សន្តិសុខសង្គម
បុរសម្នាក់ ត្រូវរន្ទះបាញ់ស្លាប់ ខណៈកំពុងសម្រាកក្រោមផ្ទះ នៅខេត្តរតនគិរី
បុរសជនជាតិភាគតិចគ្រឹងម្នាក់ ត្រូវបានរន្ទះបាញ់ស្លាប់ភ្លាមៗ នៅពេលមេឃរកកល់ចង់ភ្លៀង និងមានផ្គរលាន់ ខណៈជនរងគ្រោះឈប់សម្រាកពីការងារជាជាងធ្វើផ្ទះថ្មី ដោយអង្គុយលើអង្រឹងក្រោមផ្ទះ ស្ថិតនៅភូមិបាក់កែ ឃុំវើនសៃ ស្រុកវើនសៃ ខេត្តរតនគិរី។

តាមរបាយការណ៍ប៉ូលិសប៉ុស្តិ៍នគរបាលឃុំវើនសៃ បានឲ្យដឹងថា កាលពីវេលាម៉ោង ១៣ និង ៣០ នាទីរសៀល ថ្ងៃទី ១ ខែកក្កដា ឆ្នាំ ២០២៥ មានគ្រោះធម្មជាតិរន្ទះបាញ់បាញ់ចំបុរសម្នាក់ បណ្ដាលឲ្យស្លាប់ភ្លាមៗ នៅនឹងកន្លែង។ ជនរងគ្រោះមានឈ្មោះ ខាំវ៉ាន់ ប៊ូរ៉ា ភេទប្រុស អាយុ ៣៨ ឆ្នាំ ជាជនជាតិគ្រឹង មុខរបរជាងធ្វើផ្ទះ។

សាក្សីនៅកន្លែងកើតហេតុ បានឲ្យដឹងថា ដំបូងឮសូរផ្គរលាន់ខ្លាំង ដោយមានផ្សែងនៅត្រង់អង្រឹងដែលជនរងគ្រោះបានអង្គុយ។ បន្ទាប់មក ក៏ឃើញជនរងគ្រោះដួល ទើបពួកគាត់នាំគ្នាស្ទុះទៅជួយលើកឡើង អង្រួនធ្វើចលនាដង្ហើម ស្រែកហៅ តែជាអកុសលបុរសរងគ្រោះបានផុតដង្ហើមទៅហើយ។ សាកសពជនរងគ្រោះ ត្រូវបានក្រុមគ្រួសារ ដឹកយកមកទៅភូមិ តាមម៉ូតូមកដល់ផ្ទះវិញ កាលពីវេលាម៉ោង ១០ និង ០៨ នាទីយប់ ថ្ងៃដដែល។
ដោយឡែក ប្រពន្ធជនរងគ្រោះ បានបញ្ជាក់ថា ប្តីរបស់គាត់បានចាកចេញពីផ្ទះកាលពីល្ងាចថ្ងៃសៅរ៍ ដើម្បីយកអង្ករទៅស្នាក់នៅធ្វើផ្ទះឲ្យគេបង្ហើយ ក៏ជួបហេតុការណ៍ដ៏អាក្រក់នេះតែម្ដង។
បច្ចុប្បន្ន សពជនរងគ្រោះ ត្រូវបានដឹកបញ្ជូនទៅផ្ទះគ្រួសារសព នៅភូមិទៀមលើ ឃុំកាចូន ស្រុកវើនសៃ ខេត្តរតនគិរី ដើម្បីចាត់ចែងធ្វើបុណ្យតាមប្រពៃណី៕
អត្ថបទ ៖ ចាប

-
ព័ត៌មានអន្ដរជាតិ៦ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ