ព័ត៌មានអន្ដរជាតិ
អ្នកជំនាញសន្និដ្ឋានថា សពអ្នកស្លាប់ក្នុងយាន Titan អាចត្រូវត្រីឆ្លាមស៊ី គ្មានថ្ងៃរកឃើញឡើយ
យានជ្រមុជទឹក Titan បានផ្ទុះនៅក្នុងមហាសមុទ្រទឹកជ្រៅសម្លាប់មនុស្ស៥នាក់ ហើយសពអ្នកទាំងនោះ ប្រហែលគ្មានថ្ងៃរកឃើញឡើយ ដោយសារតែត្រូវត្រីឆ្លាមស៊ី។ នេះបើតាមការសន្និដ្ឋានរបស់អ្នកជំនាញផ្នែកមហាសមុទ្រសហរដ្ឋអាមេរិក។
អ្នកជំនាញដែលសុំមិនបញ្ចេញឈ្មោះដោយសារតែនេះជារឿងរសើប បានលើកឡើងថា ពេលដែលយាន Titan ផ្ទុះ អ្នកជិះក្នុងនោះទាំងអស់ត្រូវស្លាប់ ហើយសពអាចបែកជាបំណែក រួចក៏ត្រូវត្រីឆ្លាមស៊ីតែម្តង។
លោកនិយាយថា អាចមានលទ្ធភាពដែលរឿងនេះកើតឡើង ព្រោះនៅក្នុងមហាសមុទ្រ ក៏ជាកន្លែងមានសត្វស៊ីសាច់ជាអាហារដែរ ជាពិសេសត្រីឆ្លាម។ វាអាចពិបាកក្នុងការរកឃើញសពមនុស្សទាំង៥នាក់ ទោះត្រីឆ្លាមមិនស៊ី ក៏មិនងាយរកឃើញដែរ ដោយសារតែជម្រៅនៃទឹកសមុទ្រ។
ការសន្និដ្ឋាននេះ កើតឡើងបន្ទាប់ពីក្រុមហ៊ុនតាមដានត្រីឆ្លាម OCEARCH បានបញ្ជាក់ថា ពួកគេឃើញត្រីឆ្លាមកាចសាហាវ២ក្បាល ហែលទៅហែលមក នៅតំបន់ស្វែងរកយាន Titan កាលពីចុងសប្តាហ៍ មុនពេលមានការអះអាងជាផ្លូវការថា យានរបស់ក្រុមហ៊ុន OceanGate បានផ្ទុះ។
យោងតាមក្រុមហ៊ុន OCEARCH, ត្រីឆ្លាមទាំង២ក្បាលនោះ មានឈ្មោះ Andromache និង Simon។
ទោះបីជាយ៉ាងណាក៏ដោយ នេះគ្រាន់តែជាការសន្និដ្ឋានប៉ុណ្ណោះ ខណៈការពិតនៅតែមិនទាន់ត្រូវបានគេដឹងច្បាស់ ហើយឆ្មាំឆ្នេរសមុទ្រកំពុងបន្តប្រតិបត្តិការស្វែងរក និងបើកការស៊ើបអង្កេតលើករណីផ្ទុះយានជ្រមុជទឹក Titan៕
ប្រែសម្រួល៖ Vann Vann
ប្រភព៖ Daily Star
ចុចអាន៖ មូលហេតុផ្ទុះយានជ្រមុជទឹក Titan កំពុងត្រូវបានស៊ើបអង្កេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង