នៅក្នុងខែកក្កដា ឆ្នាំ២០២១ កន្លងទៅនេះ TCC បានជ្រើសរើសម៉ាសចំនួន ៦០ ម៉ាកដោយចៃដន្យសម្រាប់ការធ្វើតេស្ត។ ពួកគេបានដាក់បញ្ចូលម៉ាសធម្មតាចំនួន ១៤ម៉ាក របាំងវះកាត់ចំនួន ២៧ម៉ាក និងម៉ាស N95 ចំនួន ១៩ម៉ាក។ ម៉ាសទាំងអស់ត្រូវបានធ្វើតេស្តលើភាពជ្រាបចូលខ្យល់ ភាពខុសគ្នានៃសម្ពាធ និងប្រសិទ្ធភាពតម្រង 0.១ មីក្រូ និង ០.៣ មីក្រូ។

យោងតាមប្រសាសន៍លោកវេជ្ជបណ្ឌិត Paiboon Choungthong មកពី TCC បានឱ្យដឹងថា មានម៉ាសតែ ៣ ក្នុងចំណោម ១៤ ម៉ាសប៉ុណ្ណោះ ដែលបំពេញបានតាមស្តង់ដារដែលត្រូវការ។ ម៉ាសទាំង ៣ម៉ាកនោះមានដូចជា LOC, Medicare Plus និង Iris Ohyama ។

ចំពោះម៉ាសម៉ាក Iris Ohyama ខ្វះនូវគុណភាពតម្រង ខណៈការធ្វើតេស្តបង្ហាញថា វាមានប្រសិទ្ធភាព ៩៧.៤៧% ផ្ទុយទៅនឹងការអះអាងដែលថាវាមានប្រសិទ្ធភាព ៩៩%។

ក្រៅពីនោះ ក្នុងចំណោមរបាំងវះកាត់ចំនួន ២៧ម៉ាកដែលបានសាកល្បង មានតែ ៣ ប៉ុណ្ណោះដែលបំពេញតាមស្តង់ដារគ្រប់គ្រាន់។ ម៉ាក​យីហោ​ទាំង​នោះ​គឺ Nam Ah, Double A Care និង TCH។

ទន្ទឹមនឹងនេះ ក្នុងចំណោមម៉ាស N95 ចំនួន ១៩ម៉ាក មានតែ ៧ម៉ាកទេដែលបានឆ្លងកាត់ការធ្វើតេស្តស្ដង់ដារត្រឹមត្រូវដែលវារួមមាន Minicare, Snake Brand, One Care, 3M, Welcare Black Edition, Ease Mask Zero, និង Pharmatex ។

TCC និយាយថា ការត្រួតពិនិត្យគុណភាពម៉ាស នឹងជួយសាធារណជនក្នុងការទិញផលិតផលមានស្ដង់ដារខ្ពស់។ ​ប៉ុន្តែតាមរយៈការត្រួតនិត្យនិងការធ្វើតេស្ត បង្ហាញយ៉ាងច្បាស់ថា ម៉ាសភាគច្រើនដែលកំពុងចរាចរណ៍នៅ ថៃ មិនត្រូវតាមស្ដង់ដារពេញលេញឡើយ៕

ប្រែសម្រួល៖ សន្យា

ចុចអាន៖ WHO ព្រមានថា បម្រាមធ្វើដំណើរ មិនអាចបញ្ឈប់ការរីករាលដាលនៃវីរុសបំប្លែងខ្លួន Omicron បានទេ

The post ម៉ាសដាក់លក់នៅ ថៃ ភាគច្រើនមិនត្រូវតាមស្តង់ដារ appeared first on Kampuchea Thmey Daily.

មជ្ឈមណ្ឌលត្រួតពិនិត្យនិងបង្ការជំងឺ (CDC) បានធ្វើការប្រកាសនេះ កាលពីថ្ងៃអង្គារ ដោយលើកឡើងពីការរីករាលដាលនៃ វីរុសបំប្លែងខ្លួន Delta ដែលឆ្លងខ្លាំង។

ស្របពេលជាមួយគ្នានោះ សាកលវិទ្យាល័យ Johns Hopkins បានរាយការណ៍ថា មានការឆ្លងថ្មីចំនួន ៨៩,៤១៨ ករណីកាលពីថ្ងៃចន្ទ។

ម៉ាស់ គឺជាប្រធានបទដ៏ចម្រូងចម្រាសមួយនៅសហរដ្ឋអាមេរិក ហើយជាប្រធានបទនយោបាយចាប់តាំងពី រោគរាតត្បាតផ្ទុះឡើង។

ការណែនាំថ្មីនេះ បាននិយាយថា នៅក្នុងទីតាំងសាធារណៈដែលបិទជិត មនុស្សគ្រប់គ្នាគួរតែពាក់ម៉ាស់ ដើម្បីការពារការរីករាលដាលនៃវីរុសបំប្លែងខ្លួន Delta។

អ្វីដែលគួរឲ្យកត់សម្គាល់នោះគឺថា ការណែនាំនេះក៏រួមបញ្ចូលទាំងសិស្សនិស្សិត និងបុគ្គលិកនៅសាលារៀនផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ ទីបំផុត អាមេរិក អនុញ្ញាតឲ្យអ្នកចាក់វ៉ាក់សាំងរួច មិនចាំបាច់ពាក់ម៉ាស ពេលចេញក្រៅ

The post CDC ណែនាំឲ្យពាក់ម៉ាស់វិញ ខណៈ Delta កំពុងរាលដាល appeared first on Kampuchea Thmey Daily.

បទបញ្ជានេះ បានធ្វើឡើង ១០ថ្ងៃ បន្ទាប់ពីបម្រាមពាក់ម៉ាស់ត្រូវបានដកចេញ។

តម្រូវការពាក់ម៉ាស់ គឺជាផ្នែកនៃវិធានការទប់ស្កាត់សង្គមមួយចំនួនមួយតូច ដែលនៅសេសសល់ ស្របពេលយុទ្ធនាការចាក់វ៉ាក់សាំងរបស់ប្រទេសអ៊ីស្រាអែល ជួយឲ្យករណីឆ្លងមានកម្រិតទាប។

ប៉ុន្តែការឆ្លង បានកើនឡើងដល់ទៅមួយគុណនិងបួន នៅសប្តាហ៍នេះ ដល់ ១៣៨ករណី បន្ទាប់ពីមានការផ្ទុះវីរុសបំប្លងខ្លួនឥណ្ឌាក្នុងសាលារៀន២កន្លែង ដែលជាហេតុបង្ខំឲ្យក្រុមមន្ត្រីពង្រឹងការរឹតត្បិតមួយចំនួនឡើងវិញ ហើយជំរុញឲ្យឪពុកម្តាយដែលមានកូនអាយុចន្លោះ ១២ដល់១៥ឆ្នាំ ត្រូវចាក់វ៉ាក់សាំង។

ក្រសួងសុខាភិបាល បានដាក់ចេញនូវតម្រូវការពាក់ម៉ាស់ជាថ្មី សម្រាប់កន្លែងបិទជិតទាំងអស់ លើកលែងតែក្នុងផ្ទះប៉ុណ្ណោះ ហើយបាននិយាយថា ខ្លួនក៏សូមណែនាំឲ្យពាក់ម៉ាស់នៅឯការជួបជុំខាងក្រៅធំៗផងដែរ ជាពិសេសព្រឹត្តិការណ៍ក្បួនដង្ហែមនុស្សភេទទី៣ ដែលនឹងធ្វើឡើងនៅជុំវិញអ៊ីស្រាអែល នាចុងសប្តាហ៍នេះ។

គួរបញ្ជាក់ថា ប្រហែល៥៥ភាគរយនៃប្រជាជន៩.៣លាននាក់របស់ប្រទេស អ៊ីស្រាអែល បានទទួលវ៉ាក់សាំង Pfizer-BioNTech ចំនួន២ដូស។ សិទ្ធិទទួលបានវ៉ាក់សាំងត្រូវបានពង្រីកដល់ក្មេងអាយុពី១២ទៅ១៥ឆ្នាំកាលពីខែមុន ប៉ុន្តែការទទួលយកវ៉ាក់សាំងនៅក្នុងក្រុមអាយុនេះ នៅមានកម្រិតទាបនៅឡើយ៕

ប្រែសម្រួល៖ Vann Vann

ប្រភព៖ CNA

ចុចអាន៖ មិនត្រឹមតែកូវីដទេ ក្រុម អូឡាំពិក ជម្រើសជាតិ អ៊ូហ្គង់ដា ម្នាក់ទៀត តេស្តឃើញវីរុសបំប្លែងខ្លួនឥណ្ឌា

The post បើកដៃមិនទាន់បានប៉ុន្មានផង អ៊ីស្រាអែល តម្រូវឲ្យប្រជាជនពាក់ម៉ាស់វិញដាច់ខាត appeared first on Kampuchea Thmey Daily.

លោក Bolsonaro ដែលបានប្រឆាំងវិធានការបិទខ្ទប់និងគម្លាតសង្គម បាននិយាយនៅក្នុងសុន្ទរកថាមួយថា ការធ្វើចត្តាឡីស័ក គួរតែអនុវត្តសម្រាប់តែអ្នកឆ្លងជំងឺបានហើយ។

រដ្ឋមន្រ្តីក្រសួងសុខាភិបាល លោក Marcelo Queiroga បាននិយាយថា លោក Bolsonaro បានស្នើឲ្យគាត់សិក្សាលើការប្រើប្រាស់ម៉ាស់នៅប្រទេស ប្រេស៊ីល។

ទោះបីជាយ៉ាងណាក៏ដោយ ក្នុងសប្តាហ៍នេះ លោករដ្ឋមន្ត្រីបានផ្តល់សក្ខីកម្ម នៅចំពោះមុខគណៈកម្មការស៊ើបអង្កេតរបស់ព្រឹទ្ធសភាថា ម៉ាស់គួរតែត្រូវបានប្រើដើម្បីការពារការឆ្លងរោគ។

គាត់ក៏បានជំទាស់ជាមួយលោក Bolsonaro ពាក់ព័ន្ធការប្រើប្រាស់ថ្នាំ Hydroxychloroquine ផងដែរ ដោយនិយាយថា មិនមានភស្តុតាងណាមួយបង្ហាញថា ថ្នាំគ្រុនចាញ់មួយនេះ មានប្រសិទ្ធភាពក្នុងការព្យាបាលអ្នកជំងឺ កូវីដ-១៩ នោះទេ។

ប្រជាជនប្រេស៊ីលជាង ៤៨០,០០០ នាក់បានស្លាប់ដោយសារជំងឺកូវីដ-១៩ ដែលជាចំនួនអ្នកស្លាប់ដ៏អាក្រក់បំផុតលំដាប់ទី ២ បន្ទាប់ពីសហរដ្ឋអាមេរិក។

ទន្ទឹមនឹងនេះ កម្មវិធីចាក់វ៉ាក់សាំងរបស់ប្រទេសប្រេស៊ីលមានភាពយឺតយ៉ាវ ដោយយោងតាមទិន្នន័យរបស់ក្រសួងសុខាភិបាលបានបង្ហាញថា ប្រជាជនប្រេស៊ីលត្រឹមតែ​២៣,៦ភាគរយប៉ុណ្ណោះដែលទទួលបានការចាក់ដូសទី១ ហើយមានតែ ១០,២ភាគរយ ប៉ុណ្ណោះដែលបានទទួលដូសទី២៕

ប្រែសម្រួល៖ Vann Vann

ប្រភព៖ Reuters

ចុចអាន៖ ចាក់វ៉ាក់សាំងយឺតយ៉ាវនិងកង្វះវិធានការទប់ស្កាត់ ប្រេស៊ីល ត្រៀមខ្លួនទទួលកូវីដ រលកទី៣

The post ប្រេស៊ីល គ្រោងឲ្យអ្នកធ្លាប់កើតជំងឺកូវីដ-១៩ មិនចាំបាច់ពាក់ម៉ាស់ក៏បាន appeared first on Kampuchea Thmey Daily.

​​យោងតាម​អនុក្រឹត្យ​ថ្មី​ ស្តីពី​វិធានការ​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​១៩ និង​ជំងឺឆ្លង​កាច​សាហាវ​និង​ប្រកបដោយ​គ្រោះថ្នាក់​ធ្ងន់ធ្ងរ​ផ្សេងទៀត​ ត្រង់ចំណុច​មាត្រា​ទី​១៩​ បាន​ចែងថា​ ត្រូវធ្វើ​ការព្រមាន​និង​ធ្វើ​ការណែនាំ​ដោយ​មន្ត្រី​សុខាភិបាល​ឬ​អាជ្ញា​ធរមាន​សមត្ថកិច្ច​ ចំពោះ​បុគ្គល​ដែល​មិន​អនុវត្ត​នូវ​កាតព្វកិច្ច​ពាក់​ម៉ាស​ដូច​មាន​ចែង​ក្នុង​មាត្រា​៥​ឬ​កាតព្វកិច្ច​ថែរក្សា​គម្លាត​សុវត្ថិភាព​បុគ្គល​ដូច​មានចែង​ ក្នុង​មាត្រា​៧​នៃ​អនុក្រឹត្យ​នេះ​។ ​ក្នុង​ករណី​នៅតែ​បន្ត​ប្រព្រឹត្ត​អំពើ​ល្មើស​ដដែល​ ត្រូវ​ផ្ដន្ទាទោស​ជា​ពិន័យ​អន្តរ​កាលពី​២០​ម៉ឺន​រៀល​ទៅ​១​លាន​រៀល​។ ត្រូវធ្វើ​ការព្រមាន​និង​ធ្វើការ​ណែនាំ​ដោយ​មន្ត្រី​សុខាភិបាល​ឬ​អាជ្ញា​ធរមាន​សមត្ថកិច្ច​ចំពោះ​អ្នកទទួលខុសត្រូវ​ ក្នុង​ការ​រៀបចំ​ជួបជុំ​មនុស្ស​ឬ​សកម្មភាព​សង្គម​ដទៃ​ទៀត​ ដែល​មិន​គោរព​វិធានការ​រក្សា​គម្លាត​សុវត្ថិភាព​បុគ្គល​ដូច​មានចែង​ ក្នុង​មាត្រា​ទី​៧​នៃ​អនុក្រឹត្យ​នេះ​។ ​ក្នុងករណី​នៅតែ​បន្ត​ប្រព្រឹត្ត​អំពើ​ល្មើស​ដដែល ​ត្រូវ​ផ្ដន្ទាទោស​ជា​ពិន័យ​អន្តរ​កាលពី​១​លាន​រៀល​ទៅ​៥​លាន​រៀល​។

​ក្រសួង​ស្ថាប័ន​ឬ​អាជ្ញា​ធរមាន​សមត្ថកិច្ច​ អាច​សម្រេច​ដាក់​ចេញ​នូវ​វិធានការ​រដ្ឋបាល​បន្ថែម​ដូច​មាន​ចែង​ក្នុង​មាត្រា​៤​នៃ​ច្បាប់​ស្ដីពី​វិធានការ​ទប់ស្កាត់​ការ​ឆ្លង​រីក​រាលដាល​នៃ​ជំងឺ​កូ​វីដ​១៩​នឹង​ជំងឺឆ្លង​កាច​សាហាវ​និង​ប្រកបដោយ​គ្រោះថ្នាក់​ធ្ងន់ធ្ងរ​ផ្សេងទៀត​ ចំពោះ​អ្នកទទួលខុសត្រូវ​ ក្នុង​ការ​រៀបចំ​ការ​ជួប​ជុំ​មនុស្ស​ឬ​សកម្មភាព​សង្គម​ដ៏ទៃទៀត​ដែល​បាន​ប្រព្រឹត្ត​អំពើ​ល្មើស​ខាងលើ​។​

​គួរ​បញ្ជាក់​ថា​ ច្បាប់​ថ្មី​ស្តីពី​វិធានការ​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​១៩ និង​ជំងឺឆ្លង​កាច​សាហាវ​និង​ប្រកបដោយ​គ្រោះថ្នាក់​ធ្ងន់ធ្ងរ​ផ្សេងទៀត ​ត្រូវ​បាន​ប្រកាស់​ប្រើប្រាស់​ជា​ផ្លូវការ​ហើយ ចាប់ពី​ថ្ងៃទី​១១​មីនាឆ្នាំ​២០២១​តទៅ​។ ច្បាប់​ថ្មី​នេះ​ ត្រូវ​បាន​តាក់តែង និង​ អនុម័ត​ជា​ច្បាប់​ប្រញាប់ ដើម្បី​យក​ទៅ​អនុវត្ត​ប្រយុទ្ធ​ប្រឆាំង និង​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​១៩​។ ច្បាប់​នេះ បានកំណត់​ពិន័យ​អ្នក​បំពាន​វិធាន​ការពារ​ជំងឺ​កូ​វីដ​១៩​ពី​ចន្លោះ​១​លាន​ដល់​២០​លាន​រៀល និង​អាច​ត្រូវ​ជាប់ពន្ធនាគារ​ពី​៦​ខែ​រហូតដល់​២០​ឆ្នាំ​ឯណោះ​៕

អត្ថបទ៖ ​សំអឿន

សូមចុចអាន៖ ​ក្រសួងសុខាភិបាលរកឃើញករណីវិជ្ជមានវីរុសកូវីដ១៩ថ្មីម្នាក់ទៀតនៅខេត្តព្រះសីហនុ

​

The post បុគ្គល​ណា​មិន​ពាក់​ម៉ា​ស ត្រូវ​ប្រឈម​នឹង​ការ​ផ្ដន្ទាទោស​ជា​ប្រាក់​ពី ២០​ម៉ឺន ទៅ ១​លាន​រៀល appeared first on Kampuchea Thmey Daily.

លោក Nikolas Löbel បាន​ប្រកាស​ថា លោក​នឹង​ចាក​ចេញ​ពី​គណបក្ស​ CDU បន្ទាប់​ពីលេច​ព័ត៌មាន​​ថា ក្រុម​ហ៊ុន​របស់​លោក​រក​ប្រាក់​បាន​ប្រមាណ​៣០​ម៉ឺន​ដុល្លារ​អាមេរិក​ពី​ការ​លក់​ម៉ាស់​។

ដើម​ឡើយ លោក​គ្រោង​នឹង​បន្ត​នៅ​ជា​សមាជិក​សភា ប៉ុន្តែ​កាល​ពី​ថ្ងៃ​ចន្ទ លោក​បាន​ប្រកាស​​ថា លោក​នឹង​លា​ឈប់​​ពី​សមាជិក​សភា​ភ្លាម​តែ​ម្តង។

សមាជិក​សភា​ម្នាក់​ទៀត​ក៏​កំពុង​រង​សម្ពាធ​នឹង​បញ្ហា​ស្រដៀង​គ្នា​នេះ​ដែរ។

ព័ត៌មាន​បាន​លេច​ចេញ​ឡើង​មួយ​សប្តាហ៍ មុន​​ការ​បោះ​ឆ្នោត​តំបន់​​នៅ​រដ្ឋ​​អាល្លឺម៉ង់​ចំនួន​២​​រាប់​បញ្ចូល​ទាំង​មណ្ឌល Baden-Württemberg របស់​ Löbel មួយ​ដែរ។ នៅ​ពេល​ព័ត៌មាន​​នៃ​ការ​លក់​ដូរ​បាន​កើត​ឡើង​កាល​ពី​សប្តាហ៍​មុន លោក Löbel បាន​និយាយ​ថា លោក​នឹង​នៅ​តែ​បន្ត​ធ្វើ​ជាសមាជិក​សភា​រហូត​ដល់​ការ​បោះ​ឆ្នោត​នៅ​ខែ​កញ្ញា។

ទោះ​បី​ជា​យ៉ាង​ណា ភ្លាម​ៗ​នោះ លោក​ទទួល​បាន​ការ​ហៅ​ទូរសព្ទ​ចូល​ពី​អ្នក​នយោបាយ​ជាន់​ខ្ពស់​រាប់​ទាំង​​មេដឹក​នាំ​មក​ពី​គណបក្ស CDU និង​គណបក្សសម្ព័ន្ធ​ភាព​ CSU ឲ្យ​លោក​លា​លែង​ពី​សមាជិក​សភា។

លោក Löbel អាយុ​៣៤​ឆ្នាំ​បាន​ប្រកាស​នៅ​ថ្ងៃ​ចន្ទ​ថា ៖«ដើម្បី​ជៀស​វាស​ផល​ប៉ះ​ពាល់​ដល់​គណបក្ស​​ ខ្ញុំ​នឹង​លា​លែង​ពី​សមាជិក​សភាព​ដោយ​មាន​សប្រសិទ្ធភាព​ចាប់​​​ពី​ពេល​​នេះ​តែ​ម្តង»។

សមាជិក​សភា​ម្នាក់ទៀត​​ដែល​ជាប់​ព័ន្ធ​នឹង​រឿង​អាស្រូវ​ស្រដៀង​គ្នា​នេះ​​​​ពី​ការ​លក់​ម៉ាស់​ គឺ​លោក​ Georg Nüsslein មក​ពី​គណបក្ស​ CSU ក៏​បាន​​ប្រកាស​ដែរ​ថា លោក​នឹង​ចាក​ចេញ​ពី​គណបក្ស ហើយ​ក៏​កំពុង​​ប្រឈម​នឹង​សម្ពាធ​ចាក​ចេញ​ពី​សមាជិក​សភា​ដែរ។

រឿង​ចម្រូង​ចម្រាស​បាន​កើត​មាន​ឡើង​នៅ​ក្នុង​ឆ្នាំ​សំខាន់​គឺ​​ការ​បោះ​ឆ្នោត​សម្រាប់​គណបក្ស CDU ដែល​ការបោះ​ឆ្នោត​ជ្រើស​រើស​សមាជិក​សភា​គ្រោង​ធ្វើ​នៅ​ខែ​កញ្ញា​ខាង​មុខ ហើយ​លោក​ស្រីអធិការ​បតី អង់ហ្គេឡា ម៊ែរគែល គ្រោង​នឹង​​ចុះ​ចេញ​ពី​​អំណាច​ បន្ទាប់​ពី​កាន់កាប់អស់​រយៈ​ពេល​ជាង​១៥​ឆ្នាំ​។

ទោះ​បី​ជា​យ៉ាង​ណា ការ​ស្ទង់​មតិ​មួយ​ដែល​ធ្វើ​ឡើង​ដោយ​កាសែត Bild កាល​ពី​សប្តាហ៍​កន្លង​ទៅ​រក​ឃើញ​ថា ការ​គាំទ្រ​សម្រាប់​គណបក្ស CDU/CSDU បាន​ធ្លាក់​ចុះ​ដល់​៣២​% ដែល​ជា​តួ​លេខ​ទាប​បំផុត​ ដោយ​សារ​កូវិដ-១៩​បាន​វាយ​ប្រហារ​​​ប្រទេស​អាល្លឺម៉ង់​កាល​ពី​ឆ្នាំ​មុន៕

ប្រែ​សម្រួល៖ វីរបុត្រ
ប្រភព៖ BBC

The post សមាជិក​​សភា​​អាល្លឺម៉ង់​​ម្នាក់​អស់​តំណែង​នៅ​​សភា ព្រោះ​តែ​លក់ម៉ាស់ appeared first on Kampuchea Thmey Daily.

ស្ត្រីដែលមិនបញ្ចេញឈ្មោះរូបនេះ ត្រូវបានគេថតជាប់នៅឯកណ្តាលផ្សារទំនើប Pick n Pay ក្នុងប្រទេសអាហ្រ្វិកខាងត្បូង បន្ទាប់ពីសន្តិសុខម្នាក់បានស្នើសុំឲ្យនាងពាក់ម៉ាស់។

នាងអះអាងថា នាងមិនមានម៉ាស់ទេ ប៉ុន្តែបន្ទាប់ពីសន្តិសុខគំរាមដេញនាងចេញពីផ្សារទំនើប នាងក៏បានស្រាតខោក្នុងដើម្បីយកមកពាក់ធ្វើជាម៉ាស់។

វីដេអូនេះត្រូវបានគេចែកចាយពេញបណ្តាញសង្គម Facebook ដោយអ្នកប្រើប្រាស់ម្នាក់បានសរសេរថា “នៅផ្ទះហើយទិញទំនិញតាមអនឡាញទៅ បើអ្នកមិនចូលចិត្តពាក់ម៉ាស់”។

អ្នកលេងអ៊ីនធឺណិតម្នាក់ទៀតបានបញ្ចេញមតិថា “រឿងនេះធ្វើឲ្យខ្ញុំឈឺ។ នាងដឹងអំពីច្បាប់ទូទាំងពិភពលោកហើយ។ យើងមានវីរុសធ្ងន់ធ្ងរហើយ នាងគិតថា ខោក្នុងនឹងជួយសង្រ្គោះនាង។ តើគ្រួសាររបស់អ្នកត្រូវគិតយ៉ាងដូចម្តេច?”។

កាលពីខែធ្នូឆ្នាំ២០២០ ប្រធានាធិបតីអាហ្វ្រិកខាងត្បូងលោក Cyril Ramaphosa បានសង្កត់ធ្ងន់ថា ការមិនពាក់ម៉ាស់ជាសាធារណៈគឺជាបទល្មើសព្រហ្មទណ្ឌ។

លោកនិយាយថា “អ្នកដែលមិនពាក់ម៉ាស់ អាចត្រូវបានចាប់ខ្លួននិងកាត់ទោស”៕

សូមទស្សនាវីដេអូ៖

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ប្រធានាធិបតីអាហ្វ្រិកខាងត្បូងទទូចឲ្យប្រទេសអ្នកមាន កុំទិញវ៉ាក់សាំងកូវីដស្តុកទុកច្រើនពេក

ចុចអាន៖ ផ្សារ​ទំនើបអ៊ីអន(AEON)ដំណើរ​​ការធម្មតា​ ខណៈវិធានការ​សុខាភិ​បាល​ត្រូវអនុវត្ត​យ៉ាង​ប្រុង​ប្រយ័ត្ន​ ​

The post (វីដេអូ) ស្រ្តីម្នាក់ស្រាតខោក្នុងមកពាក់ធ្វើជាម៉ាស់កណ្តាលផ្សារទំនើប ពេលសន្តិសុខព្រមានបណ្តេញចេញ appeared first on Kampuchea Thmey Daily.

លោក​ឧត្ដមសេនីយ៍​ទោ កៅ វណ្ណារ៉េត នាយសេនាធិការរង នាយការិយាល័យសុខាភិបាល កងទ័ពជើង​គោក តំណាង​ឧត្ដមសេនីយ៍​ ហ៊ុន ម៉ាណែត អគ្គមេបញ្ជា​ការរង នៃកងយោធពលខេមរ ភូមិន្ទ មេបញ្ជាការ​កងទ័ពជើងគោក បានថ្លែងអំណរគុណចំពោះថ្នាក់ដឹកនាំសមាគមគ្រូពេទ្យស្ម័គ្រចិត្តយុវជនសម្ដេចតេជោ ដែលបាន​ឧបត្ថម្ភ​ម៉ាសចំនួន១០ម៉ឺនម៉ាស ជូនដល់បញ្ជាការដ្ឋានកងទ័ពជើងគោក ដើម្បីប្រើប្រាស់ក្នុង​យុទ្ធនា​ការ​ទប់ស្កាត់ការរីករាលដាល នៃជំងឺកូវីដ-១៩។ 

ពិធីប្រគល់ និងទទួលម៉ាសនេះ បានធ្វើនៅបញ្ជាការដ្ឋានកងទ័ពជើងគោកក្រោមវត្តមាន ឧត្ដមសេនីយ៍​ទោ​ឧត្ដមសេនីយ៍​ទោ កៅ វណ្ណារ៉េត និងលោកទន្ទបណ្ឌិតហោ អូន តំណាងក្រុមការងារគ្រូពេទ្យស្ម័គ្រ​ចិត្តយុវ​ជន​សម្តេចតេជោ (TYDA)។ 

​​គួររំលឹកផងដែរថា សម្ដេច​តេជោ ហ៊ុន សែន នាយករដ្ឋមន្ត្រី​នៃព្រះរាជាណាចក្រ​កម្ពុជា បាន​អំពាវនាវ​ឲ្យ​កង​កម្លាំង​ប្រដាប់​អាវុធ មន្ត្រីរាជការ និងប្រជាពលរដ្ឋចូលរួមការពារទប់ស្កាត់ការរីករាលដាល​ ជំងឺកូវីដ-១៩ តាម​រយៈការធ្វើចត្តាឡីស័ក និងចូលរួមអនុវត្តនូវវិធានការ​របស់ក្រសួងសុខាភិបាល ឲ្យបាន​​ត្រឹមត្រូវ៕

អត្ថបទ ៖ កោះកែវ

The post សមាគមគ្រូពេទ្យ TYDA ប្រគល់​ម៉ាស ចំនួន ១០ម៉ឺន ជូនបញ្ជា​ការ​ដ្ឋានកងទ័ពជើងគោក appeared first on Kampuchea Thmey Daily.