តាមការចុះផ្សាយរបស់ RT, ទិវាឆ្នាំនេះ គឺជាព្រឹត្តិការណ៍ដ៏ធំបំផុតមួយ ដែលមានមានការចូលរួមពីសំណាក់កងទ័ពជាង ១១ ០០០នាក់និងការអួតបង្ហាញគ្រឿងសឹកទំនើបៗ រួមទាំងយន្តហោះគ្មានមនុស្សបើក ដែលប្រើប្រាស់នៅក្នុងប្រទេសអ៊ុយក្រែនផងដែរ។

មេដឹកនាំវិមានក្រឹមឡាំង វ្ល៉ាឌីមៀរ ពូទីន បានធ្វើជាអធិបតីក្នុងពិធីនេះ ខណៈថ្នាក់ដឹកនាំអន្តរជាតិជាច្រើនទៀតក៏ចូលរួមផងដែរ ជាពិសេសប្រធានាធិបតី​ចិន ស៊ី ជីនពីង ដែលបាន​ចូលរួម​ក្នុង​នាម​ជា​ភ្ញៀវកិត្តិយស ​រួម​ជាមួយ​មេដឹកនាំ​មកពី​ប្រទេស​ប្រេស៊ីល អេហ្ស៊ីប វៀតណាម និងប្រជាជាតិផ្សេង​ទៀត។

ឆ្នាំនេះ ទិវាជ័យជម្នះត្រូវប្រារព្ធធ្វើឡើង ​ក្រោម​ការ​ពង្រឹង​សន្តិសុខយ៉ាងតឹងរ៉ឹង ព្រោះទីក្រុងកៀវ កំពុងបង្កការគំរាមកំហែង។ ជាក់ស្តែងមុនពិធីនេះមកដល់ មានការវាយប្រហារដោយយន្តហោះគ្មានមនុស្សបើករបស់អ៊ុយក្រែន ប៉ុន្មានថ្ងៃជាប់គ្នាដែលជាហេតុជំរុញឲ្យមានការបិទដែនអាកាសរបស់ទីក្រុងមូស្គូ និងការរំខាននៅអាកាសយានដ្ឋានសំខាន់ៗ។

ជាវិធានការសន្តិសុខ រុស្ស៊ីបានពង្រឹងសន្តិសុខយ៉ាងខ្លាំង ដោយដាក់ពង្រាយកងកម្លាំងនិងហាមមិនឲ្យប្រើអ៊ីនធឺណិតតាមទូរសព្ទចល័តនៅក្នុងតំបន់ជុំវិញកន្លែងប្រារព្ធពិធីនេះ។

មុននេះដែរ លោកពូទីន បានប្រកាសពីបទឈប់បាញ់ ដែល​ចាប់​អនុវត្ត​​ពី​ពាក់កណ្តាលអាធ្រាត្រថ្ងៃព្រហស្បតិ៍ រហូតដល់ពាក់កណ្តាលអាធ្រាត្រថ្ងៃទី១០ឈានដល់ថ្ងៃទី១១ខែឧសភា ខណៈវិមានក្រឹមឡាំងអះអាងថា បទឈប់បាញ់នេះគឺជាកាយវិការមនុស្សធម៌ ដើម្បីអបអរខួបលើកទី៨០នៃជ័យជម្នះរបស់សូវៀតលើពួកណាស៊ីអាល្លឺម៉ង់ និងមានគោលបំ​ណងទុកពេលសម្រាប់កិច្ចចរចាស្វែងរកសន្តិភាពដោយផ្ទាល់ជាមួយអ៊ុយក្រែនដោយគ្មានលក្ខខណ្ឌ។

ទោះបីជាយ៉ាងណាក៏ដោយ លោកហ្សេលេនស្គី មិនគាំទ្របទឈប់បាញ់នេះឡើយ ដោយចាត់ទុកថា វាគឺជាកលល្បិចរបស់លោកពូទីន ហើយថែមទាំងចោទប្រកាន់រុស្ស៊ីថា យកលេសផ្នែកមនុស្សធម៌ដើម្បីបម្រើឲ្យផលប្រយោជន៍របស់ខ្លួនថែមទៀតផង៕

អត្ថបទ៖ សុខ សុវណ្ណ

ចុចអាន៖ ពូទីន ប្រកាសប្រើអំណាច ធ្វើគ្រប់យ៉ាង រារាំងពិភពលោក មិនឲ្យកើតសង្គ្រាមថ្មី

The post រុស្ស៊ី ចាប់ផ្តើមប្រារព្ធទិវាជ័យជម្នះ ក្រោមការគំរាមកំហែងផ្នែកសន្តិសុខពី អ៊ុយក្រែន appeared first on Kampuchea Thmey Daily.

ឈរអមជាមួយមន្ត្រីកំពូលៗនិងអ្នកមុខអ្នកការ លោក ពូទីន អះអាងថា យោធារុស្ស៊ី តែងប្រុងជើងការជាប់ជានិច្ច និងត្រៀមខ្លួនរួចជាស្រេច ដើម្បីការពារអធិបតេយ្យរបស់ខ្លួន។

តាមការបញ្ជាក់ពីប្រធានាធិបតីរុស្ស៊ីរូបនេះ, “ប្រទេសលោកខាងលិច ចង់បំភ្លេចមេរៀននៃសង្គ្រាមលោកលើកទី២ ប៉ុន្តែយើងចងចាំថា ជោគវាសនារបស់មនុស្សលោក គឺត្រូវបានសម្រេចនៅក្នុងសមរភូមិដ៏ធំ ជិតទីក្រុងមូស្គូនិង ឡេនីនក្រាដ ក៏ដូចជាទីក្រុងដទៃទៀតផងដែរ។ រុស្ស៊ីកំពុងឆ្លងកាត់ដំណាក់កាលដ៏លំបាកមួយនៅក្នុងប្រវត្តិសាស្ត្ររបស់ខ្លួន ហើយជោគវាសនារបស់ប្រទេសនេះ គឺអាស្រ័យទាំងស្រុងលើប្រជាជនរុស្ស៊ីគ្រប់រូប”។

សូមបញ្ជាក់ថា​ ថ្ងៃ៩ឧសភារៀងរាល់ឆ្នាំ ប្រទេសរុស្ស៊ី តែងប្រារព្ធទិវាជ័យជម្នះលើសត្រូវឈ្លានពានណាស៊ីអាល្លឺម៉ង់ ខណៈឆ្នាំ២០២៤នេះគឺជាខួបលើកទី៧៩ហើយ។

ឆ្នាំនេះ គេឃើញមានកងទ័ពរាប់ម៉ឺននាក់ព្រមទាំងគ្រឿងសឹកជាច្រើន បានចូលរួមក្បួនព្យុហយាត្រានៅទីលានក្រហម ក្នុងទីក្រុងមូស្គូ។

ក្បួនព្យុហយាត្រាយោធានិងពិធីផ្សេងៗ ដើម្បីឧទ្ទិសដល់គុណបំណាច់និងការលះបង់របស់ប្រជាជនសូវៀត បានប្រព្រឹត្តទៅនៅទីក្រុងជាង៣០០ ទូទាំងប្រទេសរុស្ស៊ី ប៉ុន្តែព្រឹត្តិការណ៍ធំគឺធ្វើឡើងក្នុងទីក្រុងមូស្គូ៕

អត្ថបទ៖ សុខ សុវណ្ណ

ចុចអាន៖ អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ

The post ពូទីន ប្រកាសប្រើអំណាច ធ្វើគ្រប់យ៉ាង រារាំងពិភពលោក មិនឲ្យកើតសង្គ្រាមថ្មី appeared first on Kampuchea Thmey Daily.

ទោះបីជាយ៉ាងណាក៏ដោយ ការវាយប្រហារខ្លះៗដោយដ្រូនអ៊ុយក្រែន ត្រូវបានរុស្ស៊ីរារាំង ប៉ុន្តែអាជ្ញាធរក្នុងតំបន់មួយចំនួន ជាពិសេសទីក្រុងព្រំដែន Belgorod ក៏បានរាយការណ៍អំពីការខូចខាតផ្ទះសម្បែងនិងសំណង់ហេដ្ឋារចនាសម្ព័ន្ធផងដែរ ហើយការវាយប្រហារនេះទៀតសោត គឺមិនបានធ្លាយទៅដល់ទីក្រុងមូស្គូ ដែលជាកន្លែងប្រារព្ធពិធីធំនោះទេ។

មន្ត្រីមូលដ្ឋាននិយាយថា ប្រព័ន្ធការពារដែនអាកាសរបស់រុស្ស៊ី បានបាញ់ទម្លាក់គ្រាប់ផ្លោងចំនួន១៥គ្រាប់ និងដ្រូនមួយគ្រឿងនៅទីក្រុង Belgorod ខណៈយន្តហោះគ្មានមនុស្សបើក២គ្រឿងទៀតត្រូវបានបំផ្លាញនៅ Bryansk និង៣គ្រឿងនៅ Kursk។

ស្របពេលជាមួយគ្នានោះដែរ បើតាមការបញ្ជាក់នៅលើបណ្តាញ Telegram ពីអភិបាលក្រុង Belgorod លោក Vyacheslav Gladkov, ការវាយប្រហារបានបណ្តាលឲ្យមនុស្សចំនួន៨នាក់ រងរបួស ហើយក្នុងនោះ មាន៤នាក់ ត្រូវបានបញ្ជូនទៅមន្ទីរពេទ្យភ្លាមៗ។

សូមបញ្ជាក់ថា​ ថ្ងៃ៩ឧសភារៀងរាល់ឆ្នាំ ប្រទេសរុស្ស៊ី បានប្រារព្ធទិវាជ័យជម្នះលើសត្រូវឈ្លានពានណាស៊ីអាល្លឺម៉ង់ ខណៈឆ្នាំ២០២៤នេះគឺជាខួបលើកទី៧៩ហើយ។

ឆ្នាំនេះ គេឃើញមានកងទ័ពរាប់ម៉ឺននាក់ព្រមទាំងគ្រឿងសឹកជាច្រើន បានចូលរួមក្បួនព្យុហយាត្រានៅទីលានក្រហម ក្នុងទីក្រុងមូស្គូ។

ក្បួនព្យុហយាត្រាយោធានិងពិធីផ្សេងៗ ដើម្បីឧទ្ទិសដល់គុណបំណាច់និងការលះបង់របស់ប្រជាជនសូវៀត បានប្រព្រឹត្តទៅនៅទីក្រុងជាង៣០០ ទូទាំងប្រទេសរុស្ស៊ី ប៉ុន្តែព្រឹត្តិការណ៍ធំគឺធ្វើឡើងក្នុងទីក្រុងមូស្គូ៕

អត្ថបទ៖ សុខ សុវណ្ណ

ចុចអាន៖ លោក គីម ជុងអ៊ុន ផ្ញើ​សារ​គាំទ្រ ពូទីន ក្នុង​ខួប​​​អបអរ​ជ័យជម្នះ​​លើ​អាល្លឺម៉ង់

The post អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ appeared first on Kampuchea Thmey Daily.

លោក​​និយាយ​ថា​ “​ឥឡូវ​នេះ​ គ្មាន​អ្វី​សំខាន់​ជាង​ការខិតខំ​ប្រឹងប្រែង​ប្រយុទ្ធ​របស់​អ្នក​ទេ​”។

លោកពូទីន ក៏បានប្រើសុន្ទរកថានេះ ដើម្បីបង្ហាញពីភាពត្រឹមត្រូវនៃការលុកលុយរបស់គាត់លើអ៊ុយក្រែនផងដែរ ដោយចោទប្រកាន់មេដឹកនាំលោកខាងលិច ថាជាអ្នកបង្កជម្លោះ។

ថ្លែងទៅកាន់កងទ័ពដែលកំពុងប្រយុទ្ធនៅអ៊ុយក្រែន លោកពូទីនបាននិយាយចេញពីទីលានក្រហមថា “សង្រ្គាមពិតប្រាកដមួយ ត្រូវបានធ្វើឡើងប្រឆាំងនឹងរុស្ស៊ី។ សន្តិសុខ​ប្រទេសនាពេលសព្វថ្ងៃនេះ គឺ​ស្ថិត​នៅក្នុងដៃរបស់​អ្នក​។ អនាគត​នៃ​រដ្ឋ​របស់​យើង និង​ប្រជាជន​របស់​យើង​គឺអាស្រ័យ​លើ​អ្នក​”។

គួរបញ្ជាក់ថា ក្បួនព្យុហយាត្រាយោធាថ្ងៃ៩ឧសភា គឺជាការរំលឹកដល់ជ័យជម្នះរបស់សូវៀតលើក្រុមណាស៊ីអាល្លឺម៉ង់ ហើយនេះគឺជាក្បួនដង្ហែទិវាជ័យជម្នះលើកទី២ ចាប់តាំងពីរុស្ស៊ី បើកការវាយលុកពេញទំហឹងលើអ៊ុយក្រែន ក្នុងខែកុម្ភៈឆ្នាំ២០២២៕

ប្រែសម្រួល៖ Vann Vann

ប្រភព៖ BBC

ចុចអាន៖ ពូទីន ពន្លះលោកខាងលិចយ៉ាងចាស់ដៃ នៅទិវាជ័យជម្នះ

The post លោក ពូទីន ប្រកាសថា អនាគត​របស់​រុស្ស៊ី​ គឺពឹងផ្អែកលើ​សង្គ្រាម​នៅ អ៊ុយក្រែន appeared first on Kampuchea Thmey Daily.

ក្នុងសុន្ទរកថានោះ លោក ពូទីន បានបញ្ជាក់ថា សង្រ្គាមមួយត្រូវបានធ្វើឡើង ប្រឆាំងនឹងរុស្ស៊ី ប៉ុន្តែទីក្រុងមូស្គូនឹងដោះស្រាយវា។

លោក ពូទីន បាន​គូសបញ្ជាក់ថា “ថ្ងៃនេះ អរិយធម៌​គឺ​ជា​ចំណុច​របត់​មួយ ហើយ​សង្រ្គាម​ពិតប្រាកដ​មួយ ​ត្រូវ​បានធ្វើឡើង​ប្រឆាំង​នឹង​មាតុភូមិ​របស់​យើង។ យ៉ាងណា ​យើងបានទប់ស្កាត់​អំពើ​ភេរវកម្ម​អន្តរជាតិ ហើយ​យើង​នឹង​ការពារប្រជាជន Donbass ដោយ​ធានា​សុវត្ថិភាព​របស់​យើង”។

លោកបន្តថា ទីក្រុងកៀវ បាន​ក្លាយ​ជា​ចំណាប់ខ្មាំង ​ចាប់​តាំង​ពី​រដ្ឋ​ប្រហារ​ ហើយបានក្លាយ​ជា​កាក់នៅ​ក្នុង​ដៃ​លោក​ខាង​លិច។

លើសពីនេះ លោកពូទីន​បាន​ចង្អុល​ទៅ​ប្រទេស​មួយ​ចំនួន ដែល​លោក​​និយាយ​ថា ​ចង់​បង្ហិនបង្ហោច​មជ្ឈមណ្ឌល​អធិបតេយ្យ​នៃ​ការ​អភិវឌ្ឍ។ 

មិនត្រឹមតែប៉ុណ្ណេះ​ លោក ពូទីន បានចោទប្រកាន់ប្រទេសលោកខាងលិចថា បានបង្កជម្លោះ និងរដ្ឋប្រហារ ក៏ដូចជាបំផ្លាញតម្លៃប្រពៃណី ដើម្បីបន្តអនុវត្តច្បាប់របស់ខ្លួនផងដែរ។

លោកអះអាងថា “យើងជឿថា មនោគមវិជ្ជាណាមួយគឺគួរឲ្យស្អប់ខ្ពើម។ ទោះយ៉ាងណា ឥស្សរជនលោកខាងលិចនៅតែនិយាយអំពីភាពពិសេសរបស់ពួកគេ ធ្វើឲ្យមនុស្សប្រឆាំងគ្នាទៅវិញទៅមក និងបំបែកសង្គម។ ពួកគេបង្កឲ្យមានជម្លោះបង្ហូរឈាម និងចលាចល ហើយសាបព្រួសការស្អប់ខ្ពើម ក៏ដូចជាបញ្ឆេះឲ្យមានការស្អប់រុស្ស៊ីផងដែរ”៕

ប្រែសម្រួល៖ Vann Vann

ប្រភព៖ Sputnik

ចុចអាន៖ លោក គីម ជុងអ៊ុន ថា រុស្ស៊ី នឹងឈ្នះសង្គ្រាមនៅ អ៊ុយក្រែន

The post ពូទីន ពន្លះលោកខាងលិចយ៉ាងចាស់ដៃ នៅទិវាជ័យជម្នះ appeared first on Kampuchea Thmey Daily.

ទិវាជ័យជម្នះ គឺជាខួបដ៏សំខាន់មួយសម្រាប់លោកប្រធានាធិបតី វ្ល៉ាឌីមៀរ ពូទីន ដែលជារឿយៗតែងតែរំលឹកអំពីស្មារតី និងការលះបង់ដែលជួយសហភាពសូវៀតកម្ចាត់ពួកណាស៊ីអាល្លឺម៉ង់នៅឆ្នាំ១៩៤៥ ដើម្បីជំរុញស្មារតីស្នេហាជាតិរបស់ប្រជាជនរុស្ស៊ី ជាពិសេសចាប់តាំងពីការចាប់ផ្តើមនូវអ្វីដែលលោកហៅថា “ប្រតិបត្តិការយោធាពិសេស” ក្នុងប្រទេសអ៊ុយក្រែន នៅថ្ងៃទី ២៤ខែកុម្ភៈឆ្នាំ២០២២។

ប៉ុន្តែ​តំបន់​​មួយ​ចំនួនក្នុងប្រទេសរុស្ស៊ី ​មិនបានរៀបចំពិធីនេះជាធំដុំអ្វីនោះទេ ដោយ​លើក​ឡើង​ពីក្តី​ព្រួយ​បារម្ភ​ថា ​ពួកគេ​អាច​ត្រូវ​បាន​កំណត់​គោលដៅ​ដោយ​អ៊ុយក្រែន ហើយនៅទីក្រុងមូស្គូ ក៏ហាក់ដូចជាមានយោធា និងការបង្ហាញសព្វាវុធយោធាតិចជាងមុនផងដែរ។

ការព្រួយបារម្ភអំពីសន្តិសុខរបស់ជនជាតិរុស្ស៊ី បានកើនឡើងខ្លាំងនៅសប្តាហ៍មុន បន្ទាប់ពីការវាយប្រហារដោយយន្តហោះគ្មានមនុស្សបើក សំដៅលើឃ្លាំងផ្ទុកប្រេងឥន្ធនៈ និងរថភ្លើងដឹកទំនិញ ខណៈកាលពីថ្ងៃអាទិត្យ ប្រព័ន្ធផ្សព្វផ្សាយក៏បានរាយការណ៍ផងដែរនូវការបំផ្ទុះជាច្រើនយប់ នៅទូទាំងតំបន់គ្រីមៀដែលកាន់កាប់ដោយរុស្ស៊ី។

ការិយាល័យរបស់លោក ពូទីន បានភ្ជាប់នូវអ្វីដែលហៅថា ការវាយប្រហារដោយយន្តហោះគ្មានមនុស្សបើកភេរវករលើវិមានក្រឹមឡាំង នៅព្រឹកព្រលឹមថ្ងៃទី៣ឧសភា ទៅនឹងក្បួនដង្ហែទិវាជ័យជម្នះនេះ។ ការិយាល័យ បានចាត់ទុកការវាយប្រហារនោះ ថាជាការប៉ុនប៉ងធ្វើឃាតលោកពូទីន ប៉ុន្តែការចោទប្រកាន់នេះត្រូវបានអ៊ុយក្រែន និងសម្ព័ន្ធមិត្តលោកខាងលិចច្រានចោល។

ទីក្រុងមូស្គូក៏បានស្តីបន្ទោសទីក្រុងកៀវនិងលោកខាងលិច ចំពោះការបំផ្ទុះគ្រាប់បែកក្នុងរថយន្តកាលពីថ្ងៃសៅរ៍ ដែលបណ្តាលឲ្យអ្នកនិពន្ធជាតិនិយមរុស្ស៊ីដ៏ល្បីឈ្មោះ Zakhar Prilepin រងរបួសផងដែរ។

គួរបញ្ជាក់ថា ខួបទិវាជ័យជម្នះឆ្នាំនេះ​ កើតឡើងចំពេលដែលរុស្ស៊ីមានទាហានស្លាប់កាន់តែច្រើនក្នុងសង្រ្គាមអ៊ុយក្រែន ដែលឥឡូវបានឈានចូលដល់ខែទី១៥ហើយ៕

ប្រែសម្រួល៖ Vann Vann

ប្រភព៖ CNA

ចុចអាន៖ មកដឹងទំហំទីលានក្រហមដែលលោក ពូទីន ថ្លែងសុន្ទរកថាក្នុងទិវាជ័យជម្នះ

The post ទិវាជ័យជម្នះរុស្ស៊ីឆ្នាំនេះ ប្រារព្ធធ្វើឡើងទាំងមានភាពភ័យខ្លាច ផ្នែកសន្តិសុខ appeared first on Kampuchea Thmey Daily.

លោកពូទីន និយាយថា ការសម្រេចចិត្តបើកប្រតិបត្តិការនៅថ្ងៃទី ២៤ ខែកុម្ភៈ គឺជាជម្រើសត្រឹមត្រូវតែមួយគត់ក្នុងកាលៈទេសៈនេះ។

លោក ពូទីន បាននិយាយក្នុងសុន្ទរកថានៅឯក្បួនព្យុហយាត្រាទិវាជ័យជម្នះ ក្នុងទីក្រុងមូស្គូថា “យើងបានឃើញពីរបៀបដែលហេដ្ឋារចនាសម្ព័ន្ធយោធាត្រូវបានលាតត្រដាង, របៀបដែលទីប្រឹក្សាបរទេសរាប់រយនាក់បានចាប់ផ្តើមធ្វើការនៅទីនោះ, ដោយអាវុធទំនើបបំផុតត្រូវបានចែកចាយជាទៀងទាត់ពីបណ្តាប្រទេសណាតូ។ គ្រោះថ្នាក់កើនឡើងជារៀងរាល់ថ្ងៃ។ រុស្ស៊ី បានទប់ស្កាត់ជាមុនចំពោះការលុកលុយ។ នេះគឺជាការសម្រេចចិត្តទាំងបង្ខំ ទាន់ពេលវេលា និងត្រឹមត្រូវតែមួយគត់ ដែលធ្វើឡើងដោយប្រទេសខ្លាំង និងឯករាជ្យ”។

ប្រធានាធិបតីរុស្ស៊ីបន្តថា ប្រទេសណាតូ មិនស្តាប់សហព័ន្ធរុស្ស៊ីទេ ខណៈដែលពួកគេកំពុងរៀបចំការវាយប្រហារលើតំបន់ គ្រីមៀ។ ​​​ផែនការកំពុងរៀបចំ សម្រាប់ប្រតិបត្តិការដាក់ទណ្ឌកម្មមួយផ្សេងទៀតនៅក្នុងតំបន់ Donbass ដែលជាការលុកលុយទឹកដីប្រវត្តិសាស្ត្ររបស់យើង រួមទាំងនៅ គ្រីមៀ ផងដែរ។

យោងតាមលោក វ្ល៉ាឌីមៀ ពូទីន, ប្លុកណាតូ បានចាប់ផ្តើមការអភិវឌ្ឍន៍ផ្នែកយោធាយ៉ាងសកម្មនៅលើទឹកដីជាប់សហព័ន្ធរុស្ស៊ី។ នោះជាប្រព័ន្ធបង្កើតការគំរាមកំហែងដែលមិនអាចទទួលយកបានទាំងស្រុងចំពោះប្រទេសនេះ លើសពីនេះទៅទៀតគឺការគំរាមកំហែងដោយផ្ទាល់នៅព្រំដែនរុស្ស៊ី៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ ក្បួនព្យុហយាត្រា ទិវាជ័យជម្នះរុស្ស៊ី ចាប់ផ្តើមហើយ

The post នេះជាសុន្ទរកថារបស់លោក ពូទីន នៅទិវាជ័យជម្នះ ដែលពិភពលោកទន្ទឹងរង់ចាំ (មានវីដេអូ) appeared first on Kampuchea Thmey Daily.

ព្រឹត្តិការណ៍នេះ មានការចូលរួមពីយោធាចំនួន ១១០០០នាក់ សព្វាវុធចំនួន១៣១ ព្រមទាំងឧទ្ធម្ភាគចក្រ និងយន្តហោះចំនួន ៧៧ គ្រឿង។

នៅឆ្នាំនេះ ក្បួនដង្ហែទិវាជ័យជម្នះត្រូវបានប្រារព្ធធ្វើឡើង ចំពេលរុស្ស៊ីធ្វើប្រតិបត្តិការយោធាពិសេសមួយក្នុងប្រទេសអ៊ុយក្រែន ជាមួយគោលដៅឲ្យអ៊ុយក្រែនគ្មានកងទ័ព និងលុបបំបាត់លទ្ធិណាស៊ីនិយម។

លោកប្រធានាធិបតី វ្ល៉ាឌីមៀរ ពូទីន បានសង្កត់ធ្ងន់ថា ប្រជាជននៃសាធារណរដ្ឋប្រជាមានិត Donetsk និង Lugansk បានទទួលរងនូវអំពើប្រល័យពូជសាសន៍ដោយរបបទីក្រុង​ កៀវ ដែលត្រូវបានប្លន់ដោយអ្នកជាតិនិយម និងក្រុមទំនោរណាស៊ី បន្ទាប់ពីរដ្ឋប្រហារគាំទ្រដោយលោកខាងលិចក្នុងឆ្នាំ២០១៤។

គួរបញ្ជាក់ថា រុស្ស៊ីបានប្រារព្ធទិវាជ័យជម្នះនៅថ្ងៃទី៩ឧសភា ខុសពីបណ្តាប្រទេសនៅអឺរ៉ុបភាគច្រើន ដែលប្រារព្ធពិធីបញ្ចប់សង្រ្គាមលោកលើកទីពីរនៅអឺរ៉ុបនៅថ្ងៃទី ៨ ឧសភា។

នេះគឺដោយសារតែការបញ្ចប់នៃសកម្មភាពប្រយុទ្ធទាំងអស់ ត្រូវបានប្រកាសនៅម៉ោង ២៣:០១នាទី ម៉ោងអឺរ៉ុបកណ្តាល ដែលនៅពីក្រោយល្វែងម៉ោងរបស់សហភាពសូវៀត៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ហេតុអ្វីបានជាទិវាជ័យជម្នះ ៩ឧសភា មានសារសំខាន់សម្រាប់ រុស្ស៊ី?

The post ក្បួនព្យុហយាត្រា ទិវាជ័យជម្នះនៅរុស្ស៊ី ចាប់ផ្តើមហើយ appeared first on Kampuchea Thmey Daily.