ឆ្មាំឆ្នេរសមុទ្រសហរដ្ឋអាមេរិកបានរៀបរាប់លម្អិតថា បំណែកសាកសពមនុស្សត្រូវបានក្រុមមន្ត្រីស្រង់ចេញពីក្នុងកម្ទេចកម្ទីដោយប្រុងប្រយ័ត្ន ហើយក្រោយមកត្រូវបានដឹកជញ្ជូនតាមកប៉ាល់ទៅឲ្យអ្នកជំនាញសហរដ្ឋអាមេរិក ដើម្បីធ្វើតេស្ត និងវិភាគ ។

មែនទែនទៅ ដានថ្មីនៃកម្ទេចកម្ទី និងបំណែកសាកសពមនុស្សនេះត្រូវបានរកឃើញតាំងតែពីថ្ងៃទី៤ ខែតុលា ពោលមានរយៈពេលជាង ៣ ខែ បន្ទាប់ពីយានជ្រមុជទឹក Titan ដែលមានទម្ងន់ប្រមាណ ១០ តោន បានផ្ទុះនៅក្រោមទឹក សម្លាប់អ្នកដំណើរ ៥ នាក់ដែលជិះនៅក្នុងនោះ ។

នៅថ្ងៃទី១៨ ខែមិថុនា យានជ្រមុជទឹក Titan បានដឹកអ្នកទេសចររបស់ខ្លួនចំនួន ៥ នាក់ចុះក្រោមបាតសមុទ្រដើម្បីធ្វើដំណើរទៅមើលខ្មោចកប៉ាល់ទីតានិក ប៉ុន្តែប្រហែល ១ ម៉ោង និង ៤៥ នាទីក្រោយមក នាវិកបានបាត់បង់ទំនាក់ទំនងជាមួយកប៉ាល់មេដែលនៅផ្ទៃខាងលើក្នុងតំបន់ Cape Cod រដ្ឋ Massachusetts ។

បន្ទាប់ពីបេសកកម្មស្វែងរក និងជួយសង្គ្រោះជាបន្តបន្ទាប់ រហូតដល់ថ្ងៃទី២២ ខែមិថុនា ទើបឆ្មាំសមុទ្របានរកឃើញកន្ទុយយានជ្រមុជទឹក និងកម្ទេចកម្ទីផ្សេងទៀតនៅលើផ្ទៃសមុទ្រ ពោលចម្ងាយប្រហែល ៥០០ ម៉ែត្រពីតួយានជ្រមុជទឹក Titan ។

គួរបញ្ជាក់ថា មនុស្ស ៥ នាក់ដែលបាត់បង់ជីវិតក្នុងហេតុការណ៍ផ្ទុះយានជ្រមុជទឹក Titan នេះ រួមមាននាយកប្រតិបត្តិក្រុមហ៊ុន OceanGate លោក Stockton Rush, មហាសេដ្ឋីអង់គ្លេស Hamish Harding, អ្នករុករកជនជាតិបារាំង Paul-Henri Nargeolet និងមហាសេដ្ឋីប៉ាគីស្ថាន Shahzada Dawood រួមទាំងកូនប្រុស Suleman អាយុ ១៩ ឆ្នាំ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក បៃដិន ថា អាមេរិក នឹងផ្ដល់គ្រប់យ៉ាងទៅឲ្យ អ៊ីស្រាអែល ដើម្បីប្រឆាំង ក្រុមហាម៉ាស់

The post ស្ងាត់ដំណឹងជាង ៣ ខែ ពេលនេះរកឃើញបំណែកសាកសពមនុស្សបន្ថែម​ក្នុងកម្ទេចកម្ទីយានជ្រមុជទឹក Titan appeared first on Kampuchea Thmey Daily.

គេហទំព័ររបស់ក្រុមហ៊ុនចុះទៅមើលខ្មោចកប៉ាល់ទីតានិកនៅបាតសមុទ្ររបស់សហរដ្ឋអាមេរិកមួយនេះបាននិយាយថា “ក្រៅតែពីការប្រកាសលុបគណនីប្រព័ន្ធផ្សព្វផ្សាយសង្គមរួចហើយ, ក្រុមហ៊ុន OceanGate ក៏បានផ្អាកប្រតិបត្តិការដំណើរកម្សាន្ត និងពាណិជ្ជកម្មទាំងអស់ផងដែរ” ។

គួររំឭកថា កាលពីខែមុន យានជ្រមុជទឹក Titan របស់ក្រុមហ៊ុន OceanGate ដែលផ្ទុកអ្នកដំណើរចំនួន ៥ នាក់បានបាត់បង់ទំនាក់ទំនងជាមួយកប៉ាល់មេ Polar Prince រយៈពេលជាង ១ ម៉ោង ក្រោយពេលចុះទៅបាតសមុទ្រដើម្បីធ្វើដំណើរទៅមើលខ្មោចកប៉ាល់ទីតានិកក្នុងមហាសមុទ្រអាត្លង់ទិកខាងជើង ។

ចំណែកមនុស្ស ៥ នាក់ដែលជិះនៅក្នុងយាន Titan រួមមាននាយកប្រតិបត្តិក្រុមហ៊ុន OceanGate លោក Stockton Rush, អ្នកជំនួញចក្រភពអង់គ្លេស Hamish Harding, អ្នកជំនាញផ្នែកសមុទ្របារាំងលោក Paul-Henri Nergeolet និងអនុប្រធានសាជីវកម្ម Engro របស់ប្រទេសប៉ាគីស្ថានលោក Shahzada Dawood ជាមួយកូនប្រុសអាយុ ១៩ ឆ្នាំឈ្មោះ Suleman ។

ប៉ុន្តែទោះជាយ៉ាងណា ក្រោយមកក្នុងខែមិថុនា ឆ្មាំឆ្នេរសមុទ្រអាមេរិក បានបញ្ជាក់ថា កម្ទេចកម្ទីដែលបានរកឃើញនៅបាតសមុទ្រ ក្បែរខ្មោចកប៉ាល់ទីតានិក គឺជាបំណែកនៃយានជ្រមុជទឹក Titan ខណៈមនុស្ស ៥ នៅក្នុងយាននោះគឺត្រូវបានគេសន្មត់ថាស្លាប់ទាំងអស់ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ៣ ចំណុចសំខាន់ៗអំពីរឿងរ៉ាវគ្រាប់បែកចង្កោមដែល អាមេរិក ផ្ដល់ទៅឲ្យ អ៊ុយក្រែន

The post ក្រុមហ៊ុន OceanGate លុបគណនីប្រព័ន្ធផ្សព្វផ្សាយសង្គមទាំងអស់ ក្រោយ​សោកនាដកម្មផ្ទុះយាន Titan appeared first on Kampuchea Thmey Daily.

ក្រុមហ៊ុនបានបង្ហោះសារមួយបន្ទាត់ នៅលើគេហទំព័ររបស់ខ្លួន ដោយនិយាយថា ក្រុមហ៊ុនសូមបញ្ឈប់ប្រតិបត្តិការរុករក និងពាណិជ្ជកម្មទាំងអស់។

ទោះបីជាយ៉ាងណាក៏ដោយ នៅលើគេហទំព័រនោះ ក្រុមហ៊ុនក៏បានផ្សព្វផ្សាយអំពីដំណើរទេសចរណ៍ទៅប្រជុំកោះ Azores នៃព័រទុយហ្គាល់និងប្រទេស បាហាម៉ា ផងដែរ។

សេចក្តីប្រកាសនេះ កើតឡើងចំពេលការស៊ើបអង្កេតមួយកំពុងបន្តទៅលើរបៀបដែលយាន Titan ផ្ទុះសម្លាប់មនុស្សចំនួន៥នាក់ ខណៈធ្វើដំណើរចុះទៅបាតមហាសមុទ្រអាត្លង់ទិក ដើម្បីទស្សនាខ្មោចកប៉ាល់ទីតានិក កាលពីថ្ងៃទី១៨ខែមិថុនា។

ដឹកនាំដោយឆ្មាំឆ្នេរសមុទ្រអាមេរិក អាជ្ញាធរនិយាយថា ការស៊ើបអង្កេតនេះ គឺមានគោលបំណងទប់ស្កាត់កុំឲ្យមានគ្រោះថ្នាក់ស្រដៀងគ្នា កើតឡើងនាពេលអនាគត។

ឆ្មាំសមុទ្រ បានរៀបចំការស៊ើបអង្កេតកម្រិតខ្ពស់បំផុតរបស់ខ្លួន ដែលនឹងអនុវត្តរួមគ្នាជាមួយអាជ្ញាធរកាណាដា ចក្រភពអង់គ្លេស និងបារាំង ហើយការស៊ើបអង្កេត នឹងអាចណែនាំឲ្យមានការចោទប្រកាន់រដ្ឋប្បវេណី ឬព្រហ្មទណ្ឌ។

គួររម្លឹកឡើងវិញ កាលពីថ្ងៃទី២៨ខែមិថុនា ឆ្មាំឆ្នេរសមុទ្រនិយាយថា កម្ទេចកម្ទីយាននិងបំណែកសាកសពមនុស្សពីយាន Titan ត្រូវបានរកឃើញ ហើយស្រង់ឡើងគោក។ កម្ទេចកម្ទី នឹង​ត្រូវ​យក​ទៅ​កាន់​កំពង់ផែ​សហរដ្ឋ​អាមេរិក ​ដើម្បី​ធ្វើ​ការ​វិភាគ​បន្ថែម​ទៀត៕

ប្រែសម្រួល៖ Vann Vann

ប្រភព៖ BBC

ចុចអាន៖ ធ្លាយព័ត៌មាន ក្រុមហ៊ុន OceanGate ជួលអ្នកហាត់ការរៀនមហាវិទ្យាល័យ មកឌីហ្សាញប្រព័ន្ធអគ្គិសនី យាន Titan

The post ក្រុមហ៊ុន OceanGate ប្រកាស ផ្អាកប្រតិបត្តិការទាំងស្រុង appeared first on Kampuchea Thmey Daily.

អ្នកស្រី Jessica Sanders ប្រធានក្រុមហ៊ុន Royal Mail Ship Titanic មានប្រសាសន៍ឥតស្ទាក់ស្ទើរថា “គ្រប់គ្នាគួរតែអាចបន្តទៅមើលខ្មោចកប៉ាល់ទីតានិកបានដដែល មិនមែនមានតែសេដ្ឋី យោធា ឬអ្នកផលិតភាពយន្តទេដែលអាចចុះទៅក្រោមសមុទ្រនោះ ព្រោះវាមិនប៉ះពាល់អ្វីឡើយ ដោយសារតែសោកនាដកម្មថ្មីៗនេះបានបញ្ចប់ទៅហើយ” ។

ទន្ទឹមនោះ អ្នកស្រី Jessica ត្រូវបានគេស្គាល់ថាជាមិត្តរួមការងារនឹងលោក Paul Henri Nargeolet អ្នករុករកជនជាតិបារាំងវ័យ ៧៧ ឆ្នាំ ជាជនរងគ្រោះម្នាក់ក្នុងចំណោម ៥ នាក់ដែលរួមមាន មហាសេដ្ឋីអង់គ្លេស Hamish Harding នាយកប្រតិបត្តិក្រុមហ៊ុន OceanGate លោក Stockton Rush មហាសេដ្ឋីប៉ាគីស្ថាន Shahzada Dawood និងកូនប្រុសវ័យ ១៩ ឆ្នាំឈ្មោះ Suleman Dawood ។

គួរបញ្ជាក់ជាថ្មីថា យានជ្រមុជទឹក Titan បានផ្ទុះក្រោមបាតសមុទ្រ អំឡុងពេលចុះទៅមើលខ្មោចកប៉ាល់ទីតានិក ហើយឆ្មាំឆ្នេរសមុទ្រអាមេរិកប្រកាសរកឃើញបំណែកនៃកម្ទេចកម្ទីរបស់យាន និងបំណែកសាកសពកាលពីថ្ងៃពុធ ទី២៨ ខែមិថុនា ៕

ប្រែសម្រួល៖ វារី

ប្រភព៖ Dailymail

ចុចអាន៖ អ្នកជំនាញសន្និដ្ឋានថា សពអ្នកស្លាប់ក្នុងយាន Titan អាចត្រូវត្រីឆ្លាមស៊ី គ្មានថ្ងៃរកឃើញឡើយ

The post អ្នកជំនាញ ៖ គ្រប់គ្នានៅតែអាចទៅមើលខ្មោចកប៉ាល់ទីតានិកដដែល appeared first on Kampuchea Thmey Daily.

នាយកប្រតិបត្តិក្រុមហ៊ុនលោក Edward Cassano បាននិយាយថា ក្រុមជួយសង្គ្រោះដែលបានបញ្ជូនចុះទៅបាតសមុទ្រ មានគម្រោងទាញយកយានជ្រមុជទឹក Titan ទាំងមូលឡើងមកលើគោក ប្រសិនបើយានមួយនេះត្រូវបានរកឃើញនៅល្អស្អាត និងមិនខូចទ្រង់ទ្រាយណាមួយនោះ ។

លោក Cassano រៀបរាប់ទាំងទឹកភ្នែកថា “សេណារីយ៉ូដែលក្រុមការងាររបស់យើងបានរំពឹងទុក ពេលបញ្ជូនចុះទៅនោះ គឺនឹងឃើញយានជ្រមុជទឹក Titan នៅនឹងមួយកន្លែងនៅបាតសមុទ្រ ហើយអ្នកដំណើរនៅខាងក្នុងយានទាំងអស់មានសុវត្ថិភាព ប៉ុន្តែអ្វីៗខុសពីការគិតទាំងអស់ ដោយសារតែយានបានផ្ទុះខ្ទេចអស់ហើយ” ។

CEO រូបនេះបញ្ជាក់ទៀតថា គោលបំណងមួយទៀតរបស់ក្រុមជួយសង្គ្រោះនៃក្រុមហ៊ុន Pelagic ក៏នឹងភ្ជាប់ភ្លើងសញ្ញានាំផ្លូវទៅដល់យាន Titan ផងដែរ ដើម្បីបន្តតាមដានទំនាក់ទំនងជាមួយយានមេផ្សេងទៀត ក្នុងលក្ខខណ្ឌដែលយានជ្រមុជទឹកមួយនេះបាត់រលកសញ្ញា ឬបាត់ដានម្ដងទៀត ។

ទន្ទឹមនោះ ក្រុមហ៊ុន Pelagic ក៏បានប្រើយានបញ្ជាពីចម្ងាយ (ROV) នៅក្នុងប្រតិបត្តិការរុករកសោកនាដកម្មផ្ទុះដ៏មហន្តរាយដែលបានសម្លាប់មនុស្ស ៥ នាក់នៅក្នុងយាន Titan នោះផងដែរ ហើយវាគឺជាម៉ាស៊ីនតែមួយគត់ដែលអាចមុជជ្រៅទៅដល់បំណែកនៃខ្មោចកប៉ាល់ទីតានិក ។

គួរបញ្ជាក់ថា រហូតមកដល់ពេលនេះ បំណែកនៃកម្ទេចកម្ទីរបស់យាន Titan ក៏ដូចជាសាកសពរបស់អ្នកដំណើរនៅក្នុងយាននោះត្រូវបានរកឃើញហើយនៅកំពង់ផែឆ្នេរសមុទ្រក្នុងទីក្រុង St. John’s រដ្ឋ Newfoundland ខណៈក្រុមអ្នកជំនាញក៏កំពុងយកសំណាកនៃសាកសពនោះទៅធ្វើការវិភាគផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Independent

ចុចអាន ៖ តើលោក Putin ប្រើយុទ្ធសាស្ត្រអ្វី ទើបបញ្ចប់ការបះបោរប្រដាប់​អាវុធរបស់​ទាហានស៊ីឈ្នួល?

The post CEO ក្រុមហ៊ុនរុករកយាន Titan រៀបរាប់ទាំងទឹកភ្នែកពីព័ត៌មានលម្អិត ពេលក្រុមការងារចុះដល់បាតសមុទ្រ appeared first on Kampuchea Thmey Daily.

លោក Arnie Weissmann និពន្ធនាយកនៃ Travel Weekly និយាយថា គាត់បាននិយាយជាមួយ CEO OceanGate ប៉ុន្មានថ្ងៃមុនពេលបេសកកម្មដ៏គ្រោះថ្នាក់​ដែលបានសម្លាប់មនុស្សទាំងប្រាំនាក់នៅលើយាន។

លោក Weissmann ថា ដើមឡើយត្រូវបានកំណត់ដើម្បីចូលរួម​បេសកកម្ម​នៅ​ដើមខែនេះ ដើម្បី​ទៅទស្សនាសោកនាដកម្ម​លិចកប៉ាល់​ titanic ​ប៉ុន្តែ​គាត់​ត្រូវ​បាន​គេ​បង្ខំឲ្យ​ដកខ្លួន​ចេញ​ដោយសារ​តែ​មាន​កាលវិភាគដ៏មមាញឹកខ្លាំង។ ឥឡូវនេះគាត់បានបង្ហាញពីភស្តុតាងបន្ថែមទៀតដែលថា Rush ជាក់ស្តែង​បានលេងផ្លូវកាត់នៅ​ពេលអភិវឌ្ឍយាន Titan។

និពន្ធនាយកនៃ Travel Weekly ប្រាប់ Washington Post ថា លោក Rush បានអួតអំពីរបៀបដែលគាត់​បានទិញកាបូនហ្វាយបឺ (carbon fibre) សម្រាប់យកមកអនុដោយការបញ្ចុះតម្លៃដ៏ធំ ខណៈវាហួស​អាយុកាល​ប្រើប្រាស់​ក្នុងយាន​ហើយទៅហើយ។ ពេលនោះ “ខ្ញុំបានឆ្លើយតបភ្លាមៗដោយនិយាយថា តើអ្នកមិនមានការព្រួយបារម្ភអំពីរឿងនោះទេ? តែថៅកែ Titan ​ច្រាន​ចោល​ហើយ​​និយាយ​ថា ទេ វា​ល្អ​ឥត​ខ្ចោះណាស់។ ការ​មាន​វិញ្ញាបនបត្រ​ទាំង​អស់​នេះ​សម្រាប់​យាន​គឺ​ជា​រឿង​មួយ ប៉ុន្តែ​កាបូន​សរសៃ​គឺ​ល្អ​ឥត​ខ្ចោះ”។

ទោះយ៉ាងណាក៏ដោយ អ្នកជំនាញបាននិយាយពីពីរបៀបដែលជាតិសរសៃកាបូនគឺជាជម្រើសមិនល្អនៃសម្ភារៈសម្រាប់យកមកអនុវត្ត។ អ្នកខ្លះបានអះអាងថា ការប្រើប្រាស់សម្ភារៈហួសកាលបរិច្ឆេទផុតកំណត់ អាចធ្វើឲ្យ​អនុភាពកាន់តែងាយនឹងមានបញ្ហា។ អ្នក​ជំនាញ​ក៏​បាន​ណែនាំ​ទៀតថា ទឹក​អាច​ហូរ​ចូល​ទៅ​ក្នុង​លំហ​ដែល​សរសៃ​កាបូន​ជួប​នឹង​បំណែក​នៃ​ទីតាញ៉ូម។

សូំជម្រាបដែរថា លោក Rush គឺជាសមាជិកនាវិកម្នាក់ ក្នុងចំណោមនាវិក ៥នាក់ ដែលបានស្លាប់​ពេល​នៅ​លើ​យាន​ជ្រមុជ​ទឹក Titan ដើម្បីរុករកបំណែកនៃ​កប៉ាល់ទីតានិក ក្រោយមកវាបាន​បាត់ការទាក់ទងជាមួយនាវានៅផ្ទៃខាងលើឈ្មោះ Polar Prince កាលពីព្រឹកថ្ងៃអាទិត្យទី១៨ ខែមិថុនា​។ ក្រោយមកបំណែកនៃកម្ទេចកម្ទីរបស់យាន Titan ត្រូវបានរកឃើញនៅចម្ងាយប្រហែល ៤៨៧ ម៉ែត្រពីបំណែកនៃខ្មោចកប៉ាល់ Titanic ៕

ប្រែសម្រួល៖ សាង ស្រីល័ក្ខ

ប្រភព៖thesun

ចុចអាន៖លោក James Cameron ថា ការផ្ទុះយាន Titan គឺដូចគ្នាបេះបិតនឹងសោកនាដកម្មលិចកប៉ាល់ Titanic

ចុចអាន៖តាមការពិតនាយកប្រតិបត្តិក្រុមហ៊ុន OceanGate បំពានច្បាប់សាងសង់យានជ្រមុជទឹក Titan ទើបជួបគ្រោះថ្នាក់

The post បុរសម្នាក់ទម្លាយថា ថៅកែ Titan ទិញតែសម្ភារៈបញ្ចុះតម្លៃ និងផុតកំណត់មកសាងសង់យាន ទើបមានគ្រោះថ្នាក់ appeared first on Kampuchea Thmey Daily.

រូបភាពជាច្រើនបង្ហាញពីបំណែកនៃកម្ទេចកម្ទីដែកធំៗពណ៌សរបស់នាវាជ្រមុជទឹក Titan និងគ្របដោយក្រណាត់ត្រូវបានស្ទូចយកចេញពីកប៉ាល់មេ Horizon Arctic នៅកំពង់ផែឆ្មាំឆ្នេរសមុទ្រកាណាដាក្នុងទីក្រុង St. John’s រដ្ឋ Newfoundland ។

ប្រតិបត្តិការស្វែងរក និងជួយសង្គ្រោះលើយានជ្រមុជទឹក Titan បានចាប់ផ្តើមកាលពីថ្ងៃទី១៨ ខែមិថុនា បន្ទាប់ពីយានមួយនេះបានបាត់បង់ទំនាក់ទំនងជាមួយកប៉ាល់មេ Horizon Arctic ប៉ុន្តែរយៈពេល ៥ ថ្ងៃក្រោយមកបំណែកនៃកម្ទេចកម្ទីរបស់យាន Titan ត្រូវបានរកឃើញនៅចម្ងាយប្រហែល ៤៨៧ ម៉ែត្រពីបំណែកនៃខ្មោចកប៉ាល់ Titanic ។

គួរបញ្ជាក់ថា មនុស្ស ៥ នាក់ រួមទាំងនាយកប្រតិបត្តិក្រុមហ៊ុន OceanGate លោក Stockton Rush ផងដែរនោះបានបាត់បង់ជីវិតក្នុងការផ្ទុះដ៏មហន្តរាយរបស់យាន Titan ក្នុងជម្រៅជិត ៤ គីឡូម៉ែត្រក្រោមនីវ៉ូទឹកសមុទ្រ ខណៈដែលអ្នកដំណើរទាំងនោះព្យាយាមមើលខ្មោចកប៉ាល់ Titanic ហើយរហូតមកដល់ពេលនេះ ឆ្មាំឆ្នេរសមុទ្រអាមេរិកក៏បានបើកការស៊ើបអង្កេតលើមូលហេតុនៃការផ្ទុះនេះផងដែរ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sky News

The post Breaking News! ទីបំផុត បំណែកយានជ្រមុជទឹក Titan ត្រូវបានស្រង់ឡើង​លើគោក (មានវីដេអូ) appeared first on Kampuchea Thmey Daily.

នៅក្នុងបទសម្ភាសន៍ជាមួយទូរទស្សន៍ CNN នៅថ្ងៃចន្ទ ទី ១៩ ខែមិថុនា លោក James Cameron ដែលជា​អ្នកដឹកនាំរឿង Titanic និងបាន​មុជទឹក ៣៣ដងកន្លែងដែល​កប៉ាល់​នេះ​ស្ថិតនៅ​នោះបានរិះគន់ការធ្វេសប្រហែសរបស់ OceanGate ។

ជា​ចម្បង​ក្នុងចំណោមការរិះគន់របស់លោក Cameron គឺថាវិធីរបស់ OceanGate ក្នុងការកសាងយាន Titan ចេញពី​សរសៃ​កាបូន​គឺ​មិនសមរម្យស្រាប់ទៅហើយ “មនុស្សនៅ OceanGate មិនបានចងចាំមេរៀន​របស់កប៉ាល់ទីតានិកទេ ខ្ញុំគិតថាវាជាគំនិត​អាក្រក់ណាស់​ក្នុងការធ្វើឲ្យ​យានដូចដែលពួកគេបានធ្វើ អ្វីដែលគួរឲ្យ​សោកស្ដាយនោះគឺថា ឧបទ្ទវហេតុនេះ​អាចត្រូវបានចៀសវាងបាន។”

លើសពីនេះ នាយក Cameron បាននិយាយថា យាននេះគួរតែឆ្លងកាត់ដំណើរការសាកល្បង និងវិញ្ញាបនប័ត្រដែលមានឈ្មោះធំៗ ដូចជាក្រសួងដឹកជញ្ជូនរបស់សហរដ្ឋអាមេរិកជាដើម។ ប៉ុន្តែ Titan មិន​បាន​ធ្វើ​ទេ។ លោកបានប្រាប់ CNN ថា “ខ្ញុំគិតថាវាមិនសមហេតុផលទេ​ដែល​ក្រុម​នេះ​មិន​បាន​ឆ្លង​កាត់​ដំណើរការ​ដ៏​តឹងរ៉ឹង​នោះ” ។

អ្នកដឹកនាំរឿងដែលឈ្នះពានរង្វាន់ Oscar បាននិយាយថា គាត់មិនភ្ញាក់ផ្អើលទេដែលបាន​ឭ​អំពីសោកនាដកម្ម Titan ​កំពុងផ្ទុះ។ នៅពេលដែលគាត់បានឭ​ជាលើកដំបូងអំពីសំឡេង​ខ្លាំងៗដែលទំនងជាបណ្តាលមកពី​កប៉ាល់ Titan ផ្ទុះ គាត់បានទាក់ទងក្រុមអ្នកមុជទឹករបស់គាត់ ហើយ​បានដឹងថាកប៉ាល់នោះបាត់បង់ការទាក់ទងភ្លាមៗ។

លោកបាននិយាយនៅលើ ABC កាលពីថ្ងៃទី ២២ ខែមិថុនាថា​ “សេណារីយ៉ូតែមួយគត់ដែលចូលក្នុងក្បាលរបស់ខ្ញុំគឺការផ្ទុះ។ រលក​ឆក់​មានកម្លាំងខ្លាំង ដែលវាបានបំផ្លាញប្រព័ន្ធ decompression របស់​កប៉ាល់ និង​ការ​ផ្គត់ផ្គង់​ថាមពល​ផ្ទាល់​របស់វា ដើម្បីរក្សា transponder ដែល​ជួយ​តាមដាន​ទីតាំង​របស់​កប៉ាល់”។

លោក Cameron ក៏បាន​និយាយផងដែរថា សោកនាដកម្ម Titan គឺស្រដៀង​ទៅនឹង​សោកនាដកម្ម​ទីតានិច​ដែល​មនុស្ស​ពាក់ព័ន្ធ​មិនអើពើនឹងការព្រមាន។ ត្រលប់មកវិញជាងមួយសតវត្ស នៅពេល​ដែលកប៉ាល់ទីតានិកចាប់ផ្តើមផ្លាស់ទី មនុស្សដែលពាក់ព័ន្ធមិនអើពើ​នឹងការព្រមាននោះទេ។ កប៉ាល់ទីតានិកនៅ​តែអាចឆ្លងកាត់មហា​សមុទ្រអាត្លង់ទិក​ក្នុងរាត្រីដែលគ្មាន​ព្រះច័ន្ទ ទោះបីជាត្រូវបានព្រមានអំពីផ្ទាំងទឹកកកធំៗក៏ដោយ។ ឥឡូវនេះ ជាងមួយសតវត្សក្រោយមក គ្រោះមហន្តរាយស្រដៀងគ្នា​កំពុងកើតឡើងម្តងទៀតនៅកន្លែងដដែល៕

ប្រែសម្រួល៖ សាង ស្រីល័ក្ខ

ប្រភព៖ABC

ចុចអាន៖អ្នកដឹកនាំរឿងកប៉ាល់ Titanic ប្រាប់រយៈពេលដែលយាន Titan ផ្ទុះក្នុង​សមុទ្រ

The post លោក James Cameron ថា ការផ្ទុះយាន Titan គឺដូចគ្នាបេះបិតនឹងសោកនាដកម្មលិចកប៉ាល់ Titanic appeared first on Kampuchea Thmey Daily.