ជីវិតកម្សាន្ដ

Bella ឆ្លើយយ៉ាងមានន័យ ក្រោយត្រូវគេសួររឿងរៀបការ

បានផុស

៣ years មុន

នៅ

ថ្ងៃចន្ទ ២៧ កុម្ភៈ ២០២៣

ដោយ

តារាស្រី Bella Ranee កាលពីថ្មីៗនេះនាងបានបើកទម្លាយបញ្ហាបេះដូងក្នុងកម្មវិធី WOODY FM អំពីជីវិតការងារនិងស្នេហាថ្ងៃអនាគតថា នាងនឹងជ្រើសយកស្នេហាបែបណា ក្រោយបរាជ័យកាលលើកមុន។

ត្បិតថាខ្លួនកំពុងស្ថិតក្នុងកម្មវិធី តែយ៉ាងណា Bella ក៏បាននិយាយថា កាលពីមុននាងជាមនុស្សដែលមិនមានទំនុកចិត្តលើខ្លួនឯងសោះ។ នាងគឺជាមនុស្សម្នាក់ដែលគិតច្រើន។ វាហាក់បីដូចជាគុណវិបត្តិមួយ ប៉ុន្តែក្នុងការគិតច្រើន នោះគឺជាគុណសម្បត្តិមួយដែលធ្វើឲ្យនាងកាន់តែលម្អិតលើជីវិតជាងមុន។ នៅចុងបញ្ចប់នៃកម្មវិធី ពិធីករប្រុស Woody បានសួរអំពីអនាគតអាពាហ៍ពិពាហ៍របស់ Bella ថា តើនាងនឹងជ្រើសយកស្នេហារបៀបម៉េចនាថ្ងៃខាងមុខ?

តារាសម្ដែង Bella បាននិយាយថា រឿងរៀបការ? ប៉ុន្តែប្រសិនបើ Belle បានរៀបការនោះ វាជារឿងសាមញ្ញណាស់។ ត្រូវតែជាអ្នកដែលស្រួលក្នុងការងារនិងការស្រលាញ់ទន្ទឹមគ្នា។ ឥឡូវយើងជ្រើសរើសការងារសិន! ប៉ុន្តែបើថ្ងៃណាមួយយើងមានស្នេហា និងការងារតំណាលគ្នា ប្រហែលជាត្រូវមានតុល្យភាព។ កុំចោលការងារព្រោះតែស្នេហា ដូច្នេះអ្នកទាំងពីរត្រូវមានតុល្យភាពស្មើគ្នា ទើបអាចដើរទៅមុខព្រមគ្នាបាន។

យ៉ាងណាមិញក្រោយនាងផ្ដល់ចម្លើយដ៏សមស្រប និងមានអត្ថន័យ ពិធីករប្រុសដដែលក៏បានងក់ក្បាលទទួលថា Bella ពិតជាស្រលាញ់ការងារខ្លាំង រហូតពេលខ្លះភ្លេចគិតពីខ្លួនឯងថែមទៀតផង! ទោះមកដល់ពេលនេះ នាងនៅទំនេរគ្មានគូគាប់ទ្រនាប់ចិត្ត ប៉ុន្តែសម្រស់របស់នាងកាន់ស្រស់ស្អាតពីមួយថ្ងៃទៅមួយថ្ងៃ ខណៈការងារក្នុងវិស័យសិល្បៈ ក៏កាន់តែមមាញឹកខ្លាំងថែមទៀត៕