យោងតាមរបាយការណ៍ផ្លូវការពីរដ្ឋបាលឃុំជ័យឧត្ដម បានឱ្យដឹងថា សត្វគោដែលងាប់ទាំងនោះរួមមាន ៩ក្បាល ស្ថិតនៅក្នុងភូមិថ្មី និង ១០ក្បាលទៀត ស្ថិតនៅក្នុងភូមិស្រែឈូក។ ហេតុការណ៍នេះបានបង្កឱ្យមានការខាតបង់ទ្រព្យសម្បត្តិយ៉ាងធំធេងដល់ក្រុមគ្រួសារកសិកររងគ្រោះ។ មន្ទីរព័ត៌មានខេត្តរតនគិរី បានបញ្ជាក់ថា ហេតុការណ៍នេះកើតឡើងដោយសារសត្វគោទាំងនោះស្ថិតនៅទីវាល និងក្រោមដើមឈើ ដែលជាចំណុចស្រូបចរន្តអគ្គិសនីងាយរងគ្រោះបំផុតនៅពេលមានភ្លៀងផ្គរ។

ជាមួយគ្នានេះ អាជ្ញាធរអំពាវនាវដល់បងប្អូនប្រជាកសិករទាំងអស់ ឱ្យបង្កើនការប្រុងប្រយ័ត្នខ្ពស់នៅដើមរដូវវស្សានេះ ដោយជៀសវាងការលែង ឬចងសត្វពាហនៈនៅទីវាលទូលាយ និងក្រោមដើមឈើខ្ពស់ៗ ក្នុងពេលដែលមានមេឃរកកល្បនឹងភ្លៀង ដើម្បីបង្ការគ្រោះថ្នាក់ជាយថាហេតុ៕

ដោយ៖ ខៀវ ចាប

The post រដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី appeared first on Kampuchea Thmey Daily.

តាមសេចក្តីរាយការណ៍របស់ Khaosod, ហេតុការណ៍នេះកើតឡើងកាលពីថ្ងៃអាទិត្យនៅក្នុងភូមិ Ban Huai Hee ឃុំ Huai Pu Ling Subdistrict ស្រុក Mueang ខេត្ត Mae Hong Son។

ទេសចរម្នាក់ជាស្រ្តីមកពីខេត្ត Nakhon Si Thammarat រងរបួសធ្ងន់ត្រូវបញ្ជូនត្រូវសង្គ្រោះបន្ទាន់នៅមន្ទីរពេទ្យ ខណៈអ្នកផ្សេងទៀតត្រូវជួយសង្គ្រោះនៅនឹងកន្លែង។

ហេតុការណ៍នេះកើតឡើងស្របពេលខេត្ត Chachoengsao ជួបព្យុះកំបុតត្បូងដ៏សាហាវភ្លាមៗ ដោយបោកកម្ទេចផ្ទះចំនួន៥ខ្នង បណ្តាលឲ្យមានមនុស្សស្លាប់និងរបួស។

ព្យុះនេះវាយប្រហារភ្លាមៗនៅភូមិលេខ៣ ឃុំ Theparat នៃស្រុក Ban Pho ខណៈអ្នកភូមិបានឲ្យដឹងថា ព្យុះនេះមានឥទ្ធិពលខ្លាំងណាស់ ដោយខ្យល់កន្ត្រាក់បានបោកបំប៉ើងដំបូលផ្ទះ ព្រមទាំងបង្កការខូចខាតដល់ផ្ទះជាច្រើនខ្នងថែមទៀត។

ចំណែកនៅខេត្ត Chonburi ឯណោះ ក៏ជួបព្យុះកំបុតត្បូងនិងខ្យល់កួចដែរ ​ដោយវាបានបោកបក់មកបំផ្លាញហាងនានានិងវាយប្រហារអ្នកដើរលេងកម្សាន្ត ធ្វើឲ្យអ្នកខ្លះត្រូវប៉ើងតាមខ្យល់។

ហេតុការណ៍នេះទៀតសោត កើតឡើងចំពេលនាយកដ្ឋានឧតុនិយមថៃ ព្រមានថា ខេត្តចំនួន៣៩ ភាគច្រើននៅប៉ែកខាងត្បូង ត្រូវប្រឈមជាមួយនឹងភ្លៀងធ្លាក់ខ្លាំង បង្កគ្រោះថ្នាក់គ្រប់ពេល៕

អត្ថបទ៖ សុខ សុវណ្ណ

ចុចអាន៖ ថៃ ជួបព្យុះកំបុតត្បូងយ៉ាងសាហាវ ខណៈ៣៩ខេត្ត ​ប្រឈមព្យុះភ្លៀងដ៏គ្រោះថ្នាក់

The post ទេសចរថៃមួយក្រុម ត្រូវរន្ទះបាញ់នៅលើភ្នំ appeared first on Kampuchea Thmey Daily.

លោក សុទ្ធ គឹមកុលមុនី អ្នកនាំពាក្យ​គណៈកម្មាធិការ​ជាតិ​គ្រប់គ្រង​គ្រោះមហន្តរាយ មានប្រសាសន៍​នៅ​ព្រឹក​ថ្ងៃទី ៨ សីហា នេះ​ថា ចាប់ពី​ខែមករា រហូតដល់​ខែសីហា​ ឆ្នាំ​ ២០២៥​ បាតុភូត​រន្ទះបាញ់ ​បាន​កើតឡើង​ចំនួន​ ៧៤​ លើក បណ្តាលឱ្យ​ខូចខាត​ផ្ទះ​ចំនួន​ ១៤ ​ខ្នង ស្លាប់​មនុស្ស​ ៣៣​ នាក់ និង​រង​របួស​ ៥៥ ​នាក់ ព្រមទាំង​ងាប់​គោក្របី​ចំនួន ​៧១​ ក្បាល។ ក្នុងនោះ ​នៅក្នុង​ខែកក្កដា ​រន្ទះបាញ់​បាន​កើតឡើង​ចំនួន ៥ លើក នៅក្នុង​មូលដ្ឋាន​ខេត្តកណ្តាល សៀមរាប និង​ខេត្តរតនគិរី បណ្តាលឱ្យ​ស្លាប់​មនុស្ស​ ២​ នាក់ រងរបួស ១​ នាក់​ និង​ខូចខាត​ផ្ទះ ២ ខ្នង។

លោក​បាន​បន្តថា ក្នុងចំណោម​អ្នកស្លាប់​ចំនួន​ ៣៣​ នាក់​ ក្នុងនោះ​នៅ​ខេត្តតាកែវ​ស្លាប់​ ១​ នាក់ ស្វាយរៀង​ ១​ នាក់ ព្រៃវែង ​២ ​នាក់ រតនគីរី ​១ ​នាក់ កំពង់ចាម ​១​ នាក់ កំពង់ធំ ​២ ​នាក់ កំពង់ឆ្នាំង ​២ នាក់ ពោធិ៍សាត់ ​១​ នាក់ បាត់ដំបង​ ៥​ នាក់​ សៀមរាប ​៥ ​នាក់ បន្ទាយមានជ័យ ​៣​ នាក់ ឧ​ត្ត​រ​មាន​ជ័យ​ ១ ​នាក់ ព្រះវិហារ ​១​ នាក់ ព្រះសីហនុ​ ៣​ នាក់ កំពត ១ ​នាក់​ ប៉ៃលិន​ ២​ នាក់​ និង​ត្បូងឃ្មុំ ១ នាក់។

លោក​បាន​បន្តទៀតថា តួលេខ​នេះ​បើ​ធៀប​ទៅនឹង​រយៈពេល​ ៧ ​ខែ ​ឆ្នាំ ​២០២៤ ​កន្លងទៅ​ ឃើញ​ថា មានការ​ថយចុះ​គួរឱ្យកត់សម្គាល់​ ដោយ ​៧​ ខែ ​ឆ្នាំមុន ​បាតុភូត​រន្ទះបាញ់​បាន​កើតឡើង​ចំនួន ៩១ លើក បណ្តាលឱ្យ​ខូចខាត​ផ្ទះ​ចំនួន ២៦ ខ្នង ស្លាប់​មនុស្ស ៤៨ នាក់ និង​រងរបួស ៤២ នាក់ ព្រមទាំង​ងាប់​គោក្របី​ចំនួន ៣៣ ក្បាល។ ក្នុងចំណោម​អ្នកស្លាប់ ៤៨ នាក់ ក្នុងនោះ​នៅ​ខេត្តសៀមរាប​ស្លាប់ ៨ នាក់ បាត់ដំបង​ស្លាប់ ៦​ នាក់ បន្ទាយមានជ័យ​ស្លាប់ ៤ នាក់ ត្បូងឃ្មុំ​ស្លាប់ ៤ នាក់ ព្រៃវែង​ស្លាប់ ៤ នាក់ ព្រះសីហនុ​ស្លាប់ ៣ នាក់ ឧ​ត្ត​រ​មានជ័យ​ស្លាប់ ៣ នាក់ កំពង់ចាម​ស្លាប់ ២ នាក់ កោះកុង​ស្លាប់ ២ នាក់ ប៉ៃលិន​ស្លាប់ ២ នាក់ តាកែវ​ស្លាប់ ២ នាក់ ក្រចេះ​ស្លាប់ ២ នាក់។ ក្រៅពីនេះ ស្លាប់ ១ នាក់ នៅ​ខេត្ត​ស្វាយរៀង កំពង់ស្ពឺ កំពង់ធំ ពោធិ៍សាត់ មណ្ឌលគីរី និង​ខេត្ត​កំពត៕

អត្ថបទ ៖ សំអឿន

The post ៧ ខែ ឆ្នាំនេះ បាតុភូតរន្ទះបាញ់ បង្កឱ្យមនុស្សស្លាប់-របួស ជិត ៩០ នាក់ ថយចុះជាងឆ្នាំមុន appeared first on Kampuchea Thmey Daily.

តាម​របាយការណ៍​ប៉ូលិស​ប៉ុស្តិ៍​នគរបាល​ឃុំ​វើ​ន​សៃ បាន​ឲ្យ​ដឹង​ថា កាលពី​វេលា​ម៉ោង ១៣ និង ៣០ នាទី​រសៀល ថ្ងៃ​ទី ១ ខែ​កក្កដា ឆ្នាំ ២០២៥ មាន​គ្រោះ​ធម្មជាតិ​រន្ទះបាញ់​បាញ់​ចំ​បុរស​ម្នាក់ បណ្ដាល​ឲ្យ​ស្លាប់​ភ្លាមៗ នៅ​នឹង​កន្លែង។ ជនរងគ្រោះ​មាន​ឈ្មោះ ខាំ​វ៉ាន់ ប៊ូរ៉ា ភេទ​ប្រុស អាយុ ៣៨ ឆ្នាំ ជា​ជនជាតិ​គ្រឹង មុខរបរ​ជាង​ធ្វើ​ផ្ទះ។

សាក្សី​នៅ​កន្លែង​កើតហេតុ បាន​ឲ្យ​ដឹង​ថា ដំបូង​ឮសូរ​ផ្គរលាន់​ខ្លាំង ដោយ​មាន​ផ្សែង​នៅត្រង់​អង្រឹង​ដែល​ជនរងគ្រោះ​បាន​អង្គុយ។ បន្ទាប់មក ក៏​ឃើញ​ជនរងគ្រោះ​ដួល ទើប​ពួកគាត់​នាំគ្នា​ស្ទុះ​ទៅ​ជួយ​លើក​ឡើង អង្រួន​ធ្វើ​ចលនា​ដង្ហើម ស្រែក​ហៅ តែ​ជា​អកុសល​បុរស​រង​គ្រោះ​បាន​ផុតដង្ហើម​ទៅ​ហើយ។ សាកសព​ជនរងគ្រោះ ត្រូវ​បាន​ក្រុម​គ្រួសារ ដឹក​យក​មក​ទៅ​ភូមិ តាម​ម៉ូតូ​មក​ដល់​ផ្ទះ​វិញ កាលពី​វេលា​ម៉ោង ១០ និង ០៨ នាទី​យប់ ថ្ងៃ​ដដែល។

ដោយឡែក ប្រពន្ធ​ជនរងគ្រោះ បាន​បញ្ជាក់​ថា ប្តី​របស់​គាត់​បាន​ចាកចេញ​ពី​ផ្ទះ​កាលពី​ល្ងាច​ថ្ងៃ​សៅរ៍ ដើម្បី​យក​អង្ករ​ទៅ​ស្នាក់នៅ​ធ្វើ​ផ្ទះ​ឲ្យ​គេ​បង្ហើយ ក៏​ជួប​ហេតុការណ៍​ដ៏​អាក្រក់​នេះ​តែម្ដង។

បច្ចុប្បន្ន សព​ជនរងគ្រោះ ត្រូវ​បាន​ដឹក​បញ្ជូន​ទៅ​ផ្ទះ​គ្រួសារ​សព នៅ​ភូមិ​ទៀម​លើ ឃុំ​កា​ចូ​ន ស្រុក​វើ​ន​សៃ ខេត្ត​រតនគិរី ដើម្បី​ចាត់ចែង​ធ្វើ​បុណ្យ​តាម​ប្រពៃណី៕

អត្ថបទ ៖ ចាប

The post បុរសម្នាក់ ត្រូវរន្ទះបាញ់ស្លាប់ ខណៈកំពុងសម្រាកក្រោមផ្ទះ នៅខេត្តរតនគិរី appeared first on Kampuchea Thmey Daily.

លោក សុទ្ធ គឹមកុលមុនី អ្នកនាំពាក្យ​គណៈកម្មាធិការ​ជាតិ​គ្រប់គ្រង​គ្រោះ​មហន្តរាយ បាន​មាន​ប្រសាសន៍​នៅ​រសៀល​ថ្ងៃទី ​៦ ​មិថុនា​ នេះ​ថា ក្នុង​រយៈពេល ៥ ខែ ឆ្នាំ ២០២៥ នេះ បាតុភូត​រន្ទះបាញ់ បាន​កើតឡើង​ចំនួន ​៥១ ​លើក បណ្តាលឱ្យ​ខូចខាត​ផ្ទះ​ ៦​ ខ្នង ស្លាប់​មនុស្ស​ ២៨ នាក់ របួស​ ៤៦ ​នាក់ និង​ងាប់​គោក្របី ​៥២​ ក្បាល។

លោក​បាន​បន្តថា ក្នុងចំណោម​គ្រោះ​រន្ទះបាញ់ ​៥១ ​លើក​ នៅ​ខែឧសភា​កើតឡើង​ច្រើនជាងគេ​មាន​ចំនួន ៣១​ លើក​ នៅ​ខេត្ត​ចំនួន ​១៧​ បណ្តាលឱ្យ​មនុស្ស​ស្លាប់​ចំនួន ​២១ ​នាក់ (​ស្រី​ ៦ ក្មេង ​១)​ និង​រង​របួស ​៣៨ ​នាក់​ ខូចខាត​ផ្ទះ ៤ ​ខ្នង ​និង​ងាប់​សត្វ​ពាហនៈ ៣១ ក្បាល។

លោក​បាន​បន្តទៀតថា ក្នុងចំណោម​អ្នកស្លាប់​ ២៨​ នាក់ ​ក្នុងនោះ​ នៅ​ខេត្តតាកែវ​ស្លាប់​ ១​ នាក់ ព្រៃវែង​ ២ ​នាក់ ស្ទឹងត្រែង ​១​ នាក់ ​កំពង់ចាម ​១​ នាក់ កំពង់ធំ​ ១​ នាក់​ កំពង់ឆ្នាំង ​១​ នាក់ បាត់ដំបង​ ៤ នាក់ សៀមរាប​ ៥​ នាក់ បន្ទាយមានជ័យ ​៣ ​នាក់ ឧ​ត្ត​រ​មានជ័យ​ ១ ​នាក់ ព្រះវិហារ​ ១ ​នាក់ កំពត ​១ នាក់ កែប ​២​ នាក់ ប៉ៃលិន​ ១​ នាក់​ និង​ខេត្ត​ព្រះសីហនុ ៣ នាក់។

លោក​បាន​បន្ថែម​ថា តួលេខ​នេះ​ បើ​ប្រៀបធៀប​ទៅនឹង​រយៈពេល​ ៥​ ខែ​ ដូចគ្នា​ កាលពី​ឆ្នាំ​ ២០២៤ ឃើញ​ថា ​ករណី​គ្រោះ​រន្ទះបាញ់​មានការ​ថយចុះ ​តែ​ចំនួន​អ្នករងគ្រោះ​កើនឡើង​ដោយ​រយៈពេល ៥ ខែ ឆ្នាំ ២០២៤ បាតុភូត​រន្ទះបាញ់ បាន​កើតឡើង​ចំនួន ៥៨ លើក បណ្តាលឱ្យ​ខូចខាត​ផ្ទះ ១៤ ខ្នង ស្លាប់​មនុស្ស ៣៣ នាក់ របួស ២៨ នាក់ និង​ងាប់​គោក្របី ២០ ក្បាល។

យោងតាម​ការប្រកាស​របស់​ក្រសួង​ធនធានទឹក និង​ឧតុនិយម នៅ​ព្រឹក​ថ្ងៃទី​ ៦​ ខែមិថុនា​ នេះ បាន​ឱ្យ​ដឹង​ថា ដោយសារ​ឥទ្ធិពល​ខ្យល់មូសុង​និរតី​ជាមួយ​សម្ពាធ​ទាប​ដែល​គ្របដណ្តប់​លើ​ឈូង​សមុទ្រ​ថៃ អាង​ទន្លេមេគង្គ និង​សមុទ្រ​ចិន​ខាងត្បូង​មាន​ឥទ្ធិពល​មកលើ​ព្រះរាជាណាចក្រ​កម្ពុជា​ បានធ្វើឱ្យ​តំបន់​មួយចំនួន​ក្នុង​ព្រះរាជាណាចក្រ​កម្ពុជា នឹង​បន្ត​មាន​ភ្លៀង​ធ្លាក់​ជាមួយ​ផ្គរ​រន្ទះ​ និង​ខ្យល់​កន្ត្រាក់ គ្របដណ្ដប់​ចាប់ពី​ ២៥​ ដល់ ​៣៥​ ភាគរយ​ ចាប់ពី​ថ្ងៃទី​ ៦​ ដល់​ថ្ងៃទី ​៨ ខែមិថុនា ឆ្នាំ ២០២៥ ខណៈ​សីតុណ្ហភាព​មាន​ចន្លោះ​ពី ២៤ ទៅ ៣៧ អង្សា​សេ៕

អត្ថបទ ៖ សំអឿន

The post ៥ ខែនេះ រន្ទះបាញ់ បង្កឱ្យមនុស្សស្លាប់ និងរបួសជាង ៧០ នាក់ កើនឡើងជាងឆ្នាំមុន appeared first on Kampuchea Thmey Daily.

សេចក្ដីប្រកាសព័ត៌មានស្ដីពីលទ្ធផលកិច្ចប្រជុំពេញអង្គគណរដ្ឋមន្ត្រី ចេញដោយអង្គភាពអ្នកនាំពាក្យរាជរដ្ឋាភិបាល ស្រង់សម្ដីសម្ដេចធិបតី ផ្សាយដូច្នេះ៖«សម្តេចធិបតី បានណែនាំឱ្យក្រសួងវប្បធម៌ និងវិចិត្រសិល្បៈ ដែលមានអាជ្ញាធរអប្សរាជាសេនាធិការត្រូវសហការជាមួយអាជ្ញាធរខេត្តសៀមរាប សិក្សាឡើងវិញអំពីប្រព័ន្ធការពាររន្ទះ និងពិនិត្យលទ្ធភាពពង្រីកបន្ថែមប្រព័ន្ធ ការពាររន្ទះក្នុងតំបន់រមណីយដ្ឋានទេសចរណ៍ ជាពិសេសរមណីយដ្ឋានអង្គរ ដើម្បីការពារសុវត្ថិភាពភ្ញៀវទេសចរក្នុងបរិបទដែលគ្រោះធម្មជាតិដូចជារន្ទះជាដើម កាន់តែមានសភាពខ្លាំងជាងមុន។ »។

សម្ដេចធិបតី នាយករដ្ឋមន្ត្រីកម្ពុជា ណែនាំ ដូច្នេះ បន្ទាប់ពីកាលពីពេលថ្មីៗនេះ នៅប្រាសាទអង្គរវត្ត មានករណីរន្ទះបាញ់ បណ្ដាលឱ្យមនុស្សរងរបួសមួយចំនួន។

គួរជ្រាបដែរថា បន្ទាប់ពីកើតមានករណីនេះ ក្រុមការងារចម្រុះមួយ ដឹកនាំដោយឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ លោក ទៀ សីហា និងជាតំណាងរាស្ត្រខេត្តសៀមរាប នៅថ្ងៃទី ១៩ ខែឧសភា ​បានចុះសិក្សារៀបចំដាក់ខ្សែកាបការពាររន្ទះ នៅក្នុងបរិវេណប្រាសាទអង្គរវត្ត។

ជុំវិញបញ្ហាគ្រោះធម្មជាតិដដែល   សម្តេចធិបតី បានណែនាំឱ្យគ្រប់ក្រសួង ស្ថាប័ន និងអាជ្ញាធរពាក់ព័ន្ធត្រៀមខ្លួន ដើម្បីឆ្លើយតបគ្រោះមហន្តរាយធម្មជាតិនារដូវវស្សានេះ ជាពិសេសគឺទឹកជំនន់ ដោយត្រូវកំណត់ទីទួលសុវត្ថិភាព ត្រៀមកម្លាំង មធ្យោបាយ សម្ភារៈ ដើម្បីអន្តរាគមន៍ក្នុងករណីកើតមានគ្រោះទឹកជំនន់ ដោយមានការចូលរួមពីកងទ័ព និងនគរបាលផង។

 សម្តេច បានណែនាំឱ្យក្រសួងធនធានទឹក និងឧត្តុនិយម ត្រូវតាមដានកម្ពស់ទឹកជាប្រចាំ ក្រសួងកសិកម្ម រុក្ខាប្រមាញ់ និងនេសាទ ត្រូវត្រៀមពូជស្រូវដើម្បីចែកជូនកសិករក្នុងការស្តាដំណាំស្រូវឡើងវិញ ក្នុងករណីមានការខូចខាត៕

The post សម្ដេច ហ៊ុន ម៉ាណែត ឱ្យសិក្សាដាក់ឧបករណ៍ការពាររន្ទះនៅតាមរមណីយដ្ឋានទេសចរណ៍ ពិសេសតំបន់អង្គរ appeared first on Kampuchea Thmey Daily.

លោក សុទ្ធ គឹមកុលមុនី អ្នកនាំពាក្យ​គណៈកម្មាធិការ​ជាតិ​គ្រប់គ្រង​គ្រោះ​មហន្តរាយ មានប្រសាសន៍​នៅ​រសៀល​ថ្ងៃទី ​១២ ​ឧសភា ​នេះ​ថា ​រយៈពេល​ ៤ ​ខែ​ ឆ្នាំនេះ​ រន្ទះបាញ់ ​បានកើត​ឡើង ​៣០​ លើក បណ្តាលឱ្យ​ខូចខាត​ផ្ទះ​ចំនួន ​៦ ​ខ្នង​ ស្លាប់​មនុស្ស ​១២​ នាក់ ​របួស​ ១៦ ​នាក់ ​និង​ងាប់​គោក្របី​ចំនួន ២១ ក្បាល។ ជាក់ស្តែង​នៅក្នុង​ខែមេសា​ កើតឡើង​ច្រើនជាងគេ​មាន​រហូតដល់​ទៅ​ ២២ ​លើក បណ្តាល​ឱ្យ​មនុស្ស​ស្លាប់​ចំនួន​ ៨​ នាក់ ​របួស ​១១​ នាក់​ ងាប់​គោក្របី ​១៥​ ក្បាល ​និង​ខូចខាត​ផ្ទះ​ ៤ ខ្នង។

លោក​បាន​បន្តថា ក្នុងចំណោម​អ្នកស្លាប់ ​១២ ​នាក់​ ក្នុងនោះ ​នៅ​ខេត្ត​កំពង់ចាម ​១​ នាក់ កំពង់ធំ ​២ នាក់ បាត់ដំបង ​៣​ នាក់ សៀមរាប ​២​ នាក់ បន្ទាយមានជ័យ ​១ ​នាក់ ព្រះវិហារ​ ១ ​នាក់ ​និង​ខេត្ត​កែប ២ នាក់។

លោក​បាន​បន្តទៀតថា តួលេខ​នេះ ​បើ​ធៀប​ទៅ​នឹង​រយៈពេល ​៤ ​ខែ​ដូចគ្នា​ ឆ្នាំ ​២០២៤​ កន្លងទៅ ឃើញថា​ មានការ​កើនឡើង​គួរឱ្យកត់សម្គាល់​ ខណៈ ​៤​ ខែ​ឆ្នាំមុន ​រន្ទះបាញ់​កើតឡើង​ចំនួន ​៥ ​លើក បណ្តាលឱ្យ​ខូចខាត​ផ្ទះ​ចំនួន ​១ ​ខ្នង ​ស្លាប់​មនុស្ស​ ៣​ នាក់​ និង​ងាប់​គោក្របី​ចំនួន​ ៣ ​ក្បាល​ប៉ុណ្ណោះ។

គួរ​បញ្ជាក់​ថា ​ឆ្នាំ ២០២៤ ​កន្លងទៅ គ្រោះ​រន្ទះបាញ់​បាន​កើត​ឡើង​ចំនួន ១២៥ លើក នៅ​ខេត្ត​ចំនួន ២២ លើកលែង​រាជធានី​ភ្នំពេញ ខេត្ត​កែប និង​ខេត្ត​ព្រះវិហារ បណ្តាល​ឱ្យ​ខូចខាត​ផ្ទះសម្បែង​ចំនួន ៣១ ខ្នង ស្លាប់​មនុស្ស ៦៨ នាក់ របួស ៥៥ នាក់ និង​ងាប់​គោក្របី ៤៥ ក្បាល​។ ក្នុងនោះ ខេត្ត​សៀមរាប​កើតឡើង ២១ លើក ស្លាប់​មនុស្ស ១២ នាក់ របួស ៩ នាក់ ងាប់​គោ ៧ ក្បាល និង​ផ្ទះ ៤ ខ្នង៕

អត្ថបទ ៖ សំអឿន

The post ៤ ខែឆ្នាំនេះ រន្ទះបាញ់បណ្ដាលឱ្យមនុស្សស្លាប់ និងរបួសជិត ៣០ នាក់ កើនឡើង ៤ ដង appeared first on Kampuchea Thmey Daily.

តាមការបញ្ជាក់ពីមជ្ឈមណ្ឌលខាងលើ, រន្ទះបាញ់បានវាយប្រហារចាប់ពីពេលរំលងអធ្រាត្រឈានចូលថ្ងៃសុក្រដល់ព្រឹក ដោយសារតំបន់នោះ ជួបខ្យល់ព្យុះនិងភ្លៀងធ្លាក់ខ្លាំង។

ក្នុងចំណោមខេត្តភាគខាងជើងទាំងអស់ ខេត្តដែលកើតមានរន្ទះបាញ់ច្រើនជាងគេគឺ Phu Tho, Tuyen Quang, Yen Bai និង Ha Giang។

ទន្ទឹមនោះ សារព័ត៌មាន Vietnamnet បានចុះផ្សាយថា «គិតចាប់ពីម៉ោង១:៣០នាទីរំលងអធ្រាត្រ ដល់ម៉ោង៥:០០ព្រឹកថ្ងៃសុក្រ មានរន្ទះបាញ់ ២៣ ២០០លើកកើតឡើង ក្នុងនោះមានទាំងបាញ់លើអាកាសនិងបាញ់មកដី»។

យ៉ាងណា នេះមិនមែនទើបលើកដំបូងឡើយដែលភាគខាងជើងប្រទេសវៀតណាម ជួបរន្ទះបាញ់ច្រើនបែបនេះ ពោលកាលពីខែសីហាឆ្នាំមុន ក៏មានរន្ទះបាញ់ជាង ១ ០០០លើកផងដែរ ដែលវាយប្រហារតំបន់នោះក្នុងរយៈពេលត្រឹម១ម៉ោងប៉ុណ្ណោះ៕

អត្ថបទ៖ សុខ សុវណ្ណ

ចុចអាន៖ ត្រឹម២ថ្ងៃ រន្ទះបាញ់សម្លាប់មនុស្ស៦១នាក់ ក្នុងរដ្ឋ Bihar ប្រទេសឥណ្ឌា

The post មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម appeared first on Kampuchea Thmey Daily.