យោង​តាមតួលេខផ្លូវការ កងទ័ពអ៊ីស្រាអែលបាន​សម្លាប់កុមារ​ប៉ាឡេស្ទីន ២១ ០០០នាក់ និងរបួស​​​ប្រមាណ​ ៤៤ ៥០០នាក់ ចាប់​ពីថ្ងៃទី៨  ខែតុលា ឆ្នាំ២០២៣ ដល់ដើមខែ​មេសា ឆ្នាំ២០២៦ បង្ក​ឱ្យកុមារស្ថិត​ក្នុង​ចំណោមក្រុម​រងផលប៉ះពាល់​ខ្លាំងបំផុត​ ដោយសង្គ្រាមដែល​កំពុង​បន្តរបស់អ៊ីស្រាអែល។

ការស្លាប់ និងរបួស​មិនបានឈប់​ទេ សូម្បីតែបន្ទាប់ពីបទឈប់បាញ់​ចូលជាធរមាននៅថ្ងៃទី១០ ខែតុលា ឆ្នាំ២០២៥ ក៏​ដោយ​។ មូលនិធិ​កុមារអង្គការ​សហប្រជាជាតិ(UNICEF) លើក​ឡើង​ថា កុមារ​ចំនួន ២៦៥នាក់​ត្រូវបានសម្លាប់ និងជាង ៤០០នាក់​ផ្សេងទៀត​រងរបួស​ ចាប់តាំងពីបទ​ឈប់បាញ់ ជាមធ្យមកុមារ​ប្រហែល​ម្នាក់​ត្រូវបានសម្លាប់ជារៀងរាល់ថ្ងៃ​។

បន្ថែម​ពីលើអ្នកស្លាប់ និងរបួស កុមារជាង ៥៨ ០០០នាក់​ បានបាត់បង់​ឪពុកម្តាយ​ ចាប់តាំងពីការចាប់ផ្តើម​នៃសង្គ្រាម ខណៈមនុស្ស​រាប់ពាន់នាក់​ត្រូវបានបញ្ជូនទៅកម្មវិធី​កង្វះអាហារូបត្ថម្ភ។

គួរ​បញ្ជាក់​ថា សង្គ្រាមអ៊ីស្រាអែលបាន​បន្សល់ទុកស្លាកស្នាម​រាងកាយ និងផ្លូវចិត្តយ៉ាងជ្រៅ​លើមនុស្សមួយជំនាន់​ទាំងមូល ភាគច្រើននៃពួកគេបាន​ស្គាល់តែការទម្លាក់​គ្រាប់បែក ការផ្លាស់ទីលំនៅ និងការភ័យខ្លាច ខណៈក៏ប្រឈមមុខនឹងភាព​អត់ឃ្លាន និងកុមារកំព្រាផងដែរ​។​

របាយការណ៍​មួយចេញផ្សាយដោយ​ការិយាល័យ​ស្ថិតិ​កណ្តាលប៉ាឡេស្ទីន(PCBS) នៅថ្ងៃទី៥ ខែមេសា ឆ្នាំ២០២៦ ក្នុង​អំឡុង​ពេល​រវាង​ថ្ងៃទី៨ ខែតុលា ឆ្នាំ២០២៣  ដល់ថ្ងៃទី០១ ខែមេសា ឆ្នាំ២០២៦ បង្ហាញ​ថា កុមារស្ថិត​ក្នុងចំណោមក្រុមដែល​រងផលប៉ះពាល់ខ្លាំងបំផុត​ ដោយ​អំពើ​ប្រល័យពូជសាសន៍របស់អ៊ីស្រាអែលក្នុងតំបន់ហ្គាហ្សា។

យោងតាម​របាយការណ៍ កងទ័ពអ៊ីស្រាអែលបាន​សម្លាប់កុមារចំនួន ២១ ២៨៣នាក់ និងរបួស ៤៤ ៤៨៦នាក់​ផ្សេងទៀត តំណាងឱ្យ ​២៦% នៃជនរងគ្រោះ​ទាំងអស់។

ក្នុង​ចំណោមកុមារស្លាប់ មាន​ទារកចំនួន ៤៥០នាក់​កើត​​ អំឡុងសង្គ្រាម កុមារ​ចំនួន ១ ០២៩នាក់ មិនទាន់ដល់ថ្ងៃកំណើតដំបូងនៅ​ឡើយ​ និងកុមារចំនួន ៥ ០៣១នាក់​អាយុក្រោម ៥ឆ្នាំ ជាតួលេខ​ដែល​ PCBS ថា បាន​ឆ្លុះបញ្ចាំងពីការសម្លាប់រង្គាល​ពិតប្រាកដនៃ​ជំនាន់មួយ​ដែល​មិនទាន់ចាប់ផ្តើមជីវិត៕

សម្រួល៖ ណឺ មិនា

The post ខួប ១ ០០០ថ្ងៃ ​នៃ​អំពើ​ប្រល័យ​ពូជ​សាសន៍​​ក្រោម​ដៃ​អ៊ីស្រាអែល​​នៅ​ហ្គាហ្សា​ ធ្វើ​ឱ្យ​​កុមារ​រាប់​ម៉ឺន​នាក់​ស្លាប់ កំព្រា និង​អត់ឃ្លាន​ធ្ងន់​ធ្ងរ​ appeared first on Kampuchea Thmey Daily.

ពាក្យសម្តីនេះគឺចេញពីមាត់ រដ្ឋមន្ត្រីក្រសួងការពារជាតិអ៊ីស្រាអែល Israel Katz ដែលអះអាងក្នុងសេចក្តីថ្លែងការណ៍មួយ កាលពីថ្ងៃពុធ ទី១ ខែកក្កដា ឆ្នាំ២០២៦ និងផ្សាយដោយ RT ថា កងកម្លាំងការពារអ៊ីស្រាអែល (IDF) នឹងបន្តឈរជើងដោយគ្មានកំណត់ពេល នៅក្នុង «តំបន់សន្តិសុខ»។ មិនឲ្យប្រវត្តិសាស្រ្តច្រំដែលឡើយ! កងទ័ព នឹងមិនដកចេញពីដែនដីទ្រនាប់ ដែលត្រូវបានសម្អាត និងដណ្តើមបាននោះ ទៀតទេ។

លោកនិយាយថា នៅលីបង់! ទោះបីជាថ្មីៗនេះ រដ្ឋាភិបាលទីក្រុងបេរូត បានចុះហត្ថលេខាលើក្របខ័ណ្ឌកិច្ចព្រមព្រៀងសន្តិភាព ដែលរៀបរៀងដោយសហរដ្ឋអាមេរិក ក្នុងបំណងឲ្យក្រុមហេសបូឡា ទម្លាក់អាវុធចុះក៏ដោយ ក៏អ៊ីស្រាអែល នៅតែរក្សាជំហរថា កងទ័ពរបស់ខ្លួន នឹងមិនដកចេញពីភាគខាងត្បូងប្រទេសលីបង់ឡើយ។ កងទ័ព នឹងបន្តកាន់កាប់ទីតាំង នៅតាមចំណុចយុទ្ធសាស្ត្រសំខាន់ៗចំនួន ៥ ដែលលាតសន្ធឹងរហូតដល់ទន្លេ Litani លុះត្រាតែ ក្រុមហេសបូឡា រំសាយអាវុធអស់ទាំងស្រុង។

នៅស៊ីរី! បន្ទាប់ពីការដួលរលំនៃរបបលោក Bashar al-Assad អ៊ីស្រាអែល បានដណ្តើមយកដែនដីទ្រនាប់តាមព្រំដែន រួមទាំងភ្នំ Hermon ផងដែរ។ កងកម្លាំង IDF មានបំណងគ្រប់គ្រងតំបន់គ្មានយោធាទាំងនេះជាអចិន្ត្រៃយ៍ ដើម្បីរារាំងក្រុមសកម្មប្រយុទ្ធអរិភាព ឬក្រុមដែលគាំទ្រដោយអ៊ីរ៉ង់ មិនឲ្យបង្កើតមូលដ្ឋានទ័ព នៅជិតតំបន់ Golan Heights បាន។

ចំណែកនៅហ្គាហ្សា, វត្តមានយោធា បានកែប្រែដែនដីប្រហែល ៣០% ឲ្យទៅជាតំបន់ទ្រនាប់សន្តិសុខអចិន្ត្រៃយ៍។ លោក Katz ឲ្យសញ្ញាថា IDF នឹងបន្តរក្សាការគ្រប់គ្រងដែនដីនេះ ដរាបណាក្រុមហាម៉ាស  នៅតែមិនព្រមចុះចាញ់ និងមិនព្រមដោះលែងចំណាប់ខ្មាំង ដែលនៅសេសសល់។

មុននេះផងដែរ មានរបាយការណ៍ថា ​អ៊ីស្រាអែល បានចំណាយលុយអស់ជិត ២០៥ពាន់លានដុល្លារហើយ សម្រាប់សង្គ្រាមនៅ​ហ្គាហ្សា លីបង់ ស៊ីរី និងអ៊ីរ៉ង់ ​ចាប់តាំងពីថ្ងៃទី៧ ខែតុលា ឆ្នាំ២០២៣ មក។

ការ​ចំណាយលើវិស័យការពារជាតិ​មានចំនួន​ជិត​ ៧១.២ ប៊ីលានដុល្លារ​នៃ​ចំនួន​សរុប ខណៈ​ការទូទាត់​សំណងបានឈាន​ដល់ ៩.៦ប៊ីលានដុល្លារ ការចំណាយ​ផ្សេងៗរបស់​ជនស៊ីវិលមានចំនួន ១៦.៧ប៊ីលានដុល្លារ និងការចំណាយលើការ​ប្រាក់​ដែលទាក់ទងនឹង​បំណុលសាធារណៈកាន់តែខ្ពស់​ ចំនួន ៥.៥ប៊ីលានដុល្លារ​។

ក្នុងនោះ ការចំណាយលើយោធា គឺអស់ច្រើនជាងគេ ពោលគឺប្រហែល ៧១.២ ពាន់លានដុល្លារ ដែលចាយសម្រាប់ប្រតិបត្តិការយោធា និងការចល័តទ័ពបម្រុង៕

អត្ថបទ៖ សុវណ្ណ

The post កងទ័ពអ៊ីស្រាអែល ប្រកាសថា នឹងឈរជើង កាន់កាប់ផ្នែកខ្លះនៃប្រទេសលីបង់, ស៊ីរី និងតំបន់ហ្គាហ្សា ដោយគ្មានកំណត់ពេល appeared first on Kampuchea Thmey Daily.

លោក Ramiz Alakbarov អនុ​ប្រធានសម្រប​សម្រួល​ពិសេស​របស់​ UN ​សម្រាប់​ដំណើរការ​សន្តិភាពមជ្ឈិមបូព៌ា បាន​ប្រាប់​ក្រុម​ប្រឹក្សាសន្តិសុខ UN ​ថា៖ « ចាប់តាំង​ពីថ្ងៃកំណត់​សម្រាប់​របាយការណ៍​លាយ​លក្ខណ៍​អក្សរ​ កាល​ពី​ថ្ងៃទី១២ ខែមិថុនា ស្ថានភាព​នៅទូទាំងអ៊ីស្រាអែល និងដែន​ដីប៉ាឡេស្ទីន​ក្នុងតំបន់ហ្គាហ្សា តំបន់ West Bank រួមទាំង​ទីក្រុង​យេរូសាឡឹមខាង​កើត នៅ​តែ​​មាន​ភាព​មិនប្រាដក​ប្រជា​»។

ដោយ​កត់​សម្គាល់អំពី​ការវាយប្រហារ​តាមអាកាស និងប្រតិបត្តិការ​យោធា​របស់អ៊ីស្រាអែល​បានបន្តនៅទូទាំងតំបន់​ហ្គាហ្សា បណ្តាលឱ្យ​មានអ្នកស្លាប់​បន្ថែមទៀត លោក Alakbarov ​លើក​ឡើង​ថា​ ចំនួន​អ្នក​ស្លាប់​សរុប ​ចាប់​តាំងពីបទឈប់បាញ់​លើសពី ១ ០០០នាក់។ នេះបើយោងតាម​ក្រសួងសុខាភិបាលហ្គាហ្សា។

គួរ​បញ្ជាក់​ថា បច្ចុប្បន្ន​អ៊ីស្រាអែល​គ្រប់គ្រង​តំបន់​ហ្គាហ្សា​ជាង​ ៧០ភាគរយ​ និង​បន្តពង្រីកវិសាលភាពនៃការគ្រប់គ្រង​ទឹកដី​​នៅ​ប្រទេស​ប៉ាឡេស្ទីន​។

ដោយ​សម្តែងការព្រួយបារម្ភយ៉ាង​ខ្លាំង​ ចំពោះរបាយការណ៍​ដែល​មាន​​ការ​បំភិតបំភ័យ​ អំឡុងពេល​ការ​តវ៉ានៅហ្គាហ្សា​​កាល​ពី​ថ្ងៃទី២៦ ខែមិថុនា ​លោក​ Alakbarov និយាយ​ថា៖ « ជនស៊ីវិល​ត្រូវតែ​អាចអនុវត្តសិទ្ធិ​របស់ពួកគេ​ដោយសន្តិវិធី ដោយគ្មានការភ័យ​ខ្លាច ហើយត្រូវតែទទួល​បាន​ការពារគ្រប់ពេលវេលា»​។

លោក Alakbarov បន្ថែម​ថា៖ « ទោះបី​ជាមានបទឈប់បាញ់​ដែល​បានប្រកាសកាលពី​ ៨ខែមុនក៏ដោយ តំបន់ហ្គាហ្សានៅ​តែប្រឈម​នឹងភាពមិនប្រាកដប្រជា​យ៉ាងខ្លាំង ហើយ​ប្រជា​ជនជា​ច្រើន​​នៅ​តែ​រង​ទុក្ខវេទនា។ យើង​ថ្កោលទោសលើ​ការសម្លាប់ និងរបួស​ជាបន្តបន្ទាប់​របស់​ជនស៊ីវិល​នៅហ្គាហ្សា រួមទាំង​ស្ត្រី និងកុមារ»។

តំណាង​ឱ្យ​ UN លោក បាន​​​ថ្កោល​ទោសលើ​​អំពើ​ហិង្សា​ទាំងអស់​​ប្រឆាំង​នឹង​ជន​ស៊ីវិល រួម​ទាំង​​អំពើ​ភេរវកម្ម ​ចំពោះ​​ការ​វាយ​ប្រហារ​របស់​អ៊ីស្រាអែល​​ ​កំពុង​បន្ត​​និង​កាន់តែ​ខ្លាំង​ឡើង​៕

សម្រួល៖ ណឺ មិនា

The post UN ព្រមានថា ​បទ​ឈប់​បាញ់​​មិនបាន​ទប់ស្កាត់អ៊ីស្រាអែល​​វាយ​ប្រហារ​​ប៉ាឡេស្ទីន​ឡើយ​​ appeared first on Kampuchea Thmey Daily.

ដ្បិត​មាន​ឈ្មោះថាបទ​ឈប់បាញ់ក៏ដោយ ក៏​ទឹកដីហ្គាហ្សានៅតែបន្តរងការវាយប្រហារតាមអាកាស ការបាញ់ផ្លោង និងការផ្ទុះអាវុធស្ទើរតែរាល់ថ្ងៃ នៅតាមបណ្តោយខ្សែបន្ទាត់ខណ្ឌចែកទឹកដី ដែលការបាត់បង់ជីវិតចុងក្រោយ បានកើតឡើងបន្ទាប់ពីដ្រូនអ៊ីស្រាអែល បើកការវាយប្រហារជាបន្តបន្ទាប់លើទីប្រជុំជន និងជម្រកជនភៀសខ្លួននៅកណ្តាលក្រុងហ្គាហ្សា។

នៅក្នុងការ​វាយ​ប្រហារ​កាល​ពី​ថ្ងៃពុធ អ៊ីស្រាអែល បានសម្លាប់ជនជាតិប៉ាឡេស្ទីន ២​នាក់ និងរបួស ៦​នាក់ផ្សេងទៀត នៅក្នុងទីក្រុង Khan Younis ភាគខាងត្បូងហ្គាហ្សា ដោយក្រុមគ្រួសារជនរងគ្រោះ បានទម្លាយទាំងទឹកភ្នែកថា គ្រាប់បែកបានធ្លាក់ចំក្រុមមនុស្ស ដែលកំពុងស្នាក់នៅក្បែរឆ្នេរខ្សាច់ ក្នុងតំបន់តង់ភៀសខ្លួន Muwasi ដែលជាកន្លែងមនុស្សរាប់សែននាក់កំពុងជ្រកកោន។ ខាងកងទ័ពអ៊ីស្រាអែល បានចេញមុខទទួលស្គាល់ការវាយប្រហារនេះ ដោយអះអាងយ៉ាងខ្លីថា គោលដៅគឺជា «ភេរវករ» ប៉ុន្តែមិនបានផ្តល់ព័ត៌មានលម្អិតអ្វីឡើយ ខណៈដែលពួកគេ នៅតែបន្តពង្រីកទឹកដីគ្រប់គ្រងរបស់ខ្លួន និងចោទប្រកាន់គ្នាទៅវិញទៅមកថាជាអ្នករំលោភកិច្ចព្រមព្រៀងឈប់បាញ់មុន។

គិតត្រឹមថ្ងៃអាទិត្យ ទី១៤ ខែមិថុនា ឆ្នាំ២០២៦ ក្រសួងសុខាភិបាលហ្គាហ្សា បានគូសបញ្ជាក់ថា ចំនួនអ្នកស្លាប់សរុបនៅក្នុងសង្គ្រាមដ៏រ៉ាំរ៉ៃរវាងអ៊ីស្រាអែល និងក្រុមហាម៉ាសនេះ បានហក់ឡើងហួស ៧៣ ០០០នាក់ទៅហើយ ដោយទិន្នន័យនេះរួមបញ្ចូលទាំងជនស៊ីវិល និងខ្មាន់កាំភ្លើងលាយឡំគ្នា។ សង្គ្រាមដ៏មហាបំផ្លិចបំផ្លាញនេះ បានផ្ទុះឡើងដំបូងកាលពីថ្ងៃទី៧ ខែតុលា ឆ្នាំ២០២៣ នៅពេលដែលក្រុមសកម្មប្រយុទ្ធហាម៉ាស បានវាយឆ្មក់ចូលភាគខាងត្បូងអ៊ីស្រាអែល សម្លាប់មនុស្ស ១ ២០០នាក់ និងចាប់ជម្រិតមនុស្ស ២៥១នាក់ ដែលធ្វើឱ្យមេដឹកនាំអ៊ីស្រាអែលខឹងសម្បារយ៉ាងខ្លាំង រហូតបើកយុទ្ធនាការវាយលុកសងសឹកយ៉ាងចាស់ដៃ ក្នុងបំណងកម្ទេចក្រុមហាម៉ាសឱ្យរលាយសាបសូន្យ និងដោះលែងចំណាប់ខ្មាំងទាំងអស់ឱ្យមានសេរីភាពឡើងវិញ៕

ប្រែសម្រួល៖ ឈាង

The post មនុស្សជាង ១ ០០០នាក់ស្លាប់នៅហ្គាហ្សា អំឡុង​ពេល​បទ​ឈប់បាញ់ appeared first on Kampuchea Thmey Daily.

ទោះជាយ៉ាងណា សំណើបែបនេះ គឺសឹងតែគ្មានឱកាសទទួលបានការយល់ព្រមពីសំណាក់ប្រទេសអ៊ីស្រាអែល​នោះទេ ដ្បិតអ៊ីស្រាអែលទាមទារឲ្យមាការលុបបំបាត់យោធាទាំងស្រុងនៅក្នុងតំបន់ហ្គាហ្សាស្ទ្រីប ដោយចាប់ផ្ដើមដំបូងគេពីក្រុមហាម៉ាសតែម្ដង។

ជាក់ស្ដែង អ្នកចូលរួមកិច្ចពិភាក្សានៅទីក្រុងគែរជាច្រើនរូប ដែលបានចាប់ផ្ដើមកាលពីថ្ងៃសៅរ៍ បានសម្តែងក្តីសង្ឃឹមថា សំណើនេះនឹងជួយបំបែកភាពទាល់ច្រកជាច្រើនខែមកនេះ លើការចរចាអំពីអនាគតរបស់តំបន់ហ្គាហ្សា។

កិច្ចពិភាក្សានេះ មានការចូលរួមពីសំណាក់ក្រុមធំៗភាគច្រើន រួមទាំងក្រុមហាម៉ាស និងក្រុមអ៊ីស្លាមិក ជីហាត (Islamic Jihad) ដែលជាសម្ព័ន្ធមិត្តរបស់ខ្លួន ប៉ុន្តែមិនមានការចូលរួមពីគណបក្សហ្វាតា (Fatah) ដែលកំពុងគ្រប់គ្រងអាជ្ញាធរប៉ាឡេស្ទីននោះឡើយ។

យោងតាមប្រភពជិតស្និទ្ធនឹងការចរចា បានឲ្យដឹងថា ក្រុមទាំងនោះបានពិភាក្សាអំពីព័ត៌មានលម្អិតនៃការផ្ទេរប្រគល់អាវុធទៅឲ្យអង្គភាពថ្មីមួយ ដែលមានតំណាងមកពីចរន្តនយោបាយផ្សេងៗគ្នារបស់ប៉ាឡេស្ទីន។ ប្រភពជាច្រើនសុំមិនបញ្ចេញឈ្មោះ បាននិយាយថា ពួកគេបានបដិសេធគំនិតនៃការទម្លាក់អាវុធទាំងស្រុង ដូចដែលអ៊ីស្រាអែលបានទាមទារកន្លងមក។

មន្ត្រីជាន់ខ្ពស់ក្រុមហាម៉ាស លោក តាហឺ អាល់នូនូ (Taher al-Nunu) បានប្រាប់ AFP ដែរថា រយៈពេលប៉ុន្មានថ្ងៃចុងក្រោយនេះ ការ​ពិភាក្សា​​បាននាំមកនូវ «វឌ្ឍនភាពគួរឲ្យកត់សម្គាល់» ហើយ​​ ក្រុមទាំងនោះមានគោលបំណងអនុវត្តផែនការសន្តិភាពសម្រាប់តំបន់ហ្គាហ្សា របស់ប្រធានាធិបតីអាមេរិក លោក ដូណាល់ ត្រាំ ។

សូមបញ្ជាក់ដែរថា ការវាយប្រហាររបស់អ៊ីស្រាអែល នៅតែបន្តកើតមានស្ទើរតែរៀងរាល់ថ្ងៃ បើទោះបីជា មានការប្រកាសបទឈប់បាញ់កាលពីខែតុលា ឆ្នាំ២០២៥ បន្ទាប់ពីសង្គ្រាមបានអូសបន្លាយរយៈពេល២ឆ្នាំ ស្ថិតក្រោមផែនការសន្តិភាពជាដំណាក់កាលរបស់លោក ត្រាំ ក៏ដោយ។ ជាងនេះទៀត ហាម៉ាស និងអ៊ីស្រាអែល បានទម្លាក់កំហុសដាក់គ្នាទៅវិញទៅមក ចំពោះភាពទាល់ច្រកនាពេលបច្ចុប្បន្ន ដោយភាគីនីមួយៗបានចោទប្រកាន់គ្នាទៅវិញទៅមកស្ទើរតែរៀងរាល់ថ្ងៃ ថាបានរំលោភលើបទឈប់បាញ់៕

អត្ថបទ ៖ សាង ស្រីល័ក្ខ

The post ក្រុមប្រដាប់​អាវុធ​ប៉ាឡេស្ទីន ​​ឯកភាព​លើ​ការ​ផ្ទេរអាវុធមួយផ្នែក ប៉ុន្តែ អ៊ីស្រាអែល​ ទាមទារឲ្យរំលាយ​ក្រុម​ប្រដាប់​អាវុធទាំងស្រុង appeared first on Kampuchea Thmey Daily.

អ្វីដែលធ្វើឱ្យពិភពលោកកាន់តែចាប់អារម្មណ៍ខ្លាំង គឺលោកបានបង្ហើបពីផែនការមហិច្ឆតាបន្តទៀត គឺការជំរុញឱ្យមានការគ្រប់គ្រងទឹកដីនេះឱ្យបានរហូតដល់ ៧០ភាគរយ ដែលទង្វើនេះ គឺកំពុងតែដើរផ្ទុយស្រឡះពីលក្ខខណ្ឌនៃកិច្ចព្រមព្រៀងឈប់បាញ់គ្នា។

ប្រព័ន្ធផ្សព្វផ្សាយក្នុងស្រុករបស់អ៊ីស្រាអែល Channel 12 បានរាយការណ៍ថា នៅក្នុងកិច្ចពិភាក្សាមួយ កាលពីថ្ងៃព្រហស្បតិ៍ លោក ណេតាន់យ៉ាហ៊ូ បានថ្លែងទៅកាន់អ្នកចូលរួមយ៉ាងច្បាស់ៗថា អ៊ីស្រាអែល កំពុងតែក្តោបក្តាប់ដីហ្គាហ្សាបាន ៦០ភាគរយនៅក្នុងដៃ ហើយលោកបានបញ្ជាឱ្យកងកម្លាំងបន្តដំណើរឆ្ពោះទៅមុខ ដើម្បីដណ្តើមគ្រប់គ្រងឱ្យបានដល់ ៧០ភាគរយ។ យ៉ាង​ណាមិញ លោកនាយករដ្ឋមន្ត្រីរូបនេះ មិនបានពន្យល់លម្អិត ឬប្រាប់ពីវិធីសាស្ត្រថា តើអ៊ីស្រាអែលនឹងត្រូវធ្វើដូចម្តេច ដើម្បីសម្រេចផែនការពង្រីកទឹកដីថ្មីនេះឡើយ។

រឿងរ៉ាវនៅពីក្រោយការរំកិលព្រំដែននេះ បើក្រឡេកទៅមើលកាលពីខែតុលាឆ្នាំមុន កងទ័ពអ៊ីស្រាអែល ធ្លាប់បានប្រកាសថា ពួកគេគ្រប់គ្រងទឹកដីហ្គាហ្សាបានតែ ៥៣ភាគរយប៉ុណ្ណោះ បន្ទាប់ពីបានដកទ័ពទៅកាន់តំបន់មួយ ដែលគេហៅថា «ខ្សែបន្ទាត់ពណ៌លឿង»។ ខ្សែបន្ទាត់នេះ គឺជាតំបន់បែងចែកបណ្តោះអាសន្ននៅភាគខាងកើតនៃហ្គាហ្សា ដែលខណ្ឌដាច់រវាងតំបន់គ្រប់គ្រងដោយយោធាអ៊ីស្រាអែល និងតំបន់ដែលប្រជាជនប៉ាឡេស្ទីន ត្រូវបានអនុញ្ញាតឱ្យរស់នៅ។ កាលណោះ ការរៀបចំនេះ ធ្វើឡើង ក្រោមដំណាក់កាលទីមួយ នៃផែនការរបស់ប្រធានាធិបតីអាមេរិក លោក ដូណាល់ ត្រាំ ដើម្បីបញ្ចប់សង្រ្គាម ហើយគេរំពឹងថា អ៊ីស្រាអែល នឹងត្រូវដកទ័ពបន្ថែមទៀត នៅក្នុងដំណាក់កាលទីពីរ ដែលបានចាប់ផ្តើម កាលពីខែមករា។

ប៉ុន្តែ អ្វីៗមិនបានដើរទៅតាមការរំពឹងទុកនោះទេ ព្រោះប្រភពពីខាងប៉ាឡេស្ទីន បានអះអាងថា ខ្សែបន្ទាត់ព្រំដែនបណ្តោះអាសន្ននោះ ត្រូវបានអ៊ីស្រាអែលរំកិលរុលទៅទិសខាងលិចជាលំដាប់ ក្នុងរយៈពេលប៉ុន្មានខែចុងក្រោយនេះ។ លោក Bassem Naim មន្ត្រីជាន់ខ្ពស់ម្នាក់របស់ក្រុមហាម៉ាស បានប្រាប់ថា អ៊ីស្រាអែលបានលួចរំកិលខ្សែបន្ទាត់នោះ ចូលជ្រៅទៅក្នុងទឹកដីហ្គាហ្សាបន្ថែមពី ៨ ទៅ ៩ ភាគរយទៀត ដែលធ្វើឱ្យផ្ទៃដីក្រោមការកាន់កាប់របស់អ៊ីស្រាអែលហក់ឡើងហួសពី ៦០ភាគរយនាពេលបច្ចុប្បន្ន។

ការកាត់រំកិលយកដីនេះ បានធ្វើឱ្យទីធ្លារស់នៅ សម្រាប់ប្រជាជនប៉ាឡេស្ទីន ត្រូវរួញតូចមកនៅត្រឹមតែប្រហែល ៣៨ភាគរយប៉ុណ្ណោះនៃតំបន់ហ្គាហ្សាទាំងមូល។ ស្ថានភាពបែបនេះ បានធ្វើឱ្យវិបត្តិមនុស្សធម៌ ដែលកំពុងតែដុនដាបស្រាប់ ឱ្យកាន់តែធ្លាក់ដុនដាបខ្លាំងឡើងៗ និងបង្កជាក្តីទុក្ខវេទនាយ៉ាងខ្លាំងដល់ប្រជាជន ដែលគ្មានទីជម្រក។

គួរបញ្ជាក់ផងដែរថា ចាប់តាំងពីអ៊ីស្រាអែល បានចាប់ផ្តើមវាយប្រហារយ៉ាងសាហាវឃោរឃៅនៅតំបន់ហ្គាហ្សា កាលពីខែតុលា ឆ្នាំ២០២៣ មក មានប្រជាជនប៉ាឡេស្ទីនជាង ៧២ ០០០នាក់ហើយ ដែលបានបាត់បង់ជីវិត និងជាង ១៧២ ០០០នាក់ផ្សេងទៀត បានរងរបួស ដែលភាគច្រើនលើសលប់នៃជនរងគ្រោះទាំងនោះ គឺជាស្ត្រី និងកុមារស្លូតត្រង់៕

ប្រែសម្រួល៖ ឈាង

The post ណេតាន់យ៉ាហ៊ូ ប្រកាសថា គ្រប់គ្រងដីហ្គាហ្សាបាន ៦០% ហើយត្រៀមលេបយកថែមទៀត appeared first on Kampuchea Thmey Daily.

ការចេញមុខថ្កោលទោសរួមគ្នានេះ បានកើតឡើង បន្ទាប់ពី លោក Itamar Ben-Gvir រដ្ឋមន្ត្រី​​សន្តិសុខ​ជាតិ​អ៊ីស្រាអែល ដែល​ប្រកាន់​និន្នាការ​ស្តាំនិយមជ្រុល កាលពីសប្តាហ៍មុន បានបង្ហោះវីដេអូមួយដែលបង្ហាញពីសកម្មជនជាប់ឃុំទាំងនោះ ត្រូវបានចងដៃទៅក្រោយ និង​បាន​​បង្ខំឲ្យផ្អឹបថ្ងាសទៅ​លើ​ដី ដែលបានបង្កឲ្យមានការខឹងសម្បារយ៉ាងខ្លាំង និងរងការរិះគន់យ៉ាងចាស់ដៃផ្នែកការទូតពីអន្តរជាតិ។

យោងតាមទីភ្នាក់ងារសារព័ត៌មាន អារ៉ាប៊ីសាអូឌីត (SPA) ក្រុមរដ្ឋមន្ត្រីការបរទេស​​ខាងលើ បានលើកឡើងថា ការធ្វើទុក្ខបុកម្នេញដើម្បីបំបាក់មុខជាសាធារណៈដោយចេតនា លើអ្នកជាប់ឃុំទាំងនោះ គឺជា «ការវាយប្រហារដ៏គួរឲ្យអាម៉ាស់មួយលើសេចក្តីថ្លៃថ្នូររបស់មនុស្សជាតិ» និងជាការរំលោភបំពានយ៉ាងច្បាស់ក្រឡែត លើកាតព្វកិច្ចរបស់អ៊ីស្រាអែល ក្រោមច្បាប់អន្តរជាតិ រួមទាំងច្បាប់មនុស្សធម៌អន្តរជាតិ និងច្បាប់សិទ្ធិមនុស្សអន្តរជាតិផងដែរ។

ជាមួយគ្នានេះ ក្រុមរដ្ឋមន្ត្រី​ទាំងនោះ ក៏បានថ្កោលទោសយ៉ាងដាច់អហង្ការ ចំពោះសកម្មភាពញុះញង់ និងអំពើហិង្សាខុសច្បាប់ និងជ្រុលនិយម ដែលប្រព្រឹត្តដោយលោក Ben-Gvir ក៏ដូចជាមន្ត្រីអ៊ីស្រាអែលដទៃទៀត ប្រឆាំងនឹងប្រជាជនប៉ាឡេស្ទីន នៅក្នុងទឹកដីប៉ាឡេស្ទីនដែលកំពុងត្រូវបាន​​ឈ្លាន​ពាន​កាន់កាប់។

ក្រុមរដ្ឋមន្ត្រីបានព្រមានថា សកម្មភាពញុះញង់របស់លោក Ben-Gvir កំពុងតែ «ចាក់សាំងលើភ្លើងកំហឹង និងការជ្រុលនិយម ព្រមទាំងបំផ្លាញដល់កិច្ចខិតខំប្រឹងប្រែងដើម្បីសម្រេចបាននូវសន្តិភាពដ៏យុត្តិធម៌ និងយូរអង្វែង ផ្អែកលើដំណោះស្រាយរដ្ឋពីរ»។

ក្រុមមេដឹកនាំការបរទេសទាំងនោះ ក៏បានអំពាវនាវឲ្យមានការដកទណ្ឌកម្ម និងឲ្យលោក Ben-Gvir ទទួលខុសត្រូវចំពោះមុខច្បាប់ ព្រមទាំងជម្រុញឲ្យមានវិធានការជាក់ស្តែងដើម្បីបញ្ឈប់ ការបង្កហេតុ ការញុះញង់ និងការរំលោភបំពានដដែលៗ របស់លោក ដើម្បីបង្ការកុំឲ្យមានការគំរាមកំហែងបន្ថែមទៀត និងធានាថាសកម្មភាពបែបនេះនឹងមិនត្រូវបានអត់ឱនឲ្យ ឬកើតឡើងជាថ្មីឡើយ។

បន្ថែមលើនេះ ក្រុមរដ្ឋមន្ត្រីបានសង្កត់ធ្ងន់លើសារៈសំខាន់នៃការការពារសិទ្ធិមនុស្ស ការការពារសេចក្តីថ្លៃថ្នូររបស់អ្នកជាប់ឃុំ ការធានាឲ្យមានការប្រព្រឹត្តបែបមនុស្សធម៌ និងការគោរពច្បាប់អន្តរជាតិនៅក្នុងទឹកដីប៉ាឡេស្ទីនដែលត្រូវបានកាន់កាប់។

គួរបញ្ជាក់ថា ចាប់តាំងពីសង្គ្រាមនៅតំបន់ហ្គាហ្សាបានផ្ទុះឡើងកាលពីខែតុលា ឆ្នាំ២០២៣ មក ទឹកដីមួយនេះបានរងការខ្វះខាតស្បៀងអាហារ ថ្នាំសង្កូវ និងការផ្គត់ផ្គង់សំខាន់ៗផ្សេងទៀតយ៉ាងធ្ងន់ធ្ងរ ដោយសារតែអ៊ីស្រាអែលបានកាត់ផ្តាច់ និងបញ្ឈប់ការដឹកជញ្ជូនជំនួយមនុស្សធម៌ទាំងស្រុងនៅពេលខ្លះ៕

អត្ថបទ៖ សាង ស្រីល័ក្ខ

លោក រូប៊ីយ៉ូ ចោទក្រុម ហេសបូឡា ថា ព្យាយាម​រុញ​លីបង់ចូលក្នុង «ភាពវឹកវរ» ក្នុងដំណាក់​កាល​ចរចា​

The post ៨ប្រទេស ថ្កោលទោស អ៊ីស្រាអែល ដែល​ធ្វើបាបសកម្មជន​ដឹក​ជំនួយ ប៉ង​ចូល​ហ្គាហ្សា appeared first on Kampuchea Thmey Daily.

មន្ត្រីជាន់​ខ្ពស់ម្នាក់​នៃ​ក្រុម​ប្រឹក្សា​សន្តិ​ភាព (Board Of Peace) ដែល​ផ្តួច​ផ្តើម​ឡើង​ដោយ​ប្រធានាធិបតី​សហរដ្ឋអាមេរិក ដូណាល់ ត្រាំ ​​លើក​ឡើង​ថា មិន​ទាន់​ឃើញ​​មាន​ការស្តារ​ឡើងវិញក្នុង​តំបន់ហ្គាហ្សា​នោះ​ទេ​ ទោះបីជា​មានវឌ្ឍនភាព​ខ្លះ​ក្រោមកិច្ចព្រមព្រៀងឈប់បាញ់​ក៏ដោយ។

លោក Nickolay Mladenov អ្នក​តំណាងនាំមុខគេ​របស់​ក្រុម​ប្រឹក្សា​សន្តិភាព​សម្រាប់តំបន់ហ្គាហ្សា ប្រាប់​ក្រុម​ប្រឹក្សា​សន្តិ​សុខ​អង្គ​ការ​សហ​ប្រជាជាតិ​កាល​ពីថ្ងៃព្រហស្បតិ៍ថា ការបំផ្លិចបំផ្លាញ​ទ្រង់ទ្រាយធំ ការ​ផ្លាស់ទីលំនៅ និងបញ្ហាប្រឈមផ្នែកមនុស្សធម៌​នៅតែបន្តកំណត់​លក្ខខណ្ឌ​ក្នុង​​តំបន់​នៅ​ឡើយ​។ នេះ​បើយោង​តាម​ទី​ភ្នាក់​ងារ​សារព័ត៌មាន​តួកគី Anadolu ផ្សាយ​ថ្ងៃ​ទី​២១ ខែឧសភា ឆ្នាំ​២០២៦ ។

លោក​លើក​ឡើង​ថា​៖ « ពេលខ្ញុំបង្ហាញ​ខ្លួនចុងក្រោយ​នៅ​អង្គ​ប្រជុំ​មុនៗ​ ក្របខ័ណ្ឌសម្រាប់ការរំសាយអាវុធ​នៅហ្គាហ្សាត្រូវបាន​ព្រមព្រៀង​គ្នា​ក្នុងចំណោមអ្នកធានា បង្ហាញដល់ភាគី​នានា ហើយខ្ញុំប្រាប់​ពួក​គេ​ថា ដំណើរ​ការ​នៅ​តំបន់​ហ្គាហ្សា​គឺ​ធ្ងន់​ធ្ងរ​»។

លោក​បន្ថែម​ថា​៖ « ចំនួន​មនុស្សទទួលបានជំនួយ​ស្បៀងអាហារបាន​កើនឡើង​ពី ៤០០ ០០០ នាក់ ដល់​​ជាង​ ២លាននាក់។ សន្តិភាពនិងកិច្ចសហប្រតិបត្តិការមិនកើតឡើងដោយ​ឯក​ឯង​ទេ វាទាមទារការ​ខិត​ខំប្រឹងប្រែងដោយ​ចេតនា ការចរចានិងការប្តេជ្ញាចិត្តពីគ្រប់ភាគីទាំងអស់​។ ទោះ​បីជាមានវឌ្ឍនភាពក៏ដោយ ក៏វានៅផុយស្រួយ​ដែរ។ ប្រសិន​បើភាគីទាំងពីរមិន​ប្រឹងប្រែង​បន្ត​សន្តិភាព​ នោះ​ស្ថាន​ភាព​អាច​នឹង​ធ្លាក់ចូលទៅ​ក្នុងជម្លោះវិញយ៉ាងងាយ​»។

ដោយព្រមាន​កុំឱ្យពិពណ៌នាអំពីស្ថានភាពនោះ​ងើបឡើង​វិញ លោក Mladenov និយាយថា៖ « ខ្ញុំ​មិន​ឈរ​​ចំពោះ​មុខ​​ក្រុម​ប្រឹក្សា​ទេ ទាល់​តែ​មាន​ការ​ស្តារ​ឡើង​វិញ​។ បញ្ហា​នៅ​ហ្គាហ្សា​អាច​ឈាន​ទៅ​មុខ​ ប៉ុន្តែ​កុំច្រឡំថា​នេះជាការងើបឡើងវិញពេញលេញ។ យើងមិន​ទាន់ដល់​ចំណុចនោះនៅឡើយទេ»។

លោកពិពណ៌នាពីទំហំនៃការបំផ្លិចបំផ្លាញ​ថា​មិនធ្លាប់មានពីមុនមក ព្រោះ​ដួលរលំហេដ្ឋារចនាសម្ព័ន្ធយ៉ាង​ច្រើន​នៅទូទាំងតំបន់នោះ។

លោកសង្កត់​ធ្ងន់​ថា​៖ « កម្ទេច​កម្ទី​​ជិត​ ៧០លាន​តោនស្ថិតនៅ​កន្លែង​ដែល​ផ្ទះសម្បែង សាលារៀន និងមន្ទីរពេទ្យធ្លាប់​ឈរ ភាគច្រើន​លាយ​ឡំជាមួយគ្រាប់​រំសេវ​មិនទាន់ផ្ទុះ។ មនុស្សជាងមួយលាននាក់​នៅតែ​គ្មានជម្រកអចិន្ត្រៃយ៍ ហើយ​កំពុងរស់នៅ​ក្នុងតង់ឬអគារដែលខូចខាត​»៕

សម្រួល៖ ណឺ មិនា

The post មន្រ្តី​ជាន់​ខ្ពស់​នៃ​ក្រុម​ប្រឹក្សា​សន្តិភាព អះអាង​ថា​ គ្មានវឌ្ឍនភាព​​ស្តារឡើងវិញ​​​នៅ​តំបន់​ហ្គាហ្សា​ appeared first on Kampuchea Thmey Daily.