តាមការផ្សាយរបស់ RT កាលពីថ្ងៃអង្គារ ទី៩ ខែមិថុនា ឆ្នាំ២០២៦ រដ្ឋាភិបាលថ្មីរបស់ទីក្រុង សូហ្វីយ៉ា បានបញ្ជាក់ពីជំហយ៉ាងច្បាស់ ហើយនេះគឺជាគោលនយោបាយមួយ ដែលគណបក្ស Progressive Bulgaria ដាក់ចេញ អំឡុងយុទ្ធនាការឃោសនាបោះឆ្នោតខែមេសា ជួយឲ្យបក្សឈ្នះឆ្នោត យ៉ាងភ្លូកទឹកភ្លូកដី។

ជុំវិញរឿងនេះ រដ្ឋមន្ត្រីក្រសួងការពារជាតិប៊ុលហ្គារី លោក Dimitar Stoyanov គូសបញ្ជាក់ថា សង្គ្រាម មិនអាចដោះស្រាយគ្នា នៅលើសមរភូមិបានឡើយ។ ដល់ពេលដែលត្រូវអង្គុយនៅតុចរចាដើម្បីស្វែងរក សន្តិភាពហើយ។ 

លោកលើកឡើងថា៖ «អ្វីដែលយើងកំពុងឃើញនេះ គឺជាសង្គ្រាមស៊ីសាច់ហុតឈាម ហើយមិនថាមានការផ្គត់ផ្គង់អាវុធយុទ្ធភណ្ឌ ច្រើនប៉ុនណានោះទេ លទ្ធផលតែមួយគត់របស់វា គឺការបាត់បង់អាយុជីវិត»។

សូមជម្រាបថា ក្នុងអាណត្តិរបស់រដ្ឋាភិបាលចាស់, ប៊ុលហ្គារី គឺជាប្រទេសផ្គត់ផ្គង់អាវុធ និងគ្រាប់រំសេវដ៏ធំបំផុតមួយ របស់សហភាពអឺរ៉ុបទៅឲ្យ អ៊ុយក្រែន។ ចាប់តាំងពីឆ្នាំ២០២២ រហូតដល់ដើមឆ្នាំ២០២៦ រដ្ឋាភិបាលមុន បានផ្ដល់កញ្ចប់ជំនួយយោធាចំនួន ១៣ លើក ដែលភាគច្រើនជាយុទ្ធោបករណ៍ សម័យសូវៀត ដែលទាហានអ៊ុយក្រែនចេះប្រើប្រាស់ស្រាប់។

ក្នុងជំនួយសំខាន់ៗនោះ មានដូចជា៖ រថពាសដែកដឹកជញ្ជូនទ័ពប្រភេទ BTR-60 ប្រមាណ ១០០ គ្រឿង ព្រមទាំងកាំភ្លើងធំស្វ័យចល័ត Gvozdika, យន្តហោះចម្បាំង Su-25 ចំនួន ១៤ គ្រឿង និងរថក្រោះ T-72M1 មួយចំនួន។

លើសពីនេះ ក៏មានប្រព័ន្ធការពារដែនអាកាសផងដែរ ដូចជាមីស៊ីលសម្រាប់ប្រព័ន្ធការពារដែនអាកាស S-300 និងប្រព័ន្ធបាញ់រ៉ុកកែត BM-21 Grad ទំហំ ១២២ មិល្លីម៉ែត្រ៕

អត្ថបទ៖ សុខ សុវណ្ណ

The post រដ្ឋាភិបាលថ្មី ប៊ុលហ្គារី ឈប់ជួយអាវុធអ៊ុយក្រែន ដោយអះអាងថា សង្គ្រាម មិនអាចដោះស្រាយនៅលើសមរភូមិ បានឡើយ appeared first on Kampuchea Thmey Daily.

ជាក់ស្ដែង នាពេលកន្លងមក លោក Radev បានប្រកាសយ៉ាងច្បាស់ថា លោកប្រឆាំងនឹងការបញ្ជូនអាវុធទៅឲ្យអ៊ុយក្រែន ដោយយល់ថា វានឹងធ្វើឲ្យសង្គ្រាមកាន់តែអូសបន្លាយពេល​កាន់តែ​យូរ​ និងប៉ះពាល់ដល់សន្តិសុខជាតិ​របស់​ប៊ុលហ្គារី។ លោក ថែមទាំងបានហៅមន្ត្រីដែលបញ្ជូនអាវុធទៅឲ្យ​ទីក្រុងកៀវថាណជា «អ្នកបង្កសង្គ្រាម» ទៀតផង។

យោងតាមទីភ្នាក់ងារសារព័ត៌មាន ecfr.eu លោក Radev ធ្លាប់បានបង្កឲ្យមានការភ្ញាក់ផ្អើលយ៉ាងខ្លាំងតាមរយៈការលើកឡើងថា តំបន់គ្រីមៀគឺជាកម្មសិទ្ធិរបស់រុស្ស៊ី (ទោះបីជាក្រោយមកលោកព្យាយាមសម្រាលសម្ដីខ្លះក៏ដោយ)។ លើសពីនេះទៀត លោកបានអំពាវនាវឲ្យមានការសន្ទនាឡើងវិញជាមួយរុស្ស៊ី និងជំរុញឲ្យអឺរ៉ុបងាកមកនាំចូលប្រេង និងហ្គាសពីរុស្ស៊ីវិញ ដើម្បីស្ថិរភាពសេដ្ឋកិច្ច និងថាមពល។

អ្នកវិភាគជាច្រើនចាត់ទុកលោកថាជា «សេះឈើ Trojan Horse» របស់រុស្ស៊ីនៅក្នុងសហភាពអឺរ៉ុប ជំនួសឲ្យលោក Orbán ដែលទើបតែចាញ់ឆ្នោតនៅហុងគ្រី។ លោក Radev ក៏ធ្លាប់បានសរសើរលោក Orbán ថា ជាមេដឹកនាំដែលមានការវាយតម្លៃត្រឹមត្រូវលើស្ថានការណ៍ភូមិសាស្ត្រនយោបាយ។

ទោះបីជាមានជំហរស្រដៀងគ្នាក៏ដោយ ក៏អ្នកជំនាញខ្លះយល់ថា លោក Radev អាចនឹងមិនហ៊ានធ្វើការរារាំងខ្លាំងក្លាដូចលោក Orbán ឡើយ ដោយសារប៊ុលហ្គារីជាប្រទេសក្រីក្រជាងគេ នៅក្នុង EU និងត្រូវការកញ្ចប់ថវិកាជំនួយពីអឺរ៉ុបជាចាំបាច់។ ផ្ទុយទៅវិញ លោកទំនងជានឹងដើរតាមគន្លងរបស់លោក Robert Fico (នាយករដ្ឋមន្ត្រីស្លូវ៉ាគី) គឺរិះគន់ EU ក្នុងស្រុក ប៉ុន្តែមិនប្រើសិទ្ធិវេតូរារាំងការសម្រេចចិត្តធំៗរបស់អឺរ៉ុបឡើយ។

ទោះជាយ៉ាងនេះក្ដី វិមានក្រឹមឡាំងធ្លាប់បានបង្ហាញការពេញចិត្តយ៉ាងខ្លាំងចំពោះជ័យជម្នះរបស់លោក Radev នៅក្នុងការបោះឆ្នោតសភាកាលពីថ្ងៃទី ១៩ ខែមេសា ឆ្នាំ ២០២៦។ អ្នកនាំពាក្យវិមានក្រឹមឡាំង លោក Dmitry Peskov បានបញ្ជាក់ថា រុស្ស៊ីស្វាគមន៍ចំពោះឆន្ទៈរបស់លោក Radev ក្នុងការដោះស្រាយបញ្ហាតាមរយៈការសន្ទនាប្រកបដោយភាពប្រាកដនិយម។

សរុបមក លោក Rumen Radev ពិតជាមានទំនាក់ទំនងល្អជាមួយរុស្ស៊ី និងមានជំហរប្រឆាំងការជួយអ៊ុយក្រែនយ៉ាងខ្លាំង។ ប៉ុន្តែ ឥទ្ធិពលរបស់លោកនៅក្នុង EU នឹងត្រូវរង់ចាំមើលថា តើលោកហ៊ានប្រើសិទ្ធិវេតូរារាំងជំនួយអ៊ុយក្រែនដូចលោក Orbán ធ្លាប់ធ្វើ ឬក៏គ្រាន់តែរិះគន់ដើម្បីយកចិត្តអ្នកបោះឆ្នោតក្នុងស្រុកតែប៉ុណ្ណោះ៕

អត្ថបទ៖ សាង ស្រីល័ក្ខ

The post ​អនាគត​មេដឹកនាំ ប៊ុលហ្គារី អាចក្លាយជាអ្នកគាំទ្រថ្មី​របស់ រុស្ស៊ី នៅ​អឺរ៉ុប ជំនួសលោក Orban appeared first on Kampuchea Thmey Daily.

ការវិភាគរបស់សារព័ត៌មាន Die Welt បានឲ្យដឹងថា បន្ទាប់ពីលោក Viktor Orban នាយករដ្ឋមន្ត្រីហុងគ្រី បានបាត់បង់ឥទ្ធិពល ឬផ្លាស់ប្តូរជំហរ (ក្រោយការ​ចាញ់​ឆ្នោតនៅហុងគ្រី) ឥឡូវនេះ ប្រធានាធិបតីប៊ុលហ្គារី លោក Rumen Radev កំពុងលេចធ្លោឡើងជាតួអង្គថ្មី ដែលអាចនឹងមកបន្តវេនក្នុងការរារាំង ឬប្រឆាំងនឹងការផ្តល់ជំនួយយោធាដល់ទីក្រុងកៀវ នៅក្នុងសហភាពអឺរ៉ុប (EU)។

មិនតែប៉ុណ្ណោះ លោក Radev បានបង្ហាញជំហរផ្ទុយស្រឡះពីមេដឹកនាំអឺរ៉ុបភាគច្រើន ដោយលោកមិនត្រឹមតែប្រឆាំងនឹងការផ្ដល់អាវុធដល់​អ៊ុយក្រែន​ប៉ុណ្ណោះទេ ប៉ុន្តែថែមទាំងបានអំពាវនាវឲ្យសហភាពអឺរ៉ុបពិចារណាឡើងវិញក្នុងការស្តារទំនាក់ទំនងជាមួយទីក្រុងមូស្គូ រួមទាំងតាមរយៈការបង្កើតការនាំចូលប្រេងរបស់រុស្ស៊ីផងដែរ។

ប្រសិនបើលោក Radev ក្លាយជានាយករដ្ឋមន្ត្រីប៊ុលហ្គារី ហើយអនុវត្តតាមកម្មវិធីបោះឆ្នោតរបស់លោក គាត់នឹងបញ្ចប់កិច្ចព្រមព្រៀងផ្គត់ផ្គង់ទាំងអស់ដល់អ៊ុយក្រែនដែលបានចុះហត្ថលេខាដោយរដ្ឋាភិបាលបណ្តោះអាសន្ននៃប្រទេសប៊ុលហ្គារីកាលពីខែមីនា។ ជំហរនេះនឹងនាំឲ្យប៊ុលហ្គារីក្លាយជាអ្នករារាំងជំនួយយោធាដល់អ៊ុយក្រែន នៅក្នុងកម្រិតសម្រេចចិត្តរបស់សហភាពអឺរ៉ុប។

គួរបញ្ចាក់ថា ការបោះឆ្នោតសភាមុនអាណត្តិនៅប៊ុលហ្គារី កាលពីថ្ងៃទី ១៩មេសា បានបញ្ចប់ទៅដោយលទ្ធផលដ៏គួរឲ្យភ្ញាក់ផ្អើល ដែលនឹងនាំមកនូវការផ្លាស់ប្តូរមុខមាត់ថ្មីនៃរដ្ឋាភិបាលប៊ុលហ្គារី។ ជាក់ស្ដែង គណបក្ស Progressive Bulgaria បានទទួលសម្លេងគាំទ្រយ៉ាងច្រើនលើសលប់រហូតដល់ ៤៤.៥៩៤% នៃសម្លេងឆ្នោតសរុប។ តាមរយៈតួលេខនេះ គណបក្សនេះត្រូវបានគេព្យាករណ៍ថានឹងទទួលបានអាសនៈច្រើនជាង ១៣០ អាសនៈ​ក្នុង​ចំណោម ២៤០ អាសនៈ​នៅ​ក្នុង​សភា ដែល​នឹង​អនុញ្ញាតឲ្យបង្កើត​រដ្ឋាភិបាល​ថ្មី​ដោយ​ខ្លួន​ឯង ដោយមិនចាំបាច់ទៅចងសម្ព័ន្ធភាព ឬស្វែងរកការគាំទ្រពីគណបក្សផ្សេងៗទៀតឡើយ៕

អត្ថបទ៖ សាង ស្រីល័ក្ខ

The post របត់នយោបាយ​ប៊ុលហ្គារី អាចជំនួស​​ហុងគ្រី​ ក្នុងការ​ជំទាស់​​​​គម្រោង​​​នានា​គាំទ្រ​អ៊ុយក្រែន​ appeared first on Kampuchea Thmey Daily.

​នៅ​ក្នុងវីដេអូដែល​បង្ហាញ​ពី​សមាជិក​សភាមួយក្រុម​ដើរ​ទៅ​​រុញ​ច្រាន​ដើម​ទ្រូង​របស់​សមាជិក​សភា​នៃ​គណបក្ស​ផ្សេង​ដែល​គាំទ្រ​ការ​ទទួល​យក​​ការចាយ​ប្រាក់​អឺរ៉ូ​នៅ​ក្នុងទីផ្សារហិរញ្ញវត្ថុ​របស់​ប្រទេស​ប៊ុលហ្គារី។

សមាជិកសភា​នៃ​គណបក្ស​ រស់ឡើងវិញ (Revival) លោក​ Tsoncho Ganev ត្រូវបានគេមើលឃើញថា កំពុង​រុញYavor Bozhankov ជា​​​សមាជិក​សភា​នៃ​គណបក្ស​ «We Continue the Change» ដែល​ជា​គណបក្ស​គាំទ្រ​កា​រប្រើប្រាស់​​ប្រាក់​​អឺរ៉ុប​ក្នុង​ប្រព័ន្ធ​សេដ្ឋកិច្ច​របស់ប្រទេសនេះ​។

តាមសេចក្តីរាយការណ៍របស់ gbnews.com​ ការ​ប៉ះទ​ង្គិច​​គ្នា​រវាង​សមាជិកសភា​​​ប៊ុល​ហ្គារី​កើត​​ឡើង​ នៅក្នុងសាលប្រជុំពេញអង្គកំឡុងការជជែកពិភាក្សាគ្នាយ៉ាងក្តៅគគុកអំពីការអនុម័តប្រាក់អឺរ៉ូដែលបានគ្រោងទុករបស់ប្រទេស។

ការប៉ះទង្គិចបានកើតឡើងនៅពេលដែលសមាជិកសភា​នៃ​គណបក្ស​ Revival បានរារាំង​កិច្ច​ពិភាក្សា​របស់​សភាក្នុងការតវ៉ា​ប្រឆាំងនឹងការផ្លាស់ប្តូររបស់ប្រទេស​ប៊ុលហ្គារីឆ្ពោះទៅរកការចូលរួមក្នុងរូបិយប័ណ្ណតែមួយ​​ក្នុង​តំបន់​អឺរ៉ុប​។ គណបក្ស Revival ដែល​ប្រកាន់​​ស្តាំនិយម បានលេចចេញជាគូប្រជែងដែលមានសំឡេងច្រើនបំផុតនៃការអនុម័តប្រាក់អឺរ៉ូ ដោយសមាជិករបស់ខ្លួនកាន់បដាដែលសរសេរថា «​និយាយទេ ចំពោះប្រាក់អឺរ៉ូ» ក្នុងអំឡុងពេលសម័យប្រជុំដ៏ច្របូកច្របល់។

ជម្លោះវោហាសព្ទ​រហូត​ឈានដល់​ការ​ប៉ះពា​ផ្នែក​រាងកាយ បានកត់សម្គាល់ការកើនឡើងដែលមិនធ្លាប់មានពីមុនមកនៅក្នុងភាពតានតឹងសភាជុំវិញការជជែកដេញដោលក្នុងតំបន់អឺរ៉ូ។

​ប្រទេស​ប៊ុលហ្គារី ដែល​មាន​ប្រជាជន​ជិត​​៦​លានកន្លះ បានទទួលភ្លើងខៀវពីគណៈកម្មការអឺរ៉ុប និងធនាគារកណ្តាលអឺរ៉ុប ដើម្បីអនុម័តប្រាក់អឺរ៉ូចាប់ពីថ្ងៃទី ១ខែមករា ឆ្នាំ២០២៦ ដោយក្លាយជាសមាជិកទី ២១ នៃតំបន់ប្រើប្រាស់​រូបិយប័ណ្ណតែមួយ។

ការប្រកាស​របស់​​​គណៈកម្មការ​អឺរ៉ុប បានកើតឡើងនៅពេលដែលបាតុកររាប់ពាន់នាក់បានប្រមូលផ្តុំគ្នានៅខាងក្រៅសភាក្នុងរដ្ឋធានី Sofia ដោយគ្រវីទង់ជាតិប៊ុលហ្គារី និងរុស្ស៊ី ខណៈពេលដែលស្រែកថា «និយាយថាទេ ចំពោះអាណានិគមនិយមអឺរ៉ូ»​។

តាមសេចក្តី​​រាយការណ៍​របស់​ព័ត៌មាន​ខាងលើ ក្រុមបាតុករដែលរៀបចំដោយគណបក្ស Vazrazhdane ដែលគាំទ្រ​រុស្ស៊ី បានបិទច្រកចូលទាំងសភា និងធនាគារកណ្តាល​ប៊ុលហ្គារី​។ មនុស្សជាច្រើនបានយកសញ្ញាដែលសរសេរថា «សូមថែរក្សារូបិយបណ្ណប៊ុលហ្គារី (Preserve the Bulgarian lev)​ និង «អនាគតជាកម្មសិទ្ធិរបស់រដ្ឋអធិបតេយ្យ»​។

ប្រធានគណៈកម្មការអឺរ៉ុប លោកស្រី​ Ursula von der Leyen បាននិយាយថា ប្រាក់អឺរ៉ូនឹងធ្វើឱ្យសេដ្ឋកិច្ចរបស់ប្រទេសប៊ុលហ្គារី «កាន់តែរឹងមាំ ជាមួយនឹងពាណិជ្ជកម្មកាន់តែច្រើនជាមួយដៃគូតំបន់ចាយប្រាក់អឺរ៉ូ ការវិនិយោគផ្ទាល់ពីបរទេស ការទទួលបានហិរញ្ញវត្ថុ ការងារប្រកបដោយគុណភាព និងប្រាក់ចំណូលពិតប្រាកដ»​។

តាមសេចក្តីរាយការណ៍នោះ មេដឹកនាំការរស់ឡើងវិញ លោក​ Kostadin Kostadinov ដែល​ជា​បក្ស​ប្រឆាំង​​​ប្រាក់​អឺរ៉ូ បានអានការដកស្រង់ប្រវត្តិសាស្ត្រនៅក្នុងសភា ហើយបានចោទប្រកាន់សមាជិកសភាគាំទ្រប្រាក់អឺរ៉ូថាជា «អ្នកបំរើ» ដែល​ក្បត់​ប្រជាជន។ វោហាសាស្ត្រដ៏ក្តៅគគុករបស់គាត់បានជំរុញឱ្យសមាជិកសភាមកពីបក្ស «We Continue the Change» ដែល​ជា​បក្ស​ប្រជាធិបតេយ្យប៊ុលហ្គារី បក្ស DPS-New Beginning បក្ស BSP-United Left, បក្ស There is Such a People និង សមាជិក​សភាច្រើន​ទៀត​​ ​ពី​បក្ស GERB ដើរចេញពីសាលប្រជុំពេញអង្គ។

មាន​តែ​សមាជិក​សភា នៃ​គណបក្ស Revival, Greatness, និង MECH ប៉ុណ្ណោះដែលនៅសេសសល់ ពេល​ដែល Kostadinov ថ្លែងសេចក្តីប្រកាសរបស់គាត់។ លោក​បាន​ព្រមាន​ថា ​រដ្ឋាភិបាល​ណា​មួយ​ដែល​ជំរុញ​ឱ្យ​មាន​ប្រាក់​អឺរ៉ូ​នឹង​«​បង់​ថ្លៃ​យ៉ាង​សាហាវ»។

តំណាងរាស្រ្ត​នៃ​បក្ស​ MECH ប្ដេជ្ញា​ថា បើ​ស្ថាប័ន​ដួល​រលំ ពួក​គេ​នឹង​អំពាវនាវ​ឲ្យ​ប្រជាពលរដ្ឋ​យក​អំណាច​មក​វិញ​ដោយ​ផ្ទាល់។

នាយករដ្ឋមន្ត្រីប៊ុលហ្គារី Rossen Jeliazkov ដែលមានទំនោរ​ទៅ​រក​អឺរ៉ុប​ជាជាងឥទ្ធិពលរុស្ស៊ីនោះ​ បានអបអរសាទរ​នូវអ្វីដែលលោកហៅថាជា «ថ្ងៃដ៏អស្ចារ្យ»​ នៅលើប្រព័ន្ធផ្សព្វផ្សាយសង្គម ដោយនិយាយថាវាជា «ជំហានឆ្ពោះទៅមុខមួយទៀតនៅលើផ្លូវរបស់ប៊ុលហ្គារីទៅកាន់ប្រាក់អឺរ៉ូ» បន្ទាប់ពីកំណែទម្រង់ជាច្រើនឆ្នាំ និងការតម្រឹមជាមួយដៃគូអឺរ៉ុប។

អតីតនាយករដ្ឋមន្ត្រី​​ប៊ុលហ្គារី លោក Kiril Petkov ដែលជាសហប្រធាននៃ គណបក្ស «We Continue the Change»​ បាននិយាយថា ប៊ុលហ្គារី បានរង់ចាំរយៈពេល១៨​ឆ្នាំសម្រាប់ពេលនេះ។ គាត់បានប្រាប់អ្នកយកព័ត៌មាននៅច្រករបៀងសភាថា «កាលពីអតីតកាល សុបិននោះស្តាប់ទៅមិនប្រាកដ»​។

មេដឹកនាំគណបក្ស GERB លោក Boyko Borissov បានច្រានចោលក្រុមបាតុករថា ជាមនុស្សដែល «ចង់ឱ្យប៊ុលហ្គារីនៅក្រៅក្លឹបនៃប្រទេសអភិវឌ្ឍន៍» ខណៈពេលដែលចោទប្រកាន់ លោក​ Petkov ​ថា មិនបាន​រួមចំណែកអ្វីសោះចំពោះដំណើរការអនុម័តប្រាក់អឺរ៉ូ៕​

រ៉ាន់ រើយ​

The post ​សមាជិកសភា​ប៊ុលហ្គារីគាំទ្ររុស្ស៊ីនិង​អឺរ៉ុប ប៉ះពារគ្នា​​ដល់​រាងកាយ​ ក្នុងជម្លោះ​លើ​​​​​ប្រាក់​អឺរ៉ូ​ appeared first on Kampuchea Thmey Daily.

​​​ការ​រៀបចំ​​លំហាត់​សមយុទ្ធ​នេះ​​គឺ​​​ផ្អែក​​តាម​ផែន​ការ​​​​ការ​ពារជាតិថ្មី​របស់​អង្គការ​​ណាតូ។ នេះតាម​​សេចក្តី​ប្រកាស​របស់​អង្គការ​ណាតូ ដែល​បាន​អះអាង​បន្ថែមថា​ វាត្រូវ​បាន​រៀបចំ​ឡើង​​​ដើម្បី​សាកល្បង​និងហ្វឹកហ្វឺន​​​​យោធា​​​ ដោយ​ផ្តោត​សំខាន់​លើ​​ការ​រៀបចំ​ផែនការ​និងអនុវត្ត​​​នៃ​​​សេណារីយ៉ូ​​​​​​​​ច្រើន​​​​យ៉ាង​នៅ​មុន​​វិបត្តិ​​​។

​ការ​រៀបចំ​​​សមយុទ្ធ​​របស់​​អង្គការ​ណាតូ​ដែល​ជាសម្ព័ន្ធ​មិត្ត​​​​យោធា​​ក្នុង​តំបន់​អឺរ៉ុប​​នេះ​​ហាក់​មាន​ភាព​រង្គោះ​រង្គើរ​​យ៉ាង​ខ្លាំង​​ជាមួយ​​សម្ព័ន្ធមិត្ត​សហរដ្ឋអាមេរិក​​ ដែល​ព្រមាន​ដក​ខ្លួន​ចេញឈប់តគាំទ្រ ដរាប​ណា​​ប្រទេស​ក្នុង​សម្ព័ន្ធ​មិត្ត​ណាតូ​ក្នុងតំបន់​អឺរ៉ុបបង្កើន​ការ​ចំណាយ​​លើ​វិស័យ​ការ​ពារជាតិ​របស់​ពួក​គេ​រហូត​ដល់​​៥%​​ធៀប​​ផលិត​ផល​​​​ក្នុងស្រុក​សរុប​របស់​ប្រទេស​និមួយៗ​។

​ភាព​ល្អក់​កករ​ចុង​ក្រោយ​រវា​ង​បណ្តា​ប្រទេសមហាអំណាច​នៅ​អឺរ៉ុប គឺ​​​នៅ​ពេលដែលសហរដ្ឋ​អាមេរិក​បាន​​ងាក​ទៅចរចា​ជាមួយ​​រុស្ស៊ី​​តែ​ខ្លួន​ឯង ​លើ​​​ដំណោះស្រាយ​បញ្ចប់សង្គ្រាម​នៅអ៊ុយក្រែន ដោយ​ផាត់​​ភាគី​អឺរ៉ុប​​និង​​ប្រទេស​អ៊ុយក្រែន​​ដែល​ជាសាមី​ប្រទេស​រងគ្រោះ​ដោយសារ​ការ​ឈ្លាន​ពា​ន​របស់​រុស្ស៊ី។

ក្នុងអំឡុង​ពេល​​នៃ​ជម្លោះវោហារ​ស័ព្ទ​​រវាង​សហរដ្ឋអាមេរិក​និង​​មហាអំណាច​អឺរ៉ុប​​​ចុងក្រោយ​នេះ ប្រទេស​សំខាន់ៗ​ក្នុងតំបន់​អឺរុប​​​​​ រួម​មាន​ បារាំង អាល្លឺម៉ង់​ អ៊ីតាលី អេស្ប៉ាញ ​ហួឡង់ ដាណឺម៉ាក ជាដើម​ បានប្រជុំ​គ្នា​​បន្ទាន់​មួយ ហើយ​អាច​ឈាន​ទៅ​បង្កើត​​កងកម្លាំងអឺរ៉ុប​​​ថែមទៀត​ផង៕​

ដោយ រ៉ាន់ រើយ​​

The post យោធា​​ណា​តូ​​១ម៉ឺន​​នាក់​ធ្វើសមយុទ្ធ​​​នៅ​​តំបន់​បាល់កង់​​ appeared first on Kampuchea Thmey Daily.

ប្រធានាធិបតីប៊ុលហ្គារីលោក Rumen Radev បាននិយាយប្រឆាំងនឹងការផ្ទេរសព្វាវុធទៅកាន់ទីក្រុងកៀវ ដោយលើកហេតុផលថា អ្នកដែលចូលចិត្តដឹកជញ្ជូនអាវុធគឺជា “អ្នកចម្បាំង” ហើយអាចនឹងអូសទាញប៊ុលហ្គារី ចូលទៅក្នុងជម្លោះជាមួយរុស្ស៊ីផងដែរ ។

គេហទំព័រព័ត៌មាន Novinite បានរាយការណ៍ថា ច្បាប់អនុញ្ញាតឲ្យផ្គត់ផ្គង់សព្វាវុធដល់អ៊ុយក្រែន បានអនុម័តដោយរដ្ឋសភាប៊ុលហ្គារីក្នុងសំឡេង ១៧៥ ទល់នឹង ៤៩ ។ គណបក្សគាំទ្រលោកខាងលិច GERB ដែលបច្ចុប្បន្នជាបក្សដ៏ធំបំផុតនៅក្នុងសភាប៊ុលហ្គារី បានស្នើច្បាប់នេះ ចំពេលមានការពិភាក្សាចម្រុះ បន្ទាប់ពីការបោះឆ្នោតកាលពីខែមុន ។

បញ្ហាផ្គត់ផ្គង់សព្វាវុធដល់អ៊ុយក្រែន គឺជាបញ្ហាដ៏ចម្រូងចម្រាសមួយនៅក្នុងប្រទេសប៊ុលហ្គារី ដែលជិតមួយភាគបីនៃប្រជាជន ចាត់ទុករុស្ស៊ីជាដៃគូយុទ្ធសាស្ត្រដ៏សំខាន់បំផុតរបស់ប្រទេសពួកគេ, ៣៥ ភាគរយ មើលឃើញអ៊ុយក្រែនជា “អាយ៉ងលោកខាងលិច” និង ៣៨ ភាគរយចង់ឲ្យប៊ុលហ្គារីចាកចេញពីសម្ព័ន្ធ​ភាពអង្គការ​ណាតូ ។

ខណៈពេលដែលសមាជិកសភាប៊ុលហ្គារីកំពុងជជែកគ្នា អំពីជំហរផ្លូវការរបស់ប្រទេសក្នុងការបំពាក់អាវុធដល់ប្រទេសជិតខាង, ឧស្សាហកម្មអាវុធរបស់ប្រទេសនេះ ត្រូវបានគេរាយការណ៍ថា បានលក់អាវុធមានតម្លៃជាង ១ ពាន់លានដុល្លារទៅហើយ ឲ្យអ្នកទិញនៅក្នុងប្រទេសប៉ូឡូញ និងរូម៉ានី ហើយបាននាំចេញអាវុធឡើងវិញផងដែរ ទៅកាន់ប្រទេសអ៊ុយក្រែន ចាប់តាំងពីផ្ទុះសង្គ្រាមជាមួយរុស្ស៊ីកាលពីខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អាមេរិក បញ្ជាក់ជាថ្មីរឿងថា រុស្ស៊ី ត្រៀមប្រើអាវុធនុយក្លេអ៊ែរនៅ អ៊ុយក្រែន

The post សមាជិកសភាប្រទេសអង្គការ ណាតូ បោះឆ្នោតបញ្ជូនអាវុធឲ្យ អ៊ុយក្រែន ទោះប្រឆាំងពីប្រធានាធិបតី appeared first on Kampuchea Thmey Daily.

រដ្ឋអាជ្ញា​ស្រុក​​និយាយ​ថា ការ​ផ្ទុះ​នេះ​បាន​កើត​ឡើង​កាល​ពី​ថ្ងៃ​អង្គារទី០៤ខែតុលា ​នៅ​រោងចក្រ​មួយ​ដែល​ដំណើរការ​ដោយ​ក្រុមហ៊ុន​ផលិត​អាវុធ​ Arsenal ក្នុង​ទីក្រុង Kazanlak។

វីដេអូ​បន្ទាប់ពី​ការ​ផ្ទុះ ត្រូវ​បានចែកចាយ​តាម​អ៊ីនធឺណិត ដោយបង្ហាញពីផ្សែងដ៏ក្រាស់ ហុយ​ចេញ​ពី​រោងចក្រ​សព្វាវុធកាលពី​រសៀល​ថ្ងៃ​អង្គារ។

ក្រុមហ៊ុនផលិតអាវុធឈានមុខរបស់ប៊ុលហ្គារីមួយនេះ បានផលិតអាវុធធុនតូច គ្រឿងផ្ទុះ និងគ្រាប់រំសេវជាច្រើនប្រភេទ ហើយជាក្រុមហ៊ុនដែលមានចំណែកក្នុងការផ្គត់ផ្គង់អាវុធដល់យោធាអ៊ុយក្រែន នៅតំបន់មួយចំនួនអំឡុងពេលផ្ទុះជម្លោះជាមួយរុស្ស៊ី។

ស្របពេលមានមន្ទិលសង្ស័យអំពីការលបវាយប្រហារ អាជ្ញាបានចេញមុខអះអាងថា មូលហេតុនៃការផ្ទុះគឺបណ្តាលមកពីការមិនគោរពតាមបទប្បញ្ញត្តិសុវត្ថិភាពរបស់រោងចក្រ ហើយឧបទ្ទវហេតុនេះ ផ្តើមចេញនៅខាងក្នុងឃ្លាំងផលិតកាំជ្រួច។

ឧប្បត្តិហេតុដែលបណ្តាលឲ្យមនុស្សស្លាប់ជាច្រើនលើក បានកើតឡើងនៅរោងចក្រផលិតអាវុធប៊ុលហ្គារីចាប់តាំងពីឆ្នាំ២០១៨មក ដោយអគ្គិភ័យដ៏សាហាវនៅរោងចក្រ Kazanlak ដដែលនេះកាលពីឆ្នាំ២០២១ បានសម្លាប់បុគ្គលិកម្នាក់។

យោងតាមកាសែត Washington Post បានឲ្យដឹងថា មនុស្សប្រហែល ២០នាក់ផ្សេងទៀតបានបាត់បង់ជីវិតក្នុងគ្រោះថ្នាក់ស្រដៀងគ្នានេះ ក្នុងរយៈពេលប៉ុន្មានឆ្នាំចុងក្រោយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ អ៊ុយក្រែន អះអាងបាញ់កម្ទេច នាវារុស្ស៊ីដែល ដឹកអាវុធនៅ សមុទ្រខ្មៅ

The post ផ្ទុះក្នុងរោងចក្រផលិតអាវុធនៅអឺរ៉ុបខាងកើត បណ្តាលឲ្យមនុស្សស្លាប់ appeared first on Kampuchea Thmey Daily.

លោកនិយាយថា “នៅតែមិនមានកិច្ចពិភាក្សាសកម្មជាមួយក្រុមហ៊ុន Gazprom ប៉ុន្តែយើងបានផ្តល់ការចង្អុលបង្ហាញថា យើងចង់ចាប់ផ្តើមការចរចា ជាជាងបន្តឲ្យពួកគេបញ្ជាក់ពីលក្ខខណ្ឌដ៏ចម្រូងចម្រាសមួយចំនួននៃកិច្ចសន្យា។ យើងគ្រាន់តែផ្តល់ព័ត៌មានថា យើងបានត្រៀមខ្លួនចរចា ហើយបានស្នើឲ្យពួកគេបន្តទំនាក់ទំនង”។

លោកបញ្ជាក់ថា ទីក្រុង សូហ្វ៊ីយ៉ា រំពឹងថានឹងមានការឆ្លើយតបពីក្រុមហ៊ុនរុស្ស៊ី យូរបំផុតត្រឹមសប្តាហ៍ក្រោយ។ លោក​សង្កត់​ធ្ងន់​ថា “យើង​និយាយ​តែ​ពី​កិច្ច​សន្យា​ចាស់​ប៉ុណ្ណោះ។ យើង​នឹង​មិន​ចុះ​ហត្ថលេខា​ឡើង​វិញ ឬ​ចរចា​លើ​កិច្ច​សន្យា​ថ្មី​ឡើយ”។

គួរបញ្ជាក់ជាថ្មី កាលពីខែមេសា ប្រទេសប៊ុលហ្គារី បានបដិសេធវិធីទូទាត់ប្រាក់ Ruble សម្រាប់ឧស្ម័នដែលណែនាំដោយរុស្ស៊ី ជាការឆ្លើយតបទៅនឹងទណ្ឌកម្មរបស់លោកខាងលិច។

នៅក្រោមបទប្បញ្ញត្តិថ្មី អ្នកទិញមកពីប្រទេសដែលដាក់កំហិតលើទីក្រុងមូស្គូ ត្រូវមានកាតព្វកិច្ចបង់ជាប្រាក់ Ruble សម្រាប់ឧស្ម័នធម្មជាតិរបស់រុស្ស៊ី។ ការបដិសេធរបស់ទីក្រុង សូហ្វ៊ីយ៉ា ក្នុងការទទួលយកលក្ខខណ្ឌថ្មីនេះ បានជំរុញឲ្យក្រុមហ៊ុន Gazprom បញ្ឈប់ការផ្គត់ផ្គង់ប្រេងឥន្ធនៈដល់ដៃគូប៊ុលហ្គារីរបស់ខ្លួនគឺ Bulgargaz៕

ប្រែសម្រួល៖ Vann Vann

ប្រភព៖ RT

ចុចអាន៖ រុស្ស៊ី មិនបញ្ឈប់សង្គ្រាមឡើយ ទោះ អ៊ុយក្រែន បោះបង់គំនិតចូល ណាតូ ក៏ដោយ

The post ប៊ុលហ្គារី ចង់ចាប់ផ្តើមទិញឧស្ម័នពី រុស្ស៊ី វិញ appeared first on Kampuchea Thmey Daily.