ការអំពាវនាវរបស់ប្រធានាធិបតីទួរគីបានធ្វើឡើង ក្រោយពេលរដ្ឋ​ជ្វីហ្វ​​ប្រកាស​ពី​ការ​លុកលុយជើងគោក​របស់​ខ្លួន​ចូល​ក្នុងទឹកដី​ប៉ាឡេស្ទីន។

នៅក្នុងសារមួយដែលបានចេញផ្សាយនៅលើបណ្ដាញ X នៅថ្ងៃសៅរ៍នេះ លោក Erdogan បានអះអាងថា ការទម្លាក់គ្រាប់បែករបស់អ៊ីស្រាអែល សំដៅទៅលើជនស៊ីវិល ក្នុងគោលបំណងធ្វើឱ្យវិបត្តិមនុស្សធម៌កាន់តែស៊ីជម្រៅតែប៉ុណ្ណោះ។ ប្រធានាធិបតីទួរគីរូបនេះបន្ថែមថា “អ៊ីស្រាអែលត្រូវតែចេញពីស្ថានភាពឆ្កួតលីលានេះភ្លាមៗ ហើយបញ្ឈប់ការវាយប្រហាររបស់ខ្លួន” ។ លោកក៏បានអំពាវនាវឱ្យអ្នកគាំទ្រប៉ាឡេស្ទីនចូលរួមជាមួយនឹងលោកសម្រាប់ការប្រមូលផ្តុំគ្នានៅទីក្រុងអ៊ីស្តង់ប៊ុលដើម្បីគាំទ្រប្រជាជនប៉ាឡេស្ទីនប្រឆាំងនឹងការគៀបសង្កត់របស់អ៊ីស្រាអែលផងដែរ៕

ប្រែសម្រួល៖ សន្យា

ប្រភព៖ RT

ចុចអាន៖ ផ្ទុះការប្រយុទ្ធជើងគោកនៅតំបន់ហ្គាហ្សា ក្រោយអ៊ីស្រាអែលបង្កើនការទម្លាក់គ្រាប់បែក

ចុចអាន៖ ពិភពលោកភ័យថា សង្គ្រាមនៅមជ្ឈិមបូព៌ា នឹងផ្ទុះកាន់តែធំ ក្រោយយន្តហោះចម្បាំងអាមេរិក វាយប្រហារទីតាំងអ៊ីរ៉ង់ នៅស៊ីរី

The post ប្រធានាធិបតីទួរគីថា ទង្វើអ៊ីស្រាអែលជាអំពើឆ្កួតលីលា appeared first on Kampuchea Thmey Daily.

​កញ្ញា Rumeysa Gelgi អាយុ ​២៥​ឆ្នាំ រស់នៅ​ប្រទេស​តួ​ក​គី កម្ពស់ ២.១៥ម៉ែត្រ ត្រូវបានស្ថាប័ន Guinness World Records កត់បញ្ជីជាមនុស្សដែលមានកម្ពស់ខ្ពស់ជាងគេបំផុតក្នុងពិភពលោក នៅឆ្នាំ២០២១។ កាលពីខែកញ្ញា ឆ្នាំមុន វាគឺជាបទពិសោធន៍លើកដំបូងក្នុងជីវិតរបស់នាង ដែលបានឆ្លងកាត់អារម្មណ៍នៃការហោះហើរពីទីក្រុងអ៊ីស្តង់ប៊ុល ប្រទេសទួរគី ទៅកាន់ទីក្រុងសាន់ហ្វ្រាន់ស៊ីស្កូ សហរដ្ឋអាមេរិក អស់រយៈពេលជាង ១៣ម៉ោង។

ដោយសារកម្ពស់ដ៏ខ្ពស់ជាងគេ Rumeysa Gelgi មិនអាចជិះកៅអីធម្មតាដូចអ្នកដំណើរទូទៅបានឡើយ។ ដូច្នេះ ក្នុងពេលនោះក្រុមហ៊ុនអាកាសចរណ៍បានផ្លាស់ប្តូរកៅអីធម្មតាចំនួន ៦ ទៅជាកៅអីវែង ដើម្បីឱ្យ Rumeysa Gelgi អាចគេងបានស្រួល ក្នុងអំឡុងពេលធ្វើដំណើរទៅដល់ទិសដៅប្រកបដោយផាសុខភាព។

ថ្លែងទៅកាន់អ្នកសារព័ត៌មាននៅអាកាសយានដ្ឋាន Rumeysa Gelgi បាននិយាយថា នោះគឺជាការហោះហើរលើកដំបូង ដ៏ដូចជាការធ្វើដំណើរក្រៅប្រទេសលើកទីមួយក្នុងជីវិតផងដែរ។ ដោយសារនាងមិនអាចអង្គុយបានយូរ ព្រោះបញ្ហាឆ្អឹងខ្នង ទើបបានជាខាងក្រុមហ៊ុនរៀបចំកៅអីពិសេឱ្យនាងសម្រាកតែម្ដង៕

ប្រែសម្រួល៖ សន្យា

ចុចអាន៖ នារីទួរគីបំបែកកំណត់ត្រា Guinness ជាស្រ្តីមានកម្ពស់ខ្ពស់ជាងគេលើលោក

The post ពេលដំណើរតាមអាកាសលើកដំបូង ស្ត្រីខ្ពស់ជាងគេលើលោក ត្រូវមហាជនចាប់អារម្មណ៍ខ្លាំង appeared first on Kampuchea Thmey Daily.

កាលពីខែធ្នូទីក្រុងវ៉ាស៊ីនតោនបានដាក់ទណ្ឌកម្មទៅលើទីក្រុងអង់ការ៉ាសម្រាប់ការទទួលបានប្រព័ន្ធការពារមីស៊ីល S-400 ដោយផ្អែកលើមូលដ្ឋានដែលពួកគេគំរាមកំហែងដល់យន្តហោះចម្បាំង F-35 របស់ខ្លួន ហើយមិនត្រូវគ្នានឹងប្រព័ន្ធការពាររបស់សម្ព័ន្ធមិត្តណាតូ ។ ទួរគីបដិសេធរឿងនេះ ហើយនិយាយថា ប្រព័ន្ធនេះនឹងឈរដោយឯករាជ្យពីការការពាររបស់អង្គការណាតូ ។

ចាប់តាំងពីលោក Joe Biden ត្រូវបានជាប់ឆ្នោតជាប្រធានាធិបតីសហរដ្ឋអាមេរិក ទីក្រុងអង់ការ៉ាបាននិយាយថា ខ្លួនចង់បានចំណងទាក់ទងល្អប្រសើរជាងមុន ហើយបានស្នើជាថ្មីម្តងទៀតនូវក្រុមការងាររួមគ្នាលើប្រព័ន្ធ S-400 ។ ប៉ុន្តែទីក្រុងវ៉ាស៊ីនតោនបានបដិសេធម្តងហើយម្តងទៀត ហើយនិយាយថាទណ្ឌកម្មនឹងនៅតែមានរហូតដល់ទួរគីលែងមានមីស៊ីលទាំងនោះទៀត ។

យោងតាមប្រព័ន្ធផ្សព្វផ្សាយក្នុងស្រុកបាននិយាយថា រដ្ឋមន្រ្តីការពារជាតិទួរគីបាននិយាយាកាលពីថ្ងៃអង្គារថា ទីក្រុងអង់ការ៉ានឹងស្នើឲ្យមានការធ្វើសកម្មភាពតែមួយផ្នែកប៉ុណ្ណោះនៃប្រព័ន្ធ S-400 នៅក្នុងការចរចាជាមួយសហរដ្ឋអាមេរិក ។

ថ្លែងនៅក្នុងបទសម្ភាសន៍ជាមួយទូរទស្សន៍រដ្ឋ TRT Haber អ្នកនាំពាក្យប្រធានាធិបតីលោក Ibrahim Kalin បាននិយាយថា ការអត្ថាធិប្បាយរបស់លោករដ្ឋមន្រ្តីត្រូវបានគេយល់ច្រឡំ ប៉ុន្តែមិនបានបញ្ជាក់លម្អិតទេដោយបន្ថែមថា ការពិភាក្សាកំពុងត្រូវបានធ្វើឡើងជាមួយទីក្រុងវ៉ាស៊ីនតោនជុំវិញការខ្វែងគំនិតគ្នា ប៉ុន្តែដំណោះស្រាយភ្លាមៗចំពោះបញ្ហានានាមិនត្រូវបានរំពឹងទុកឡើយ ។

លោក Kalin បាននិយាយថា “សហរដ្ឋអាមេរិកបាននិយាយថា រហូតមកដល់ពេលនេះខ្លួននឹងមិនចូលរួមក្នុងការចរចាណាមួយលើបញ្ហាប្រព័ន្ធការពារមីស៊ីល S-400 ឡើយ ហើយទួរគីនឹងមិនងាកចេញពីបញ្ហាទិញ S-400 របស់រុស្ស៊ីនោះទេ” ។

ទន្ទឹមនោះសហរដ្ឋអាមេរិកក៏បានដកទួរគីចេញពីកម្មវិធីយន្តហោះ F-35 របស់ខ្លួនផងដែរដែលទីក្រុងអង់ការ៉ាជាអ្នកផលិត និងជាអ្នកទិញ ពាក់ព័ន្ធប្រព័ន្ធការពារមីស៊ីល S-400 កាលពីពាក់កណ្តាលឆ្នាំ ២០១៩ ខណៈប្រទេសទួរគីបាននិយាយថា ការទិញ S-400s របស់ខ្លួនគឺជាភាពចាំបាច់ ព្រោះថាវាគ្មានជម្រើសសមស្របណាមួយពីសម្ព័ន្ធមិត្តណាតូនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ប្រធានាធិបតីទួរគីនឹងចាក់វ៉ាក់សាំងកូវីដ ដើម្បីធ្វើជាគំរូសម្រាប់ប្រទេសជាតិ

ចុចអាន ៖ ចិនផ្អាកដឹកជញ្ជូនវ៉ាក់សាំងកូវីដទៅទួរគី ក្រោយមានករណីឆ្លងនៅការិយាល័យគយក្រុងប៉េកាំង

The post ទួរគីនឹងមិនងាកចេញពីការទិញប្រព័ន្ធមីស៊ីល S-400s របស់រុស្ស៊ី appeared first on Kampuchea Thmey Daily.

ប្រទេសទួរគីបានយល់ព្រមទិញវ៉ាក់សាំង CoronaVac របស់ក្រុមហ៊ុន Sinovac ចំនួន ៥០ លានដូស ហើយរំពឹងថានឹងផ្តល់វ៉ាក់សាំងចំនួន ៣ លានដូសជាលើកដំបូងនៅថ្ងៃចន្ទ ។ ទន្ទឹមនោះប្រទេសទួរគីក៏នឹងទិញវ៉ាក់សាំង ៤.៥ លានដូសដែលបង្កើតដោយក្រុមហ៊ុនអាល្លឺម៉ង់ BioNTech និងដៃគូសហការ Pifzer របស់អាមេរិកជាមួយនឹងជម្រើសទទួលបាន ៣០ លានដូសបន្ថែមទៀតនៅពេលក្រោយ ។

លោក Koca បាននិយាយលើបណ្ដាញ Twitter ថា “ដោយសារតែការព្រមានពីជំងឺកូវីដ ១៩ ក្នុងទីក្រុងប៉េកាំង និងករណីឆ្លងជំងឺកូវីដ ១៩ នៅឯការិយាល័យគយក្រុងប៉េកាំង ភាពចល័ត និងការដឹកជញ្ជូនត្រូវបានផ្អាកជាបណ្តោះអាសន្ន ។ សម្រាប់ហេតុផលនេះការមកដល់នៃវ៉ាក់សាំងរបស់យើងដែលត្រូវបានគេរំពឹងថានឹងចេញដំណើរ បន្ទាប់ពីប្រតិបត្តិការការិយាល័យគយនឹងត្រូវយឺតរយៈពេល ១ ឬ ២ ថ្ងៃ” ។

គួរបញ្ជាក់ថា ការបញ្ជាទិញវ៉ាក់សាំងដែលបង្កើតឡើងដោយក្រុមហ៊ុន Sinovac របស់ប្រទេសទួរគីធ្វើឡើង បន្ទាប់ពីប្រទេសនេះអះអាងពីប្រសិទ្ធភាព ៩១.២៥ ភាគរយក្នុងការសាកល្បងព្យាបាលដំណាក់កាលចុងក្រោយ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ វ៉ាក់សាំងកូវីដរបស់ ចិន បង្ហាញលទ្ធផលល្អដោយមានប្រសិទ្ធភាពសឹង១០០ភាគរយ

ចុចអាន ៖ ចិនបាញ់បង្ហោះយានដឹកគ្រាប់រ៉ុកកែត CZ-8 ជំនាន់ថ្មីដោយជោគជ័យ

The post ចិនផ្អាកដឹកជញ្ជូនវ៉ាក់សាំងកូវីដទៅទួរគី ក្រោយមានករណីឆ្លងនៅការិយាល័យគយក្រុងប៉េកាំង appeared first on Kampuchea Thmey Daily.

លោកប្រធានាធិបតី Recep Tayyip Erdogan បានប្រាប់អ្នកយកព័ត៌មាន បន្ទាប់ពីការបន់ស្រន់កាលពីថ្ងៃសុក្រនៅទីក្រុងអ៊ីស្តង់ប៊ុលនៃប្រទេសទួរគីថា “យើងមានកិច្ចពិភាក្សាជាបន្តជាមួយរុស្ស៊ី និងចិន ។ នៅលើបញ្ហានេះ ខ្ញុំផ្ទាល់មិនមានបញ្ហាជាមួយនឹងការចាក់វ៉ាក់សាំងនោះទេ” ។

លោក Erdogan បាននិយាយថា វាជាជំហានមួយដែលគួរតែត្រូវបានអនុវត្តដើម្បីធ្វើជាគំរូដល់ប្រទេសជាតិ និងសុខភាពប្រជាជនដែលចាំបាច់ត្រូវធ្វើ ។

បច្ចុប្បន្នប្រទេសចិនមានក្រុមហ៊ុនផលិតវ៉ាក់សាំងចំនួន ៣ រួមមាន Sinovac Biotech ក្រុមហ៊ុន CanSino Biologics និងក្រុមហ៊ុន Sinophram Group សុទ្ធតែបានបង្ហាញពីជោគជ័យ ១០០ ភាគរយនៅក្នុងការសាកល្បងព្យាបាលដំណាក់កាលកណ្តាល ឬទី ២ ខណៈវ៉ាក់សាំងរុស្ស៊ី Sputnik V បានបង្ហាញប្រសិទ្ធភាព ៩២ ភាគរយ បន្ទាប់ពីលទ្ធផលបឋមនៃការសាកល្បងព្យាបាលដំណាក់កាលទី ៣ ។

គួរបញ្ជាក់ថា គិតត្រឹមពេលនេះប្រទេសទួរគីមានករណីឆ្លងជំងឺកូវីដ ១៩ ចំនួន ៧៦៥,៩៩៧ ករណី និងមានអ្នកស្លាប់ចំនួន ១៤,៥០៩ នាក់ ខណៈអ្នកជាសះស្បើយមានចំនួន ៤២៣,១៤២ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ

ចុចអាន ៖ រុស្ស៊ី ចាប់ផ្តើមយុទ្ធនាការចាក់វ៉ាក់សាំងកូវីដក្នុងទីក្រុង មូស្គូ ហើយ!

The post ប្រធានាធិបតីទួរគីនឹងចាក់វ៉ាក់សាំងកូវីដ ដើម្បីធ្វើជាគំរូសម្រាប់ប្រទេសជាតិ appeared first on Kampuchea Thmey Daily.

រូបភាពពីទូរទស្សន៍ NTV បានបង្ហាញថា ក្រុមអ្នកជួយសង្គ្រោះបានទាញក្មេងស្រី ចេញពីគំនរបាក់បែក ។

អ្នកជួយសង្គ្រោះម្នាក់ បានប្រាប់ទូរទស្សន៍ NTV ថា ក្រុមការងារបានរកឃើញក្មេងស្រី នៅក្នុងផ្ទះបាយ នៃផ្ទះល្វែងរបស់នាង ហើយនាងមានសុខភាពល្អ ។

អាជ្ញាធរគ្រប់គ្រងគ្រោះមហន្តរាយ និងគ្រោះអាសន្ន (AFAD) នៃប្រទេសទួរគី បាននិយាយថា ចំនួនអ្នកស្លាប់ នៅក្នុងការរញ្ជួយដី បានកើនឡើងដល់ ១០២ នាក់ ខណៈមនុស្ស ១,០២៦ នាក់ បានរងរបួសនៅក្នុងការរញ្ជួយដីដ៏ខ្លាំងក្លានេះ ។

ទីភ្នាក់ងារ AFAD បានបន្ថែមទៀតថា ប្រតិបត្តិការស្វែងរក និងជួយសង្គ្រោះ ​កំពុងដំណើរការគ្រប់ពេលក្នុងការស្វែងរកមនុស្សស្ថិតក្រោមគំនរបាក់បែក នៃអគារចំនួន ៥ ខ្នង ដែលបាក់ស្រុត នៅក្នុងខេត្តនេះ ។

គួរបញ្ជាក់ថា ការរញ្ជួយដីដ៏ខ្លាំងក្លាកម្រិត ៧.០ រ៉ិចទ័រ បានវាយប្រហារសមុទ្រ Aegean នៅឯសង្កាត់ Seferihisar នៃខេត្ត Izmir ប្រទេសទួរគី កាលពីថ្ងៃសុក្រ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ អ្នកស្លាប់កើនឡើងជាបន្តបន្ទាប់ក្នុងគ្រោះរញ្ជួយដីនៅទួរគីនិងក្រិក

ចុចអាន ៖ (មានវីដេអូ) ៖ រញ្ជួយដីកម្រិត ៧.០ រ៉ិចទ័រនៅទួរគីបណ្ដាលឲ្យមនុស្សស្លាប់ និងរបួសរាបរយនាក់

The post ក្មេងស្រីម្នាក់ជាប់ក្រោមគំនរបាក់បែកជិត ៤ ថ្ងៃ នៅមានជីវិត appeared first on Kampuchea Thmey Daily.

មនុស្សជាង៨០០នាក់បានរងរបួសដោយសារការរញ្ជួយដីដែលបានផ្ដួលរលំអគារក្នុងទីក្រុងធំទី៣របស់ប្រទេសទួរគីឈ្មោះ Izmir និងបង្កជារលកយក្សស៊ូណាមិនៅស្រុក Seferihisar និងលើកោះ Samos។

ការរញ្ជួយដីនេះបានវាយប្រហារនៅម៉ោង២និង៥១នាទីរសៀល (ម៉ោងក្នុងស្រុក) នៅប្រទេសទួរគី។ ចំណុចកណ្តាលរបស់វាគឺនៅក្នុងសមុទ្រ Aegean ភាគឦសានកោះ Samos។

យោងតាមការិយាល័យគ្រប់គ្រងគ្រោះមហន្តរាយនិងគ្រាអាសន្នរបស់ប្រទេសទួរគី (AFAD) បានឲ្យដឹងថា ក្រោយការរញ្ជួយដី មានការរញ្ជួយតូចៗជាង៤០០លើក។

ប្រធានាធិបតីទួរគីលោក Recep Tayyip Erdogan បាននិយាយថា មនុស្សយ៉ាងតិច៣៧នាក់ត្រូវបានសម្លាប់ក្នុងទីក្រុង Izmir។ ក្នុងចំណោមអ្នកស្លាប់មានស្ត្រីចំណាស់ម្នាក់ដែលលង់ទឹកស្លាប់ក្នុងរលកយក្សស៊ូណាមិ។

ក្មេងជំទង់ពីរនាក់ត្រូវបានសម្លាប់នៅលើកោះ Samos បន្ទាប់ពីជញ្ជាំងបាក់សង្កត់លើ។ អាជ្ញាធរសុខាភិបាលនិយាយថា មនុស្សចំនួន១៩នាក់បានរងរបួសនៅលើកោះនេះ។

អាជ្ញាធរបានព្រមានប្រជាជនឲ្យនៅឆ្ងាយពីឆ្នេរសមុទ្រនិងពីអគារដែលខូចខាត។

ក្រុមមន្រ្តីបានប្រាប់ Al Jazeera ថា យ៉ាងហោចណាស់មានអគារចំនួន៧ត្រូវបានបំផ្លាញខណៈដែលអគារចំនួន១០ស្ថិតក្នុងគ្រោះថ្នាក់នៃការដួលរលំ។ មន្ត្រីដដែលបន្ថែមថា មន្ត្រីប្រហែល១,៥០០នាក់បានចូលរួមក្នុងប្រតិបត្តិការស្វែងរកនិងជួយសង្គ្រោះ៕

ប្រែសម្រួលដោយ៖ Vann Vann

ប្រភព៖ Al Jazeera

The post អ្នកស្លាប់កើនឡើងជាបន្តបន្ទាប់ក្នុងគ្រោះរញ្ជួយដីនៅទួរគីនិងក្រិក appeared first on Kampuchea Thmey Daily.

ការស្ទាបស្ទង់ភូគព្ភសាស្ត្រសហរដ្ឋអាមេរិក (USGS) បាននិយាយថា ការរញ្ជួយដីកម្រិត ៧.០ រ៉ិចទ័រនេះគឺស្ថិតនៅចំកណ្តាលខេត្ត Izmir របស់ប្រទេសទួរគី ខណៈដែលដំបូងឡើយប្រទេសនេះបានដាក់កម្រិតនៃការរញ្ជួយនេះត្រឹម ៦.៦ រ៉ិចទ័រប៉ុណ្ណោះ ហើយនិយាយថា មនុស្ស ២០ នាក់បានស្លាប់ និង ៧៨៦ នាក់បានរងរបួសនៅក្នុងខេត្ត Izmir ។

អាជ្ញាធរនៅខេត្ត Izmir បច្ចុប្បន្ននេះកំពុងរៀបចំតង់ដើម្បីដាក់មនុស្សប្រហែល ២,០០០ នាក់ ចំពេលមានការភ័យខ្លាចថាអគារជាច្រើនអាចនឹងដួលរលំ ខណៈអាជ្ញាធរក៏បានជួយសង្គ្រោះមនុស្ស ៧០ នាក់ពីក្រោមគំនរបាក់បែកផងដែរ ។

ទន្ទឹមនោះក្រុមអ្នកជួយសង្គ្រោះបានបន្តរើកម្ទេចកម្ទីក៏ដូចជាជីកបេតុងដោយសង្ឃឹមថានឹងរកឃើញអ្នកនៅរស់រានមានជីវិតបន្ថែមទៀត ។

USGS បាននិយាយថា ការរញ្ជួយដីដែលនៅឆ្ងាយពីទីក្រុងអាតែន និងអ៊ីស្តង់ប៊ុលបានវាយប្រហារនៅជម្រៅ ១៦ គីឡូម៉ែត្រ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ស្ត្រីម្នាក់ត្រូវបានកាត់ក្បាល និងអ្នកផ្សេងទៀតត្រូវចាក់សម្លាប់ក្នុងការវាយប្រហារថ្មីនៅប្រទេសបារាំង

ចុចអាន ៖ តុលាការសម្រេចផ្ដន្ទាទោសអតីតប្រធានាធិបតីកូរ៉េខាងត្បូងមួយរូបទៀតជាប់ពន្ធនាគាររយៈពេល ១៧ ឆ្នាំ

The post (មានវីដេអូ) ៖ រញ្ជួយដីកម្រិត ៧.០ រ៉ិចទ័រនៅទួរគីបណ្ដាលឲ្យមនុស្សស្លាប់ និងរបួសរាបរយនាក់ appeared first on Kampuchea Thmey Daily.