ទ័ពជើងទឹករុស្ស៊ីនឹងចូលរួមក្នុងសមយុទ្ធលើកទី ១ ជាមួយនាវាអង្គការណាតូក្នុងរយៈពេលមួយទសវត្សរ៍

នាវានៃកងទ័ពជើងទឹករុស្ស៊ីនឹងចូលរួមធ្វើសមយុទ្ធរួមគ្នាជាលើកដំបូងក្នុងរយៈពេល ១០ ឆ្នាំជាមួយប្រជាជាតិអង្គការណាតូ រួមទាំង សហរដ្ឋអាមេរិក និងចក្រភពអង់គ្លេស ផងដែរ ខណៈសមយុទ្ធយោធានេះនឹងត្រូវរៀបចំឡើងនៅខែកុម្ភៈនៅឯឆ្នេរសមុទ្រប្រទេសប៉ាគីស្ថាន ។

កងនាវាចររុស្ស៊ីក៏ធ្លាប់បានចូលរួមក្នុងសមយុទ្ធរួមគ្នាជាមួយអង្គការណាតូកាលពីឆ្នាំ ២០១១ ផងដែរ នៅពេលសមយុទ្ធ Bold Monarch ត្រូវបានធ្វើឡើងនៅឯនាយឆ្នេរភាគខាងត្បូងនៃប្រទេសអេស្ប៉ាញ ។

កងនាវាចរនៅសមុទ្រខ្មៅបានប្រាប់អ្នកយកព័ត៌មានថា ចំណែកសមយុទ្ធដែលមានឈ្មោះថា AMAN-2021 នេះវិញនឹងបង្រួបបង្រួមនាវានៃកងទ័ពជើងទឹកប៉ាគីស្ថាន និងរុស្ស៊ី កងនាវាចរអាមេរិក កងនាវាចរចក្រភពអង់គ្លេស កងនាវាចរចិន កងកម្លាំងស្វ័យការពារដែនសមុទ្រជប៉ុន កងនាវាចរទួរគី កងនាវាចរហ្វីលីពីន កងនាវាចរម៉ាឡេស៊ី កងនាវាចរស្រីលង្កា និងកងនាវាចរឥណ្ឌូនេស៊ី ជាដើម” ។

គួរបញ្ជាក់ថា សមយុទ្ធនេះនឹងត្រូវធ្វើឡើងនៅខែកុម្ភៈ ឆ្នាំ ២០២១ នៅដែនទឹកទីក្រុងការ៉ាជី ខណៈប្រទេសរុស្ស៊ីនឹងត្រូវបានតំណាងដោយកងនាវាចម្បាំង នាវាល្បាត ទូកជួយសង្គ្រោះ អង្គភាពទ័ពជើងទឹក កងកម្លាំងបោសសំអាតមីន និងឧទ្ធម្ភាគចក្រដែលមានមូលដ្ឋាននៅសមុទ្រ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ច្បាប់ថ្មីរបស់រុស្ស៊ី៖ មួយជីវិតនេះ ពូទីន ធ្វើអ្វីក៏គ្មានទោសដែរ

ចុចអាន ៖ លោក Putin បញ្ជាឲ្យចាប់ផ្តើមយុទ្ធនាការចាក់វ៉ាក់សាំងកូវីដ ១៩ ទ្រង់ទ្រាយធំដល់ពលរដ្ឋ