ព័ត៌មានអន្ដរជាតិ
រុស្ស៊ី មិនបញ្ឈប់សង្គ្រាមឡើយ ទោះ អ៊ុយក្រែន បោះបង់គំនិតចូល ណាតូ ក៏ដោយ (មានវីដេអូ)
សម្ព័ន្ធមិត្តកំពូលរបស់លោក វ្ល៉ាឌីមៀរ ពូទីន បាននិយាយកាលពីថ្ងៃសុក្រទី២៦ខែសីហាថា ទីក្រុងមូស្គូ នឹងមិនបញ្ឈប់យុទ្ធនាការយោធារបស់ខ្លួនក្នុងប្រទេសអ៊ុយក្រែនឡើយ បើទោះបីជាទីក្រុង កៀវ បោះបង់ជាផ្លូវការ នូវបំណងប្រាថ្នារបស់ខ្លួនក្នុងការចូលរួមជាមួយអង្គការណាតូក៏ដោយ។
អតីតប្រធានាធិបតីរុស្ស៊ី លោក Dmitry Medvedev ដែលបច្ចុប្បន្នជាអនុប្រធានក្រុមប្រឹក្សាសន្តិសុខរុស្ស៊ី ក៏បាននិយាយផងដែរថា រុស្ស៊ីបានត្រៀមខ្លួនដើម្បីជួបពិភាក្សាជាមួយប្រធានាធិបតីអ៊ុយក្រែនលោក Volodymyr Zelensky ក្រោមលក្ខខណ្ឌមួយចំនួន។
សូម្បីតែមុនពេលនៃការលុកលុយខែកុម្ភៈក៏ដោយ ទីក្រុងមូស្គូបានបញ្ជាក់យ៉ាងច្បាស់ថា សមាជិកភាពអ៊ុយក្រែនរបស់ណាតូ មិនអាចទទួលយកបានឡើយ។
លោក Medvedev បានប្រាប់ទូរទស្សន៍ LCI ថា “ការបោះបង់គំនិតរបស់អ៊ុយក្រែន ក្នុងការចូលរួមនៅក្នុងសម្ព័ន្ធភាពអាត្លង់ទិកខាងជើង ឥឡូវនេះគឺមានសារសំខាន់ ប៉ុន្តែវាមិនទាន់គ្រប់គ្រាន់ទេក្នុងការបង្កើតសន្តិភាព”។
លោកបន្តថា ប្រទេសរុស្ស៊ីនឹងបន្តយុទ្ធនាការនេះ រហូតដល់គោលដៅរបស់ខ្លួនបានសម្រេច។
លោក ពូទីន និយាយថា គាត់ចង់កម្ចាត់ឥទ្ធិពលនិងមនោគមន៍ណាស៊ីចេញពីអ៊ុយក្រែន។ យ៉ាងណាក្តី ទីក្រុងកៀវ និងប្រទេសលោកខាងលិចអះអាងថា នេះគ្រាន់តែជាលេសគ្មានមូលដ្ឋានសម្រាប់សង្គ្រាមប៉ុណ្ណោះ។
គួរបញ្ជាក់ថា រុស្ស៊ី និងអ៊ុយក្រែន បានរៀបចំកិច្ចចរចាជាច្រើនលើក បន្ទាប់ពីការលុកលុយចាប់ផ្តើម ប៉ុន្តែដំណើរការទាំងនោះមិនទទួលបានផ្លែផ្កាទេ ហើយមានការរំពឹងទុកតិចតួចណាស់សម្រាប់ការចាប់ផ្តើមកិច្ចពិភាក្សាជាថ្មី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
-
ព័ត៌មានជាតិ១៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)