ជីវិតកម្សាន្ដ

តារាថៃ ៧ រូប ត្រូវគេដាក់នាមថា មានស្ទីលស្លៀកពាក់សាមញ្ញខ្លាំង ពេលឡើងយន្តហោះ

បានផុស

៣ years មុន

នៅ

ថ្ងៃចន្ទ ១ សីហា ២០២២

ដោយ

តារាថៃ ៧ ដួងនេះ ត្រូវមហាជនដាក់នាមថា តែងមានម៉ូដស្លៀកពាក់ដ៏សាមញ្ញបំផុតសម្រាប់ខ្លួនឯង នៅពេលដែលពួកគេធ្វើដំណើរតាមផ្លូវអាកាស។ ទន្ទឹមនោះ សូម្បីតែអ្នកគាំទ្រ ក្រោយបានឃើញហើយក៏ពោលពាក្យសរសើរ និងនិយាយថា ពួកគេស្លៀកពាក់ដើម្បីងាយស្រួលបត់បែន នៅពេលអង្គុយលើកៅអីយន្តហោះ។

យ៉ាងណាមិញ ក្រៅពីមានផាសុកភាព និងអាចបត់បែនបាន សក្ដិសមសម្រាប់ការធ្វើដំណើររយៈពេលយូរ វាក៏ធ្វើឲ្យមើលទៅល្អ ថតរូបស្អាតៗ ជាពិសេសនៅពេលពួកគេជួបអ្នកគាំទ្រជាច្រើនផងដែរ។

១ Kubgib Sumonthip

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីមាឌល្អិតនេះ តែងនិយមស្លៀកខោពណ៌ស និងមានអាវពណ៌សក្រាស់ ដើម្បីការពារអាកាសធាតុត្រជាក់លើយន្តហោះ។ Kubgib ក៏បន្ថែមជាមួយស្បែកជើងប៉ាតាពណ៌សរូបរាងបែបកីឡា ដើម្បីងាយស្រួលធ្វើចលនាផងដែរ។

២ Mai Davika

តារាស្រីចង្កេះតូចនេះ បានពាក់អាវដៃវែងពណ៌លឿង ជាមួយនឹងសំពត់ប៉ាក់ពណ៌ទឹកក្រូចលឿង ដែលមើលទៅមានផាសុកភាព និងមានភាពរលូន ជាមួយស្បែកជើង Katsu ដើម្បីងាយស្រួលបត់បែន។ នេះក៏ជាស្ទីលមួយសាមញ្ញបំផុតសម្រាប់នាង នៅពេលដែលត្រៀមឡើងយន្តហោះផងដែរ។

៣ Kimberley

តារាស្រីកូនកាត់ពីរសាសន៍នេះ ស្លៀកឈុតពណ៌ប្រផេះរលុង ជាមួយនឹងស្បែកជើងរាបស្មើពណ៌ប្រផេះដូចគ្នា។ ឈុតនេះមើលទៅដូចជាការប្រកួតដ៏ល្អឥតខ្ចោះ សម្រាប់នាង ក្នុងការត្រៀមដេកលើយន្តហោះដ៏សែនយូរ។

៤ Sakolrat Woraurai

នាងពាក់អាវប៉ាក់ពណ៌លឿងខ្លី ជាមួយខោជើងវែងផ្កាពណ៌ខៀវ និងស្បែកជើងប៉ាតាពណ៌សទាន់សម័យ មើលទៅមានផាសុកភាពណាស់។

៥ Achiraya Nitibhon

តារាស្រីក្មេងវ័យនេះ មានស្ទីលស្លៀកពាក់ជារបស់ខ្លួនជានិច្ច។ នៅពេលឡើងយន្តហោះ នាងតែងពាក់អាវយឺតដៃវែងកអាវធំ ជាមួយខោខូវប៊យធំ។

៦ Bella Ranee

តួឯកស្រីក្នុងរឿង “បុព្វេសន្និវាស” នេះ ក៏មានស្ទីលស្លៀកពាក់ដ៏សាមញ្ញជារបស់ខ្លួន ក្នុងការឡើងយន្តហោះដែរ។ នាងតែងនិយមពាក់អាវយឺតដៃវែង និងខោខ្មៅរលុងៗ ដើម្បីងាយបត់បែនលើយន្តហោះ។ ជាពិសេស Bella ក៏មិនភ្លេចពាក់ស្បែកជើងប៉ាត់តា ពណ៌សផងដែរ។

៧ Aum Patcharapa

តារាស្រីអាយុច្រើនមុខក្មេងនេះ តែងតែស្លៀកឈុតសាមញ្ញ ដូចត្រៀមខ្លួនចូលគេងជាមួយអាវយឺតស និងខោជើងធំ។ ឈុតនេះគឺល្អឥតខ្ចោះ សម្រាប់ការសម្រាកនៅលើយន្តហោះនៃពេលដ៏យូរ។

ទោះបីជាមនុស្សម្នាក់ៗមានស្ទីលស្លៀកពាក់ខុសគ្នាក៏ដោយ។ ប៉ុន្តែម៉ូដរបស់តារាល្បីថៃ តែងសង្កត់ធ្ងន់លើផាសុកភាព និងការបត់បែនងាយ ដើម្បីត្រៀមគេងលើយន្តហោះ ហើយស្រីៗអាចសាកយកគំនិតទាំងនេះ មកស្លៀកពាក់បានដូចគ្នា៕

ប្រែសម្រួល៖ សាង ស្រីល័ក្ខ

ចុចអាន៖Bella ឆ្លើយទាំងធូរចិត្ត ក្រោយអ្នកសារព័ត៌មានជជីកសួរម្ដងទៀត រឿងអតីតមិត្តប្រុស Weir (មានវីដេអូ)

ចុចអាន៖បើកឆាកថ្ងៃដំបូង រឿង”បុព្វេសន្និវាស”វគ្គ ២ កើបលុយដល់ទៅខ្ទង់លានដុល្លារ