ដឹងចំណូលប្រចាំថ្ងៃរបស់កំពូលតារាបង្ហាញម៉ូដ Cara ម្នាក់ៗសឹងដាច់ផ្ងារ

កំពូលតារាម៉ូដែលលំដាប់ពិភពលោក Cara Delevingne ត្រូវបានប្រព័ន្ធផ្សព្វផ្សាយអង់គ្លេសរាយការណ៍ថា នាងអាចរកចំណូលបានលើស ៣៦,០០០ដុល្លារអាមរិក ក្នុងមួយថ្ងៃ ដែលប្រាក់ចំណូល​របស់នាង​បាន​មក​ពី​ការ​បង្ហាញ​ម៉ូដ ​ការ​សម្ដែង​ និងការថតស្ពត ស្របពេលដែលមហាជនបានដឹងខ្ទង់ចំណូលនេះ ម្នាក់ៗសឹងដាច់ផ្ងារគ្រប់គ្នា។

យោងតាមគណនីដែលបង្ហាញដោយ Daily Mail កាលពីថ្ងៃសុក្រ ថ្ងៃទី២៥ ខែវិច្ឆិកា សប្ដាហ៍មុន បានបង្ហាញថា តារា​ស្រីវ័យ ៣០ឆ្នាំ​រូប​នេះបានកើនឡើងតម្លៃនៃក្រុមហ៊ុនរបស់នាង កាលពីនៅឆ្នាំ២០២១ ដែលកាលណោះទ្រព្យសម្បត្តិរបស់នាងមានត្រឹមតែ ២៨លានដុល្លារប៉ុណ្ណោះ ប៉ុន្តែបច្ចុប្បន្ននាងបានក្លាយជាតារាបង្ហាញម៉ូដដែលរកចំណូលខ្ពស់បំផុតរបស់ចក្រភពអង់គ្លេស ហើយទ្រព្យសម្បត្តិរបស់នាងបានកើនលើស ៥៥លានដុល្លាអាមេរិករ។

គួរបញ្ជាក់ថា Cara Delevingne ជាតារាម៉ូឌែល តារាចម្រៀង និងជាអ្នកសម្តែងដ៏ល្បីល្បាញលំដាប់ទី៣ នៅលើពិភពលោក។ ចាប់តាំងពីបង្ហាញខ្លួនលើកដំបូង នៅអាយុ ១០ឆ្នាំ នាងបានចូលរួមជាមួយនៅក្នុងកម្មវិធីម៉ូដធំៗជាច្រើនដូចជា Dolce & Gabbana, Burberry, Mulberry និង Jason Wu និងធ្លាប់ជាប់ចំណាត់ថ្នាក់ទី១៣ ក្នុងបញ្ជីស្ត្រីដែលគួរឱ្យស្រឡាញ់បំផុតរបស់ AskMen ៕

ប្រែសម្រួល៖ សន្យា

ចុចអាន៖ Cara ដោះអាវកណ្ដាលហ្វូង ​ផ្អើលកម្មវិធី Met Gala ឆ្នាំនេះ

ចុចអាន៖ ដឹងតម្លៃសំបុត្រចូលមើលការប្រគុំតន្ត្រីរបស់ Taylor Swift ហើយ មហាជនចំហមាត់ធ្លុង