ក្រុមអ្នកជួយសង្គ្រោះ កំពុងរើកកាយកម្ទេចកម្ទី ក្នុងក្តីសង្ឃឹមស្វែងរកអ្នកនៅរស់រានមានជីវិត។

ផ្ទះ ព្រះវិហារនិងសាលារៀន ស្ថិតក្នុងចំណោមអគារដែលត្រូវកម្ទេច ក្នុងការរញ្ជួយដីនេះ។ មន្ទីរពេទ្យខ្លះ កំពុងណែនតាន់តាប់ដោយអ្នករបួស ហើយត្រូវការការផ្គត់ផ្គង់។

មន្រ្តីនិយាយថា ចំនួនមនុស្សដែលគេមិនដឹងតួលេខ កំពុងបាត់ខ្លួន ហើយប្រហែល ៥,៧០០ នាក់បានរងរបួស។

គ្រោះមហន្តរាយនេះ បង្កឲ្យមានបញ្ហាប្រឈមចំពោះប្រទេសក្រីក្រ ដែលកំពុងជួបប្រទះវិបត្តិនយោបាយ បន្ទាប់ពីការធ្វើឃាតប្រធានាធិបតីរបស់ខ្លួនកាលពីខែមុន។

ភាគនិរតីប្រទេសហៃទី ជាកន្លែងទទួលរងការខូចខាតធ្ងន់ធ្ងរបំផុត ជាពិសេសនៅជុំវិញទីក្រុង Les Cayes។

មជ្ឈមណ្ឌលរញ្ជួយដីអាមេរិក (USGS) បាននិយាយថា ចំណុចកណ្តាលនៃការរញ្ជួយដីកាលពីថ្ងៃសៅរ៍គឺមានចម្ងាយប្រហែល ១២ គីឡូម៉ែត្រពីទីក្រុង Saint-Louis du Sud៕

ប្រែសម្រួល៖ Vann Vann

ប្រភព៖ BBC

ចុចអាន៖ រញ្ជួយដីនៅហៃទី អ្នកស្លាប់កើនដល់ ៣០៤នាក់ និងរបួសជិត ២,០០០នាក់

The post រញ្ជួយដីនៅហៃទី ស្លាប់កើនដល់ ១,២៩៧នាក់ របួស៥,៧០០នាក់ appeared first on Kampuchea Thmey Daily.

យោងតាមក្រុមស្ទង់ភូគព្ភសាស្រ្តសហរដ្ឋអាមេរិក បានឲ្យដឹងថា គ្រោះរញ្ជួយដីនេះ បានវាយប្រហារនៅចម្ងាយប្រហែល ៨ គីឡូម៉ែត្រ ភាគខាងជើងទីក្រុង Petit Trou de Nippes។

ក៏មានក្តីព្រួយបារម្ភផងដែរថា ការរញ្ជួយដីនេះ អាចធ្វើឲ្យអត្រាឆ្លងជំងឺកូវីដ-១៩ នៅលើកោះនេះ កាន់តែធ្ងន់ធ្ងរឡើង ប្រសិនបើប្រជាជនដែលត្រូវផ្លាស់ទីលំនៅ ត្រូវបង្ខំចិត្តជ្រកកោននៅកន្លែងណែនតាន់តាប់។

លោក Bocchit Edmond ឯកអគ្គរដ្ឋទូតប្រចាំនៅសហរដ្ឋអាមេរិក បាននិយាយក្នុងសេចក្តីថ្លែងការណ៍មួយកាលពីរសៀលថ្ងៃសៅរ៍ថា រដ្ឋាភិបាលហៃទីជឿជាក់ថា ចំនួនអ្នកស្លាប់និងរបួសអាចនឹងកើនឡើងខ្ពស់ ដោយសារទំហំនៃការរញ្ជួយដី។

នៅទីក្រុង Sud មានអ្នកស្លាប់ចំនួន១៦០នាក់, Grand’Anse ១០០នាក់ និង Nord-Ouest ចំនួន២។ នេះបើតាមការឲ្យដឹងពីទីភ្នាក់ងារ ការពារស៊ីវិល។ 

គួរបញ្ជាក់ថា ការរញ្ជួយដីនេះ បានកើតឡើងត្រឹមតែប៉ុន្មានថ្ងៃប៉ុណ្ណោះ មុនពេលព្យុះត្រូពិក Grace ត្រូវបានព្យាករណ៍ថា នឹងទៅដល់ប្រទេសហៃទីនៅយប់ថ្ងៃចន្ទឬព្រឹកព្រឹកថ្ងៃអង្គារ៕

ប្រែសម្រួល៖ Vann Vann

ប្រភព៖ ABC

ចុចអាន៖ ក្ដៅៗ ហៃទី កំពុងបង្កើតរដ្ឋាភិបាលថ្មី ដោយមានតែនាយករដ្ឋមន្ត្រីប៉ុណ្ណោះ ក្រោយការធ្វើឃាតប្រធានាធិបតី

The post Update៖ រញ្ជួយដីនៅហៃទី អ្នកស្លាប់កើនដល់ ៣០៤នាក់ និងរបួសជិត ២,០០០នាក់ appeared first on Kampuchea Thmey Daily.

ប៉ូលិសជាតិហៃទីបាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យទី១១ ខែកក្កដា ថា លោក Christian Emmanuel Sanon អាយុ៦៣ឆ្នាំ ដែលត្រូវបានចាប់ខ្លួននៅក្នុងប្រទេសហៃទី គឺទើបតែចូលប្រទេសនេះ តាមយន្ដហោះឯកជន ជាមួយគោលបំណង ឡើងកាន់តំណែងជាប្រធានាធិបតីហៃទី។

ប៉ូលិសជាតិបាននិយាយថា គាត់គឺជាមនុស្សទីមួយ ដែលក្រុមអ្នកវាយប្រហារបានទូរស័ព្ទទៅ បន្ទាប់ពីលោកប្រធានាធិបតី Moïse ត្រូវបានបាញ់សម្លាប់កាលពីព្រឹកថ្ងៃពុធ សប្តាហ៍មុន នៅឯគេហដ្ឋានរបស់ខ្លួនក្នុងទីក្រុង Port-au-Prince។

អាជ្ញាធរហៃទីបានហៅសង្ស័យទាំងនេះថាជា អង្គភាពឃាតក ដែលរួមមានជនជាតិកូឡុំប៊ីចំនួន២៦នាក់ និងជនជាតិអាមេរិកដើមកំណើតហៃទី២នាក់។ ជនជាតិកូឡុំប៊ីប្រាំនាក់ទៀត នៅមិនទាន់ចាប់បាន។

លោក Sanon ត្រូវបានគេចោទប្រកាន់ថា បានកេណ្ឌក្រុមសន្តិសុខ CTU Security មានមូលដ្ឋាននៅទីក្រុងម៉ៃអាមី ដែលត្រូវបានចុះបញ្ជីនៅរដ្ឋ Florida ថាជាអង្គភាពប្រឆាំងភេរវកម្មសហព័ន្ធ LCC។ បន្ទាប់មក CTU Security បានជ្រើសរើសជនជាតិកូឡុំប៊ី ដើម្បីធ្វើការវាយប្រហារ។ នេះបើយោងតាមប្រភពជិតស្និទ្ធនឹងការស៊ើបអង្កេត ដែលបានប្រាប់កាសែត Miami Herald។

អគ្គស្នងការនគរបាលជាតិបាននិយាយថា ពួកគេក៏មានភ័ស្តុតាងបង្ហាញថា លោក Sanon មានទំនាក់ទំនងជាមួយជនសង្ស័យយ៉ាងតិចពីរនាក់ផ្សេងទៀត ដែលរៀបគម្រោងធ្វើឃាតផងដែរ។

គួរបញ្ជាក់ថា លោក Sanon គឺជាមនុស្សទី៣ដែលមានទំនាក់ទំនងជាមួយសហរដ្ឋអាមេរិក ដែលត្រូវបានចាប់ខ្លួនពាក់ព័ន្ធនឹងការធ្វើឃាតកាលពីសប្តាហ៍មុន។ James Solages អាយុ៣៥ឆ្នាំ និង Joseph G. Vincent​ អាយុ៥៥ឆ្នាំ ដែលអ្នកទាំង២មកពីរដ្ឋ Florida ភាគខាងត្បូង ត្រូវបានឃុំឃាំង ចាប់តាំងពីពួកគេចូលប្រគល់ខ្លួនឲ្យប៉ូលិស៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ហៃទី អង្វរលោក Joe Biden ឲ្យបញ្ជូនកងទ័ពអាមេរិក មកជួយការពារប្រទេស ក្រោយការធ្វើឃាតប្រធានាធិបតី

The post ហៃទី ចាប់បានជនសង្ស័យ ជាមេខ្លោងធ្វើឃាតប្រធានាធិបតី បន្ទាប់ពីជិះយន្តហោះចូលប្រទេស ប៉ងឡើងកាន់តំណែង appeared first on Kampuchea Thmey Daily.

ពួកគេចង់ការពារកំពង់ផែ អាកាសយានដ្ឋាន ស្ថានីយ៍ប្រេងសាំងនិងទីតាំងសំខាន់ៗផ្សេងទៀត ស្របពេលប្រទេសនេះ កំពុងធ្លាក់ចូលទៅក្នុងភាពច្របូកច្របល់ បន្ទាប់ពីការធ្វើឃាត លោកប្រធានាធិបតី Jovenel Moïse កាលពីថ្ងៃពុធ។

ប្រទេស ហៃទីមានប្រវត្តិ នៃការជ្រៀតជ្រែករបស់យោធាអាមេរិក ប៉ុន្តែមានការភ័យខ្លាចកាន់តែខ្លាំងថា ភាពវឹកវរនិងចលាចលនយោបាយបន្ទាប់ពីការវាយប្រហារ អាចបង្កជាវិបត្តិដ៏អាក្រក់បំផុតរបស់ប្រទេស នៅក្នុងជំនាន់នេះ។

ប្រទេសហៃទី ត្រូវបានញាំញីដោយការឈ្លានពាននយោបាយ និងអំពើហិង្សាក្រុមបងធំ បូករួមនឹងវិបត្តិសេដ្ឋកិច្ចសាធារណៈ ដែលជំរុញដោយរោគរាតត្បាតនិងបញ្ហា ទទួលជំនួយអន្តរជាតិ។

រដ្ឋមន្រ្តីក្រសួងបោះឆ្នោត ហៃទី លោក Mathias Pierre បាននិយាយថា ការស្នើសុំនេះ ត្រូវបានធ្វើឡើង ដោយសារតែលោកប្រធានាធិបតី Biden និងរដ្ឋមន្ត្រីការបរទេសអាមេរិក Antony Blinken ប្តេជ្ញាជួយ។

ទោះបីជាយ៉ាងណាក៏ដោយ អ្នកនាំពាក្យក្រសួងការបរទេស លោកស្រី Jalina Porter បានប្រាប់សន្និសីទសារព័ត៌មាននៅថ្ងៃនេះថា លោកស្រីមិនអាចបញ្ជាក់អំពីសំណើបែបនេះបានទេ។

ប៉ុន្តែអ្នកនាំពាក្យសេតវិមានលោកស្រី Jen Psaki បាននិយាយថា សហរដ្ឋអាមេរិកនឹងបញ្ជូនមន្ត្រីជាន់ខ្ពស់ FBI និងមន្រ្តីសន្តិសុខទៅកាន់ទីក្រុង Port-au-Prince ឲ្យបានឆាប់តាមដែលអាចធ្វើទៅបានដើម្បីជួយ៕

ប្រែសម្រួល៖ Vann Vann

ប្រភព៖ The Sun

ចុចអាន៖ ចាប់បានជនសង្ស័យធ្វើឃាតប្រធានាធិបតី ហៃទី នៅក្នុងស្ថានទូតកោះ តៃវ៉ាន់

The post ហៃទី អង្វរលោក Joe Biden ឲ្យបញ្ជូនកងទ័ពអាមេរិក មកជួយការពារប្រទេស ក្រោយការធ្វើឃាតប្រធានាធិបតី appeared first on Kampuchea Thmey Daily.

យោងតាមសេចក្តីថ្លែងការណ៍មួយ ដែលចេញផ្សាយលើគេហទំព័ររបស់ស្ថានទូតនៅថ្ងៃសុក្រនេះ បានឲ្យដឹងថា បុរសចំនួន១១នាក់ ដែលត្រូវបានសង្ស័យថា មានជាប់ទាក់ទងក្នុងការធ្វើឃាត ត្រូវបានចាប់ខ្លួនកាលពីថ្ងៃព្រហស្បតិ៍ បន្ទាប់ពីស្ថានទូតតៃវ៉ាន់បានផ្តល់ការអនុញ្ញាតឲ្យប៉ូលិសចូលទៅខាងក្នុង។

សេចក្តីថ្លែងការណ៍បានឲ្យដឹងថា “កោះតៃវ៉ាន់ ដែលជាសមាជិកមានការទទួលខុសត្រូវរបស់សហគមន៍អន្តរជាតិ និងជាមិត្តដ៏ស្មោះត្រង់ព្រមទាំងជាដៃគូដ៏យូរអង្វែងរបស់សាធារណរដ្ឋហៃទី បានយល់ព្រមនិងអនុញ្ញាតឲ្យប៉ូលិសហៃទី ធ្វើការឆែកឆេរភ្លាមៗ ដើម្បីស្វែងរកយុត្តិធម៌និងស្វែងរកការពិតនៅពីក្រោយឧប្បត្តិហេតុនេះឲ្យបានឆាប់តាមដែលអាចធ្វើទៅបាន”។

ប៉ូលិសហៃទីបាននិយាយកាលពីថ្ងៃព្រហស្បតិ៍ថា ទាហានស៊ីឈ្នួលមួយក្រុមនេះ រួមមានជនជាតិកូឡុំប៊ីចំនួន២៦នាក់និងជនជាតិអាមេរិក ដើមកំណើតហៃទីពីរនាក់។

ទោះបីជាយ៉ាងណាក៏ដោយ ស្ថានទូតកោះតៃវ៉ាន់ មិនបានបញ្ជាក់ពីសញ្ជាតិរបស់ជនសង្ស័យដែលត្រូវចាប់ខ្លួននៅលើមូលដ្ឋានរបស់ខ្លួនទេ៕

ប្រែសម្រួល៖ Vann Vann

ប្រភព៖ SCMP

ចុចអាន៖ ជនជាតិអាមេរិក ស្ថិតក្នុងចំណោមមនុស្ស ៦នាក់ ដែលត្រូវឃុំខ្លួន ពាក់ព័ន្ធការធ្វើឃាតប្រធានាធិបតី ហៃទី

The post Breaking News! ចាប់បានជនសង្ស័យធ្វើឃាតប្រធានាធិបតី ហៃទី នៅក្នុងស្ថានទូតកោះ តៃវ៉ាន់ appeared first on Kampuchea Thmey Daily.

មេប៉ូលិស លោក Léon Charles បាននិយាយកាលពីល្ងាចថ្ងៃពុធថា មន្រ្តីប៉ូលិសចំនួនបីនាក់ ដែលគេចាប់ជាចំណាប់ខ្មាំង ក៏ត្រូវបានរំដោះផងដែរ។

ការសម្លាប់លោក Moïse កាលពីថ្ងៃពុធ គឺជាការបង្កឲ្យមានភាពវឹកវរកាន់តែខ្លាំងឡើងដល់ប្រទេសនៅតំបន់ការ៉ាអ៊ីបមួយនេះ ដែលជាប្រទេសញ៉ាំញីដោយអំពើហិង្សាក្រុមបងធំ អតិផរណាខ្ពស់និងការតវ៉ារបស់គណបក្សប្រឆាំង ដែលបានចោទប្រកាន់លោក Moïse ថា បង្កើនអំណាចផ្តាច់ការ។

នាយករដ្ឋមន្រ្តីស្តីទីលោក Claude Joseph បាននិយាយថា ប៉ូលិសនិងយោធាអាចគ្រប់គ្រងសស្ថានការណ៍បាន។ ជាប្រទេសក្រីក្របំផុតនៅទ្វីបអាមេរិក, ហៃទីមានប្រវត្តិដឹកនាំដោយអំណាចផ្តាច់ការនិងភាពវឹកវរនយោបាយ។

គួរបញ្ជាក់ថា ប្រធានាធិបតីប្រទេសហៃទី ត្រូវបានគេធ្វើឃាត ក្នុងគេហដ្ឋានរបស់លោក ខណៈជំទាវទីមួយ ក៏បានរងរបួសដោយគ្រាប់កាំភ្លើងផងដែរ នៅក្នុងការវាយប្រហារនេះ៕

ប្រែសម្រួល៖ Vann Vann

ប្រភព៖ AP

ចុចអាន៖ ប្រធានាធិបតី ហៃទី ត្រូវគេចូលធ្វើឃាតដល់ក្នុងផ្ទះ

The post ប៉ូលិសហៃទី បាញ់សម្លាប់ជនសង្ស័យជាឃាតកចំនួន ៤នាក់ និងចាប់បាន ២នាក់ ក្រោយធ្វើឃាតប្រធានាធិបតី appeared first on Kampuchea Thmey Daily.

លោកនាយករដ្ឋមន្រ្តី Claude Joseph បាននិយាយនៅក្នុងសេចក្តីថ្លែងការណ៍មួយថា លោកប្រធានាធិបតី Jovonel Moïse ត្រូវបានសម្លាប់ក្នុងគេហដ្ឋានឯកជនរបស់លោក នៅម៉ោងប្រហែល ១ រំលងអធ្រាត្រដោយអ្នកវាយប្រហារមួយក្រុម។

សេចក្តីថ្លែងការណ៍មិនបានបញ្ជាក់អត្តសញ្ញាណ ក្រុមអ្នកវាយប្រហារទេ។ សេចក្តីថ្លែងការណ៍ដដែលបានបន្តថា ជំទាវទីមួយ ក៏បានរងរបួសដោយគ្រាប់កាំភ្លើងផងដែរ នៅក្នុងការវាយប្រហារនេះ៕

ប្រែសម្រួល៖ Vann Vann

ប្រភព៖ Business Insider

ចុចអាន៖ ប្រធានាធិបតីហៃទីរងការប៉ុនប៉ងធ្វើឃាត រដ្ឋប្រហារត្រូវបរាជ័យ

The post Breaking News! ប្រធានាធិបតី ហៃទី ត្រូវគេចូលធ្វើឃាតដល់ក្នុងផ្ទះ appeared first on Kampuchea Thmey Daily.

រដ្ឋមន្រ្តីក្រសួងយុត្តិធម៌លោក Rockefeller Vincent បាននិយាយថា ផែនការនេះគឺជា “ការប៉ុនប៉ងធ្វើរដ្ឋប្រហារ” ខណៈអាជ្ញាធរនិយាយថា មនុស្សចំនួន២៣នាក់ត្រូវបានចាប់ខ្លួនរួមទាំងចៅក្រមកំពូលម្នាក់និងមន្ត្រីម្នាក់មកពីប៉ូលិសជាតិផងដែរ។

លោក Moise និយាយថា “ខ្ញុំសូមអរគុណដល់ប្រធានសន្តិសុខរបស់ខ្ញុំនៅឯវិមាន។ គោលដៅរបស់មនុស្សទាំងនេះគឺធ្វើការប៉ុនប៉ងយកជីវិតរបស់ខ្ញុំ”។

ស្របពេលជាមួយគ្នានោះ លោកនាយករដ្ឋមន្ត្រី Joseph Jouthe បាននិយាយថា អ្នករៀបចំផែនការបានទាក់ទងមន្រ្តីប៉ូលិសនៅឯវិមានប្រធានាធិបតីដែលគ្រោងនឹងចាប់ខ្លួនលោក Moise ហើយបន្ទាប់មក ជួយតែងតាំងប្រធានាធិបតី “អន្តរកាល” មួយ។

លោក Moise បានគ្រប់គ្រងប្រទេសដោយគ្មានអ្នកត្រួតពិនិត្យអំណាចអស់រយៈពេលមួយឆ្នាំមកហើយ ហើយនិយាយថា គាត់នៅតែជាប្រធានាធិបតីរហូតដល់ថ្ងៃទី៧ខែកុម្ភៈឆ្នាំ២០២២តាមរដ្ឋធម្មនុញ្ញប៉ុន្តែត្រូវបានបដិសេធដោយគណបក្សប្រឆាំង។

លោក Leon Charles នាយកប៉ូលិសជាតិហៃទីបាននិយាយថា ក្រុមមន្រ្តីបានរឹបអូសឯកសារ ប្រាក់និងអាវុធជាច្រើនរួមទាំងកាំភ្លើងវែង កាំភ្លើង​ Uzi កាំភ្លើងខ្លីនិងកាំបិតផងដែរ។

លោក Jouthe បន្ថែមថា ក្នុងចំណោមឯកសារទាំងអស់នោះ មានមួយជាសុន្ទរកថារបស់ចៅក្រមដែលគ្រោងនឹងក្លាយជាមេដឹកនាំបណ្តោះអាសន្ននៅក្នុងរដ្ឋាភិបាលអន្តរកាលមួយ៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ មនុស្សរាប់ម៉ឺននាក់ធ្វើបាតុកម្មទូទាំងប្រទេស មីយ៉ាន់ម៉ា ខណៈការតវ៉ាកាន់តែធំឡើងៗ

The post ប្រធានាធិបតីហៃទីរងការប៉ុនប៉ងធ្វើឃាត រដ្ឋប្រហារត្រូវបរាជ័យ appeared first on Kampuchea Thmey Daily.