យោង​តាម​ CNA ចុះផ្សាយ​ថ្ងៃទី២៣ ខែ​កុម្ភៈឱ្យ​ដឹង​ថា ការបញ្ជា​ទិញ​យក​នេះ​នឹង​ធ្វើឱ្យប្រទេសឥណ្ឌូណេស៊ី​ក្លាយ​ជា​ប្រទេស​ទី​ពីរ​នៅ​អាស៊ីអាគ្នេយ៍ បន្ទាប់​ពី​ប្រទេស​ថៃ ​ដែល​មាន​​ដំណើរ​ការ​នាវា​ផ្ទុក​យន្ត​ហោះ​។ នៅ​ទូទាំង​អាស៊ីបច្ចុប្បន្ន មាន​​តែប្រទេសចិន ឥណ្ឌា និងជប៉ុនប៉ុណ្ណោះ​ដែល​មាននាវា​ផ្ទុក​យន្ត​ហោះ​ផ្ទាល់​ខ្លួន​។​

នាវា​ផ្ទុក​យន្តហោះ​​ Giuseppe Garibaldi ត្រូវ​បាន​គេ​មើល​ឃើញ​ថាជាផ្នែក​មួយ​នៃ​ការ​ជំរុញ​ដ៏​ខ្លាំងរបស់​ប្រធានាធិបតី ​ទើប​ឡើង​កាន់​អំណាច​ លោក​ Prabowo Subianto ដើម្បី​ធ្វើ​ទំនើប​កម្ម​កង​កម្លាំង​ប្រដាប់​អាវុធ​ឥណ្ឌូណេស៊ី ពង្រីក​​សមត្ថភាព​ អំឡុងពេល​លោក​ឡើង​កាន់​តំណែង​ជា​រដ្ឋ​មន្ត្រី​ក្រសួង​ការពារ​ជាតិ​ចាប់​ពី​ឆ្នាំ ២០១៩ ដល់​ឆ្នាំ ២០២៤។

ក្នុង​នាម​ជា​រដ្ឋមន្ត្រីក្រសួងការពារជាតិ លោក Prabowo បាន​ត្រួត​ពិនិត្យ​ការ​ទិញយន្តហោះចម្បាំង ប្រព័ន្ធ​មីស៊ីល និង​នាវា​ចម្បាំង ​ជា​ផ្នែក​មួយ​ធ្វើ​ឱ្យ​វិស័យ​យោធាប្រសើរឡើង។ ទោះជាយ៉ាងណាក៏ដោយ គំនិត​​នៃ​ការ​ទទួល​យក​នាវា​ផ្ទុកយន្តហោះ​លេច​ចេញ​​រូប​រាង​ឡើង ​បន្ទាប់​ពី​លោក​បានឡើង​កាន់​តំណែង​ជា​ប្រធានាធិបតីនៅ​ចុង​ឆ្នាំ ២០២៤ ។

ចំណែក​អ្នកវិភាគ​ជា​ច្រើន​និយាយថា ក្នុង​នាម​ជា​ប្រទេស​មួយ​ដែល​មាន​ផ្លូវទឹកយុទ្ធ​សាស្ត្រ​ជាច្រើន និង​ចំណុច​ប្រសព្វដ៏​មមា​ញឹក ភូមិ​សា​ស្ត្រ​របស់​ឥណ្ឌូណេស៊ីគឺ​មាន​​ភាព​ត្រឹម​ត្រូវ​ចំពោះ​​តម្រូវ​ការ​សម្រាប់​នាវាផ្ទុកយន្តហោះ។

លោក Beni Sukadis អ្នក​វិភាគការពារជាតិនៅវិទ្យាស្ថានសិក្សា​ការពារ​ជាតិ ​និង​យុទ្ធសាស្ត្រឥណ្ឌូណេស៊ី (Lesperssi) និយាយថា៖ « នាវា​ផ្ទុក​យន្ត​ហោះ​អាច​មាន​សមត្ថភាព​គាំទ្រ​ប្រតិបត្តិ​ការ​ប្រយុទ្ធ និង​មិនប្រយុទ្ធ​ជា​ច្រើន​ទៀត​»។

លោក​បន្ថែម​ថា៖ « នាវា​ផ្ទុក​យន្ត​ហោះ​នេះក៏​អាច​ដើរ​តួនាទី​យ៉ាង​សំខាន់​ក្នុង​បេសកកម្ម​ជំនួយ​មនុស្សធម៌ និង​សង្គ្រោះ​គ្រោះមហន្តរាយ​ផង​ដែរ»។

យ៉ាងណា អ្នកជំនាញផ្សេងទៀតបានព្រមាន​ថា ទំហំ ​និង​ថ្លៃដើម​នៃដំណើរការក្រុមហ៊ុនដឹក​ជញ្ជូន​អាច​ដាក់សម្ពាធ​បន្ថែម​ទៀត ​លើ​ទំហំ​ហិរញ្ញវត្ថុ​របស់ប្រទេសឥណ្ឌូនេស៊ី ត្រូវ​បាន​លាត​សន្ធឹង​រួច​ហើយ​ដោយ​កម្មវិធី​សង្គម សេដ្ឋកិច្ច និងវិស័យ​ការពារ​​ជាតិ​ដ៏​ធំ​ជា​ច្រើន​របស់​លោក Prabowo។

យោង​តាម​វេទិកាព័ត៌មានការពារជាតិ និងសន្តិសុខ (Defence Security Asia)ថ្លៃ​ដើម​នៃ​ប្រតិបត្តិការប្រចាំឆ្នាំ​លើ​នាវា Giuseppe Garibaldi ​អាច​មាន​ចន្លោះពី ៥០លានដុល្លារទៅ ៨០ លានដុល្លារអាមេរិក៕

The post ឥណ្ឌូណេស៊ី​​​​​ជាប្រទេសទី២នៅអាស៊ីអាគ្នេយ៍​មាន​​​​នាវាផ្ទុកយន្តហោះ​ ក្រោយ​​បញ្ជាទិញ​ពីអ៊ីតាលី appeared first on Kampuchea Thmey Daily.

បើតាមអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល គឺនៅម៉ោង៣៖៣៥នាទីរសៀល ថ្ងៃទី០៣ ខែមករា យន្តហោះ Airbus 330-202 នេះ បានជួបឧបទ្ទវហេតុ ពោល គឺមានបញ្ហាបច្ចេកទេសនៅត្រង់ស្លាបយន្តហោះ ដោយតម្រូវឱ្យយន្តហោះត្រូវហោះទៅចតនៅព្រលាន PHU QUOC ឡើងវិញ។ តាមលក្ខណៈបច្ចេកទេស ក្រោយជួបបញ្ហាបែបនេះ យន្តហោះត្រូវហោះចុះឡើងៗជាង៣ម៉ោងនៅលើអាកាស ដើម្បីឱ្យសល់ប្រេងសាំងតិច ទើបអាចចុះចតបានដោយគ្មានបញ្ហាអ្វីធ្ងន់ធ្ងរ។

សូមបញ្ជាក់ថា យន្តហោះ Airbus 330-202 គឺជាប្រភេទយន្តហោះដឹកអ្នកដំណើរចេញពីអាកាសយានដ្ឋានPHU QUOC ទៅកាន់ប្រទេសម៉ុងហ្គោលី។ ប៉ុន្តែ ដោយសារមានបញ្ហាបច្ចេកទេស តម្រូវឱ្យយន្តហោះនេះ ត្រូវចុះចតនៅកន្លែងដើមឡើងវិញ។ បើតាម Flightradar24 មុននឹងចុះចតឡើងវិញ យន្តហោះ Airbus 330-202 បានហោះទៅមកៗប្រមាណជា៤០ជុំនៅលើដែនអាកាសកម្ពុជា ត្រង់ចំណុចពីលើខេត្តកែប។ ក៏ប៉ុន្តែ លោក លោក ស៊ីន ចាន់សិរីវុត្ថា បាន​គូសបញ្ជាក់ឱ្យដឹងថា យន្តហោះ Airbus 330-202 នេះ មិនបានហោះចូលក្នុងដែនអាកាសកម្ពុជានោះឡើយ។

ទោះបីជាយ៉ាងណាក៏ដោយ Flightradar24 បានរាយការណ៍ឱ្យដឹងថា នៅម៉ោង៧៖១០នាទី នាថ្ងៃដដែលនេះ យន្តហោះ Airbus 330-202 បានចុះចតនៅព្រលានយន្តហោះPHU QUOC ដោយសុវត្ថិភាពវិញហើយ៕

ដោយ៖ង៉ិល ណារ៉ាត់

The post អ្នកនាំពាក្យ៖ យន្តហោះដែលហោះទៅមកៗលើខេត្តកែប គឺជួបបញ្ហាបច្ចេកទេសត្រង់ស្លាប appeared first on Kampuchea Thmey Daily.

កងទ័ពជើងទឹកកូរ៉េខាងត្បូងបាននិយាយកាលពីថ្ងៃចន្ទទី១៩ខែកញ្ញាថា USS Ronald Reagan ដែលជានាវាផ្ទុកយន្តហោះចម្បាំងដឹកនាំក្រុមនាវាវាយប្រហារតូចៗ នឹងទៅដល់ទីក្រុងកំពង់ផែ Busan នៅថ្ងៃសុក្រ ទី២៣ខែកញ្ញា។

កងទ័ពជើងទឹកកូរ៉េខាងត្បូង បាននិយាយនៅក្នុងសេចក្តីថ្លែងការណ៍មួយថា “តាមរយៈការធ្វើសមយុទ្ធរួមគ្នា កងទ័ពជើងទឹកនៃប្រទេសទាំងពីរ គ្រោងពង្រឹងការត្រៀមខ្លួនខាងយោធា និងបង្ហាញពីការប្តេជ្ញាចិត្តយ៉ាងមុតមាំនៃសម្ព័ន្ធភាពកូរ៉េខាងត្បូង-សហរដ្ឋអាមេរិក ដើម្បីសន្តិភាព និងស្ថិរភាពនៅលើឧបទ្វីបកូរ៉េ”។

កាលពីដើមខែនេះ ប្រទេសកូរ៉េខាងជើង បានអនុម័តច្បាប់មួយ ដែលអនុញ្ញាតឲ្យខ្លួនបើកការវាយប្រហារនុយក្លេអ៊ែរការពារខ្លួន និងប្រកាសពីឋានៈរបស់ខ្លួន ជារដ្ឋដែលមានអាវុធនុយក្លេអ៊ែរមិនបកត្រលប់ក្រោយ។

ទីក្រុងព្យុងយ៉ាង បានធ្វើការសាកល្បងអាវុធជាច្រើនលើកនៅឆ្នាំនេះ ដោយបានបាញ់បង្ហោះមីស៊ីលរាប់សិបគ្រាប់ រួមទាំងមីស៊ីលផ្លោងអន្តរទ្វីបជាលើកដំបូងក្នុងរយៈពេល ៥ឆ្នាំផងដែរ។

កាលពីសប្តាហ៍មុន រដ្ឋាភិបាលសហរដ្ឋអាមេរិក និងកូរ៉េខាងត្បូង បានចេញសេចក្តីថ្លែងការណ៍រួមមួយ ដែលបង្ហាញក្តីព្រួយបារម្ភអំពីអ្វីដែលពួកគេហៅថាជា “ការផ្ញើសារបង្កជម្លោះ និងធ្វើឲ្យមានអស្ថិរភាព ទាក់ទងនឹងការប្រើប្រាស់អាវុធនុយក្លេអ៊ែរដោយកូរ៉េខាងជើង”។

សេចក្តីថ្លែងការណ៍នោះនិយាយថា “ភាគីទាំងពីរបានប្តេជ្ញាបន្តកិច្ចខិតខំប្រឹងប្រែង ក្នុងការប្រើអំណាចទាំងអស់របស់ខ្លួន ដើម្បីពង្រឹងជំហររបស់សម្ព័ន្ធភាព”៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ កូរ៉េខាងត្បូង-អាមេរិក ចាប់ផ្តើមសមយុទ្ធយោធា ធំបំផុតក្នុងរយៈពេល ៥ឆ្នាំ

The post នាវាផ្ទុកយន្តហោះអាមេរិក កំពុងឆ្ពោះដំណើរទៅ កូរ៉េខាងត្បូង appeared first on Kampuchea Thmey Daily.

នាវា USS Gerald R. Ford (CVN-78) ត្រូវបានវាយប្រហារដោយគ្រាប់បែក នៅចម្ងាយប្រហែល១៦១គីឡូម៉ែត្រ ពីឆ្នេរសមុទ្ររដ្ឋ Florida មុនម៉ោង៤រសៀលថ្ងៃសៅរ៍ (ម៉ោងនៅកម្ពុជា)។ យោងតាមក្រុមស្ទង់ភូគព្ភសាស្ត្រសហរដ្ឋអាមេរិកបានចុះបញ្ជីការផ្ទុះនេះ ថាស្មើនឹងការរញ្ជួយដីកម្រិត ៣.៩ រ៉ិចទ័រ។

សេវាកម្មបាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា “នាវាដឹកយន្តហោះថ្នាក់ទីមួយនេះ ត្រូវបានរចនាឡើងដោយប្រើវិធីសាស្រ្តគំរូ ការធ្វើតេស្ដនិងការវិភាគកុំព្យួទ័រដើម្បីធានាថា​​ នាវានេះរឹងមាំដើម្បីទប់ទល់នឹងលក្ខខណ្ឌនៃការប្រយុទ្ធ ហើយការសាកល្បងដ៏រន្ធត់ទាំងនេះ បានផ្តល់នូវទិន្នន័យដែលត្រូវបានប្រើដើម្បីបញ្ជាក់ភាពរឹងរបស់វា”។

បន្ទាប់ពីការធ្វើតេស្តនេះ នាវានឹងវិលត្រឡប់ចូលផែស្ងួតវិញ ដើម្បីឆ្លងកាត់ការធ្វើទំនើបកម្ម ការថែទាំនិងជួសជុលបន្ថែម៕

វីដេអូ

ប្រែសម្រួល៖ Vann Vann

ប្រភព៖ BBC, USNI

ចុចអាន៖ នាវាដឹកយន្តហោះថ្មីរបស់ចិននឹងដើរដោយថាមពលនុយក្លេអ៊ែរ

The post កងទ័ពជើងទឹកអាមេរិក បំផ្ទុះគ្រាប់បែកជិត២០តោន ធ្វើតេស្តនាវាផ្ទុកយន្តហោះថ្មី រញ្ជួយមហាសមុទ្រអាត្លង់ទិក (មានវីដេអូ) appeared first on Kampuchea Thmey Daily.

ដោយដកស្រង់សំដីមនុស្សម្នាក់ដែលស្និទ្ធនឹងកងនាវាចរចិន កាសែត South China Morning Post បាននិយាយថា ក្រុមអ្នកផលិតនាវាចង់ធ្វើឲ្យមានរបកគំឃើញដ៏សំខាន់ថ្មីមួយទៀតជាមួយនឹងការស្ថាបនានាវាទី ៤ នេះ ។

ប្រភពនេះបានប្រាប់កាសែត South China Morning Post ថា “វានឹងក្លាយជាជំហានបច្ចេកវិទ្យាថ្មីសម្រាប់ឧស្សាហកម្មផលិតកប៉ាល់” ។

ប្រភពមិនបញ្ចេញឈ្មោះផ្សេងទៀតក៏បានប្រាប់ការសែតនេះផងដែរថា “មន្រ្តីចិនកំពុងសិក្សាលើសំណើមួយដើម្បីប្រើប្រាស់ថាមពលនុយក្លេអ៊ែរសម្រាប់នាវាទី ៤ នេះ” ។

បុគ្គលនោះមិនបាននិយាយថាតើការសម្រេចចិត្តចុងក្រោយត្រូវបានធ្វើឡើងយ៉ាងណានោះទេ ប៉ុន្តែបានប្រាប់កាសែតថា “វានឹងជាការសម្រេចចិត្តដ៏មុតមាំដែលពោរពេញទៅដោយបញ្ហាប្រឈមមួយចំនួន” ។

ការសាងសង់នាវាទី ៤ នេះក៏ត្រូវបានពន្យាពេលអស់រយៈពេល ២ ឆ្នាំមកហើយផងដែរ ប៉ុន្តែបានបន្តឡើងវិញនៅដើមឆ្នាំនេះ ។

គួរបញ្ជាក់ថា បច្ចុប្បន្ននេះប្រទេសចិនមាននាវាដឹកយន្តហោះ ២ គ្រឿងកំពុងដំណើរការ ហើយនាវាទី ៣ រំពឹងថានឹងត្រូវចាប់ផ្តើមនៅឆ្នាំនេះ ខណៈនាវាទាំងបីនេះមិនទាន់មាននាវាណាដើរដោយថាមពលនុយក្លេអ៊ែរនៅឡើយទេ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ចិនជាប្រទេសដំបូងគេចេញលិខិតឆ្លងដែនកូវីដ

ចុចអាន ៖ មិនធម្មតា! ចិន និងរុស្ស៊ីត្រៀមសាងសង់ស្ថានីយ៍អវកាសនៅភពព្រះចន្ទ

The post នាវាដឹកយន្តហោះថ្មីរបស់ចិននឹងដើរដោយថាមពលនុយក្លេអ៊ែរ appeared first on Kampuchea Thmey Daily.

ការព្រមាននេះបានកើតឡើងស្របពេលនាវាដឹកយន្តហោះថ្មីបំផុតរបស់ចក្រភពអង់គ្លេស HMS Queen Elizabeth គ្រោងនឹងត្រូវដាក់ពង្រាយទៅកាន់តំបន់នេះក្នុងរយៈពេលប៉ុន្មានខែខាងមុខដែលជាផ្នែកមួយនៃបេសកកម្មប្រតិបត្តិការលើកដំបូងរបស់ខ្លួន។

យោងតាមសារព័ត៌មាន Kyodo បានផ្សាយថា នាវានេះត្រូវបានគេរំពឹងថានឹងចូលរួមជាមួយកងនាវាចរអាមេរិកនិងជប៉ុននៅក្បែរកោះ Ryukyu របស់ជប៉ុនក្នុងពេលឆាប់ៗនៅដើមឆ្នាំ២០២១នេះ។

ក្នុងសន្និសីទសារព័ត៌មានប្រចាំខែនៅទីក្រុងប៉េកាំងកាលពីថ្ងៃព្រហស្បតិ៍ អ្នកនាំពាក្យក្រសួងការពារជាតិចិនលោក Tan Kefei ត្រូវបានគេសាកសួរអំពីផែនការនេះ។

លោកនិយាយថា “ភាគីចិនជឿជាក់ថា សមុទ្រចិនខាងត្បូងមិនគួរក្លាយជាសមុទ្រនៃការប្រកួតប្រជែងអំណាចដែលត្រួតត្រាដោយអាវុធនិងនាវាចម្បាំងឡើយ”។

លោកបានបន្ថែមថា “ប្រភពជាក់ស្តែងនៃការធ្វើទំនើបកម្មយោធាក្នុងសមុទ្រចិនខាងត្បូងគឺមកពីប្រទេសនៅខាងក្រៅតំបន់នេះដែលបញ្ជូននាវាចម្បាំងរបស់ពួកគេមកពីចម្ងាយរាប់ពាន់គីឡូម៉ែត្រដើម្បីបង្ហាញសាច់ដុំ”។

លោកបន្តថា “យោធាចិននឹងចាត់វិធានការចាំបាច់ដើម្បីការពារអធិបតេយ្យភាព សន្តិសុខនិងការអភិវឌ្ឍក៏ដូចជាសន្តិភាពនិងស្ថិរភាពនៅសមុទ្រចិនខាងត្បូង”។

គួរបញ្ជាក់ថា រដ្ឋនានារួមមានចិន តៃវ៉ាន់ ប្រ៊ុយណេ ឥណ្ឌូនេស៊ី ម៉ាឡេស៊ី ហ្វីលីពីននិងវៀតណាមបានទាមទារផ្នែកខ្លះនៃសមុទ្រចិនខាងត្បូង។

ពាណិជ្ជកម្មពិភពលោកតម្លៃ៣.៤លានដុល្លារបានឆ្លងកាត់សមុទ្រនេះជារៀងរាល់ឆ្នាំពោលគឺស្មើនឹងប្រមាណ១ភាគ៣នៃពាណិជ្ជកម្មតាមសមុទ្រទូទាំងពិភពលោក៕

ប្រែសម្រួលដោយ៖ Vann Vann

ប្រភព៖ The Sun

ចុចអាន៖ ចិនបញ្ចូននាវាដឹកយន្តហោះ ទៅសមុទ្រចិនខាងត្បូង

ចុចអាន៖ ទ័ពជើងទឹករុស្ស៊ីនឹងចូលរួមក្នុងសមយុទ្ធលើកទី ១ ជាមួយនាវាអង្គការណាតូក្នុងរយៈពេលមួយទសវត្សរ៍

The post ចិន ព្រមានចាត់វិធានការក្តៅបើអង់គ្លេសបញ្ជូននាវាដឹកយន្តហោះចូលសមុទ្រចិនខាងត្បូង appeared first on Kampuchea Thmey Daily.

នៅក្នុងដំណើរទស្សនកិច្ចរោងចក្រសំណង់ចង្ក្រានរ៉េអាក់ទ័រនុយក្លេអ៊ែរ Framatome នៅភាគខាងកើតនៃទីក្រុង Le Leususot កាលពីថ្ងៃអង្គារ លោក Macron បាននិយាយថា “ថាមពលនុយក្លេអ៊ែរនឹងនៅតែជាមូលដ្ឋានគ្រឹះនៃស្វ័យភាពយុទ្ធសាស្ត្ររបស់យើង” ។

នាវាដឹកយន្តហោះថ្មីរបស់បារាំងមួយនេះដែលបច្ចុប្បន្នមានចំនួនសរុប ១១ គ្រឿងនឹងមានល្បឿនរហូតដល់ ៥០ គីឡូម៉ែត្រក្នុងមួយម៉ោង ទម្ងន់ប្រហែល ៧៥,០០០ តោន និងដើរប្រវែង ៣០០ ម៉ែត្រដោយលើសប្រហែល ១.៥ ដងនៃនាវា Charles de Gaulle ។

នាវាថ្មីនេះក៏នឹងបំពាក់ប្រព័ន្ធបាញ់បង្ហោះយន្ដហោះអេឡិចត្រូម៉ាញេទិកដែលផលិតដោយក្រុមហ៊ុនការពារជាតិអាមេរិក General Atomics ហើយនឹងអាចផ្ទុកយន្ដហោះចម្បាំង Rafale ជំនាន់ក្រោយប្រមាណ ៣០ គ្រឿងផងដែរ ។

ប្រព័ន្ធផ្សព្វផ្សាយមួយចំនួនបានរាយការណ៍ថា នាវាដឹកយន្តហោះថ្មីនេះនឹងធ្វើប្រតិបត្តិការរហូតដល់ឆ្នាំ ២០៨០ ហើយតម្លៃគម្រោងថ្មីនេះត្រូវបានប៉ាន់ប្រមាណថាប្រហែល ៧ ពាន់លានអឺរ៉ូ (៨.៥ ពាន់លានដុល្លារ) ទោះបីជាមន្ត្រីបារាំងមិនបានបញ្ជាក់ពីការចំណាយសរុបក៏ដោយ ។

រដ្ឋមន្រ្តីក្រសួងកងកម្លាំងប្រដាប់អាវុធបារាំងលោក Florence Parly បាននិយាយថា ការសាងសង់នាវាដឹកយន្តហោះថ្មីនេះនឹងបង្កើតការងារចំនួន ២,០០០ កន្លែង ។

ការអភិវឌ្ឍនាវានេះគឺជាផ្នែកមួយនៃយុទ្ធសាស្ត្រនុយក្លេអ៊ែរទ្រង់ទ្រាយធំដែលលោក Macron បានដាក់ចេញសម្រាប់ប្រទេសបារាំង ។ លោកបាននិយាយកាលពីថ្ងៃអង្គារថា “ថាមពល និងអេកូឡូស៊ីរបស់យើងពឹងផ្អែកលើថាមពលនុយក្លេអ៊ែរ” ។

លោក Macron ក៏បានសន្យាផងដែរថានឹងវិនិយោគប្រាក់ ៥០០ លានអឺរ៉ូ (៦០៥ លានដុល្លារ) ក្នុងវិស័យនុយក្លេអ៊ែរបារាំង ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ លោក Duterte ហ៊ានលាលែងពីតំណែង បើមានភស្តុតាងបង្ហាញពីការសូកប៉ាន់របស់ខ្លួន តែគំរាមសម្លាប់អ្នកចោទប្រកាន់ខុស

ចុចអាន ៖ លោក Trump ចេញបញ្ជាឲ្យផ្តល់វ៉ាក់សាំងកូវីដដល់ជនជាតិអាមេរិកមុនគេ

The post បារាំងសាងសង់នាវាដឹកយន្តហោះដើរដោយថាមពលនុយក្លេអ៊ែរថ្មី appeared first on Kampuchea Thmey Daily.

ការដាក់ពង្រាយនេះបានកើតឡើងចំពេលភាពតានតឹងក្នុងតំបន់បានកើនឡើងខ្ពស់បន្ទាប់ពីការធ្វើឃាតអ្នកវិទ្យាសាស្ត្រកំពូលម្នាក់ដែលដឹកនាំកម្មវិធីនុយក្លេអ៊ែររបស់ប្រទេសអ៊ីរ៉ង់។

ការសម្រេចចិត្តដាក់ពង្រាយនាវា Nimitz ទៅឈូងសមុទ្រពែក្សបានធ្វើឡើងមុនការសម្លាប់លោក Mohsen Fakhrizadeh-Mahabadi ដែលជាសាស្ត្រាចារ្យរូបវិទ្យានិងជាអតីតមន្រ្តីម្នាក់នៅក្នុងឆ្មាំបដិវត្តអ៊ីរ៉ង់។

រដ្ឋបាលលោក Trump បានកំណត់ឱសានវាទយកថ្ងៃទី១៥ខែមករាសម្រាប់យោធាអាមេរិកក្នុងការដកកងទ័ពរបស់ខ្លួនចេញពីប្រទេសអ៊ីរ៉ាក់និងអាហ្វហ្គានីស្ថាន។

ប្រទេសអ៊ីរ៉ង់បានចោទប្រកាន់អ៊ីស្រាអែលពីបទព្យាយាមបង្កសង្គ្រាមដោយការធ្វើឃាតលោក Fakhrizadeh-Mahabadi។ គាត់ជាអ្នកវិទ្យាសាស្រ្តម្នាក់ដែលនាយករដ្ឋមន្រ្តីអ៊ីស្រាអែលលោក Benjamin Netanyahu ចាត់ទុកជាបិតានៃកម្មវិធីនុយក្លេអ៊ែររបស់អ៊ីរ៉ង់។

មន្ត្រីអាមេរិកម្នាក់និងមន្ត្រីស៊ើបការណ៍សម្ងាត់២នាក់ទៀតបានបញ្ជាក់ប្រាប់កាសែត New York Times ថា អ៊ីស្រាអែលនៅពីក្រោយការវាយប្រហារនេះ។

លោក Fakhrizadeh-Mahabadi ត្រូវបានសម្លាប់នៅក្នុងការវាយឆ្មក់មួយដែលពាក់ព័ន្ធនឹងការផ្ទុះមួយហើយបន្ទាប់មកមានការបាញ់កាំភ្លើងយន្តលើផ្លូវចន្លោះទីប្រជុំជន Absard និងទីក្រុងតេអេរ៉ង់។

ទូរទស្សន៍រដ្ឋអ៊ីរ៉ង់បានផ្សាយថា គ្រាប់បែកដែលលាក់នៅក្នុងរថយន្តភីកអាប់មួយគ្រឿងបានផ្ទុះនៅពីមុខរថយន្ដរបស់គាត់មុនពេលខ្មាន់កាំភ្លើង៦នាក់បានចេញពីរថយន្ដមួយគ្រឿងហើយបើកការបាញ់ប្រហារ។

អ្នករងរបួសនៅក្នុងការវាយប្រហារនេះត្រូវបានបញ្ជូនទៅមន្ទីរពេទ្យក្នុងតំបន់ប៉ុន្តែគ្រូពេទ្យមិនអាចជួយសង្គ្រោះជីវិតលោក Fakhrizadeh-Mahabadi បានទេ៕

ប្រែសម្រួលដោយ៖ Vann Vann

ប្រភព៖ Daily Mail

The post អាមេរិកបញ្ជូននាវាដឹកយន្តហោះទៅឈូងសមុទ្រពែក្សបន្ទាប់ពីការធ្វើឃាតអ្នកវិទ្យាសាស្រ្តអ៊ីរ៉ង់ appeared first on Kampuchea Thmey Daily.