​បរិមាណនៃការវិនិយោគដ៏ច្រើននេះ ឆ្លុះបញ្ចាំងពី​កិច្ចខិតខំប្រឹងប្រែងរួមគ្នាដើម្បីទាញយកភាពល្បីល្បាញរបស់​ថៃ ដែលជាទិសដៅផលិតកម្មសម្រាប់ប្រព័ន្ធផ្សព្វផ្សាយពិភពលោក ចំពេលដែល​ភាពយន្តថៃក៏ល្បីនៅលើវេទិការបស់ Netflix។ តាមការចុះផ្សាយរបស់កាសែត The Nation សន្ទុះនៃការគាំទ្រភាពយន្តថៃ ធ្វើឱ្យចំនួននៃការចូលមើលមាតិកា ឬភាពយន្តថៃកើនឡើងរហូតដល់ទៅ ៧៥០ លាន​ម៉ោង គិតតែក្នុងឆ្នាំនេះ។

មែនទែនទៅ ការវិនិយោគរបស់ក្រុមហ៊ុន Netflix គាំទ្រយុទ្ធសាស្រ្តជាតិរបស់​ថៃ ​ដែល​កំណត់គោលដៅបង្កើតប្រាក់ចំណូល ៤ ទ្រីលាន​បាត និងការងារចំនួន ២០ លាន តាមរយៈ «សេដ្ឋកិច្ចថ្នៃប្រឌិត» ដែលរួមបញ្ចូលទាំងផលិតកម្មភាព​យន្ត និងវប្បធម៌ ដើម្បីជំរុញកំណើនសេដ្ឋកិច្ច។​ កន្លងមក រដ្ឋាភិបាលថៃបាន​លើកឡើងពីការយកប្រទេសកូរ៉េខាងត្បូងជាគំរូ ដោយ​ទាញយកប្រយោជន៍សេដ្ឋកិច្ចពី «ថាមពលទន់»​។

​ជាក់ស្ដែង ​យុទ្ធសាស្រ្តសម្រាប់វិស័យភាពយន្តថៃ បានទាក់ទាញផលិតកម្មបរទេសជាង ៤ ៦០០ ចាប់តាំងពីឆ្នាំ ២០១៦ ​ដោយរកចំណូលបានជាង ១ ​ប៊ីលានដុល្លារ (៣៣ ​ប៊ីលានបាត) ជាតម្លៃ។

បច្ចុប្បន្ន ក្រៅតែពីក្រុមហ៊ុន Netflix គេឃើញមាន​ក្រុមហ៊ុនអន្តរជាតិ​សំខាន់ៗផ្សេងៗទៀត ដែល​បោះទុនវិនិយោគ ឬមកផលិតភាពយន្ត​នៅថៃ ដូចជា HBO, Universal, FX, Warner Bros, និង iQiyi ជាដើម៕

​

The post Netflix វិនិយោគរាប់រយលានដុល្លារនៅថៃ ដើម្បី​ឱ្យ​ប្រទេសនេះក្លាយជាមជ្ឈមណ្ឌលមាតិកាអាស៊ី appeared first on Kampuchea Thmey Daily.

ភាពយន្ត​ខ្នាត​ធំ “ផ្ទះជួលបូជាព្រលឹងឬHome For Ren” ផលិតដោយ Widescreen Film និង N8 Studio ចែកចាយ ដោយ GDH 559 ដឹកនាំដោយលោក Sophon Sakdapisit ព្រមទាំង​សម្តែង​ដោយតារាស្រី Nittha Jirayungyurn,Weir Sukollawat និងតារាស្រីជើងចាស់ Penpak Sirikul ដែលចាក់​បញ្ចាំង​លើក​ដំបូង​កាលពី​នៅថ្ងៃទី ០៦ខែមេសា ឆ្នាំ ២០២៣ ។

សាច់រឿងបែបលងបន្លាចមួយនេះ និយាយអំពីគូស្វាមីមួយគូដែល​ជួល​ផ្ទះ​គេ។ ប្រពន្ធរបស់តួប្រុស Gavin (Weir ) ដឹងថាអ្នកជួលរបស់ពួកគេ​កំពុងលាក់អ្វីមួយ ក្រោយប្តីរបស់នាងមាន​អាកប្បកិរិយា​ចម្លែកៗ មើល​ទៅ​មាន​អាថ៌កំបាំង ចូលចិត្ត​បាត់​ខ្លួននៅម៉ោង​៤​ទៀបភ្លឺ ហើយ​មាន​ស្នាម​សាក់​រាង​ត្រីកោណ ដែលជាស្នាមសាក់ដូចគ្នាដែលអ្នកជួលមាន។ នៅពេលដែល Gavin ចាប់ផ្តើមចម្លែក Ning ចាប់​ផ្តើម​ឃើញ​គ្រោះ​ថ្នាក់ ហើយនាងហ៊ានធ្វើ​ធ្វើ​អ្វី​គ្រប់​យ៉ាង​ដើម្បី​ការពារ​កូន​ស្រី​របស់​នាង​ពី​សាសនា​ចម្លែក​នេះ៕

ប្រែសម្រួល៖​ សាង​ ស្រីល័ក្ខ

ចុចអាន៖អាការតារាកំប្លែងថៃ Mum ក្រោយបាក់ឆ្អឹងជំនី ដោយសាររអិលជើងពេលលេងទឹកថ្ងៃបុណ្យចូលឆ្នាំថ្មី

ចុចអាន៖លើកទីមួយ Bella ហ៊ានបញ្ចេញឈុតសិចស៊ីលេចដើមទ្រូង

The post ត្រឹម ៦ ថ្ងៃ ភាពយន្ត “ផ្ទះជួលបូជាព្រលឹង” របស់ Weir-Mew រកចំណូលរាប់លានដុល្លារ appeared first on Kampuchea Thmey Daily.

ទន្ទឹមនោះ គ្រប់​រឿងភាគរបស់ Bella បានធ្វើឲ្យទស្សនិកជន​សរសើរព្រាត ​ស្របពេលដែល​នាង​ក៏​ដណ្តើម​បាន​ការ​ចាប់​អារម្មណ៍​យ៉ាង​ខ្លាំង ក៏ដូចជាក្លាយជា​តួឯក​ស្រីប្រចាំស្ថានីយទូរទស្សន៍ប៉ុស្តិ៍លេខ៣ ដែល​មិ​នថា​សម្តែង​ប៉ុន្មាន​រឿង នាង​មិនដែលធ្វើ​ឲ្យ​មហាជន​ខក​បំណង​ឡើយ។

Bella Ranee ជា​តារា​សម្ដែង​ដែល​មាន​ជំនាញ​សម្ដែង​ខ្លាំង។ នាងចាប់ផ្តើមអាជីពសម្តែងដោយសម្តែងជាតួអាក្រក់ក្នុងរឿង “My True Friend” រហូតមកដល់ពេលនេះនាងបានក្លាយជាតួឯកស្រីជួរមុខរបស់ប៉ុស្តិ៍លេខ៣ ហើយរឿងនីមួយៗរបស់នាងបានទទួលការវាយតម្លៃខ្ពស់ខ្លាំងមិនធម្មតាឡើយ។

១ Porn Prom Onlaweng

ក្នុងរឿងភាគទី១ “Porn Prom Onlaweng” ជាមួយតួប្រុស Boy Pakorn កាលពីឆ្នាំ២០១៣ ដោយនាង​ដើរជាតួស្រី​ម្នាក់​ជួប​ឧបទ្ទវហេតុ ត្រូវ​ប្តូរ​រាងកាយ​ជាមួយ​ក្មេង​ស្រីដែល​មាន​រាងកាយ​ទន់ខ្សោយ។ នេះ​ជា​ស្នាដៃ​ដំបូង​ក្នុង​នាម​តួ​ឯក​ដែល​ធ្វើឲ្យ​នាង​មាន​គេ​ស្គាល់​តែ​ក៏​មិន​ល្បីល្បាញ​ខ្លាំង​នោះ​ទេ។ ទោះយ៉ាងណា ការវាយតម្លៃក្នុងភាគយន្តនេះវគ្គចុងក្រោយគឺ ១២.០ សម្រាប់ការវាយតម្លៃសរុប ៨.៧៧ ។

២ សុភាពបុរស Puttipat

រឿងភាគដែលមានចំណងជើង​ថា សុភាពបុរស Puttipat ជា​រឿង​ដែល​បង្កើត​ឈ្មោះ​ឲ្យ Bella កាន់​តែ​មាន​គេ​ស្គាល់​លើស​មុន។ ក្នុងសាច់រឿងមួយនេះ​នាងត្រូវ​តួ​ឈ្មោះ កង កែវ​ ដែល​ក្រោយមកក្លាយជាបវរកញ្ញាប្រចាំ​ស្យាម។ James Jirayu ដែល​ជាតួឯកប្រុស​បាន​តាម​ជួយ​នាងរហូតជាប់ឈ្មោះគូស្វាមីភរិយា​។ មិនត្រឹមប៉ុណ្ណឹង ​នាពេលនោះ “សុភាពបុរស Puttipat” ទទួលបានការ​វាយតម្លៃសរុបរហូតដល់ ៩.០៨ ឯណោះ។

៣​ Padiwaradda

ដោយសារតែគូនេះធ្លាប់ទទួលបានភាពល្បីល្បាញ Bella និង James Jirayu​ បាន​ក្លាយ​ជា​គូស្នេហ៍​ក្នុង​រឿង​ភាគ​ថ្មី ដែលមានចំណងជើងថា​ “Padiwaradda ​​ឬ ភរិយាបណ្ដូលចិត្ត” ។​ ទោះបីជាការវាយតម្លៃត្រូវបានចាប់ផ្តើមដំបូងមិនខ្លាំងក្លា ប៉ុន្តែសាច់រឿងនេះបានផ្តល់នូវការយល់ដឹងអំពីសីលធម៌អំពីជីវិតអាពាហ៍ពិពាហ៍ រហូតទទួលការវាយតម្លៃភាគចុងក្រោយគឺ ៨.៩ ។

៤ Plerng Boon

“Plerng Boon ឬ ភ្លើងបុណ្យ” គឺជាសាច់រឿងដ៏ល្អឯកនិង​ល្បីនាចុងឆ្នាំ២០១៧ ដែលធ្វើឲ្យអ្នកលេងបណ្ដាញសង្គមក្តៅគគុកជាមួយ Jai Rueng សម្ដែងដោយ Janie Tianphosuwan ដែលដើរតួជាមិត្តឫស្សាហ៊ានដណ្ដើមសូម្បីស្វាមីមិត្តខ្លួនឯង។ យ៉ាងណាមិញ Bella បានដើរតួជាមនុស្សស្រីសុភាពរាបសា មានចិត្តបុណ្យ ទើបធ្វើឲ្យរឿងនេះ ត្រូវបានពិភាក្សាយ៉ាងទូលំទូលាយនៅក្នុងប្រព័ន្ធផ្សព្វផ្សាយសង្គម។ លើសពីនេះ ការវាយតម្លៃសរុបគឺខ្ពស់ដល់ទៅ ៨.៩ ដែលជារឿងមានអត្រាខ្ពស់បំផុតរបស់ប៉ុស្តិ៍លេខ ៣ ក្នុងឆ្នាំ ២០១៧។

៥ Love Destiny

Love Destiny​ ឬ បុព្វេសន្និវាស រឿង​ដែល​បាន​ក្លាយ​ជា​ស្នាដៃ​របស់ Bella និងជាសាច់រឿងល្បីប្រចាំឆ្នាំ ២០២៨ ខណៈនាងសម្ដែងរួមជាមួយ Thanavat Vatthanaputi។ ទោះយ៉ាងណា រឿងបុព្វេសន្និវាស បានបង្កើត​និន្នាការ​ស្លៀក​សំលៀកបំពាក់​បុរាណ តួសម្តែង និងរឿងភាគ ទទួលបានចំណាត់ថ្នាក់ និងពានរង្វាន់ ជាមួយនឹងការវាយតម្លៃខ្ពស់បំផុតនៃឆ្នាំ ១៨.៦ បង្កើតប្រវត្តិសាស្ត្រនៃរឿងភាគដែលមានអត្រាខ្ពស់បំផុតក្នុងរយៈពេលជាច្រើនឆ្នាំ។ ភាពល្បីល្បាញនៃរឿងនេះ បានធ្វើឲ្យមានរឿងភាគបន្ត សម្ដែងដោយ Pope-Bella ហើយក៏ជាភាពយន្តរកចំណូលបានច្រើនផងដែរ។

៦ KrongKam

“KrongKam ឬអន្លងកម្ម” ជាវណ្ណកម្មមួយទៀតដែលធ្វើឲ្យល្បីពេញប្រទេស ដែល Bella ប្តូរតួត្រូវសម្តែងជា រ៉េនូ មនុស្សស្រីមានមុខរបរពេលរាត្រី តែក្រោយមកក៏ក្លាយជាកូនប្រសារកូនចៅចិន។ រឿងភាគមួយនេះ បានបង្ហាញពីការប៉ះទង្គិចជាមួយម្តាយក្មេក ​និង​ទំនាស់​ពាក្យ​សម្តី​គ្នា​ផ្អើល​ពេញទីក្រុង រហូតមានការវាយតម្លៃខ្ពស់រហូតដល់ ១១.១ ដែលក្លាយជារឿងដែលមានការវាយតម្លៃខ្ពស់បំផុតក្នុងឆ្នាំ ២០១៩៕

ប្រែសម្រួល៖ សាង ស្រីល័ក្ខ

ចុចអាន៖ដំណើរ​ជីវិត​របស់ Bella Ranee ពី​តួចិត្ត​ឫស្សា ក្លាយ​ជា​តារាសម្ដែង​ស្រីជួរ​មុខ

ចុចអាន៖Bella ឆ្លើយយ៉ាងមានន័យ ក្រោយត្រូវគេសួររឿងរៀបការ

The post ភាគយន្តភាគ ៦ រឿងរបស់ Bella សុទ្ធតែល្បីល្បាញ និងទទួលបានពិន្ទុខ្ពស់ខ្លាំង appeared first on Kampuchea Thmey Daily.

ទាក់ទងករណីនេះ លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ មានប្រសាសន៍ប្រាប់ “កម្ពុជាថ្មី” ថា លោកយល់ថា ដូចជាមិនដល់ថ្នាក់ សុំមិនឱ្យបញ្ចាំងភាពយន្តបរទេសនៅកម្ពុជា ពេកទេ ព្រោះធម្មតា ភាពយន្តមួយតែងមានបង្កប់ទាំងអស់ ទាំងខ្លឹមសារ រូបភាព អត្តសញ្ញាណ ប្រពៃណីជាដើម សំខាន់លើការមើលរបស់យើង យើងចេះរិះគិតពិចារណា ចេះបែងចែកនូវអ្វីដែល​ជាវប្បធម៌​របស់យើង និងអ្វីដែលជារបស់គេ។

លោក ប៉ុក បូរក្ស មានប្រសាសន៍បន្តថា៖ “ចំណុចទី២ យើងក៏មិនអាចទៅធ្វើការបិទបម្រាម មិនឱ្យគេយកមកបញ្ចាំង [នៅកម្ពុជា] ដែរ ព្រោះនៅក្នុងក្របខណ្ឌជាប្រទេសនៃសមាជិកអាស៊ាន នៅក្នុងក្រមខណ្ឌពាណិជ្ជកម្មសេរីរវាងប្រទេសសមាជិកអង្គការពាណិជ្ជកម្មពិភពលោក ចឹង (អ៊ីចឹង) ករណីហ្នឹងយើងមិនអាចធ្វើទៅបានទេ”។

ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ រូបនេះបញ្ជាក់បន្ថែមថា ជាការពិត មិនថាភាពយន្តរបស់ថៃមួយនេះទេ ភាពយន្តបរទេសដទៃផ្សេងទៀត​ក៏ត្រូវតែប៉ះពាល់​ដល់​ភាពយន្តរបស់កម្ពុជាដែរ ហើយធ្វើឱ្យយើងពិបាកប្រកួតប្រជែង​។ ជាការពិត នៅក្នុងសម័យសកលភាវូបណីកម្ម ការហូរទៅវិញទៅមកនូវឥទ្ធិពល វប្បធម៌ គឺរមែងកើតមានឡើង ជៀសមិនផុត គ្រាន់តែកើតឡើងប្រឈមប៉ុណ្ណា ហើយយើងការពារប៉ុណ្ណា។

ស្របពេលមានការគាំទ្រពីទស្សនិកជនកម្ពុជា ស្រាប់តែ ផែកមួយឈ្មោះ Fact បានសរសេរជាភាសាអង់គ្លេសនូវចំណងជើងធំៗថា÷ “ឥទ្ធិពលរបស់ថៃ លើផ្ទៃកម្ពុជា” ហើយចោទសួរថា៖ “តើឧស្សាហកម្មភាពយន្តខ្មែរ ដល់ទីអាវសាន ឬយ៉ាងណា?” និងអក្សរតូចៗសរសេរថា៖ “យុវជនខ្មែរ បានផ្សាំខ្លួនសន្សឹមៗទៅក្នុងវប្បធម៌ថៃ និងបានប្រែក្លាយខ្លួនយ៉ាងងប់ងល់ ក្នុងវប្បធម៌សៀម ដែលវានឹងអាចធ្វើឱ្យបាត់បង់ អត្តសញ្ញាណ ជាតិខ្លួន”។

ករណីនេះ លោក ប៉ុក បូរក្ស មើលឃើញថា ជាអត្ថបទពញ្ញាក់ស្មារតីដាស់សតិមួយដល់​កូនខ្មែរ ឱ្យ មានការគិតគូរការពិចារណាក្នុងការទទួលយកនៅវប្បធម៌ទាំងអស់នោះឱ្យចេះគិត បែងចែកឱ្យ ដាច់គ្នានូវអ្វីដែលជារបស់ខ្លួនឯង និងជារបស់បរទេស។

គួររម្លឹកថា កន្លងមកមានភាពយន្តបរទេសមួយចំនួនត្រូវបានហាមឃាត់ចាក់បញ្ចាំងនៅកម្ពុជា ដូចជា ង “Jigsaw” ដោយ​ហេតុតែ​រឿង​​នេះ មាន​ឈុត​ឆាក​សាហាវ​ព្រៃ​ផ្សៃពេក, រឿង “Kingsman 2” ដោយ​សារ រឿង​នេះ​បាន​យកក​ម្ពុជា​ធ្វើ​ជា​សំបុក​ភេរវករ ធ្វើ​ឲ្យ​មាន​ការ​ព្រួយ​បារម្ភ, រឿង “No Escape” និយាយ​ពី​គ្រួសារ​ជនជាតិ​អាមេរិក​មួយ​ជាប់​គាំង​ក្នុង​រដ្ឋ​ប្រហារ​មួយ ថត​នៅ​ប្រទេស​ថៃ ហើយបាន​ប្រើ​ប្រាស់​អក្សរ​ខ្មែរ​បញ្ច្រាស​ជើង, រឿង “Fifty Shades of Grey” ដោយ​សារ​តែ​សាច់​រឿង​មាន​ឈុត​ស្រើប​ស្រាលខ្លាំង​។

គួរបញ្ជាក់ថា ភាពយន្តរឿង បុព្វេសន្និវាស ដំបូងឡើយជាភាពយន្តភាគបញ្ចាំងនៅទូរទស្សន៍ថៃ បង្ហាញពីវប្បធម៌ និងប្រវត្តិសាស្ត្រថៃ ដែលមានភាពល្បីល្បាញទាំងក្នុង និងក្រៅប្រទេស ទើបផលិតករបន្តផលិតជាភាពយន្តខ្នាតធំសម្រាប់បញ្ចាំងនៅរោងភាពយន្ត។ ប្រជាពលរដ្ឋកម្ពុជា ពិសេសអ្នកស្នេហាវប្បធម៌ជាតិ មានការបារម្ភថា ភាពយន្តនេះអាចនឹងធ្វើឱ្យសាធារណជនជាតិ និងអន្តរជាតិ មានការភន្តច្រឡំពាក់ព័ន្ធផ្នែកវប្បធម៌ ខណៈថៃទើបកកើតជារដ្ឋនៅសតវត្សទី១២ ហើយមានវប្បធម៌ស្រដៀងកម្ពុជា និងថៃមានឱកាសច្រើនក្នុងការផ្សព្វផ្សាយដល់អន្តរជាតិ ពិសេសតាមរយៈសិល្បៈ និងភាពយន្ត៕

អត្ថបទ៖ ច័ន្ទ វីរៈ

The post រឿង បុព្វេសន្និវាស ២ អាចនឹងដកការចាក់បញ្ចាំងនៅកម្ពុជា ឬទេ? appeared first on Kampuchea Thmey Daily.

នៅ​ក្នុង​សំណេរ​នោះដែរ ​ផេក The Fact បាន​សរសេរ​ជា​ភាសា​អង់គ្លេស​ដែល​មាន​ន័យ​ជា​ភាសាខ្មែរ​ថា អ្នកណា​ខ្លះ​ចូលចិត្ត​រឿង​ថៃ​ច្រើន? ​លែង​ចាប់​អារម្មណ៍​រឿង​ខ្មែរ​ទៀត​ហើយ? ភាពយន្ត​ថៃ​ដែល​គេ​ទន្ទឹង​រង់ចាំ​ខ្លាំង​បំផុត​ នឹង​ចាក់​បញ្ចាំង​ក្នុង​ប្រទេស​កម្ពុជា។ នេះ​គឺ​ជា​អ្នកគាំទ្រ​ដ៏​ធំ​បំផុត​របស់តួឯកស្រីការ៉ាកេត​ និង​ឃុនភី។ ពួកគេ​ចង់​មើល​រឿង​ភាគ​ថៃ​ដ៏​ល្អឥតខ្ចោះ​នេះ ជាមួយ​នឹង​ឥទ្ធិពល​វប្បធម៌​ថៃ​មក​លើ​ខ្មែរ។

ទន្ទឹម​នោះ​ក៏​មាន​ផ្ទុះ​ការ​រិះគន់​យ៉ាង​ខ្លាំងក្លា ​ពី​សំណាក់​ប្រជាជន​កម្ពុជា ជាពិសេស​អ្នកគាំទ្រ​តែម្ដង។ ចំណែក​អ្នក​ខ្លះ​ក៏​យល់ស្រប​លើ​ខេបសិន​នេះ ដែល​មានន័យ​ចង់​ដាស់សតិ​ប្រជាជន​ខ្មែរ​ កុំ​ឲ្យ​ងប់ងុល​នឹង​ភាពយន្ត​ថៃ​ រហូត​ភ្លេច​ភាពយន្ត​ជាតិ​ខ្លួនឯង។ ប៉ុន្តែ​យ៉ាងណា ​ក៏​មាន​អ្នក​ខ្លះ ​មិនគាំទ្រ​ ហើយ​គិត​ថា​ផេក​មួយ​នេះ​ចង់​បង្អួត​កិត្តិនាម​ខ្លួន ដោយ​ថា​រាល់​ភាពយន្ត​របស់​សាសន៍​គេ​ គឺ​មាន​ឥទ្ធិពល​ខ្លាំង​មក​លើ​កម្ពុជា។

ដោយឡែកសម្រាប់ប្រជាជនថៃឯណោះ ក៏បានចូលមកតវ៉ាឆ្លើយឆ្លងនឹងប្រជាជនកម្ពុជាទៅមក បង្កើតជាប្រយោគស្របនិងមិនស្រប ដោយភាគីម្ខាងៗបញ្ចេញមតិគាំទ្រ និងកាន់ជើងវប្បធម៌​របស់ខ្លួនតែប៉ុណ្ណោះ។

យ៉ាងណាមិញ​​ ​មក​ដល់​ពេល​នេះ​ គេ​នៅ​មុន​ទាន់​ដឹង​ថា​ផេក The Fact នេះ​ជា​របស់​ប្រទេស​ណា​ឲ្យ​ពិត​ប្រាកដ​ ឬ​មាន​គោលបំណង​អ្វី​មក​លើ​ប្រជាជន​កម្ពុជា​នោះ​ទេ។ ព្រោះ​កន្លង​មក​ ផេក​មួយ​នេះ​តែង​បន្តុះបង្អាប់​សាសន៍​ខ្មែរ​ទាំង​វប្បធម៌ ​និង​ប្រពៃណី​ដ៏​ផូរផង់​របស់​កម្ពុជា​ជានិច្ច៕

អត្ថបទ៖ សាង ស្រីល័ក្ខ

ចុចអាន៖តារាថៃ ៧ រូប ត្រូវគេដាក់នាមថា មានស្ទីលស្លៀកពាក់សាមញ្ញខ្លាំង ពេលឡើងយន្តហោះ

ចុចអាន៖កាន់តែកៀកថ្ងៃចាក់បញ្ចាំងរឿង “បុព្វេសន្និវាស” វគ្គ ២ ស្រាប់តែប្រកាសពន្យារភ្លាមៗតែម្ដង

The post អ្នកគាំទ្ររិះគន់ផេកបរទេសមួយ ក្រោយសរសេរចំណងជើងធំៗថា “ប្រជាជន កម្ពុជា លែងចាប់អារម្មណ៍ភាពយន្តខ្មែរ “ appeared first on Kampuchea Thmey Daily.

GDH ប្រកាស​ពន្យារ​ពេល​ថត​ភាពយន្ត​រឿង “បុព្វេសន្និវាស” វគ្គ២ ដែល​សម្ដែង​ដោយ Pope Thanawat និង Bella Ranee ដឹកនាំ​ដោយ​លោក Pawat Panangkasri ដោយសារតែ​មូលហេតុ​ធំ គឺ​ការ​រីក​រាលដាល​នៃ​ជំងឺ​កូវីដ ហើយ​បាន​ប៉ះពាល់​ដល់​ការ​ថត រួម​ទាំង​អ្នកដឹកនាំ​រឿង តួសម្ដែង និង​បុគ្គលិក​ជា​ច្រើន​ទៀត ​ដែល​បាន​ឆ្លង​មេរោគ​នេះ រហូត​ដល់​ពួកគេ​ត្រូវ​នៅ​ផ្ទះគ្រប់ៗគ្នា។

គួរ​បញ្ជាក់​ដែរ​ថា ​កាលពីមុន​ក្រុមហ៊ុន​បុត្រ​សម្ព័ន្ធ​នៃ​កម្សាន្ត​ថៃ​នេះ ​ធ្លាប់​បាន​ប្រកាស​ថា ​រឿង​”បុព្វេសន្និវាស” វគ្គ២ នឹង​ត្រូវ​ចាក់​បញ្ចាំង​នៅ​ថ្ងៃទី ៤ ខែ​ឧសភា ឆ្នាំ ២០២២ខាងមុខ។ ប៉ុន្តែ​មិន​បាន​ប៉ុន្មាន​ផង​ ក្រុមហ៊ុន​ក៏​ចេញ​មុខ​ប្រកាស​ម្ដង​ទៀត​ថា​ ត្រូវ​ផ្អាក​ខ្សែភាពយន្ត​ដ៏​ល្បី​នេះ​ ដោយ​មិន​កំណត់​ពេល​ទៅ​វិញ៕

ប្រែសម្រួល៖ សាង ស្រីល័ក្ខ

ចុចអាន៖តារាស្រី ថៃ ១០ រូប មានអ្នកតាមដានច្រើនជាងគេបំផុតលើ Instagram​ នាឆ្នាំនេះ

ចុចអាន៖Bella Ranee តារាសម្ដែង ថៃ ជាប់ឈ្មោះ Queen នៃពាណិជ្ជកម្មច្រើនជាងគេក្នុងឆ្នាំនេះ

The post កាន់តែកៀកថ្ងៃចាក់បញ្ចាំងរឿង “បុព្វេសន្និវាស” វគ្គ ២ ស្រាប់តែប្រកាសពន្យារភ្លាមៗតែម្ដង appeared first on Kampuchea Thmey Daily.

ក្រោយ​តួស្រីទៅ​ដល់​ទីនោះ​ភ្លាម​ រឿងរ៉ាវ​អាក្រក់​បាន​កើតឡើង ក្នុងគ្រួសារ​រាជវង្ស និង​អាថ៌កំបាំង​ជា​ច្រើន​ត្រូវ​តស៊ូ​ ដើម្បី​ក្ដី​ស្រលាញ់​របស់​ប្អូនស្រី។​ អាច​និយាយ​បាន​ថារឿង Sinaeha Saree បានបញ្ជាក់ពីតួអង្គម្នាក់ៗ មានតួនាទីលះបង់ និងធ្វើដើម្បីនរណាម្នាក់ ឬមនុស្សដែលគេស្រលាញ់។

១ Nuan Nua Kaew (Baifern Pimchanok)

នាង​គឺ​ជាស្រ្តីជនជាតិថៃ ដែលត្រូវបានគេព្យាករណ៍​ថា អាច​ជួយ​ស្រាយ​អាថ៌កំបាំង​នៃនគរ Mantrapura ។ ហេតុអ្វី Nuan Nua Kaew ត្រូវ​តស៊ូ​ជំនះ​ឧបសគ្គ​ជាច្រើន? ទោះយ៉ាងណា ជា​សំណាងល្អ​ ​ដែល Nuan Nua Kaew មានព្រះអង្គម្ចាស់ ​Kirich​ (Shahn) មក​ជួយជ្រោមជ្រែង និងតាមការពារនាងជាប់រហូត។

២ ​Nilpit (Richyoranate)

នារីវ័យក្មេង​ស្លូតត្រង់​ តែមានភាព​រឹងមាំ​ចេញពី​ក្នុងខ្លួន​របស់នាង។ នាង​ត្រូវ​ប្រយុទ្ធ​តស៊ូ​ លះបង់ ​ដើម្បី​ស្នេហាក្នុងគ្រា​ដែល​ប្រទេស​កំពុងជួបបញ្ហា។ Nilpit ជានារី​ម្នាក់ ​មក​ពី​ប្រទេស​ថៃ ​និង​បាន​​ជួប​ស្នេហា​ជាមួយ​បុរស​ម្នាក់​ ហើយ​យល់ព្រម​រៀបការ ផ្ទុយ​ទៅ​វិញ ​រឿង​នេះ​មិន​ងាយ​ស្រួល​ប៉ុន្មាន​ទេ។ នៅពេលដែលមនុស្សដែល​នាង​ស្រឡាញ់​ គឺ​ជា​ព្រះអង្គ​ម្ចាស់​ដែល​ត្រូវ​មាន​ភារកិច្ច​ផ្សេង​ទៀត ​ដែល​សំខាន់​ជាង។ នោះ​គឺ​ជាប្រទេស ហើយ​ត្រូវ​ជួប​ឧបសគ្គ​ជា​ច្រើន ពោល​គឺ​រាជវង្ស​មិន​ពេញ​ចិត្ត​ដោយ​សារ​ឋានៈ​មិន​សក្ដិសម​ នឹង​ព្រះអង្គម្ចាស់។

៣ Maharanee Sasipraphai (Mam Cattleya)

ជា​ស្ត្រី​ពោរពេញ​ដោយ​ថាមពល លើក​តម្កើង​សេចក្ដី​ថ្លៃថ្នូរ​របស់​រាជវង្ស មិន​ចេះ​ចុះញ៉ម​នឹង​អ្នកណា​។ នាង​តស៊ូ​ និង​មាន​ហេតុ​ផល​ក្នុង​ការ​ប្រយុទ្ធ​ ដើម្បី​ស្ថិរភាព​រាជវង្ស​របស់​ប្រទេស​ខ្លួន។

៤ Sawitree (Lily Panthila)

ស្ត្រី​វ័យក្មេង​ម្នាក់ ​ដែល​ធំ​ឡើង​ដោយ​មាន​ជំនឿ​ថា ​ថ្ងៃណាមួយនាងនឹងក្លាយជា​ផ្នែក​មួយ​នៃ​រាជវង្ស Mantrapura ​ ។ ដូច្នេះ​នាង​បាន​ប្រកាន់​ខ្ជាប់​នូវ​សេចក្ដី​ថ្លៃថ្នូរ មាន​មហិច្ឆតា​ខ្ពស់​ បើ​ទោះបី​ជា​ត្រូវ​ស្លាប់​ដើម្បី​តំណែង​ក្ដី។

៥ Rajamatasrita (Pim Phimphan)

មហា​រាជិនី​ ដែល​គ្រប់គ្នា​គោរពនិងលើកតម្កើង តែផ្ទុយទៅវិញ​ ទ្រង់បាន​​បាត់ខ្លួន​ក្នុង​ពេល​ប្រយុទ្ធ​ជាមួយ​អង់គ្លេស ​នៅ​ក្នុង​ព្រៃ​អាថ៌កំបាំង។ តួនាទីដ៏​មាន​ឥទ្ធិពល​នៅក្នុងរឿង Sinaeha Saree គឺទ្រង់​ត្រូវ​រក្សា​អាថ៌កំបាំង​ នៃ​កំណប់​ទ្រព្យ​ដ៏​មាន​តម្លៃរបស់ Mantrapura បើទោះបីជាត្រូវស្លាប់ជីវិតក្ដី៕

ប្រែសម្រួល៖ សាង ស្រីល័ក្ខ

ចុចអាន៖ជាង ១២ ឆ្នាំក្នុងវិថីសិល្បៈ Baifern សម្រេចបំណង សង់ផ្ទះតម្លៃជាង ៨០លានបាត

ចុចអាន៖រាលដាលសាជាថ្មី! តួឯកប្រុសក្នុងរឿង ” ល្បែងបំណងប្រាថ្នា” ​ប្រកាសឆ្លងកូវីដ

The post តួអង្គស្រី ៥ រូប ល្បីល្បាញខ្លាំង ដោយសារតែហ៊ានលះបង់ជីវិត​ ក្នុងរឿង «Sinaeha Saree» appeared first on Kampuchea Thmey Daily.

មូលហេតុទី ១៖ ដែលតារាស្រីថៃភាគច្រើនចង់សម្តែងជាតួអង្គកូនភ្លោះក្នុងរឿងភាគ ព្រោះពួកគេអាចបង្ហាញទេព​កោសល្យ​ស​ម្ដែ​ង​​បែបថ្មីរបស់ពួកគេមួយកម្រិតទៀតដល់ទស្សនិកជនបានទស្សនាយ៉ាងជក់ចិត្ត។

សម្រាប់ហេតុផលទី ២៖ តួអង្គដែលមានអត្តចរិតពីរខុសគ្នាក្នុងរឿងភាគតែមួយ គឺជាប្រភេទតួអង្គដែល​ពួកគេមិនធ្លាប់បាន​សម្ដែង​ពី​មុន។

ចំពោះហេតុផលទី ៣៖ ព្រោះ ប្រភេទតួអង្គ តម្រូវឱ្យសម្ដែងជាមនុស្សពីរនាក់ក្នុងអត្តចរិតខុសគ្នាបែបនេះ ភាគច្រើនទទួល​បានការ​ឆ្លៀត​តបល្អៗពីទស្សនិកជន។

ជាក់ស្ដែង នៅឆ្នាំ ២០១៩ Yaya Urassaya និង Min Pechaya បានដើរតួអង្គមានអត្តចរិតពីរផ្សេងគ្នា នៅក្នុងរឿង «Klin Kas​a​lo​ng» ​និង «Song Naree» រឿងភាគទាំងពីរនេះទទួលបានការគាំទ្រយ៉ាងខ្លាំងពីទស្សនិកជន៕

អត្ថបទផ្ដល់សិទ្ធិ៖ Poraman

ចុចអាន៖ តារាស្រីថៃ ១១ដួង ដែលមានទម្រង់មុខស្តង់ដា ដោយមិនធ្លាប់ឆ្លងកាត់មុខកាំបិតសូម្បីម្ដង

ចុចអាន៖ សាយ ប្រកាសសកម្មភាពបំផុសស្មារតីមហាជនខ្មែរឱ្យថែរក្សា និងស្រលាញ់វប្បធម៌ជាតិ

The post ដោយ​សារ ​៣ ​ចំណុច​នេះ ​បណ្តាលឱ្យ​តារាស្រី​ថៃ​ភាគ​ច្រើន ​ចង់សម្ដែង​ជាតួ​កូនភ្លោះ​ appeared first on Kampuchea Thmey Daily.