ព័ត៌មានអន្ដរជាតិ
អាមេរិក បញ្ជាក់ជាថ្មីរឿងថា រុស្ស៊ី ត្រៀមប្រើអាវុធនុយក្លេអ៊ែរនៅ អ៊ុយក្រែន
អ្នកនាំពាក្យសេតវិមានលោក John Kirby បានប្រាប់អ្នកយកព័ត៌មានកាលពីថ្ងៃពុធថា សហរដ្ឋអាមេរិកមិនបានឃើញសញ្ញាណាមួយដែលថា ប្រទេសរុស្ស៊ីកំពុងត្រៀមប្រើប្រាស់អាវុធនុយក្លេអ៊ែររបស់ខ្លួននៅក្នុងជម្លោះជាមួយអ៊ុយក្រែននោះទេ ។
លោក Kirby បាននិយាយថា “យើងដឹងច្បាស់តាំងពីដំបូងមកម្ល៉េះថា ការអត្ថាធិប្បាយរបស់រុស្ស៊ីអំពីសក្តានុពលនៃការប្រើប្រាស់អាវុធនុយក្លេអ៊ែ គឺស្ថិតក្នុងភាពមិនប្រាកដប្រជា ។ ទោះយ៉ាងណា យើងក៏មានការព្រួយបារម្ភ និងយកចិត្តទុកដាក់យ៉ាងខ្លាំងចំពោះបញ្ហានេះផងដែរ” ។
អ្នកនាំពាក្យរូបនេះបញ្ជាក់ទៀតថា “យើងបន្តតាមដានរឿងនេះឲ្យបានល្អបំផុតដែលយើងអាចធ្វើបាន បើទោះជាយើងមិនឃើញមានសញ្ញាណាមួយដែលបង្ហាញថា រុស្ស៊ីកំពុងរៀបចំសម្រាប់ការប្រើប្រាស់អាវុធបែបនេះក៏ដោយ” ។
ទន្ទឹមនោះ កាសែត New York Times ក៏បានចុះផ្សាយអត្ថបទមួយកាលពីថ្ងៃពុធដែរថា “ឧត្តមសេនីយ៍រុស្ស៊ីមួយចំនួនបានពិភាក្សាអំពីពេលវេលា និងរបៀបដែលទីក្រុងមូស្គូអាចប្រើអាវុធនុយក្លេអ៊ែរយុទ្ធសាស្ត្រនៅអ៊ុយក្រែន ប៉ុន្តែមិនមានវត្តមានលោកប្រធានាធិបតី វ្ល៉ាឌីមៀរ ពូទីន ក៏ដោយ” ។
នេះមិនមែនជាលើកទីមួយទេ ដែលសេតវិមានបានធ្វើសេចក្តីថ្លែងការណ៍បែបនេះ ខណៈកាលពីខែមុន លោក Kirby ក៏បាននិយាយដែរថា ទីក្រុងវ៉ាស៊ីនតោនមិនឃើញសញ្ញាណាមួយបង្ហាញពីរុស្ស៊ីកំពុងរៀបចំដាក់ពង្រាយអាវុធនុយក្លេអ៊ែរនោះទេ ។
ការគំរាមកំហែងនៃសង្គ្រាមនុយក្លេអ៊ែរ បានក្លាយជាប្រធានបទក្តៅមួយនាពេលថ្មីៗនេះ បន្ទាប់ពីលោក ពូទីន បានប្តេជ្ញាការពារទឹកដី និងប្រជាជនរុស្ស៊ីដោយប្រើកម្លាំង និងធនធានទាំងអស់ដែលមានកាលពីចុងខែកញ្ញា ៕
ប្រែសម្រួលដោយ ៖ ជីវ័ន្ត
ប្រភព ៖ RT
ចុចអាន ៖ រុស្ស៊ី អំពាវនាវឲ្យមហាអំណាចនុយក្លេអ៊ែរទាំង៥ រារាំងការប្រើប្រាស់អាវុធប្រល័យលោក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង