ទឹកក្ដៅ Archives - Kampuchea Thmey Daily

អត្ថប្រយោជន៍ ៥ យ៉ាងពីការត្រាំទឹកក្តៅក្នុងរដូវរងា

សាង ស្រីល័ក្ខ — Fri, 30 Dec 2022 06:44:55 +0000

ការងូតទឹកក្តៅ ឬហៅថា nyokutsuru គឺជាទម្លាប់ប្រចាំថ្ងៃរបស់ប្រជាជនជប៉ុន។ ជាពិសេសក្នុងរដូវរងា ការងូតទឹកក្តៅឧណ្ហៗ គឺជាការរីករាយរបស់ជនជាតិជប៉ុនបន្ទាប់ពីអាហារពេលល្ងាច។ ការត្រាំទឹកក្ដៅពិតជាមានអត្ថប្រយោជន៍ច្រើនទន្ទឹមនោះ វាក៏ត្រូវបានណែនាំឲ្យប្រុងប្រយ័ត្នផងដែរ។

១ បំបាត់ភាពអស់កម្លាំង និងជួយបន្ធូរអារម្មណ៍

នៅពេលត្រាំក្នុងទឹកក្តៅ សីតុណ្ហភាពទឹកក្តៅនឹងបង្កើនការរំលាយអាហារក្នុងរាងកាយរបស់អ្នក ជួយបញ្ចេញកាកសំណល់ដែលបណ្ដាលឲ្យអស់កម្លាំងចេញពីរាងកាយ។ វាជួយឲ្យឈាមហូរបានល្អ ហើយដឹកជញ្ជូនសារធាតុចិញ្ចឹម និងអុកស៊ីសែនទៅកាន់គ្រប់ផ្នែកនៃរាងកាយ ជួយកាត់បន្ថយភាពនឿយហត់ពីការងារ និងកាត់បន្ថយរោគសញ្ញាអស់កម្លាំងពីការធ្វើការនៅមុខកុំព្យូទ័រពេញមួយថ្ងៃបានយ៉ាងល្អ។ លើសពីនេះទៀត ការងូតទឹកក្តៅនឹងធ្វើឲ្យប្រព័ន្ធសរសៃប្រសាទស្វយ័ត parasympathetic សកម្មដែលជួយឲ្យរាងកាយសម្រាក និងធ្វើសកម្មភាពកាន់តែលេចធ្លោ ជាលទ្ធផល អ្នកមានអារម្មណ៍ធូរស្រាល បន្ទាប់ពីងូតទឹកក្តៅ។

២ ជួយបន្ថយរោគសញ្ញានៃជំងឺផ្ដាសាយ

ការងូតទឹកក្តៅឧណ្ហៗនឹងជួយពង្រឹងដល់មុខងារបេះដូង ធ្វើឲ្យប្រសើរឡើងនូវចរន្តឈាម ក្នុងរាងកាយ។ ជាលទ្ធផលអ្នកនឹងបានធូរស្រាល ពីរោគសញ្ញាគ្រុនផ្ដាសាយ។

៣ បង្កើនអត្រានៃការរំលាយអាហាររបស់រាងកាយ

ទឹកក្ដៅជួយបង្កើនអត្រារំលាយអាហារក្នុងរាងកាយបានល្អប្រសើរ។ ជាពិសេសនាពេលបច្ចុប្បន្ននេះ យើងត្រូវពាក់ម៉ាស់គ្រប់ពេល ធ្វើឲ្យមានកន្ទួលលើផ្ទៃមុខ។ ការងូតទឹកក្តៅឧណ្ហៗ អាចជួយធ្វើឲ្យអាការទាំងនេះប្រសើរឡើង។

៤ ជួយឲ្យគេងលក់ស្រួល

ជាធម្មតា សីតុណ្ហភាពរាងកាយរបស់យើងថយចុះនៅពេលយប់ ធ្វើឲ្យមនុស្សមានអារម្មណ៍ងងុយគេង និងអស់កម្លាំង។ ការងូតទឹកក្តៅឧណ្ហៗ ជួយបង្កើនសីតុណ្ហភាពក្នុងខ្លួនរបស់អ្នក។ នៅពេលដែលសីតុណ្ហភាពក្នុងខ្លួនធ្លាក់ចុះ វានឹងធ្វើឲ្យមនុស្សគេងលក់ស្រួល ។ ទោះជាយ៉ាងណាក៏ដោយ ដើម្បីគេងលក់ស្រួល ពួកគេគួរតែងូតទឹកក្តៅឧណ្ហៗ ១-២ ម៉ោងមុនពេលចូលគេង។

៥ ជួយបណ្ដេញកាកសំណល់ចេញពីស្បែក

ក្នុងរដូវរងាពេលបែកញើសតិច កាកសំណល់ច្រើនកកកុញក្នុងខ្លួន។ ការងូតទឹកក្តៅឧណ្ហៗដោយត្រាំទឹកពាក់កណ្តាលខ្លួន នឹងធ្វើឲ្យអ្នកបែកញើសកាន់តែល្អ ហើយរាងកាយនឹងបញ្ចេញកាកសំណល់ចេញតាមរយៈញើស។ វាមានឥទ្ធិពលវិជ្ជមានទៅលើសុខភាពរាងកាយ និងសម្រស់។

ត្បិតថាការងូតទឹកក្តៅឧណ្ហៗ ដើម្បីបំបាត់ភាពនឿយហត់ និងរក្សាស្បែកឲ្យមានសុខភាពល្អ តែអ្នកក៏ត្រូវតែប្រុងប្រយ័ត្នដូចជា សីតុណ្ហភាពទឹកក្តៅគួរមានប្រហែល ៣៨-៤០°C ហើយរយៈពេលត្រាំមិនគួរលើសពី ១០ នាទីទេ។ ទឹកក្តៅលើសពី ៤២°C ធ្វើឲ្យប្រព័ន្ធសរសៃប្រសាទស៊ីមេទ្រី ដែលជំរុញមនុស្សឲ្យមានការប្រុងប្រយ័ត្ន។ វាមានឥទ្ធិពលផ្ទុយពីការធ្វើឲ្យអារម្មណ៍ធូរស្រាល។ លើសពីនេះ ទឹកដែលក្តៅពេកនឹងធ្វើឲ្យស្បែករបស់អ្នកស្ងួតយ៉ាងងាយ៕

ប្រែសម្រួល៖ សាង ស្រីល័ក្ខ

ចុចអាន៖តើការផឹកទឹកត្រជាក់ ពិតជាគ្រោះថ្នាក់ដល់សុខភាពមែនទេ?

ចុចអាន៖បុគ្គលិកធ្វើការក្នុងអូហ្វីស បើចេញរោគសញ្ញា ៣ នេះប្រញាប់ជួបពេទ្យ

The post អត្ថប្រយោជន៍ ៥ យ៉ាងពីការត្រាំទឹកក្តៅក្នុងរដូវរងា appeared first on Kampuchea Thmey Daily.

ទាំងនេះជាប្រភេទអាហារដែលចចាមអារ៉ាមល្បីថាអាចការពារ ឬព្យាបាលកូវីដ-១៩បាន

Sonya — Sat, 16 Oct 2021 02:18:18 +0000

ចាប់តាំងពីការផ្ទុះឡើងនូវវីរុស COVID-19 បានធ្វើឲ្យមានភាន់ច្រឡំជាច្រើនជុំវិញការព្យាបាល និងវិធីការពារ ក្នុងនោះមានទាំងការធ្វើតាមជំនឿផ្សេងៗ ដើម្បីបណ្តេញវីរុស COVID-19 និងញ៉ាំអាហារណាមួយអាចទប់ស្កាត់វីរុសនេះបាន។ ដំបូងឡើយ នៅពេលដែលវីរុសចាប់ផ្តើមរាលដាលថ្មីៗ អាហារទាំងនេះ គេជឿថា អាចទប់ស្កាត់ការឆ្លងវីរុស COVID-19 បាន៖

ទី១. ខ្ទឹមស

ពាក្យចចាមអារ៉ាមមួយនេះមានការរំលែកច្រើននៅលើបណ្តាញសង្គម ប៉ុន្តែ អង្គការសុខភាពពិភពលោក បានចេញបកស្រាយថា ខ្ទឹមសជាអាហារជំនួយដល់សុខភាពបាន ហើយវាអាចជួយប្រឆាំងនឹងវីរុសបានផងដែរ។ ទោះយ៉ាងណា គ្មានភស្តុតាងណាមួយ អាចបញ្ជាក់ថា វាអាចទប់ស្កាត់មនុស្សពីការឆ្លងវីរុស COVID-19 បានទេ។

ទី២. ស្រា ឬភេសជ្ជៈមានជាតិអាល់កុល

ត្បិតតែអាល់កុលកម្ចាត់មេរោគបានក៏ពិតមែន ប៉ុន្តែជាតិអាល់កុលដែលនៅក្នុងស្រាផ្សេងៗ មិនអាចជួយការពារមិនឲ្យឆ្លងវីរុស COVID-19 បានឡើយ។ អង្គការសុខភាពពិភពលោក បានឲ្យដឹងថា ការផឹកស្រាញឹកញាប់ ឬច្រើនហួសកម្រិតអាចបង្កើនហានិភ័យនៃបញ្ហាសុខភាពរបស់យើង។

ទី៣.ទឹកក្តៅ

ទឹកក្តៅមួយកែវអាចធ្វើឲ្យអារម្មណ៍ស្រស់ថ្លា ជាពិសេសនៅក្នុងរដូវរងា ។ ចំពោះការជួយទប់ស្កាត់មិនឲ្យឆ្លងវីរុសCOVID-19នោះ គឺមិនពិតនោះទេ វីរុសនេះមិនអាចកម្ចាត់បានដោយគ្រាន់តែផឹកទឹកក្តៅ ឬខ្ពុលមាត់ជាមួយទឹកក្តៅបានទេ។

ទី៤.ក្រូចឆ្មារ

ពាក្យចចាមអារ៉ាមនេះត្រូវបានចែករំលែកជាច្រើននៅលើហ្វេសប៊ុកដូចគ្នា ដែលថា ញ៉ាំទឹកក្តៅជាមួយក្រូចឆ្មារអាចកម្ចាត់វីរុស COVID-19 បាន ប៉ុន្តែមកទល់ពេលនេះគ្មានភស្តុតាងវេជ្ជសាស្រ្តណាមួយមកបញ្ជាក់ថា ក្រូចឆ្មារអាចសម្លាប់មេរោគ COVID-19 បានទេ។

ទី៥.ទឹក និងអំបិល ឬទឹកខ្មេះ

មនុស្សមួយចំនួនជឿថា គ្រាន់តែផឹកទឹកក្តៅលាយជាមួយអំបិល ឬទឹកខ្មេះ អាចការពារពីការឆ្លងវីរុស COVID-19 បាន ប៉ុន្តែវាគ្មានការសិក្សាច្បាស់លាស់ដើម្បីបញ្ជាក់ថា រូបមន្តនេះពិតជាអាចការពារមិនឲ្យឆ្លងវីរុសបានពិត ឬក៏អត់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ឱសថរុក្ខជាតិ ពិតជាអាចការពារកូវីដបាន ឬគ្រាន់តែជាពាក្យចចាមអារ៉ាម

ចុចអាន៖ បន្លែជាឱសថ ៥ មុខ ងាយស្រួលរក និងអាចព្យាបាលជំងឺជាច្រើនប្រភេទ

The post ទាំងនេះជាប្រភេទអាហារដែលចចាមអារ៉ាមល្បីថាអាចការពារ ឬព្យាបាលកូវីដ-១៩បាន appeared first on Kampuchea Thmey Daily.

ផឹកទឹកក្ដៅឧណ្ហៗពេលព្រឹក ជួយដល់ការសម្រកទម្ងន់

Sonya — Tue, 03 Aug 2021 02:33:43 +0000

ប្រសិនបើគ្នាយើងចង់សម្រកទម្ងន់ យើងមិនគួររំលងការញ៉ាំទឹកក្ដៅឧណ្ហៗនៅពេលព្រឹកព្រលឹមឡើយ។ ពិតណាស់ ទឹកដើរតួនាទីយ៉ាងសំខាន់នៅក្នុងការទ្រទ្រង់សុខុមាលភាពរបស់យើង ដូចជាជួយសម្រួលដល់ការរំលាយអាហារ ថែរក្សាសម្រស់ និងបង្ការការឈឺក្បាលប្រកាំងថែមទៀតផង។ យ៉ាងណាមិញ ការញ៉ាំទឹកក្ដៅឧណ្ហៗកាន់តែមានគុណប្រយោជន៍ទ្វេដង ជាពិសេសសម្រាប់អ្នកដែលព្យាយាមសម្រកទម្ងន់។

១. បង្កើនការធ្វើមេតាប៉ូលីស

ការញ៉ាំទឹកក្ដៅឧណ្ហៗបង្កើនសីតុណ្ហភាពរាងកាយ ដែលអាចជួយឲ្យការធ្វើមេតាប៉ូលីសកាន់តែប្រសើរឡើង។ ហេតុនេះហើយ គ្នាយើងគប្បីញ៉ាំទឹកក្ដៅឧណ្ហៗជាមួយនឹងទឹកឃ្មុំ ដើម្បីជួយឲ្យរាងកាយបំបែកជាតិខ្លាញ់ដែលលើសបានយ៉ាងស័ក្ដិសិទ្ធិ ហើយថែមទាំងជួយគ្រប់គ្រងការឃ្លានអាហារបានផងដែរ។

២. ជួយដល់ការរំលាយអាហារ

ជាមួយគ្នានេះដែរ ការញ៉ាំទឹកក្ដៅឧណ្ហៗនៅពេលព្រឹកអាចជួយបង្កើនមុខងារថ្លើម និងតម្រងនោម។ លើសពីនេះ វាអាចជួយបំបែកសារធាតុអាហារនិងជួយដល់ការរំលាយអាហារឲ្យដំណើរការប្រកបដោយប្រសិទ្ធភាព។ មួយវិញទៀត ទឹកក្ដៅឧណ្ហៗក៏ជួយដល់សរីរាង្គរំលាយអាហារឲ្យមានជាតិទឹកគ្រប់គ្រាន់ និងមានសមត្ថភាពកម្ចាត់ចោលកាកសំណល់បានយ៉ាងល្អដូចគ្នា។

៣. បញ្ចៀសការទល់លាមក

ការបន្ទោបង់ជាទៀងទាត់ អាចជួយបញ្ចៀសការហើមពោះ ឈឺពោះ និងអារម្មណ៍មិនស្រួលខ្លួន។ ដូច្នេះហើយ យើងគប្បីញ៉ាំទឹកក្ដៅឧណ្ហៗនៅពេលព្រឹក ដើម្បីជួយសម្រួលដល់ការបន្ទោបង់ និងបញ្ចៀសការទល់លាមក។ ជាក់ស្ដែង ទឹកក្ដៅឧណ្ហៗអាចជួយឲ្យពោះវៀនកន្ត្រាក់ ដែលកត្តានេះធ្វើឲ្យកាកសំណល់ចាស់ៗដែលជាប់នៅក្នុងពោះវៀនងាយនឹងបញ្ចេញមកក្រៅ។

៤. ជួយរក្សាជាតិទឹក

ការរក្សាជាតិទឹកនៅក្នុងរាងកាយមានសារសំខាន់ណាស់សម្រាប់មុខងាររាងកាយជាច្រើន។ ទឹកអាចជួយក្នុងការសម្រកទម្ងន់ ដោយជំរុញឲ្យយើងមានអារម្មណ៍ឆ្អែតបានយូរ ព្រមទាំងកាត់បន្ថយចំណង់អាហារ។ ហេតុនេះហើយ គ្នាយើងចាំបាច់ត្រូវញ៉ាំទឹកយ៉ាងហោចណាស់ឲ្យបាន៨កែវក្នុងមួយថ្ងៃ។

៥. ជួយឲ្យចរន្តឈាមប្រសើរឡើង

លើសពីនេះ ការញ៉ាំទឹកក្ដៅឧណ្ហៗក៏អាចជួយកម្ចាត់កាកសំណល់ដែលកកកុញនៅក្នុងប្រព័ន្ធសរសៃប្រសាទ និងជាតិខ្លាញ់នៅក្នុងរាងកាយ ដែលកត្តានេះជួយឲ្យចរន្តឈាមប្រសើរឡើង។ លើសពីនេះ ទឹកក្ដៅឧណ្ហៗក៏អាចជួយបន្ធូរសាច់ដុំ ព្រមទាំងជំរុញលំហូរឈាម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សកម្មភាពខុសឆ្គង ៣ យ៉ាង ដែលមនុស្សតែងតែធ្វើ បន្ទាប់ពីភ្ញាក់ពីគេងភ្លាម

ចុចអាន៖ ផឹកទឹកក្តៅផ្ដល់គុណប្រយោជន៍ច្រើនយ៉ាងដល់សុខភាព គ្នាយើងតិចណាស់ដែលដឹង

The post ផឹកទឹកក្ដៅឧណ្ហៗពេលព្រឹក ជួយដល់ការសម្រកទម្ងន់ appeared first on Kampuchea Thmey Daily.

ផឹកទឹកក្តៅផ្ដល់គុណប្រយោជន៍ច្រើនយ៉ាងដល់សុខភាព គ្នាយើងតិចណាស់ដែលដឹង

Sonya — Mon, 31 May 2021 00:14:00 +0000

យើងសុទ្ធតែដឹងស្រាប់ហើយ ផឹកទឹកច្រើនល្អចំពោះសុខភាព ប៉ុន្តែពេទ្យ ភាគច្រើនណែនាំឲ្យផឹកទឹកក្តៅឧណ្ហៗ ល្អជាងទឹកត្រជាក់។ ចុះមានដឹងអត់ ផឹកទឹកក្តៅ មានគុណប្រយោជន៍អ្វីខ្លះ បានជាពេទ្យឧស្សាហ៍និយាយបែបនេះ? បើចង់ដឹង អត្ថបទខាងក្រោមនេះ នឹងបញ្ជាក់ប្រាប់។

១- បំបាត់បញ្ហាកកស្ទះនៅរន្ធច្រមុះ

ទឹកក្តៅ គឺមានចំហាយទឹក ហើយពេលយើងកាន់ពែងទឹកក្តៅជាប់ដៃ ដកដង្ហើមឲ្យបានវែង ស្រូបយកចំហាយទឹកក្តៅចេញពីពែង គឺអាចជួយយើងបន្ធូរប្រហោងឆ្អឹងច្រមុះដែលស្ទះ និងអាចកាត់បន្ថយបញ្ហាឈឺក្បាលដោយសារតឹងច្រមុះបាន។ លើសពីនេះ ផឹកទឹកក្តៅឧណ្ហៗ អាចជួយឲ្យលែងមានអារម្មណ៍រោយកញ្ចឹងក និងក៏អាចកាត់បន្ថយបញ្ហាឈឺកបានដែរ។

២- ជំនួយដល់ការរំលាយអាហារ

ផឹកទឹកក្តៅ ជួយសម្រួលដល់ការបន្ទោបង់ និងដំណើរការប្រព័ន្ធរំលាយអាហារ។ សារធាតុទឹកគ្រប់ប្រភេទ អាចបង្កើនជាតិរំអិល ជួយឲ្យដំណើរការរំលាយអាហារប្រសើរឡើង ដោយសារទឹក នឹងហូរតាមរយៈក្រពះ និងពោះវៀន ក៏ដូចជាសរីរាង្គរំលាយអាហារផ្សេងទៀត មានន័យថា ជាសកម្មភាពមួយល្អខ្លាំងដើម្បីកម្ចាត់កាកសំណល់ចេញមកក្រៅ។

៣- ជួយឲ្យប្រព័ន្ធប្រសាទកណ្តាលមានលំនឹង

ផឹកទឹកក្តៅ អាចជួយឲ្យប្រព័ន្ធប្រសាទកណ្តាលមានលំនឹង ស្ថិរភាពក្នុងការផ្តល់សញ្ញាទៅកាន់រាងកាយ។ ប្រព័ន្ធប្រសាទកណ្តាល មានតួនាទីសំខាន់សម្រាប់សុខភាព និងគ្រប់គ្រងរាល់ប្រតិកម្មរាងកាយយើង តែនៅពេលយើងមានអារម្មណ៍មិនស្ងប់ ឬស្លន់ស្លោរពេញមួយថ្ងៃ យើងមានអារម្មណ៍ថា ឈឺចាប់តិចៗ។ គ្នាយើង មានបញ្ហារលាកសន្លាក់ កាន់តែទទួលបានប្រយោជន៍ច្រើនពីការផឹកទឹកក្តៅ ព្រោះអាចជួយឲ្យប្រព័ន្ធប្រសាទកណ្តាលស្ងប់ស្ងាត់។

៤- ជួយបំបាត់បញ្ហាទល់លាមក

ផឹកទឹកក្តៅ អាចជួយដល់ដំណើរការរបស់ពោះវៀន អាចជួយជំរុញកាកសំណល់ចាស់ៗក្នុងពោះវៀនយើងចេញមកក្រៅបាន។ ផឹកទឹកក្ដៅជាប្រចាំ មានគុណប្រយោជន៍ច្រើនចំពោះពោះវៀន ប៉ុន្តែបើផឹកម្តងម្កាលនៅពេលមានបញ្ហាទល់លាមក ក៏មិនមែនជាវិធីសាស្ត្រល្អដែរ។

៥- ជួយរក្សាជាតិទឹកក្នុងខ្លួន

ទឹកក្តៅ ក៏មិនខុសពីបន្ទប់មានសីតុណ្ហភាពសមរម្យ ឬទឹកត្រជាក់នោះដែរ ព្រោះសុទ្ធតែអាចជួយរក្សាជាតិទឹកក្នុងខ្លួនយើងបានល្អ។ អ្នកជំនាញសុខភាពជាច្រើនជុំវិញពិភពលោក ជាធម្មតាតែងណែនាំឲ្យមនុស្សពេញវ័យ ផឹកទឹកឲ្យបានយ៉ាងតិច ៨កែវ ក្នុងមួយថ្ងៃ ឬប្រមាណជា ២លីត្រ។ ប៉ុន្តែការណែនាំនេះ ហាក់ពិបាកបន្តិចសម្រាប់គ្នាយើង។

ចាប់ផ្តើមថ្ងៃថ្មីរបស់យើងដោយផឹកទឹកក្តៅ និងបន្តផឹកមុនចូលគេង នឹងកាន់តែជួយយើងរក្សាជាតិទឹកក្នុងខ្លួនបានយ៉ាងល្អ ព្រោះរាងកាយយើង ត្រូវការជាតិទឹកដើម្បីបំពេញមុខងារសំខាន់ៗជាច្រើន ហេតុនេះ ជាតិទឹកក្នុងរាងកាយ មិនអាចខ្វះជាដាច់ខាត។

៦- ជួយសម្រកទម្ងន់

ផឹកទឹកក្តៅ អាចជួយដាស់ប្រព័ន្ធគ្រប់គ្រងកម្តៅក្នុងរាងកាយនឹងជួយឲ្យធ្វើការបានល្អ។ នៅពេលដែលរាងកាយបញ្ចេញសកម្មភាពដើម្បីស្របទៅជាមួយកម្ដៅទឹក នាំឲ្យសីតុណ្ហភាពខាងក្នុងធ្លាក់ចុះ អាចជួយដាស់ប្រព័ន្ធមេតាបូលីសដំណើរបានការតែខ្លាំង។ លើសពីនេះ ដោយសារទឹកក្តៅអាចជួយបញ្ចេញកាកសំណល់បានល្អ នាំឲ្យផែនការសម្រកទម្ងន់យើង ក៏កាន់តែប្រសើរ។

៧- ធ្វើឲ្យចរន្តឈាមដើរបានស្រួល

ងូតទឹកក្តៅ អាចជួយឲ្យឈាមរត់បានស្រួល ទាំងប្រព័ន្ធសរសៃឈាមអាក់ទែ និងសរសៃឈាមវ៉ែន ពង្រីកលំហូរឈាម ទៅចិញ្ចឹមគ្រប់សាព៌ាង្គកាយ ខណៈផឹកទឹកក្តៅ ក៏ទទួលបានគុណប្រយោជន៍ដូចគ្នានេះដែរ។

របត់ឈាមមានសុខភាពល្អ គឺជះឥទ្ធិពលវិជ្ជមានទៅលើសុខភាពយើងទាំងមូល អាចកាត់បន្ថយអត្រាប្រឈមបញ្ហាជាច្រើន រាប់បញ្ចូលទាំងជំងឺលើសឈាម ក៏ដូចជាក្រុមជំងឺសរសៃឈាមបេះដូងផងដែរ។ បន្ថែមពីលើនេះ ផឹកទឹកក្តៅ ឬងូតទឹកក្តៅនៅពេលយប់ អាចជួយឲ្យយើងមានអារម្មណ៍ល្អ គេងលក់ស្រួល។

៨- កាត់បន្ថយអត្រាស្ត្រេស

ដោយសារផឹកទឹកក្តៅ ជួយពង្រឹងមុខងារប្រព័ន្ធប្រសាទកណ្តាល គ្នាយើងមិនសូវមានអារម្មណ៍មិនល្អ ឬថប់បារម្ភនោះឡើយ។ បើតាមការសិក្សាជាច្រើន នៅពេលយើងផឹកលាយជាមួយទឹកដោះគោក្តៅវិញ ប្រហែលជាអាចធ្វើឲ្យយើងមានអារម្មណ៍កាន់តែល្អ។

៩- ជួយកាត់បន្ថយជាតិពុល

ផឹកទឹកក្តៅ ជាបណ្តោះអាសន្ន នឹងធ្វើឲ្យសីតុណ្ហភាពក្នុងរាងកាយកើនឡើង។ ពេលយើងផឹកទឹកក្តៅ ឬងូតទឹកក្តៅ រាងកាយរបស់យើង នឹងសកម្ម ដោយចាប់ផ្តើមបែកញើស ហើយបើទោះជាបែកញើសធ្វើឲ្យយើងមានអារម្មណ៍មិនស្រណុកក្តី ប៉ុន្តែវាអាចបញ្ចេញជាតិពុលដែលយើងស្រូបយកពីបរិយាកាសជុំវិញខ្លួនបាន។

១០- កាត់បន្ថយរោគសញ្ញាបញ្ហាសាច់ដុំពោះ

Achalasia ជាភាសាបច្ចេកទេសវេជ្ជសាស្ត្រមួយ សម្ដៅទៅលើស្ថានភាពសុខភាពកើតមានលើសាច់ដុំបំពង់រំលាយអាហារ ពិសេសធ្វើឲ្យយើងមានអារម្មណ៍មិនល្អ ឬមានអារម្មណ៍ថា អាហារកំពុងធ្វើចលនាក្នុងក្រពះ។

គ្នាយើងមានស្ថានភាពសុខភាពបែបនេះ ជារឿយៗតែងមានបញ្ហាពិបាកលេបអាហារ និងពេលខ្លះ មានអារម្មណ៍ដូចជាអាហារកំពុងជាប់គាំងក្នុងបំពង់អាហារ ដោយមិនអាចធ្លាក់ចុះទៅដល់ក្រពះបាន។

ទោះជាយ៉ាងណា លក្ខខណ្ឌសុខភាពមួយនេះ នៅមិនទាន់មានការស្រាវជ្រាវជាក់លាក់ពីមូលហេតុនៅឡើយទេ ប៉ុន្តែគេជឿថា ទឹកក្តៅ អាចជួយគ្នាយើងមានអារម្មណ៍ធូរស្រាលបាន ពិសេសពេលយើងញ៉ាំអាហារសម្បូរខ្លាញ់ ឬអាហារសាច់ ជាដុំធំៗតែម្តង។

១១- ការកំណត់បរិមាណទឹក និងកត្តាប្រឈម

ទោះជាផឹកទឹកក្តៅ មានគុណប្រយោជន៍ច្រើនក៏ពិតមែន ប៉ុន្តែមិនមែនអាចព្យាបាលគ្រប់ស្ថានភាពសុខភាពទាំងអស់នោះទេ ខណៈផឹកទឹកក្តៅពេក អាចបំផ្លាញកោសិកាក្នុងបំពង់អាហារយើងបាន ធ្វើឲ្យរលាកអណ្តាត បង្កជារបួសថែមទៀត។ ហេតុនេះ គួរប្រយ័ត្នឲ្យបានច្រើនពេលផឹកទឹកក្តៅ ពិសេសត្រូវពិនិត្យសីតុណ្ហភាពឲ្យបានត្រឹមត្រូវ។

មួយទៀត គ្នាយើងមិនគួរផឹកទឹកក្តៅនោះទេ ពិសេសបើយើងធ្វើការក្នុងអាកាសធាតុក្តៅ ឬកំពុងហាត់ប្រាណ ព្រោះអ្នកស្រាវជ្រាវអះអាងថា ផឹកទឹកក្តៅ ងាយធ្វើឲ្យយើងបាត់ស្រេកទឹក នាំឲ្យយើងប្រឈមបាត់បង់ជាតិទឹកបើស្ថិតក្នុងស្ថានភាពខាងលើ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ តិចអត់ដឹង! ផឹកទឹកក្ដៅឧណ្ហៗលាយទឹកឃ្មុំរាល់ថ្ងៃ មានប្រយោជន៍ច្រើនចំពោះសុខភាព

ចុចអាន៖ ជំនឿផ្តេសផ្តាស ៥ យ៉ាងដែលថាអាចព្យាបាលវីរុសកូវីដ-១៩ បាន

The post ផឹកទឹកក្តៅផ្ដល់គុណប្រយោជន៍ច្រើនយ៉ាងដល់សុខភាព គ្នាយើងតិចណាស់ដែលដឹង appeared first on Kampuchea Thmey Daily.

ទឹកក្តៅមួយកែវរាល់ពេលព្រលឹម ឱសថធម្មជាតិសម្រាប់ជីវិតយឺនយូរ

Sonya — Sat, 05 Dec 2020 01:30:22 +0000

ទឹកក្តៅៗ អាចផ្តល់ឱ្យរាងកាយយើងនូវទឹកឮដើម្បីបំពេញវត្ថុរាវ ក៏អាចជួយរំលាយអាហារបំបាត់ការកកស្ទះដែលជាបច្ច័យនាំមកនូវអារម្មណ៍ល្អៗ ធូរស្បើយក្នុងសម្ពាធបេះដូង មុនពេលចាប់ផ្តើមថ្ងៃនីមួយៗ។

ជនជាតិចិនចាត់ទុកទឹកក្តៅថាជាឱសថព្យាបាលសុខភាពដែលគេតែងធ្វើជារឿងដំបូងមុនគេនៅពេលព្រឹក និងមុនពេលចូលគេង ហើយទទួលបានអត្ថប្រយោជន៍ផ្នែកសុខភាពដ៏ល្អស្មានមិនដល់។

ទឹកក្តៅដែល មានបន្ថែមក្រូចឆ្មាមួយចំណិតតូចជំរុញវីតាមីនសេដែលវីតាមីននេះមានប្រសិទ្ធិភាពតែពេលព្រលឹមប៉ុណ្ណោះ។

ក្រៅពីនោះទឹកក្តៅអាចជួយ បំបាត់ការកកស្ទះសំបោះរច្រមុះ ជួយបន្ធូរប្រហោងឆ្អឹងដែលស្ទះ ហើយថែមទាំងអាចបំបាត់ការឈឺក្បាល កម្ចាត់ភ្នាសរំអិលក្នុងបំពង់ក។ល។

ជាទូទៅ ការទទួលទានទឹកក្តៅ ពេលព្រឹកឡើង ជួយសម្រួលការបន្ទោបង់និងធ្វើឱ្យផ្នែករំលាយអាហារធ្វើការបានយ៉ាងសកម្មទៀត។ នៅពេលទឹកក្តៅធ្វើចលនាឆ្លងកាត់ក្រពះនិងពោះវៀន សរីរាង្គរំលាយអាហារទទួលបានជាតិទឹកល្អប្រសើរដើម្បីសម្អាតកំចាត់កាកសំណល់សល់ពីយប់។

មិនតែប៉ុណ្ណោះការទទួលទានទឹកក្តៅ អាចធ្វើឱ្យប្រព័ន្ធសរសៃប្រសាទកណ្តាលស្ងប់ នៅពេលមុនចូលសម្រាក បើយើងកំពុងមានអារម្មណ៍ឈឺនិងអាចកាត់បន្តយទៅឈឺតិចជាងមុនបាន។

អ្នកដែលមានជំងឺរលាកសន្លាក់ គួរទទួលទានទឹកក្តៅដើម្បីធ្វើឱ្យប្រព័ន្ធសរសៃប្រសាទកណ្តាលស្ងប់។

ទឹកក្តៅ ថែមទំាងអាច ជួយបំបាត់អាការៈទល់លាមកដោយវាចូលទៅធ្វើឱ្យពោះវៀនកន្ត្រាក់ ព្រោះកាកសំណល់ចាស់ដែលជាប់នៅក្នុងពោះវៀនយូរ អាចធ្វើឱ្យទល់លាមកបាន។

អនុសាសន៍ទូទៅពីអ្នកជំនាញគឺ មនុស្សពេញវ័យគួរផឹកទឹក ៨ កែវ យ៉ាងហោច ក្នុងមួយថ្ងៃ។ ការចាប់ផ្តើមថ្ងៃនីមួយៗ ដោយការទទួលទានទឹកក្តៅនិងការចូលគេងជាមួយទឹកក្តៅក៏អាចជួយសម្រកទម្ងន់និងធ្វើអោយប្រសើរឡើងនូវចលនាឈាមរត់ កាត់ បន្ថយកម្រិតស្ត្រេសលែងមានអារម្មណ៍ថប់បារម្ភ និង អាចជួយការកម្ចាត់ជាតិពុលនៅក្នុងបរិដ្ឋានរស់នៅដ៏គ្រោះថ្នាក់នាពេលបច្ចុប្បន្ន៕

ប្រែសម្រួល៖ ឡាហ្សូលី

ចុចអាន៖ យើងតែងគិតថាទឹកម្នាស់កាត់ក្រពះ? ខុសហើយ ម្នាស់មានអត្ថប្រយោជន៍កំពូល៧យ៉ាង

The post ទឹកក្តៅមួយកែវរាល់ពេលព្រលឹម ឱសថធម្មជាតិសម្រាប់ជីវិតយឺនយូរ appeared first on Kampuchea Thmey Daily.

ទឹកក្ដៅ Archives - Kampuchea Thmey Daily

អត្ថប្រយោជន៍ ៥ យ៉ាងពីការត្រាំទឹកក្តៅក្នុងរដូវរងា

ទាំងនេះជាប្រភេទអាហារដែលចចាមអារ៉ាមល្បីថាអាចការពារ ឬព្យាបាលកូវីដ-១៩បាន

ផឹក​ទឹក​ក្ដៅ​ឧណ្ហ​ៗ​ពេល​ព្រឹក​ ជួយ​ដល់​ការ​សម្រក​ទម្ងន់

​​​​​១. បង្កើន​​ការ​ធ្វើ​មេតា​ប៉ូលីស

២. ជួយ​ដល់​ការ​រំលាយ​អាហារ​

៣. បញ្ចៀស​ការ​ទល់​លាមក​

៤. ជួយ​រក្សា​ជាតិ​ទឹក​

៥. ជួយ​ឲ្យ​ចរន្ត​ឈាម​ប្រសើរ​ឡើង​

ផឹក​ទឹក​ក្តៅផ្ដល់គុណ​ប្រយោជន៍ច្រើនយ៉ាងដល់សុខភាព គ្នា​យើង​តិច​ណាស់​ដែលដឹង

១- បំបាត់​បញ្ហា​កក​ស្ទះ​នៅ​រន្ធ​ច្រមុះ

២- ជំនួយ​ដល់​ការ​រំលាយ​អាហារ

៣- ជួយ​ឲ្យ​ប្រព័ន្ធ​ប្រសាទ​កណ្តាល​មាន​លំនឹង

៤- ជួយ​បំបាត់​បញ្ហា​ទល់​លាមក

៥- ជួយ​រក្សា​ជាតិ​ទឹក​ក្នុង​ខ្លួន

៦- ជួយ​សម្រក​ទម្ងន់

៧- ធ្វើ​ឲ្យ​ចរន្ត​ឈាម​ដើរ​បាន​ស្រួល

៨- កាត់​បន្ថយ​អត្រា​ស្ត្រេស

៩- ជួយ​កាត់​បន្ថយ​ជាតិ​ពុល

១០- កាត់​បន្ថយ​រោគសញ្ញា​បញ្ហា​សាច់​ដុំ​ពោះ

១១- ការ​កំណត់​បរិមាណ​ទឹក និង​កត្តា​ប្រឈម

ទឹកក្តៅមួយកែវរាល់ពេលព្រលឹម ឱសថធម្មជាតិសម្រាប់ជីវិតយឺនយូរ

ផឹកទឹកក្ដៅឧណ្ហៗពេលព្រឹក ជួយដល់ការសម្រកទម្ងន់

១. បង្កើនការធ្វើមេតាប៉ូលីស

២. ជួយដល់ការរំលាយអាហារ

៣. បញ្ចៀសការទល់លាមក

៤. ជួយរក្សាជាតិទឹក

៥. ជួយឲ្យចរន្តឈាមប្រសើរឡើង

ផឹកទឹកក្តៅផ្ដល់គុណប្រយោជន៍ច្រើនយ៉ាងដល់សុខភាព គ្នាយើងតិចណាស់ដែលដឹង

១- បំបាត់បញ្ហាកកស្ទះនៅរន្ធច្រមុះ

២- ជំនួយដល់ការរំលាយអាហារ

៣- ជួយឲ្យប្រព័ន្ធប្រសាទកណ្តាលមានលំនឹង

៤- ជួយបំបាត់បញ្ហាទល់លាមក

៥- ជួយរក្សាជាតិទឹកក្នុងខ្លួន

៦- ជួយសម្រកទម្ងន់

៧- ធ្វើឲ្យចរន្តឈាមដើរបានស្រួល

៨- កាត់បន្ថយអត្រាស្ត្រេស

៩- ជួយកាត់បន្ថយជាតិពុល

១០- កាត់បន្ថយរោគសញ្ញាបញ្ហាសាច់ដុំពោះ

១១- ការកំណត់បរិមាណទឹក និងកត្តាប្រឈម