ក្បួនព្យុហយាត្រា ទិវាជ័យជម្នះនៅរុស្ស៊ី ចាប់ផ្តើមហើយ

ក្បួនព្យុហយាត្រាយោធា ដើម្បីអបអរសាទរខួបលើកទី ៧៧ នៃជ័យជម្នះលើពួកណាស៊ី អាល្លឺម៉ង់ក្នុងសង្គ្រាមលោកលើកទី២ កំពុងប្រព្រឹត្តទៅនៅទីលានក្រហមនៃទីក្រុងមូស្គូ។

ព្រឹត្តិការណ៍នេះ មានការចូលរួមពីយោធាចំនួន ១១០០០នាក់ សព្វាវុធចំនួន១៣១ ព្រមទាំងឧទ្ធម្ភាគចក្រ និងយន្តហោះចំនួន ៧៧ គ្រឿង។

នៅឆ្នាំនេះ ក្បួនដង្ហែទិវាជ័យជម្នះត្រូវបានប្រារព្ធធ្វើឡើង ចំពេលរុស្ស៊ីធ្វើប្រតិបត្តិការយោធាពិសេសមួយក្នុងប្រទេសអ៊ុយក្រែន ជាមួយគោលដៅឲ្យអ៊ុយក្រែនគ្មានកងទ័ព និងលុបបំបាត់លទ្ធិណាស៊ីនិយម។

លោកប្រធានាធិបតី វ្ល៉ាឌីមៀរ ពូទីន បានសង្កត់ធ្ងន់ថា ប្រជាជននៃសាធារណរដ្ឋប្រជាមានិត Donetsk និង Lugansk បានទទួលរងនូវអំពើប្រល័យពូជសាសន៍ដោយរបបទីក្រុង​ កៀវ ដែលត្រូវបានប្លន់ដោយអ្នកជាតិនិយម និងក្រុមទំនោរណាស៊ី បន្ទាប់ពីរដ្ឋប្រហារគាំទ្រដោយលោកខាងលិចក្នុងឆ្នាំ២០១៤។

គួរបញ្ជាក់ថា រុស្ស៊ីបានប្រារព្ធទិវាជ័យជម្នះនៅថ្ងៃទី៩ឧសភា ខុសពីបណ្តាប្រទេសនៅអឺរ៉ុបភាគច្រើន ដែលប្រារព្ធពិធីបញ្ចប់សង្រ្គាមលោកលើកទីពីរនៅអឺរ៉ុបនៅថ្ងៃទី ៨ ឧសភា។

នេះគឺដោយសារតែការបញ្ចប់នៃសកម្មភាពប្រយុទ្ធទាំងអស់ ត្រូវបានប្រកាសនៅម៉ោង ២៣:០១នាទី ម៉ោងអឺរ៉ុបកណ្តាល ដែលនៅពីក្រោយល្វែងម៉ោងរបស់សហភាពសូវៀត៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ហេតុអ្វីបានជាទិវាជ័យជម្នះ ៩ឧសភា មានសារសំខាន់សម្រាប់ រុស្ស៊ី?