ព័ត៌មានអន្ដរជាតិ

ព្យុះសង្ឃរា Erick បង្កើនឥទ្ធិពលនៅម៉ិកស៊ិកបណ្តាលឲ្យភ្លៀងខ្លាំង និងគ្រោះទឹកជំនន់

បានផុស

១ year មុន

នៅ

ថ្ងៃសុក្រ ២០ មិថុនា ២០២៥

ដោយ

យោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២០ខែមិថុនានេះ ព្យុះសង្ឃរា Erick បានបោកបក់មកលើឆ្នេរសមុទ្រប៉ាស៊ីហ្វិកភាគខាងត្បូងនៃប្រទេសម៉ិកស៊ិកកាលពីថ្ងៃព្រហស្បតិ៍ ហើយវាជាព្យុះប្រភេទទី៣ ដែលមានកម្លាំងខ្លាំង ដោយវាយលុកតំបន់ដាច់ស្រយាលរវាងទីក្រុង Acapulco និងទីក្រុង Puerto Escondido ។

បន្ទាប់ពីព្យុះសង្ឃរា Erick បោកបក់នៅជិតទីក្រុង Puerto Escondido រដ្ឋ Oaxaca។ (រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំបូងឡើយ Erick ជាព្យុះសង្ឃរាប្រភេទទី៤ តែក្រោយមកបានចុះខ្សោយមុនពេលបក់មកដល់ដី ប៉ុន្តែនៅតែបានធ្វើឱ្យមានភ្លៀងធ្លាក់ខ្លាំងពាសពេញតំបន់។ អាជ្ញាធរបានរាយការណ៍ពីទឹកជំនន់ ការរអិលបាក់ដី បិទផ្លូវ និងដាច់ខ្សែភ្លើង ប៉ុន្តែមិនមានមនុស្សស្លាប់ ឬរបួសទេ។

គិតត្រឹមល្ងាចថ្ងៃព្រហស្បតិ៍ Erick បានចុះខ្សោយទៅជាព្យុះត្រូពិច ប៉ុន្តែគ្រោះថ្នាក់នៅតែមាន។ ក្រុមអ្នកព្យាករណ៍បានព្រមានថានឹងមានភ្លៀងធ្លាក់ដល់ទៅ ៤០ សង់ទីម៉ែត្រនៅតំបន់មួយចំនួននៃរដ្ឋ Oaxaca និង រដ្ឋ Guerrero ដោយបង្កើនការព្រួយបារម្ភអំពីទឹកជំនន់ធ្ងន់ធ្ងរ និងការរអិលបាក់ដីនៅតំបន់ភ្នំ។ អាជ្ញាធរមូលដ្ឋាន និងសហព័ន្ធ រួមទាំងឆ្មាំជាតិ នៅតែស្ថិតក្នុងការប្រុងប្រយ័ត្នខ្ពស់ ខណៈដែលឥទ្ធិពលនៃព្យុះនេះបន្តនាំមកនូវបញ្ហាអាកាសធាតុដ៏គ្រោះថ្នាក់៕