ជីវិតកម្សាន្ដ

ជាង ១២ ឆ្នាំក្នុងវិថីសិល្បៈ Baifern សម្រេចបំណង សង់ផ្ទះតម្លៃជាង ៨០លានបាត

បានផុស

៤ years មុន

នៅ

ថ្ងៃពុធ ២៣ កុម្ភៈ ២០២២

ដោយ

សាង ស្រីល័ក្ខ

Baifern Pimchanok នៅពេលនេះដែរ នាងគឺជាតារាស្រីលេខមួយ ក្នុងវិស័យសិល្បៈថៃ ដែលមនុស្សជាច្រើន ប្រាថ្នាចង់ធ្វើការជាមួយ។

ក្រៅពីមានសម្រស់ស្រស់ស្អាត និងមានទេពកោសល្យខ្លាំងពូកែហើយ នាងក៏មានស្បែកសស្អាត ស៊ីជាមួយទម្រង់មុខពីធម្មជាតិ អាចហៅបានថា ជាបេះដូងរបស់អ្នកគាំទ្រជាច្រើនផងដែរ។

ជាង ១២ឆ្នាំរបស់តារារូបនេះ ដែលបានធ្វើការនៅក្នុងឧស្សាហកម្មកម្សាន្តសិល្បៈថៃ ហើយក្ដីស្រមៃមួយទៀត គឺជាកាដូដ៏ធំមួយ នោះគឺការសង់ផ្ទះដ៏ធំដ៏ស្រស់ស្អាតសម្រាប់ខ្លួនឯង និងក្រុមគ្រួសាររបស់នាង ឲ្យរស់នៅប្រកបដោយសុភមង្គល។ Baifern បាននិយាយថា នាងមានសុបិនចង់បានទ្វារដែលមានរាងកោង ដែលសព្វថ្ងៃនេះ ទ្វារកោងដ៏ស្រស់ស្អាតបានប្រែក្លាយដូចបំណងហើយ។

នៅក្នុងកម្មវិធី FERNZONE តារាសម្ដែងមុខស្រស់រូបនេះ បានបង្ហាញពីផ្ទះថ្មីតម្លៃជាង ៨០លានបាត ដែលជិតរួចរាល់ហើយនិងមានរូបរាងច្បាស់លាស់ នៃគ្រប់ជ្រុង លើផ្ទៃដីជាង ៣០០ ម៉ែត្រការ៉េ ។

Baifern ក៏បាននិយាយផងដែរថា ជីវិតការងាររបស់នាងទាំងមូល គឺនៅក្នុងខុនដូ បន្ទប់មិនធំទេ។ ម្ដងម្កាលនាងត្រូវវិលត្រឡប់មកផ្ទះវិញ ដើម្បីជួបឪពុកម្ដាយ។ ផ្ទះនេះគឺជាមោទនភាពនៃជីវិតរបស់ខ្ញុំ។ ការសន្សំទាំងអស់ដែលមិនធ្លាប់ចំណាយលើរបស់ប្រណីត ត្រូវបានបន្ថែមទៅផ្ទះដ៏ស្រស់ស្អាតនេះ។