ក្នុងនោះវៀតណាមជាប្រទេសរងគ្រោះខ្លាំងជាងគេ ដោយព្យុះ Kajiki បានសម្លាប់មនុស្សចំនួន៣នាក់និងបណ្តាលឲ្យច្រើននាក់ទៀតរងរបួស។

ដងផ្លូវក្នុងទីក្រុងហាណូយ ត្រូវលិចលង់ប្រៀបបាននឹងទន្លេ បង្កការរាំងស្ទះដល់ការធ្វើដំណើរ បង្ខំឲ្យមនុស្សត្រូវជិះទូកតាមផ្លូវ។

នៅភាគខាងជើងនិងកណ្តាលប្រទេសនេះ ជាកន្លែងរងគ្រោះខ្លាំងបំផុត ដោយឥទ្ធពិលព្យុះបង្កជាភ្លៀងធ្លាក់រយៈពេល១០ម៉ោង និងបំផ្លាញផ្ទះសម្បែងជាង ៦ ៨០០ខ្នង។

ខេត្ត Ha Tinh គឺស្ថិតចំផ្លូវព្យុះតែម្តង ដោយទីនោះកម្លាំងខ្យល់បក់ ១១៨គីឡូម៉ែត្រក្នុងមួយម៉ោង បានបោកបំប៉ើងដំបូលផ្ទះជាង ៦ ៣០០ខ្នង, ទឹកជំនន់ជន់លិចផ្ទះ ១ ១០០ខ្នង, ដើមឈើបាក់សង្កត់យានយន្តនិងស្រែជិត ២១ ០០០ហិកតា ត្រូវបំផ្លាញ។

នៅ Thanh Hoa ភ្លៀងធ្លាក់ខ្លាំងឥតឈប់ បានជន់លិចផ្ទះប្រហែល ១ ៩០០ខ្នង ខណៈព្យុះក៏បង្កការបាក់ដីកម្ពស់២៥ម៉ែត្រនៅតាមបណ្តោយច្រាំងទន្លេ Chu ផងដែរ។

មិនត្រឹមប៉ុណ្ណឹង ព្យុះទីហ្វុងបានរំខានដល់ការដឹកជញ្ជូន ដោយជើងហោះហើរចំនួន៣០ត្រូវប្តូរទិសនិង៣៥ត្រូវលុបចោល ខណៈអាកាសយានដ្ឋាន Dong Hoi និង Tho Xuan នៅ Quang Tri និង Thanh Hoa បានផ្អាកប្រតិបត្តិការជាបណ្តោះអាសន្ន។ រីឯរថភ្លើង​ដឹក​អ្នក​ដំណើរ​ចំនួន​បីខ្សែ​ដែល​ឆ្លង​កាត់​ភាគ​កណ្តាល​ប្រទេស​វៀតណាម​ក៏​ត្រូវ​​ផ្អាក​ដែរ។

នៅថៃ ព្យុះ Kajiki បានវាយប្រហារខេត្តចំនួន៥៨ នៅភាគខាងជើង ឦសាន កណ្តាល និងខាងត្បូង បណ្តាលឲ្យមានភ្លៀងធ្លាក់ខ្លាំង បង្កជាទឹកជំនន់ បំណាក់ដី និងបាតុភូតរន្ទះបាញ់។ 

លើសពីនេះ ឥទ្ធិពលរបស់វា បានបង្កជាគ្រោះទឹកជំនន់ ជន់លិចឧទ្យានជាតិ Namtok Phliu នៅក្នុងខេត្ត Chanthaburi ដែលជាខេត្តព្រំដែនជាប់ខេត្តប៉ៃលិននិងបាត់ដំបង របស់កម្ពុជា ទៀតផង ហើយតំបន់ខ្លះ ក៏ត្រូវបិទសាលាជាបន្ទាន់ដែរ ព្រោះតែស្ថានភាពអាសន្ន។

នៅខេត្ត Loei, ព្យុះ Kajiki បានបង្កជាទឹកជំនន់ ជន់លិចធ្ងន់ធ្ងរ ខណៈទឹកទន្លេ Man និង Hueang ហក់ឡើងខ្ពស់ ធ្វើឲ្យពលរដ្ឋរស់នៅសហគមន៍តាមដងទន្លេត្រូវជម្លៀសទៅកាន់ទីទួលសុវត្ថិភាព។

តំបន់ដែលរងគ្រោះខ្លាំងបំផុតគឺស្រុក Na Haeo និង Dan Sai ដោយនៅទីនោះតំបន់ខ្លះត្រូវទឹកជន់លិច ជម្រៅត្រឹមចង្កេះ កាត់ផ្តាច់ផ្លូវ រំខានដល់ការធ្វើដំណើរនិងដឹកជញ្ជូន។

រីឯនៅខេត្ត Mae Hong Son, ភ្លៀងធ្លាក់យ៉ាងគំហុក ក៏បង្កជាជំនន់ផងដែរក្នុងតំបន់មួយចំនួនដោយជន់លិចដីស្រែចម្ការ ថែមទាំងកាត់ផ្តាច់ផ្លូវធ្វើដំណើរទៀតផង។

ស្រុក Mae Sariang ជាកន្លែងរងគ្រោះជាងគេ ព្រោះទឹកជំនន់ក៏លិចផ្ទះសម្បែងពលរដ្ឋផងដែរ ខណៈអាជ្ញាធរចេញការព្រមានឲ្យប្រុងប្រយ័ត្នចំពោះគ្រោះបំណាក់ដី និងលំហូរភក់ចុះពីភ្នំ។

ងាកទៅមើលប្រទេសឡាវវិញ ជំនន់រហ័សៗបានវាយប្រហារភូមិ Sivilay ក្នុងស្រុក Xaibouathong ខេត្ដ Khammouane បន្ទាប់ពីភ្លៀងធ្លាក់ខ្លាំងជាប់ច្រើនថ្ងៃ បណ្តាលមកពីព្យុះ Kajiki។ ទឹកជំនន់បានជន់លិចផ្ទះសម្បែង និងផ្លូវថ្នល់ ជាពិសេសនៅតំបន់ទំនាប។

ចំណែក​នៅ​ខេត្ត​ Bolikhamxay, ទឹក​ជំនន់​ក្នុងភូមិ Vang Ko  ស្រុក​ Khamkeut បាន​លិច​ស្ពាន​ក្នុង​មូលដ្ឋាន ​ធ្វើ​ឲ្យ​ប្រជាពលរដ្ឋ​មិន​អាច​ឆ្លង​កាត់​បាន។

ទីក្រុងវៀងចន្ទន៍ ក៏ទទួលឥទ្ធិពលនៃព្យុះនេះដែរ ដោយអាជ្ញាធរព្រមានថា ភ្លៀងធ្លាក់រឹតខ្លាំងថែមទៀតអាចបង្កើនហានិភ័យនៃទឹកជំនន់ជាបន្ត។

សរុបសេចក្តីមក មានតែប្រទេសកម្ពុជាប៉ុណ្ណោះដែលសុខសាន្ត រួចផុតពីការវាយប្រហារដោយព្យុះនេះ ទាំងដែលអ្នកស្ថិតនៅជាប់ភូមិផងរបងទាំង៣ កំពុងរងទុក្ខ៕

អត្ថបទ៖ សុខ សុវណ្ណ

ចុចអាន៖ ខេត្តថៃ នៅទល់ដែនឡាវ លិចលង់ធ្ងន់ធ្ងរ ដោយសារឥទ្ធិពលព្យុះ Takiji

The post អ្នកជិតខាងកម្ពុជាទាំង៣ សុទ្ធតែរងគ្រោះធ្ងន់ធ្ងរនិងលិចលង់ ដោយសារឥទ្ធិពលព្យុះ Kajiki  appeared first on Kampuchea Thmey Daily.

តាមការផ្សាយរបស់ VN Express នៅថ្ងៃអង្គារទី២៦ខែសីហាឆ្នាំ២០២៥, ខេត្ត Ha Tinh គឺជាកន្លែងរងគ្រោះខ្លាំងជាងគេ ដោយទីនោះមានមនុស្សម្នាក់ស្លាប់ រីឯសំណង់ហេដ្ឋារចនាសម្ព័ន្ធនានាត្រូវបំផ្លាញ ចំណែកបង្គោលភ្លើងត្រូវបាក់រលំ បណ្តាលឲ្យដាច់ចរន្តអគ្គិសនីទ្រង់ទ្រាយធំ។

ក្រៅពីមនុស្សស្លាប់ នៅមានអ្នករបួស៤នាក់ទៀត ខណៈព្យុះបានបោកបំប៉ើងដំបូងផ្ទះ៦២១ខ្នង ហើយផ្ទះ១៤៤ខ្នងត្រូវទឹកជន់លិច។ ទន្ទឹមនោះនៅខេត្ត Quang Tri ក៏រងគ្រោះធ្ងន់ដែរ ដោយមនុស្ស៤នាក់ត្រូវរបួស ផ្ទះជាច្រើនលិចលង់ កាត់ផ្តាច់សហគមន៍ជាច្រើន។

មិនត្រឹមប៉ុណ្ណឹង វៀតណាមក៏ជម្លៀសមនុស្សជាងកន្លះលាននាក់, អាកាសយានដ្ឋានក៏បិទ ស្របពេលផ្ទៃដីរាប់ម៉ឺនហិកតា ត្រូវទឹកជន់លិច។

ទោះបីជាយ៉ាងណាក៏ដោយ បើយោងតាមការបញ្ជាក់ពីមជ្ឈមណ្ឌលជាតិសម្រាប់ការព្យាករធនធានជលសាស្ត្រ, ដ្បិតកម្លាំងព្យុះបានថយចុះក៏ពិតមែន ប៉ុន្តែ Kajiki នៅតែបណ្តាលឲ្យមានភ្លៀងធ្លាក់ខ្លាំងលើតំបន់ធំៗ ដែលបណ្តាលឲ្យមានការខូចខាតយ៉ាងធ្ងន់ធ្ងរដល់ខេត្តជាច្រើននៅភាគកណ្តាល។

លើសពីនេះ នៅប៉ុន្មានថ្ងៃខាងមុខ ហានិភ័យនៃគ្រោះទឹកជំនន់រហ័សៗ និងបំណាក់បាក់ដី នៅតែមានកម្រិតខ្ពស់ ដូច្នេះហើយទើបអាជ្ញាធរនិងប្រជាពលរដ្ឋកំពុងស្ថិតក្នុងការប្រុងជើងការខ្ពស់ដដែល៕

អត្ថបទ៖ សុខ សុវណ្ណ

ចុចអាន៖ វៀតណាម ជម្លៀសមនុស្សជាងកន្លះលាននាក់ មុនព្យុះសង្ឃរា Kajiki វាយប្រហារខ្លាំងក្នុងកម្រិតប្រកាសអាសន្ន

The post វៀតណាម រងការបំផ្លិចបំផ្លាញធ្ងន់ធ្ងរដោយសារព្យុះ Takiji មានទាំងមនុស្សស្លាប់ appeared first on Kampuchea Thmey Daily.

យោងតាម vnexpress បានចុះផ្សាយថា អាកាសយានដ្ឋាន Dong Hoi ខេត្ត Quang Binh នឹងបិទពីម៉ោង ៤ ព្រឹក ដល់ម៉ោង ៤ រសៀល នៅថ្ងៃច័ន្ទ ខណៈពេលដែលអាកាសយានដ្ឋាន Tho Xuan នៅ Thanh Hoa នឹងផ្អាកប្រតិបត្តិការពីម៉ោង ១០ព្រឹកដល់ម៉ោង ៩ យប់ នៅថ្ងៃដដែល ដើម្បីធានាសុវត្ថិភាពអ្នកដំណើរ និងឧបករណ៍ផ្សេងៗទៀត។

CAAV បានណែនាំភ្នាក់ងារពាក់ព័ន្ធឲ្យរក្សាការផ្លាស់ប្តូរកាតព្វកិច្ចពេញ២៤ម៉ោង ដើម្បីពិនិត្យហេដ្ឋារចនាសម្ព័ន្ធព្រលានយន្តហោះ និងប្រព័ន្ធទំនាក់ទំនង និងដោះស្រាយការខូចខាតណាមួយភ្លាមៗ។

យោងតាមមជ្ឈមណ្ឌលជាតិសម្រាប់ការព្យាករណ៍ជលសាស្ត្រឧតុនិយមព្យុះ Kajiki ដែលជាព្យុះទី ៥ វាយប្រហារប្រទេសវៀតណាមក្នុងឆ្នាំនេះ ត្រូវបានគេរំពឹងថានឹងបោកបក់នៅក្នុងខេត្ត Thanh Hoa និង Nghe An នៅរសៀលថ្ងៃច័ន្ទ ជាមួយនឹងខ្យល់បក់រហូតដល់ ១៦៦គីឡូម៉ែត្រក្នុងមួយម៉ោង។

ជាងនេះទៀត ភាគខាងជើងវៀតណាមត្រូវបានគេព្យាករណ៍ថានឹងមានភ្លៀងធ្លាក់ និងផ្គររន្ទះពេញមួយសប្តាហ៍ ដោយតំបន់មួយចំនួនប្រឈមនឹងភ្លៀងធ្លាក់ខ្លាំង។ តំបន់កណ្តាល និងទំនាបទំនងជាមានភ្លៀងធ្លាក់ពីមធ្យមទៅច្រើន ផ្គរ រន្ទះ និងភ្លៀងធ្លាក់តាមមូលដ្ឋាន។ ចំណែកឯខេត្ត​ភាគ​កណ្តាល​នឹង​មាន​ភ្លៀង​ធ្លាក់​រាយប៉ាយ និង​មាន​ផ្គរ​រន្ទះ ដោយ​រំពឹង​ថា​នឹងមាន​ភ្លៀង​ធ្លាក់​ខ្លាំង​នៅ​ពេល​ល្ងាច និង​ពេល​យប់ច្រើនបំផុត។

យ៉ាងណាមិញ នៅមុនពេលបិទអាកាសយានដ្ឋានចំនួន២នេះដែរ ប្រទេសវៀតណាមក៏បានចាត់វិធានការប្រុងប្រៀបមុនដោយជម្លៀសមនុស្សរហូតដល់ទៅជាងកន្លះលាននាក់ចេញពីខេត្ត-ក្រុង ដូចជា Thanh Hoa, Quang Tri, Hue និង Da Nang ដើម្បីកាត់បន្ថយហានិភ័យរងគ្រោះព្រោះតែឥទ្ធិពលព្យុះដែលកៀកនឹងមកដល់៕

អត្ថបទ៖ សាង ស្រីល័ក្ខ

ចុចអាន៖វៀតណាម ជម្លៀសមនុស្សជាងកន្លះលាននាក់ មុនព្យុះសង្ឃរា Kajiki វាយប្រហារខ្លាំងក្នុងកម្រិតប្រកាសអាសន្ន

The post អស់ពី​ជម្លៀសមនុស្ស ឥលូវ វៀតណាម បង្ខំចិត្តបិទអាកាសយានដ្ឋាន២កន្លែង មុនព្យុះសង្ឃរា Kajiki កៀកមកដល់ appeared first on Kampuchea Thmey Daily.

តាមការចុះផ្សាយរបស់ VN Express ដែលដកស្រង់ប្រភពពីមជ្ឈមណ្ឌលព្យាករណ៍ឧតុនិយមនិងធារាសាស្ត្រជាតិវៀតណាម, តំបន់មួយចំនួនក្នុងប្រទេសនេះជាពិសេសសហគមន៍តាមបណ្តោយឆ្នេរសមុទ្រ​ត្រូវដាក់ក្នុងការប្រកាសអាសន្ន ដោយសារតែភាពធ្ងន់ធ្ងរនៃព្យុះសង្ឃរា Kajiki។

មនុស្ស ១៥២ ៣៨៧គ្រួសារស្មើនឹងជិត ៥៨៧ ០០០នាក់ ត្រូវជម្លៀសចេញជាបន្ទាន់ ដើម្បីកាត់បន្ថយហានិភ័យរងគ្រោះព្រោះតែឥទ្ធិពលព្យុះ។

មិនត្រឹមប៉ុណ្ណឹង ទូកនេសាទជិត ៦ម៉ឺនគ្រឿងនិងអ្នកនេសាទជិត ២៥ម៉ឺននាក់ ត្រូវបង្ខំចិត្តផ្អាកការចេញទូក ដោយសារតែអាកាសធាតុដ៏អាក្រក់មានខ្យល់បក់ខ្លាំងនិងទឹករលកធំៗ។

ទន្ទឹមនោះ រដ្ឋាភិបាលវៀតណាម បានចេញសារាចរណែនាំបន្ទាន់ជាច្រើន ដោយមានទាំងសារាចររបស់នាយករដ្ឋមន្ត្រី Pham Minh Chinh ផងដែរ ដែលអំពាវនាវឲ្យមានការត្រៀមលក្ខណៈបន្ទាន់។

ក្រសួងនានា អាជ្ញាធរខេត្ត និងអង្គភាពយោធា ត្រូវបានបញ្ជាឲ្យអនុវត្តការជម្លៀសប្រជាជន ការពារទំនប់ និងអាងស្តុកទឹកហើយធានាថា ខ្សែទំនាក់ទំនងនៅតែបើកដំណើរការ។

ម្យ៉ាងវិញទៀត កងទ័ពប្រជាជនវៀតណាម ត្រូវបានដាក់ក្នុងស្ថានភាពប្រុងជើងការកម្រិតខ្ពស់។ កងទ័ពក៏ត្រូវបានដាក់ពង្រាយដើម្បីជួយដល់ការជម្លៀសប្រជាជននៅតាមតំបន់ដែលងាយនឹងរងការបាក់ដី និងទឹកជំនន់ភ្លាមៗផងដែរ៕

អត្ថបទ៖ សុខ សុវណ្ណ

ចុចអាន៖ ថៃ រងគ្រោះធ្ងន់ ដោយសារព្យុះសង្ឃរា Kajiki វាយប្រហារពេញទំហឹង

The post វៀតណាម ជម្លៀសមនុស្សជាងកន្លះលាននាក់ មុនព្យុះសង្ឃរា Kajiki វាយប្រហារខ្លាំងក្នុងកម្រិតប្រកាសអាសន្ន appeared first on Kampuchea Thmey Daily.

ព្យុះនេះបានទៅដល់ប្រទេសថៃ កាលពីថ្ងៃអាទិត្យទី២៤ខែសីហាឆ្នាំ២០២៥ វាយប្រហារខេត្តចំនួន៥៨ ខណៈទីក្រុងបាងកក ក៏ត្រូវរងគ្រោះដែរ ដល់ថ្ងៃទី២៧ខែសីហា។

នាយកដ្ឋានឧតុនិយាយថៃ បានចេញការព្រមានឲ្យពលរដ្ឋទូទាំងប្រទេសមានការប្រុងប្រយ័ត្នខ្ពស់ ព្រោះតែភាពធ្ងន់ធ្ងរនៃព្យុះនេះ ខណៈគ្រួសារមួយចំនួន បានជម្លៀសទៅកាន់ទីទួលសុវត្ថិភាព រួចទៅហើយ។

ក្នុងចំណោមខេត្តទាំង៥៨នោះ ខេត្តដែលរងការវាយប្រហារខ្លាំងបំផុត គឺជាខេត្តស្ថិតនៅភាពខាងជើង ឦសាន កណ្តាល និងខាងត្បូង។

សូមជម្រាបថា ព្យុះនេះក៏ជះឥទ្ធិពលលើព្រះរាជាណាចក្រចកម្ពុជា ដែរ ប៉ុន្តែរងប៉ះពាល់តិចតួចប៉ុណ្ណោះ។ វានឹង​ធ្វើឲ្យតំបន់មួយចំនួនមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់។

តាមការប្រកាសរបស់ក្រសួងធនធានទឹក និងឧតុនិយម នៅព្រឹកថ្ងៃទី២៥ ខែសីហា,  ព្យុះសង្ឃរាដែលជាព្យុះទី១៣ ក្នុងឆ្នាំ២០២៥ មួយនេះ មានឥទ្ធិពលលើសមុទ្រអានដាមម៉ែន ឈូងសមុទ្រថៃ អាងទន្លេមេគង្គ លើរបបខ្យល់មូសុងនិរតី និងព្រះរាជាណាចក្រកម្ពុជា។

ទោះបីជាយ៉ាងណាក៏ដោយ គន្លងផ្លូវរបស់ព្យុះសង្ឃរា Kajiki ពុំមានឥទ្ធិពលខ្លាំងលើព្រះរាជាណាចក្រកម្ពុជាឡើយ៕

អត្ថបទ៖ សុខ សុវណ្ណ

ចុចអាន៖ ខេត្ត៥៥​របស់​ថៃ ប្រឈម​នឹង​ទឹក​ជំនន់​ភ្លាមៗ ខណៈព្យុះត្រូពិច Kajiki ខិតចូលដល់

The post ថៃ រងគ្រោះធ្ងន់ ដោយសារព្យុះសង្ឃរា Kajiki វាយប្រហារពេញទំហឹង appeared first on Kampuchea Thmey Daily.

ព្យុះនេះកំពុងជះឥទ្ធិពលដល់ភាគអាគ្នេយ៍ប្រទេស បាហាម៉ានិងតំបន់កោះ Turks និង Caicos ជាមួយនឹងភ្លៀងធ្លាក់ខ្លាំង និងខ្យល់បក់ខ្លាំង ខណៈពេលដែលរលកសមុទ្រដ៏គ្រោះថ្នាក់ត្រូវបានព្យាករណ៍នៅតាមបណ្តោយឆ្នេរសមុទ្រភាគខាងកើតសហរដ្ឋអាមេរិក និងឆ្នេរសមុទ្រអាត្លង់ទិករបស់ប្រទេសកាណាដាក្នុងសប្តាហ៍នេះ។

ទោះបីជាព្យុះ Erin មិនត្រូវបានព្យាករណ៍ថានឹងធ្លាក់មកដីក៏ដោយ ប៉ុន្តែតំបន់ដ៏ធំទូលាយនៃខ្យល់ព្យុះសង្ឃរា និងខ្យល់ព្យុះត្រូពិចអាចបណ្តាលឱ្យមានទឹកជំនន់ ជាពិសេសនៅតំបន់ឆ្នេរ។ នៅ រដ្ឋ North Carolina បានប្រកាសអាសន្នរួចហើយ និងបានបញ្ជាឱ្យមានការជម្លៀសចេញពីកោះ Hatteras ដោយសារតែការគំរាមកំហែងពីទឹកជន់ឡើងខ្ពស់។

គួរបញ្ជាក់ថាព្យុះសង្ឃរានេះកាលពីមុនបានឈានដល់កម្រិតកំពូលជាព្យុះប្រភេទទី ៥ ដែលវាយប្រហារលើកោះ Puerto Rico និង Virgin Islands ដោយកាត់ផ្តាច់ថាមពលដល់ផ្ទះជិតប្រជាជន ១៥០,០០០ និងលុបចោលជើងហោះហើរជាច្រើន។ អ្នកវិទ្យាសាស្ត្រនិយាយថា ការកើនឡើងនៃសីតុណ្ហភាពក្នុងមហាសមុទ្រដែលទាក់ទងនឹងការប្រែប្រួលអាកាសធាតុកំពុងជំរុញឱ្យព្យុះសង្ឃរា Erin កាន់តែខ្លាំង និងធ្ងន់ធ្ងរជាងមុន៕

អត្ថបទ៖ ប៊ុន សុភាព

The post ព្យុះសង្ឃរា Erin ដ៏មានឥទ្ធិពលនឹងវាយលុកឆ្នេរសមុទ្រអាមេរិក appeared first on Kampuchea Thmey Daily.

ដំបូងឡើយ Erick ជាព្យុះសង្ឃរាប្រភេទទី៤ តែក្រោយមកបានចុះខ្សោយមុនពេលបក់មកដល់ដី ប៉ុន្តែនៅតែបានធ្វើឱ្យមានភ្លៀងធ្លាក់ខ្លាំងពាសពេញតំបន់។ អាជ្ញាធរ​បាន​រាយការណ៍​ពី​ទឹកជំនន់ ការ​រអិល​បាក់​ដី បិទ​ផ្លូវ និង​ដាច់​ខ្សែភ្លើង ប៉ុន្តែ​មិន​មាន​មនុស្ស​ស្លាប់ ឬ​របួស​ទេ។

គិតត្រឹមល្ងាចថ្ងៃព្រហស្បតិ៍ Erick បានចុះខ្សោយទៅជាព្យុះត្រូពិច ប៉ុន្តែគ្រោះថ្នាក់នៅតែមាន។ ក្រុមអ្នកព្យាករណ៍បានព្រមានថានឹងមានភ្លៀងធ្លាក់ដល់ទៅ ៤០ សង់ទីម៉ែត្រនៅតំបន់មួយចំនួននៃរដ្ឋ Oaxaca និង រដ្ឋ Guerrero ដោយបង្កើនការព្រួយបារម្ភអំពីទឹកជំនន់ធ្ងន់ធ្ងរ និងការរអិលបាក់ដីនៅតំបន់ភ្នំ។ អាជ្ញាធរមូលដ្ឋាន និងសហព័ន្ធ រួមទាំងឆ្មាំជាតិ នៅតែស្ថិតក្នុងការប្រុងប្រយ័ត្នខ្ពស់ ខណៈដែលឥទ្ធិពលនៃព្យុះនេះបន្តនាំមកនូវបញ្ហាអាកាសធាតុដ៏គ្រោះថ្នាក់៕

អត្ថបទ៖ ប៊ុន សុភាព

The post ព្យុះសង្ឃរា ​Erick បង្កើនឥទ្ធិពល​នៅ​ម៉ិកស៊ិកបណ្តាល​ឲ្យ​ភ្លៀង​ខ្លាំង និងគ្រោះទឹកជំនន់ appeared first on Kampuchea Thmey Daily.

តាមការចុះផ្សាយរបស់ Daily Mail កាលពីថ្ងៃព្រហស្បតិ៍ទី១៤ខែវិច្ឆិកាឆ្នាំ២០២៤ មជ្ឈមណ្ឌលព្យុះសង្ឃរាជាតិ (NHC) បានចេញសេចក្តីប្រកាសថា ប្រព័ន្ធនេះបានវិវត្តទៅជាព្យុះ Sara បង្កជាទឹកជំនន់រហ័ស វាយប្រហារប្រទេសហុងឌូរ៉ាស រហូតដល់ចុងសប្តាហ៍។

ស្របពេលជាមួយគ្នានោះ បើយោងតាមភ្នាក់ងារឧតុនិយម AccueWeather, ប្រព័ន្ធព្យុះនេះអាចវិវត្តទៅជាព្យុះសង្ឃរាដ៏ធំមួយ ហោះទៅបោកបក់ឆ្នេរសមុទ្រភាគខាងលិច រដ្ឋហ្វ្លរីដានៅថ្ងៃពុធសប្តាហ៍ក្រោយ។

ទោះបីជាយ៉ាងណាក៏ដោយ ក្រុមអ្នកជំនាញមិនទាន់ហ៊ានបញ្ជាក់ច្បាស់ទេថាតើ កម្លាំងរបស់ព្យុះនេះ នឹងនាំមកជាមួយនូវខ្យល់ខ្លាំងកម្រិតណា ទៅវាយប្រហាររដ្ឋ ហ្វ្លរីដា។

ពាក់ព័ន្ធរឿងនេះ អជ្ញាធរបានជូនដំណឹងដល់ពលរដ្ឋឲ្យត្រៀមលក្ខណៈដើម្បីប្រឈមមុខនិងគ្រោះធម្មជាតិនេះ ហើយត្រៀមខ្លួនជម្លៀស ប្រសិនបើចាំបាច់។

សូមបញ្ជាក់ថា Sara គឺជាព្យុះទី១២នៃរដូវព្យុះអាត្លង់ទិក ហើយវាគឺជាព្យុះទី៤ ក្នុងរដូវនេះ ដែលវាយប្រហាររដ្ឋ ហ្វ្លរីដា៕

អត្ថបទ៖ សុខ សុវណ្ណ

ចុចអាន៖ ព្យុះ Milton សម្លាប់មនុស្ស ២៣នាក់នៅអាមេរិក និងអាចខាតបង់សេដ្ឋកិច្ចដល់ ១៦០ពាន់លានដុល្លារ

The post ព្យុះសង្ឃរាកាចសាហាវមួយទៀត កំពុងបោះពួយទៅវាយប្រហាររដ្ឋ ហ្វ្លរីដា appeared first on Kampuchea Thmey Daily.