ប្រធានាធិបតីទួរគីថា ទង្វើអ៊ីស្រាអែលជាអំពើឆ្កួតលីលា

ប្រធានាធិបតីទួរគីលោក Recep Tayyip Erdogan បានទាមទារឱ្យអ៊ីស្រាអែលបញ្ឈប់ការវាយប្រហាររបស់ខ្លួនប្រឆាំងនឹងតំបន់ហ្គាហ្សា ដោយចាត់ទុកទង្វើអ៊ីស្រាអែលជាអំពើឆ្កួតលីលា ដែលបានសម្លាប់ជីវិតមនុស្សមិនដឹងអីរាប់សិបនាក់។

ការអំពាវនាវរបស់ប្រធានាធិបតីទួរគីបានធ្វើឡើង ក្រោយពេលរដ្ឋ​ជ្វីហ្វ​​ប្រកាស​ពី​ការ​លុកលុយជើងគោក​របស់​ខ្លួន​ចូល​ក្នុងទឹកដី​ប៉ាឡេស្ទីន។

នៅក្នុងសារមួយដែលបានចេញផ្សាយនៅលើបណ្ដាញ X នៅថ្ងៃសៅរ៍នេះ លោក Erdogan បានអះអាងថា ការទម្លាក់គ្រាប់បែករបស់អ៊ីស្រាអែល សំដៅទៅលើជនស៊ីវិល ក្នុងគោលបំណងធ្វើឱ្យវិបត្តិមនុស្សធម៌កាន់តែស៊ីជម្រៅតែប៉ុណ្ណោះ។ ប្រធានាធិបតីទួរគីរូបនេះបន្ថែមថា “អ៊ីស្រាអែលត្រូវតែចេញពីស្ថានភាពឆ្កួតលីលានេះភ្លាមៗ ហើយបញ្ឈប់ការវាយប្រហាររបស់ខ្លួន” ។ លោកក៏បានអំពាវនាវឱ្យអ្នកគាំទ្រប៉ាឡេស្ទីនចូលរួមជាមួយនឹងលោកសម្រាប់ការប្រមូលផ្តុំគ្នានៅទីក្រុងអ៊ីស្តង់ប៊ុលដើម្បីគាំទ្រប្រជាជនប៉ាឡេស្ទីនប្រឆាំងនឹងការគៀបសង្កត់របស់អ៊ីស្រាអែលផងដែរ៕

ប្រែសម្រួល៖ សន្យា

ប្រភព៖ RT

ចុចអាន៖ ផ្ទុះការប្រយុទ្ធជើងគោកនៅតំបន់ហ្គាហ្សា ក្រោយអ៊ីស្រាអែលបង្កើនការទម្លាក់គ្រាប់បែក

ចុចអាន៖ ពិភពលោកភ័យថា សង្គ្រាមនៅមជ្ឈិមបូព៌ា នឹងផ្ទុះកាន់តែធំ ក្រោយយន្តហោះចម្បាំងអាមេរិក វាយប្រហារទីតាំងអ៊ីរ៉ង់ នៅស៊ីរី