ព័ត៌មានអន្ដរជាតិ
លោក Trump ចេញបញ្ជាឲ្យផ្តល់វ៉ាក់សាំងកូវីដដល់ជនជាតិអាមេរិកមុនគេ
លោកប្រធានាធិបតី Donald Trump បានចុះហត្ថលេខាលើបទបញ្ជាប្រតិបត្តិមួយកាលពីថ្ងៃអង្គារដែលតម្រូវឲ្យវ៉ាក់សាំងការពារជំងឺកូវីដ១៩ដែលផលិតដោយក្រុមហ៊ុនអាមេរិកត្រូវតែចែកចាយដល់ជនជាតិអាមេរិកមុនគេ។
ក្នុងសេចក្តីប្រកាសអំពីបញ្ជានេះនៅឯសេតវិមាន លោក Trump បាននិយាយថា រដ្ឋបាលរបស់លោកកំពុងធ្វើការយ៉ាងជិតស្និទ្ធជាមួយប្រជាជាតិដទៃទៀតដើម្បីទទួលបានវ៉ាក់សាំងប៉ុន្តែបាននិយាយថា បទបញ្ជារបស់លោកនឹងធានាថា រដ្ឋាភិបាលសហរដ្ឋអាមេរិកផ្តល់អាទិភាពការចែកចាយទៅជនជាតិអាមេរិកមុនគេ។
លោកប្រធានាធិបតីបានគំរាមថានឹងយកច្បាប់ឆ្នាំ១៩៥០ដែលត្រូវបានគេស្គាល់ថាជាច្បាប់ផលិតកម្មការពារជាតិមកប្រើប្រសិនបើក្រុមហ៊ុននានាបដិសេធធ្វើតាមបទបញ្ជានេះប៉ុន្តែលោកបាននិយាយថា លោកមិនបានគិតថាវាចាំបាច់ទេ។
បញ្ជានេះអនុញ្ញាតឲ្យប្រធានាធិបតីបង្គាប់ក្រុមហ៊ុនឯកជនឲ្យផលិតសម្ភារៈដែលមានសារៈសំខាន់សម្រាប់ការពារជាតិ។
បទបញ្ជានេះបានកើតឡើងតែប៉ុន្មានថ្ងៃប៉ុណ្ណោះមុនពេលរដ្ឋបាលចំណីអាហារនិងឪសថអាមេរិក (FDA) រំពឹងថានឹងចុះហត្ថលេខាលើការអនុញ្ញាតឲ្យប្រើជាបន្ទាន់សម្រាប់វ៉ាក់សាំងកូវីដរបស់ក្រុមហ៊ុន Pfizer ខណៈវ៉ាក់សាំងទី២មកពីក្រុមហ៊ុន Moderna ត្រូវគេរំពឹងថានឹងអនុញ្ញាតក្នុងរយៈពេលប្រហែលមួយសប្តាហ៍ក្រោយនោះ។
តាមការចុះផ្សាយរបស់កាសែត Washington Post, ក្រុមហ៊ុន Pfizer បានប្រាប់ក្រុមមន្រ្តីសហរដ្ឋអាមេរិកថា ខ្លួនមិនអាចផ្គត់ផ្គង់វ៉ាក់សាំងបន្ថែមបានទេរហូតដល់ខែមិថុនាឬខែកក្កដាឯណោះពីព្រោះការកុម្ម៉ង់ទិញពីប្រទេសដទៃបានកាត់បន្ថយការផ្គត់ផ្គង់។ សហរដ្ឋអាមេរិកបានបញ្ជាទិញវ៉ាក់សាំងចំនួន១០០លានដូសរួចហើយ៕
ប្រែសម្រួលដោយ៖ Vann Vann
ប្រភព៖ Anadolu
ចុចអាន៖ លោក Biden ប្តេជ្ញាចាក់វ៉ាក់សាំងកូវីដដល់ប្រជាជន១០០លាននាក់នៅ១០០ថ្ងៃដំបូងនៃការកាន់តំណែង
ចុចអាន៖ អតីតយុទ្ធជនវ័យ ៩៩ ឆ្នាំក្លាយជាមនុស្សចាស់ជាងគេទទួលការចាក់វ៉ាក់សាំងកូវីដ នៅអង់គ្លេស
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង