ព័ត៌មានអន្ដរជាតិ
កូរ៉េខាងត្បូង-អាមេរិក ចាប់ផ្តើមសមយុទ្ធយោធា ធំបំផុតក្នុងរយៈពេល ៥ឆ្នាំ (មានវីដេអូ)
នៅថ្ងៃចន្ទទី២២ខែសីហានេះ ប្រទេសកូរ៉េខាងត្បូង និងសហរដ្ឋអាមេរិក បានចាប់ផ្តើមសមយុទ្ធយោធារួមគ្នាទ្រង់ទ្រាយធំបំផុតក្នុងរយៈពេល៥ឆ្នាំ ខណៈសម្ព័ន្ធមិត្តទាំង២ ព្យាយាមពង្រឹងការត្រៀមខ្លួនសម្រាប់ការសាកល្បងអាវុធដ៏មានសក្តានុពលរបស់កូរ៉េខាងជើង។
សមយុទ្ធរដូវក្តៅប្រចាំឆ្នាំ ដែលឆ្នាំនេះត្រូវបានប្តូរឈ្មោះទៅជា Ulchi Freedom Shield ហើយគ្រោងនឹងបញ្ចប់នៅថ្ងៃទី១ខែកញ្ញា គឺបានកើតឡើង បន្ទាប់ពីប្រធានាធិបតីកូរ៉េខាងត្បូងលោក Yoon Suk-yeol ប្តេជ្ញាថានឹងធ្វើឲ្យសមយុទ្ធនេះ ដំណើរការទៀងទាត់ឡើងវិញ និងបង្កើនសមត្ថភាពប្រឆាំងប្រទេសកូរ៉េខាងជើង។
នៅថ្ងៃចន្ទ ប្រទេសកូរ៉េខាងត្បូងបានចាប់ផ្តើមសមយុទ្ធការពារស៊ីវិល Ulchi រយៈពេលបួនថ្ងៃដាច់ដោយឡែក ខណៈសមយុទ្ធនេះត្រូវបានរៀបចំឡើងដើម្បីជំរុញការត្រៀមខ្លួនរបស់រដ្ឋាភិបាល និងជាសមយុទ្ធលើកដំបូងចាប់តាំងពីការរីករាលដាលនៃមេរោគឆ្លងកូវីដ១៩។
លោក Yoon និយាយថា សមយុទ្ធយោធា និងស៊ីវិល មានគោលបំណងធ្វើឲ្យប្រសើរឡើងនូវការត្រៀមខ្លួនរបស់ប្រទេសដើម្បីទប់ទល់នឹងសង្រ្គាម និងការគំរាមកំហែងតាមអ៊ីនធឺណិតប្រឆាំងនឹងទីតាំងសំខាន់ៗដូចជារោងចក្រផលិតបន្ទះឈីប និងខ្សែសង្វាក់ផ្គត់ផ្គង់ជាដើម។
គួរបញ្ជាក់ថា នេះគឺជាសមយុទ្ធធំបំផុតចាប់តាំងពីឆ្នាំ២០១៧មក បន្ទាប់ពីវាត្រូវបានកាត់បន្ថយទំហំដោយសារតែវិបត្តិកូវីដ១៩។
ប្រទេសកូរ៉េខាងជើង បានបាញ់មីស៊ីលផ្លោង ២គ្រាប់ចេញពីឆ្នេរសមុទ្រភាគខាងលិចកាលពីសប្តាហ៍មុន បន្ទាប់ពីកូរ៉េខាងត្បូង និងសហរដ្ឋអាមេរិកចាប់ផ្តើមការហ្វឹកហាត់បឋមសម្រាប់សមយុទ្ធនេះ។
មន្ត្រីទីក្រុងសេអ៊ូលនិយាយថា ប្រទេសកូរ៉េខាងជើង បានធ្វើការសាកល្បងមីស៊ីលក្នុងកម្រិតដែលមិនធ្លាប់មានពីមុនមកក្នុងឆ្នាំនេះ ហើយបានត្រៀមខ្លួនរួចជាស្រេចដើម្បីធ្វើការសាកល្បងនុយក្លេអ៊ែរជាលើកទីប្រាំពីរគ្រប់ពេលទាំងអស់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ ចិន និងប្រទេសច្រើនទៀត ប្រកាសបញ្ជូនកងទ័ពទៅ រុស្ស៊ី ដើម្បីធ្វើសមយុទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ