ព័ត៌មានអន្ដរជាតិ
តើលោក Putin ប្រើយុទ្ធសាស្ត្រអ្វី ទើបបញ្ចប់ការបះបោរប្រដាប់អាវុធរបស់ទាហានស៊ីឈ្នួល?
ប្រធានាធិបតីបេឡារុសលោក Alexander Lukashenko បាននិយាយយ៉ាងលម្អិតជាមួយលោក Vladimir Putin អំពីផែនការដោះស្រាយ និងកិច្ចការសម្របសម្រួលដើម្បីបញ្ចប់ការបះបោរប្រដាប់អាវុធពីសំណាក់ក្រុមទាហានស៊ីឈ្នួលរុស្ស៊ី Wagner Group ។
លោក Lukashenko បាននិយាយថា ទោះបីជាយកកម្លាំងទ័ពប៉ះកម្លាំងទ័ពក៏ដោយ ក៏ការបះបោរប្រដាប់អាវុធរបស់ក្រុមទាហានស៊ីឈ្នួលនៅក្នុងប្រទេសរុស្ស៊ី មិនអាចយកឈ្នះលើកងកម្លាំងរបស់លោក Putin បានឡើយ ហើយដំណោះស្រាយនេះទៀតសោត គឺនឹងបណ្ដាលឲ្យមានមនុស្សរាប់ពាន់នាក់ស្លាប់ឯណោះ ។
ប្រធានាធិបតីបេឡារុសបញ្ជាក់ទៀតថា លោក Putin មានការសម្រេចចិត្តយ៉ាងហ្មត់ចត់ ដោយលោកមិនចង់បានដំណោះស្រាយបែបនេះនោះទេ ដោយសារតែវាហាក់ដូចជា យកអាវុធទៅកាប់សម្លាប់គ្នាឯង ដូច្នេះលោកបានជ្រើសរើសយុទ្ធសាស្ត្រឈ្នះៗ គឺដំណោះស្រាយចរចាដោយសន្តិវិធីមេដឹកនាំទាហានស៊ីឈ្នួល Yevgeny Prigozhin ជាពិសេសក៏មានការសម្របសម្រួលពីលោក Lukashenko ផងដែរ ។
ជាក់ស្ដែងដំណោះស្រាយឈ្នះៗរបស់លោក Putin ពិតជាទទួលបានជោគជ័យ ដោយក្រុមទាហានស៊ីឈ្នួលបានសម្រេចដកកម្លាំងទ័ពចេញពីប្រទេសរុស្ស៊ី និងភៀសខ្លួនទៅកាន់ប្រទេសបេឡារុស ហើយក៏មានការទទួលស្វាគមន៍ពីសំណាក់លោក Lukashenko ផងដែរ ។
មិនតែប៉ុណ្ណោះ អាជ្ញាធររុស្ស៊ីក៏មិនបានធ្វើការកាត់ទោស ឬដាក់ទោសទាន់ណាមួយលើលោក Prigozhin ឬកងទ័ពរបស់លោកផងដែរ ជាពិសេសលោក Putin ថែមទាំងបានចេញមកអះអាងធានាសុវត្ថិភាពដល់ក្រុមអ្នកប្រយុទ្ធរបស់ទាហានស៊ីឈ្នួលមួយនេះផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ ដឹងទេ រុស្ស៊ី ដាក់ទ័ពប៉ុន្មាននាក់ប្រឆាំងការបះបោរប្រដាប់អាវុធរបស់ក្រុម ទាហានស៊ីឈ្នួល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង