មកដឹងទំហំទីលានក្រហមដែលលោក ពូទីន ថ្លែងសុន្ទរកថាក្នុងទិវាជ័យជម្នះ

ប្រធានាធិបតីរុស្ស៊ីលោក វ្ល៉ាឌីមៀ ពូទីន បានថ្លែងសុន្ទរកថារយៈពេល ១១ នាទីក្នុង “ទិវាជ័យជម្នះ ៩ ឧសភា” លើពួកណាស៊ីអាល្លឺម៉ង់ ក្នុងសង្គ្រាមលោកលើកទី ២ នៅទីលានក្រហមកណ្ដាលទីក្រុងមូស្គូ ។

ទីលានក្រហម គឺជាទីលានចំណាស់ជាងគេ និងធំជាងគេមួយក្នុងទីក្រុងមូស្គូរដ្ឋធានីនៃប្រទេសរុស្ស៊ី ។ វាមានទីតាំងនៅខាងកើតនៃវិមានក្រឹមឡាំង ហើយមានរាងជាចតុកោណកែង មានទទឹង ៧០ ម៉ែត្រ និងបណ្ដោយ ៣៣០ ម៉ែត្រ ។

ទន្ទឹមនោះ ទីលានក្រហមក៏ជាកន្លែងធ្វើក្បួនព្យុហយាត្រាយោធាក្នុងខួបលើកទី ៧៧ នៃទិវាជ័យជម្នះផងដែរ ដោយមានការចូលរួមពីយោធាចំនួន ១១,០០០ នាក់ និងសព្វាវុធចំនួន ១៣១ គ្រឿង ខណៈក្បួនបង្ហាញយន្តហោះលើអាកាសមិនបានប្រារព្ធឡើងនោះទេ ដោយសារតែបញ្ហាអាកាសធាតុ ។

គួរបញ្ជាក់ថា វាក៏ជាទីលានដ៏ល្បីល្បាញបំផុតមួយនៅអឺរ៉ុប និងពិភពលោកផងដែរ ហើយ​បាន​ចូល​ជា​សម្បត្តិ​បេតិកភណ្ឌ​ពិភពលោក​របស់​អង្គការ​យូណេស្កូ​ តាំង​ពី​ឆ្នាំ​ ១៩៩០ ៕

ប្រែសម្រួលដោយ ៖ ជីវ័ន្ត

ប្រភព ៖ Wikipedia

ចុចអាន ៖ មកដឹង ថេរវេលាដែលលោក ពូទីន ថ្លែងសុន្ទរកថាក្នុង “ទិវាជ័យជម្នះ ៩ ឧសភា”