីថតអស់ជាច្រើនម៉ោង ពួកយើងក៏ចុះទៅស្ទូឌីយោម្តងទៀត បំផុសគំនិតនិងបង្កើតតន្ត្រីរួមគ្នា”។

យ៉ាងណាមិញ នាពេលបច្ចុប្បន្ននេះរឿងភាគ The Idol នៅតែជាប្រធានបទដ៏ក្តៅគគុកនៃការចាប់អារម្មណ៍ពីសំណាក់ទស្សនិកជនជុំវិញពិភពលោក ជាមួយនឹងមតិចម្រុះ។ ថ្វីត្បិតតែទើបតែចេញវគ្គដំបូងក៏ដោយ ប៉ុន្តែ The Idol បានទទួលការរិះគន់ជាច្រើន ដោយថារឿងភាគនេះមានឈុតក្តៅសាច់ច្រើនពេក ដែលធ្វើឲ្យភាពយន្តនេះមានភាពរកាំរកូសសម្រាប់ទស្សនិកជន ៕

ប្រែសម្រួល៖នាងងតូច

ចុចអាន៖YG ប្រកាសម្តងទៀត កុងត្រារបស់ G-Dragon ផុតកំណត់ហើយ