ព្យុះសង្ឃរាកាចសាហាវមួយទៀត កំពុងបោះពួយទៅវាយប្រហាររដ្ឋ ហ្វ្លរីដា

តំបន់ការ៉ាប៊ីន កំពុងទប់ទល់នឹងព្យុះសង្ឃរាដ៏គ្រោះថ្នាក់ ហើយព្យុះនេះ កំពុងបង្កើនកម្លាំងកាន់តែកាចសាហាវស្ថិតនៅលើផ្លូវបោះពួយឆ្ពោះទៅវាយប្រហាររដ្ឋហ្វ្លរីដា របស់អាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Daily Mail កាលពីថ្ងៃព្រហស្បតិ៍ទី១៤ខែវិច្ឆិកាឆ្នាំ២០២៤ មជ្ឈមណ្ឌលព្យុះសង្ឃរាជាតិ (NHC) បានចេញសេចក្តីប្រកាសថា ប្រព័ន្ធនេះបានវិវត្តទៅជាព្យុះ Sara បង្កជាទឹកជំនន់រហ័ស វាយប្រហារប្រទេសហុងឌូរ៉ាស រហូតដល់ចុងសប្តាហ៍។

ស្របពេលជាមួយគ្នានោះ បើយោងតាមភ្នាក់ងារឧតុនិយម AccueWeather, ប្រព័ន្ធព្យុះនេះអាចវិវត្តទៅជាព្យុះសង្ឃរាដ៏ធំមួយ ហោះទៅបោកបក់ឆ្នេរសមុទ្រភាគខាងលិច រដ្ឋហ្វ្លរីដានៅថ្ងៃពុធសប្តាហ៍ក្រោយ។

ទោះបីជាយ៉ាងណាក៏ដោយ ក្រុមអ្នកជំនាញមិនទាន់ហ៊ានបញ្ជាក់ច្បាស់ទេថាតើ កម្លាំងរបស់ព្យុះនេះ នឹងនាំមកជាមួយនូវខ្យល់ខ្លាំងកម្រិតណា ទៅវាយប្រហាររដ្ឋ ហ្វ្លរីដា។

ពាក់ព័ន្ធរឿងនេះ អជ្ញាធរបានជូនដំណឹងដល់ពលរដ្ឋឲ្យត្រៀមលក្ខណៈដើម្បីប្រឈមមុខនិងគ្រោះធម្មជាតិនេះ ហើយត្រៀមខ្លួនជម្លៀស ប្រសិនបើចាំបាច់។

សូមបញ្ជាក់ថា Sara គឺជាព្យុះទី១២នៃរដូវព្យុះអាត្លង់ទិក ហើយវាគឺជាព្យុះទី៤ ក្នុងរដូវនេះ ដែលវាយប្រហាររដ្ឋ ហ្វ្លរីដា៕

អត្ថបទ៖ សុខ សុវណ្ណ

ចុចអាន៖ ព្យុះ Milton សម្លាប់មនុស្ស ២៣នាក់នៅអាមេរិក និងអាចខាតបង់សេដ្ឋកិច្ចដល់ ១៦០ពាន់លានដុល្លារ