កាលពីថ្ងៃអង្គារទី១៥ខែកក្កដាឆ្នាំ២០២៥ អ្នកសារព័ត៌មានបានសួរទៅលោកត្រាំជុំវិញរឿងលោកហ្សេលេនស្គី ចង់បាញ់រដ្ឋធានីរបស់ប្រទេសរុស្ស៊ី។ ជាការឆ្លើយតប ប្រធានាធិបតីអាមេរិកនិយាយថា «ទេ គាត់មិនត្រូវកំណត់គោលដៅទីក្រុងមូស្គូទេ»។

ស្របពេលជាមួយគ្នានោះ អ្នកនាំពាក្យសេតវិមានលោកស្រី Karoline Leavitt ក៏បានបញ្ជាក់ដែរថា លោកប្រធានាធិបតីមិនលើកទឹកចិត្តឲ្យមានការបាញ់សម្លាប់គ្នាតទៅទៀតទេ។ លោកធ្វើការដោយមិនខ្លាចនឿយហត់ដើម្បីបញ្ឈប់ការសម្លាប់និងពន្លត់ភ្លើងសង្គ្រាមនេះ។

សម្តីលោកត្រាំ កើតឡើងមិនយូរប៉ុន្មានបន្ទាប់ពីកាសែត ​Washington Post ចេញផ្សាយថា មេដឹកនាំអាមេរិក កំពុងពិចារណាផ្តល់សិទ្ធិប្រើប្រាស់មីស៊ីលរយៈចម្ងាយឆ្ងាយ ATACMS ដល់​អ៊ុយក្រែន សម្រាប់​បាញ់​​​​ចូល​ជ្រៅ​ក្នុង​ដី​រុស្ស៊ី ដោយ​កំណត់​គោលដៅ​​​លើហេដ្ឋារចនាសម្ព័ន្ធយោធា។

ផែនការនេះ គឺជាផ្នែកមួយនៃយុទ្ធសាស្ត្រ​ដ៏​ទូលំទូលាយ​របស់​អាមេរិក ដើម្បី​​បង្កើនសម្ពាធយោធាលើទីក្រុងមូស្គូ និង​បង្ខំ​ឲ្យ​រុស្ស៊ី​ចូល​តុ​ចរចាបញ្ចប់សង្រ្គាមនៅអ៊ុយក្រែន។

មីស៊ីល​ ATACM ដែលអាចវាយប្រហារគោលដៅបានចម្ងាយ ៣០០​គីឡូម៉ែត្រ អាចអនុញ្ញាត​ឲ្យ​អ៊ុយក្រែនវាយលុក​មូលដ្ឋាន​ទ័ព អាកាសយានដ្ឋាន និងឃ្លាំងផ្គត់ផ្គង់របស់រុស្ស៊ី ដោយ​រហូតមកដល់ពេលនេះ អាវុធ​អ៊ុយក្រែន​ដែល​ទទួល​បាន​ពី​​សម្ព័ន្ធមិត្ត​លោកខាងលិច​ មិន​ទាន់​មាន​សមត្ថភាព​វាយប្រហារ​ដល់​គោលដៅ​ទាំង​នោះ​នៅ​ឡើយ​ទេ។

Washington Post បាន​ចុះផ្សាយ​ទៀត​​ថា មីស៊ីល​គ្រូស​ ដែលមានសមត្ថភាព​បាញ់​ដល់ទីក្រុងមូស្គូ ក៏ត្រូវបានពិចារណាផងដែរ ប៉ុន្តែ​​​មិនទាន់រាប់បញ្ចូល​នៅ​ក្នុងផែនការ​លើក​នេះ​ទេ៕

អត្ថបទ៖ សុខ សុវណ្ណ

ចុចអាន៖ WP៖ ត្រាំ អាចបើកដៃ​ឲ្យ​អ៊ុយក្រែន​ប្រើ​មីស៊ីល ATACMS បាញ់​ចូល​ជ្រៅ​ក្នុង​ទឹក​ដី​រុស្ស៊ី

The post ត្រាំ ផ្តាំទៅ ហ្សេលេនស្គី ថា៖ «កុំបាញ់ចូលមូស្គូឲ្យសោះ!» appeared first on Kampuchea Thmey Daily.

យោងតាមគណៈកម្មការស៊ើបអង្កេតរុស្ស៊ី, លោក Igor Kirillov គឺជាប្រធានកងកម្លាំងការពារនុយក្លេអ៊ែរ ជីវសាស្ត្រ គីមី ហៅកាត់ NBC ហើយគាត់បានបាត់បង់ជីវិត នៅពេលគ្រាប់បែកបង្កៃក្នុងកង់ស្គីអេឡិចត្រូនិចដែលទុកចោល ត្រូវគេបញ្ជាពីចម្ងាយឲ្យផ្ទុះ ខណៈគាត់ដើរចេញពីផ្ទះ។

ពាក់ព័ន្ធរឿងនេះ មិនទាន់មានខាងណាចេញមុខទទួលខុសត្រូវនោះទេ ប៉ុន្តែរុស្ស៊ី បានចាប់ផ្តើមការស៊ើបអង្កេតហើយ ដោយសង្ស័យថា នេះជាស្នាដៃរបស់អ៊ុយក្រែន។

លោក Kirillov វ័យ៥៤ឆ្នាំ បានដឹកនាំ​ NBC ចាប់តាំងពីឆ្នាំ២០១៧មក ហើយបានក្លាយជាមន្ត្រីយោធាមានមុខមានមាត់ខ្លាំង ដោយសារតែគាត់ចេះដឹងជ្រៅជ្រះអំពីរឿងដែលអ៊ុយក្រែននិងសហរដ្ឋអាមេរិក ប្រើប្រាស់អាវុធគីមីនៅលើសមរភូមិ។

គាត់ក៏អះអាងមានព័ស្តុតាង ដែលបង្ហាញថា​ សហរដ្ឋអាមេរិក បានធ្វើប្រតិបត្តិការជាបណ្តាញក្នុងមន្ទីរពិសោធន៍ជីវសាស្ត្រនៅប្រទេសអ៊ុយក្រែននិងកន្លែងផ្សេងទៀត ដែលជាការគំរាមកំហែងធំធេងដល់ប្រជាជនស៊ីវិលផងដែរ។

កាលពីខែតុលា ចក្រភពអង់គ្លេសបានដាក់ទណ្ឌកម្មលើលោក Kirillov ដោយនិយាយថា បុរសម្នាក់នេះជាអ្នកទទួលខុសត្រូវលើការប្រើប្រាស់អាវុធគីមីក្នុងប្រទេសអ៊ុយក្រែន ហើយដើរតួសំខាន់ក្នុងការបំភ្លៃព័ត៌មានរបស់វិមានក្រឹមឡាំង៕

អត្ថបទ៖ សុខ សុវណ្ណ

ចុចអាន៖ ពូទីន៖ លោកខាងលិច បង្ខំឲ្យរុស្ស៊ី ដើរហួសបន្ទាត់ក្រហម រួចយកលេស ទៅបំភ័យប្រជាជនខ្លួនឯង

The post ផ្ទុះគ្រាប់បែកនៅមូស្គូ សម្លាប់មេទ័ពរុស្ស៊ី ដែលជាប្រធាន កងកម្លាំងនុយក្លេអ៊ែរ appeared first on Kampuchea Thmey Daily.

វិធានការ ដែលត្រូវបានប្រកាសដោយអភិបាលក្រុងមូស្គូលោក Sergey Sobyanin កាលពីថ្ងៃអង្គារ នឹងតម្រូវឲ្យប្រជាជនស្កេន QR កូដ មុនពេលចូលកន្លែងនានារួមមានអាហារដ្ឋាន កន្លែងញ៉ាំចំណីនិងទីតាំងសាធារណៈផ្សេងទៀត។

មានតែអ្នកដែលមានកាតចាក់វ៉ាក់សាំង, ភស្តុតាងបង្ហាញថាពួកគេបានឆ្លងវីរុសក្នុងរយៈពេលប្រាំមួយខែចុងក្រោយឬការធ្វើតេស្ត PCR អវិជ្ជមានក្នុងរយៈពេលបីថ្ងៃមុនប៉ុណ្ណោះ ដែលនឹងត្រូវបានផ្តល់ជូននូវវិញ្ញាបនបត្រឌីជីថល។ អ្នកដែលបានចាក់វ៉ាក់សាំងតែមួយដូស ក៏នឹងត្រូវបានគេរាយការណ៍ថា មានសិទ្ធិទទួលបានតាមគ្រោងការណ៍នេះផងដែរ។

លោក Sobyanin និយាយថា “ស្ថានភាពនៃការរីករាលដាលជំងឺកូវីដ នៅតែពិបាកខ្លាំង។ មានអ្នកជំងឺធ្ងន់ធ្ងរជាង ១៤,០០០នាក់នៅក្នុងមន្ទីរពេទ្យ។ ប្រព័ន្ធថែទាំសុខភាព ជិតដួលរលំទៅហើយ”។

ចាប់ពីថ្ងៃទី២៨ខែមិថុនា ប្រព័ន្ធនេះនឹងក្លាយជា កាតព្វកិច្ចសម្រាប់ភោជនីយដ្ឋាននិងហាងកាហ្វេទាំងអស់ ដែលចង់បន្តដំណើរការដូចធម្មតា។ ការទិញអាហារនិងការដឹកជញ្ជូនទៅផ្ទះ នឹងក្លាយជាជម្រើសតែមួយគត់ដែលធ្វើបាន សម្រាប់អ្នកដែលគ្មាន QR កូដ។

ទីក្រុងនេះ បានហាមឃាត់ការកម្សាន្តពេលរាត្រី ដែលអនុវត្តរួចទៅហើយជាមួយបម្រាមរយៈពេលពីរសប្តាហ៍ លើរង្គសាលនិងក្លិបនានាដែលបើកលើសម៉ោង១១យប់៕

ប្រែសម្រួល៖ Vann Vann

ប្រភព៖ RT

ចុចអាន៖ ស្ងាត់ៗ រុស្ស៊ី ត្រៀមសាកល្បងវ៉ាក់សាំង Sputnik V លើក្មេងជំទង់

The post ទីក្រុងមូស្គូ តម្រូវឲ្យអ្នកចូលរង្គសាលនិងភោជនីយដ្ឋាន បង្ហាញកាតចាក់វ៉ាក់សាំង ឬលទ្ធផលតេស្ត អវិជ្ជមាន appeared first on Kampuchea Thmey Daily.

ឥឡូវនេះ ក្រុមអ្នកវិទ្យាសាស្ត្រកំពុងស្វែងរកវិធីដើម្បីបញ្ជាក់ឲ្យកាន់តែច្បាស់ថា តើវ៉ាក់សាំងនៅតែអាចធ្វើការប្រឆាំងនឹងវីរុសបំប្លែងខ្លួន “មូស្គូ” នេះដែរឬក៏អត់។

ទោះបីជាយ៉ាងណាក៏ដោយ ប្រធានផ្នែកសុខភាពមិនបានបញ្ចេញព័ត៌មានជាសាធារណៈណាមួយអំពីវីរុសបំប្លែងខ្លួននេះទេ។

ការផ្ទុះឡើងនៃវីរុសកូវីដ-១៩ក្នុងទីក្រុងមូស្គូ បានកើនឡើង ចាប់តាំងពីពាក់កណ្តាលខែឧសភាមក ខណៈកាលពីថ្ងៃអាទិត្យមានការឆ្លង ៧,៧០៤ករណីនៅទូទាំងទីក្រុង ដែលជាការឆ្លងប្រចាំថ្ងៃខ្ពស់បំផុត ចាប់តាំងពីថ្ងៃទី២៤ខែធ្នូមក។

អ្នកសិក្សានៅវិទ្យាស្ថានស្រាវជ្រាវរោគរាតត្បាតនិងមីក្រូជីវសាស្រ្ត Gamaleya ដែលផលិតវ៉ាក់សាំង Sputnik V បានលើកឡើងថា វីរុសបំប្លែងខ្លួនថ្មី អាចត្រូវបានស្តីបន្ទោសចំពោះករណីកើនឡើងយ៉ាងគំហុកនេះ។

អនុប្រធាន Denis Logunov បានប្រាប់ទីភ្នាក់ងារសារព័ត៌មានរុស្ស៊ី TASS ថា “ឥឡូវនេះ យើងកំពុងតាមដានស្ថានភាពនៅទីក្រុងមូស្គូ ហើយអ្វីដែលសំខាន់បំផុត គឺទីក្រុងមូស្គូ មានវីរុសបំប្លែងខ្លួនមូស្គូ ខ្លួនឯងផ្ទាល់”។

ទីលានកីឡា កន្លែងលេងកម្សាន្តនិងចំណុចទាក់ទាញផ្សេងទៀតនៅខាងក្នុងឧទ្យានធំៗ ត្រូវបិទរយៈពេលមួយសប្តាហ៍គិតចាប់ពីថ្ងៃអាទិត្យទៅ។ បារ៍និងភោជនីយដ្ឋាន នានាក៏ត្រូវបានបញ្ជាឲ្យត្រឹមម៉ោង ១១ យប់ផងដែរ ដើម្បីជួយទប់ស្កាត់ការរីករាលដាលនៃវីរុស៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្ត្រថា កូវីដ-១៩នឹងមិនបាត់ទៅណាទេ ហើយគ្រប់គ្នាត្រូវរៀនរស់ជាមួយវាដូចជំងឺផ្តាសាយ

The post រុស្ស៊ី រកឃើញវីរុសកូវីដបំប្លែងខ្លួន មិនខ្លាចវ៉ាក់សាំង ប្រភេទថ្មីមួយទៀត ផ្ទុះខ្លាំងក្នុងទីក្រុង មូស្គូ appeared first on Kampuchea Thmey Daily.

វ៉ាក់សាំងរបស់ខ្លួនផ្ទាល់ឈ្មោះ Sputnik V ដែលត្រូវបានចុះបញ្ជីកាលពីខែសីហាកំពុងត្រូវបានគេប្រើប្រាស់។

អ្នកអភិវឌ្ឍន៍និយាយថា វាមានប្រសិទ្ធភាព៩៥ភាគរយហើយមិនបង្កផលប៉ះពាល់អ្វីធំដុំទេប៉ុន្តែវានៅតែកំពុងស្ថិតក្នុងដំណាក់កាលធ្វើតេស្តទ្រង់ទ្រាយធំ។

មនុស្សរាប់ម៉ឺននាក់បានចុះឈ្មោះរួចទៅហើយដើម្បីទទួលបានការចាក់វ៉ាក់សាំងដំបូងនៅចុងសប្តាហ៍នេះប៉ុន្តែគេមិនទាន់ដឹងច្បាស់ទេថាតើរុស្ស៊ីអាចផលិតបានប៉ុន្មានដូស។

អ្នកផលិតរំពឹងថានឹងអាចផលិតវ៉ាក់សាំងបានចំនួន២លានដូសនៅត្រឹមដំណាច់ឆ្នាំនេះ។

អភិបាលក្រុងមូស្គូលោក Sergei Sobyanin ដែលបានប្រកាសពីកម្មវិធីនេះកាលពីដើមសប្តាហ៍បាននិយាយថា វ៉ាក់សាំងកំពុងត្រូវបានផ្តល់ជូនដល់ប្រជាជននៅក្នុងទីក្រុងមានមនុស្សចំនួន១៣លាននាក់មួយនេះ។ ពួកគេជាអ្នកដែលធ្វើការនៅតាមសាលារៀននិងសេវាសុខភាពនិងបុគ្គលិកសង្គម។

លោកបាននិយាយថា បញ្ជីនឹងត្រូវបន្ថែមទៀតនៅពេលដែលវ៉ាក់សាំងកាន់តែមានច្រើន។

គួរបញ្ជាក់ថា ប្រតិបត្តិការចាក់វ៉ាក់សាំងបានចាប់ផ្តើមពីម៉ោង៨ព្រឹកដល់ម៉ោង៨យប់៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ពលរដ្ឋអេស្ប៉ាញ ២០ លាននាក់អាចនឹងទទួលការចាក់វ៉ាក់សាំងកូវីដ នៅមុនរដូវក្តៅ

ចុចអាន៖ ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ

The post រុស្ស៊ី ចាប់ផ្តើមយុទ្ធនាការចាក់វ៉ាក់សាំងកូវីដក្នុងទីក្រុង មូស្គូ ហើយ! appeared first on Kampuchea Thmey Daily.

វេជ្ជបណ្ឌិត គ្រូបង្រៀននិងអ្នកធ្វើការផ្នែកសង្គមនឹងជាក្រុមទីមួយដែលត្រូវគេចាក់វ៉ាក់សាំង។ យោងតាមលោក ​​Sobyanin បានឲ្យដឹងថា អ្នកក្រុងមូស្គូនឹងអាចទទួលបានការចាក់ថ្នាំបង្ការនៅតាមទីតាំងចាក់ថ្នាំដែលត្រូវបានបង្កើតឡើងជុំវិញទីក្រុង។

លោកប្រធានាធិបតី Vladimir Putin បានបញ្ជាឲ្យចាប់ផ្តើមកម្មវិធីនេះកាលពីថ្ងៃពុធដោយលោកនិយាយថា “ការផលិត Sputnik V ដែលជាវ៉ាក់សាំងត្រូវបានចុះបញ្ជីដំបូងបង្អស់លើពិភពលោកប្រឆាំងនឹងវីរុសកូរ៉ូណាគឺជាអ្វីដែលអនុញ្ញាតឲ្យយើងចាប់ផ្តើមចាក់វ៉ាក់សាំងបាន”។

ប្រទេសរុស្ស៊ីបានបង្កការភ្ញាក់ផ្អើលកាលពីខែសីហានៅពេលខ្លួនក្លាយជាប្រទេសដំបូងគេដែលបានអនុម័តរូបមន្តការពារប្រឆាំងនឹងជំងឺកូវីដ១៩។

ស្របពេលដែលអ្នកអត្ថាធិប្បាយនិងអ្នកវិទ្យាសាស្ត្រអន្តរជាតិមួយចំនួនបានសម្តែងការព្រួយបារម្ភចំពោះល្បឿនដែលរូបមន្តនេះត្រូវបានចុះបញ្ជីនោះ អ្នកបង្កើតបានអះអាងថា ការសម្រេចចិត្តគឺផ្អែកលើទិន្នន័យដំបូងនៃការសាកល្បងវិជ្ជមានដែលត្រូវបានចុះផ្សាយនៅក្នុងទស្សនាវដ្តីវេជ្ជសាស្ត្រ Lancet៕

ប្រែសម្រួលដោយ៖ Vann Vann

ប្រភព៖ RT

The post ស្អែកនេះ រុស្ស៊ីនឹងចាប់ផ្តើមចាក់វ៉ាក់សាំងការពារជំងឺកូវីដ១៩ដល់អ្នកក្រុង មូស្គូ appeared first on Kampuchea Thmey Daily.