យ៉ាងណា លោក ស៊ូរីយ៉ាន់ ហុងវិល័យ (Suriyan Hongvilai) អ្នកនាំពាក្យតុលាការ មិនបានបញ្ជាក់ពីចំនួនពន្ធឬហេតុផលរបស់តុលាការនោះទេ ប៉ុន្តែប្រព័ន្ធផ្សព្វផ្សាយថៃបានរាយការណ៍ថា ចំនួនទឹកប្រាក់សរុបមានរហូតដល់ ១៧.៦ពាន់លានបាត (ប្រហែល៥៤០លានដុល្លារអាមេរិក) សម្រាប់ពន្ធ និងការពិន័យ។

ជុំវិញរឿងនេះមានសំណួរចោទសួរថា តើហេតុអ្វីបានជាក្រុមហ៊ុន Shin Corp របស់លោកថាក់ស៊ីន ក្លាយជាគោលដៅនៃការវាយប្រហារផ្នែកនយោបាយ និងច្បាប់នៅក្នុងប្រទេសថៃ?

តាមការផ្សាយរបស់ The Nation, ក្រុមហ៊ុន Shin Corporation ត្រូវគេមើលឃើញថាជា «គោលដៅ» មិនមែនព្រោះតែសកម្មភាពអាជីវកម្មធម្មតានោះទេ ប៉ុន្តែដោយសារ វាជា មូលដ្ឋានគ្រឹះនៃទ្រព្យសម្បត្តិ និងអំណាចនយោបាយរបស់លោក ថាក់ស៊ីន តែម្តង។

នៅខែមករាឆ្នាំ ២០០៦ គ្រួសារលោក ថាក់ស៊ីន បានលក់ភាគហ៊ុនមួយចំណែកធំរបស់ក្រុមហ៊ុននេះ ដែលកាន់កាប់ក្រុមហ៊ុនបុត្រសម្ព័ន្ធសំខាន់ៗដូចជា AIS និង Thaicom Satellite ផងដែរនោះ ទៅឲ្យក្រុមហ៊ុនវិនិយោគរបស់រដ្ឋាភិបាលសិង្ហបុរីឈ្មោះថា Temasek Holdings ក្នុងតម្លៃជាង ១.៨៨ ពាន់លានដុល្លារអាមេរិក។

យ៉ាងណា ក្រុមប្រឆាំងលោក ថាក់ស៊ីន ចាត់ទុកការលក់នេះថាជា «ការលក់ទ្រព្យសម្បត្តិយុទ្ធសាស្ត្រជាតិ» ទៅឲ្យបរទេស ផ្ទុយពីផលប្រយោជន៍ជាតិ។ លើសពីនេះ ពួកគេចោទប្រកាន់ថា លោក ថាក់ស៊ីន បានប្រើប្រាស់ចន្លោះប្រហោងផ្នែកច្បាប់និងការផ្ទេរភាគហ៊ុន តាមរយៈក្រុមហ៊ុននៅឯនាយសមុទ្រនិងសមាជិកគ្រួសារ ដើម្បីគេចវេសពីការបង់ពន្ធចំណេញមូលធនរាប់ពាន់លានបាតពីការលក់ដ៏ធំនេះ។

ដូច្នេះហើយ បញ្ហាគេចពន្ធនេះបានក្លាយជាមូលហេតុចម្បងដែលបញ្ឆេះឲ្យមាន បាតុកម្មទ្រង់ទ្រាយធំ ប្រឆាំង ថាក់ស៊ីន ហើយទីបំផុតឈានទៅដល់ រដ្ឋប្រហារយោធា ខែកញ្ញា ឆ្នាំ ២០០៦។

ក្រុមហ៊ុនបុត្រសម្ព័ន្ធរបស់ Shin Corp បានធ្វើប្រតិបត្តិការក្រោម «ប្រព័ន្ធសម្បទាន» ជាមួយរដ្ឋាភិបាលថៃ។ បន្ទាប់ពីលោក ថាក់ស៊ីន ចាកចេញ ស្ថាប័នរដ្ឋក៏ចោទប្រកាន់ក្រុមហ៊ុនទាំងនេះថា បាន បំពាន លក្ខខណ្ឌនៃកិច្ចសន្យាទាំងនោះ ដែលជាហេតុផលសម្រាប់ការទាមទារសំណងរាប់ពាន់លានបាតតែម្តង៕

អត្ថបទ៖ សុខ សុវណ្ណ

ចុចអាន៖ ​លោក ថាក់ស៊ីន ស្នើរាជទាន​ទោស​ពី​មហាក្សត្រ លោក​ អានុទីន ក៏​ចុះ​ហត្ថលេខា​​​រួច​ដែរ​

The post ហេតុអ្វីក្រុមហ៊ុន Shin Corp របស់ថាក់ស៊ីន គឺជាគោលដៅនៃការវាយប្រហារផ្នែកនយោបាយ និងច្បាប់ នៅថៃ? appeared first on Kampuchea Thmey Daily.

​តាមសេចក្តីរាយការណ៍ លិខិត​ស្នើ​សុំរាជទានទោស​ពីមហាក្សត្រ​ថៃ​​​ដើម្បី​​​ផ្តល់​សិទ្ធិសេរីភាព​ឲ្យលោក​ថាក់ស៊ីន ស៊ីណាវ៉ាត្រ​ ដែល​ត្រូវ​បាន​ចាប់​បញ្ជូន​ខ្លួន​ទៅ​​​​ឃុំឃាំង​​ក្រោយ​ការ​ប្រកាស​សាលក្រម​កាលដើមខែ​កញ្ញានោះ​​ ត្រូវ​បាន​គេ​រង់ចាំ​តាំងពី​​​អាណត្តិ​​​កាន់​តំណែងរបស់​​អតីត​រដ្ឋមន្ត្រី​ក្រសួង​យុត្តិធម៌ លោក Tawee Sodsong។

ឯកសារសម្ងាត់​ ​​ដែល​មាន​​ចំនួន​១១ទំព័រ ដែលចុះហត្ថលេខាដោយ លោក Tawee Sodsong បាន​កត់​សម្គាល់​ថា ថាក់ស៊ីន ​បានទទួលយកសាលក្រមរបស់តុលាការកំពូល អនុវត្ត​ទោសរបស់គាត់ និងសម្រេចបាននូវសមិទ្ធផលសំខាន់ៗក្នុងឋានៈជានាយករដ្ឋមន្ត្រី។

វា​បាន​លើក​ឡើង​ពី​ដីកា​របស់​តុលាការ​កំពូល​ក្នុង​សំណុំរឿង​ដែ​ល​កាត់​ទោស​​​​លោក ថាក់ស៊ីន ស៊ីណាវ៉ាត្រ កាល​ថ្ងៃ​៩ខែ​កញ្ញា ឆ្នាំ ២០២៥ ជុំវិញ​បណ្តឹង​ចោទ​ប្រកាន់​​ប្រមាថ​ព្រះមហាក្សត្រ​ ដោយ​​​សាលក្រម​នោះ​ បាន​កាត់ទោស​លោក ថាក់ស៊ីន ឲ្យ​ជាប់​ពន្ធនាគារ​រយៈពេល១ឆ្នាំ និង​បាន​ណែនាំ​ឲ្យ​​​មាន​​ការ​លើក​លែង​​​ទោស។ នេះ​យោង​តាម​ Thai Enquirer​។​

​នាយករដមន្ត្រី​ អានុទីន ក៏បានបដិសេធថា ការបន្តត្រួតពិនិត្យច្បាប់របស់ក្រសួងយុត្តិធម៌ស្តីពីការផ្ទេរអ្នកទោស ការព្យួរទោស និងការឃុំខ្លួនជំនួស គឺជាហេតុផលនយោបាយដើម្បីរារាំងលោកថាក់ស៊ីនពីការ​​ចូលរួម​ក្នុង​យុទ្ធនាការ​ឃោសនាបោះឆ្នោត​នៅពេលខាងមុខ​ប៉ុណ្ណោះ​​។

ការកែប្រែនេះ បញ្ជាដោយរដ្ឋមន្ត្រីក្រសួងយុត្តិធម៌ លោក Rutthaphon Naowarat ដោយ​​​ផ្អែកលើការស៊ើបអង្កេតរបស់គណៈកម្មាធិការជាតិប្រឆាំងអំពើពុករលួយលើការ​​​ព្យាបាល​​​​អ្នក​ទោសដែល​ទទួល​បាន​​​ការ​​លើក​លែង​ប្រកប​ដោយ​សក្តានុពល​​៕​

The post ​លោក ថាក់ស៊ីន ស្នើរាជទាន​ទោស​ពី​មហាក្សត្រ លោក​ អានុទីន ក៏​ចុះ​ហត្ថលេខា​​​រួច​ដែរ​ appeared first on Kampuchea Thmey Daily.

លោកថាក់ស៊ីនត្រូវបានចោទប្រកាន់ក្រោមមាត្រា ១១២​នៃក្រមព្រហ្មទណ្ឌ និងច្បាប់ស្តីពីឧក្រិដ្ឋកម្មកុំព្យូទ័រសម្រាប់ការ​​​​និយាយ​​​​ដែលបានធ្វើឡើងនៅក្នុងបទសម្ភាសន៍ទូរទស្សន៍កូរ៉េខាងត្បូងដែលត្រូវបានចាត់ទុកថាជាការប្រមាថដល់របបរាជានិយម។

តុលាការ​ព្រហ្មទណ្ឌ​​​បាន​ច្រានចោល​ការ​ចោទ​ប្រកាន់​​​​ប្រឆាំង​លោក​ថាក់ស៊ីន ស៊ីណាវ៉ាត្រ​ ដែល​ជាអ្នក​មាន​​ឥទ្ធិពល​នយោបាយ​​​​​​​ដ៏ខ្លាំង​នៅថៃ​ កាល​ពី​ថ្ងៃទី​២២​ខែសីហា ដោយ​អះអាងថា បណ្តឹង​ចោទ​ប្រកាន់​​​ក្នុងសំណុំ​រឿង​ដែល​មានអាយុកាល​ជាង​​១០ឆ្នាំនោះ មិន​មានភស្តុតាង​គ្រប់គ្រាន់ ហើយ លោក​ ថាក់​ស៊ីន​ ក៏រួច​ផុត​ពីការ​ចោទ​ប្រកាន់​​​​ប្រមាថ​ព្រះ​ចេស្តា​​របស់​មហាក្សត្រ​ថៃ​​​។

​ទោះបី​​​យ៉ាង​ណា លោក​ថាក់​ស៊ីន​ ក៏ត្រូវ​​ជាប់​ពន្ធ​ធនាគារ​​ដោយសារ​តែ សំណុំ​រឿង​​ពុក​រលួ​យ​ ដែល​លោក បាន​ព្យាយាម​សូក​ប៉ាន់​មន្ត្រី​​ប៉ូលិស​​ ក្រោយ​លោក​អស់អំណាច​​ជា​នាយករដ្ឋមន្ត្រី។ សំណុំរឿង​នេះ​ស្នើ​រួច​ផុត​ការ​ចោទ​ប្រកាន់ទៅ​ហើយ ដោយសារ​តែ​​​ព្រះមហាក្សត្រ​រាជទានទោស​នៅសល់​១ឆ្នាំ ហើយ លោក បាន​សម្រាក​​ព្យា​​បាល​នៅ​ពេទ្យ​ប៉ូលិស​ ដោយ​អះអាងថា ជាអ្នក​ទោស​មានជម្ងឺ ប៉ុន្តែ​​តុលាការ​បាន​​តម្រូវ​ឲ្យលោក​អនុវត្តទោស​​សាឡើងវិញចាប់​ពី​ថ្ងៃទី​៩ខែ​កញ្ញា​មល។​

​ការ​ណែនាំ​ចុង​ក្រោយ​​​នេះ​ធ្វើ​ឡើង​បន្ទាប់​ពី​ការ​ពន្យារ​ពេល​ដែល​បាន​អនុម័ត​ដោយ​តុលាការ​ដែល​អនុញ្ញាត​ឱ្យ​ព្រះរាជអាជ្ញា​ពី​​ការិយាល័យ​សំណុំរឿង​ព្រហ្មទណ្ឌ​លេខ​៨ ប្តឹង​ឧទ្ធរណ៍​ជា​លើក​ទី​ពីរ​ត្រឹម​ថ្ងៃ​ទី ២១ខែ​វិច្ឆិកា។

តាមសេចក្តីរាយការណ៍​នោះ គណៈកម្មាធិការ​ពិនិត្យ​មើល​ការ​ប្រមាថ​ព្រះមហាក្សត្រ​នៅ​ក្នុង​ការិយាល័យ​របស់​ព្រះរាជអាជ្ញា​មុន​នេះ​ បាន​បោះឆ្នោត​ ៨-២ ប្រឆាំង​នឹង​ការ​ប្តឹង​ឧទ្ធរណ៍​លើ​ករណី​នេះ។ សេចក្តីណែនាំចុងក្រោយរបស់អគ្គមេធាវីបានបដិសេធអនុសាសន៍នោះ ដោយ​ណែនាំព្រះរាជអាជ្ញាឱ្យបន្តទៅមុខជាមួយនឹងបណ្តឹងឧទ្ធរណ៍៕​

រ៉ាន់ រើយ​

The post ​អគ្គមេធាវីថៃណែនាំ​ឲ្យ​ព្រះរាជ​អាជ្ញា​​ប្តឹង​ឧទ្ធ​រណ៍​​​​​​​​​​ក្នុងសំណុំរឿង​ប្រមាថស្តេច​​​របស់​​ថាក់ស៊ីន appeared first on Kampuchea Thmey Daily.

​នៅ​ក្នុង​លិខិត​លាលែង​ពី​ប្រធាន​គណបក្ស​ភឿថៃ លោក​​ស្រី ផែថងថាន ស៊ីណាវ៉ាត្រ​ ដែល​អស់​អំណាច​តាម​អំណាច​សាលក្រម​តុលាការ​ធម្មនុញ្ញ​កាល​ថ្ងៃទី​​២៩ខែ​សីហានោះ បាន​​ចេញលិខិតសាធារណៈមួយ ជូនដំណឹងដល់សមាជិកបក្ស និងសាធារណជនថា លោកស្រីបានលាលែងពីមុខតំណែងជាប្រធានគណបក្សហើយ។

​នៅ​ក្នុងលិខិត​ដែល​សារ​ព័ត៌មានថៃ​​​ផ្សព្វផ្សាយ​យ៉ាង​ទូលំទូលាយ​នៅថ្ងៃទី​​២២​ខែ​តុលានេះ លោកស្រី ផែថងថាន បាន​សរសេរថា៖«​ខ្ញុំបានសម្រេចចិត្តលាលែងពីដំណែងជាប្រធានគណបក្សភឿថៃ ដោយមានបំណងថា នេះជាការចាប់ផ្តើមនៃការផ្លាស់ប្តូរគណបក្សភឿថៃ […] នេះជាចក្ខុវិស័យថ្មី សេចក្តី​ក្លាហានក្នុងការផ្លាស់ប្តូរ ដើម្បីប្រជាជនក្នុង​សតិ​​ស្មារតី​​ពិត​បំផុត»។

​​លិខិតដដែល​នោះ បានបន្តថា៖​«​បច្ចុប្បន្ននេះ យើងស្ថិតក្នុងយុគសម័យដែលសង្គមពិភពលោកមានភាពផុយស្រួយ ស្មុគស្មាញ រសើប និងពិបាកទាយទុកជាមុន។ ប្រទេសថៃស្ថិតក្នុងដំណាក់កាលអន្តរកាលដ៏សំខាន់បំផុតជាមួយនឹងការបោះឆ្នោតនាពេលខាងមុខ។ ដូច្នេះហើយ គណបក្សភឿថៃ ដែលជាគណបក្សនយោបាយសំខាន់របស់ប្រទេស ចាំបាច់ត្រូវរុះរើ ផ្លាស់ប្តូរ ផ្លាស់ប្តូររចនាសម្ព័ន្ធ ដំណើរការ និងរបៀបគិតគូរទាំងស្រុង ដើម្បីឲ្យគណបក្សអាចឈ្នះការបោះឆ្នោត រួចបន្តរុះរើ និងស្តារប្រទេសថៃឡើងវិញ»​។

​​ទោះបី​​ជា​ លោកស្រី ផែថងថាន ស៊ីណាវ៉ាត្រ​ មានឈ្មោះ​ជា​ប្រធានគណបក្ស​ភឿថៃ ដែល​ឈ្នះឆ្នោត​លំដាប់​លេខរៀង​ទី២​ កាល​ពី​កា​របោះឆ្នោតសកល​​កាល​ពីខែ​ឧសភា​​២០២៣ ប៉ុន្តែ​​ការ​ដឹកនាំ​គណបក្ស​ពិត​ប្រាកដ​ត្រូវគេជឿថា ​ស្ថិតក្រោម​ការ​ចង្អុល​​បង្ហាញ និង​ការរៀបចំ​​ពី​លោក​ថាក់ស៊ីន ស៊ីណាវ៉ាត្រ ដែល​ជាឪពុក​របស់​លោកស្រី។ បច្ចុប្បន្ននេះ លោកថាក់ស៊ីន ត្រូវ​ជាប់ពន្ធនាគារ​​​រយៈពេល​១ឆ្នាំ ក្រោយ​តុលាការ​ព្រហ្មទណ្ឌ​​សម្រេច​ឲ្យ​អនុវត្តទោស​ ក្រោយ​ពី​ការលើក​លែង​របស់​មហាក្សត្រ​ថៃ។

​​នៅ​ក្នុង​លិខិតលាលែង​​របស់​លោក​លោកស្រី ផែថងថាន ​ក៏មិនបាន​បញ្ជាក់​ពីអ្នក​ដឹកនាំ​​បន្ត​​ពីលោកស្រី​នៅឡើយ​ ដោយ​លោកស្រី​លើក​ឡើងថា ការផ្លាស់ប្តូរសម្រាប់គណបក្សភឿថៃត្រូវតែចាប់ផ្តើមឱ្យបានឆាប់តាមដែលអាចធ្វើទៅបានហើយ​ការ​លាលែងពីដំណែងជាប្រធានគណបក្ស គឺ​​ដើម្បីឲ្យគណបក្សមានសេរីភាពក្នុងការធ្វើការផ្លាស់ប្តូរនេះ និងកសាងគណបក្សថ្មីមួយដ៏ល្អឥតខ្ចោះ៕​

រ៉ាន់ រើយ​

The post ផែថងថាន លាលែង​ពី​ប្រធានបក្ស​ភឿថៃ បើកផ្លូវ​ឲ្យ​បក្ស​នេះ​កែទម្រង់មុន​បោះឆ្នោត​​ appeared first on Kampuchea Thmey Daily.

យោងតាម thethaiger អគ្គនាយក​មណ្ឌល​កែប្រែ​លោក Prawut Wongsinin បានផ្តល់បទសម្ភាសន៍ដល់អ្នកសារព័ត៌មានដោយបានលាតត្រដាងពីការត្រួតពិនិត្យ និងការគ្រប់គ្រងលើអតីតនាយករដ្ឋមន្ត្រីថាក់ស៊ីន ដោយបញ្ជាក់ថា លោកអាចនឹងត្រូវបានចាត់តាំងតួនាទីថ្មីមួយផ្សេងទៀត ដើម្បីរួមចំណែកដល់ការអប់រំនៅក្នុងពន្ធនាគារវិញ។

ទោះជាយ៉ាងណាក៏ដោយ កាលពីពេលកន្លងមក ផែថងថាន ធ្លាប់បាននិយាយនៅក្នុងបទសម្ភាសន៍មួយថា ឪពុកចង់ជួយដល់សេវាសហគមន៍ ដូចជាមើលការខុសត្រូវលើការសម្អាតលូជាដើម។ ប៉ុន្តែ អគ្គនាយកដ្ឋាន​កែប្រែបាន​បំភ្លឺ​ពី​បញ្ហា​នេះ​ថា «​លោកថាក់ស៊ី​ន ជា​អ្នកទោស​វ័យ​ចំណាស់​ ពេល​គេ​សុំ​ធ្វើការ​ត្រូវ​គិតគូរ​ពី​សុខភាព​។ ដូច្នេះ ខ្ញុំ​សូម​ឲ្យ​លោកជួយ​ដល់​ការ​អប់រំ ដូចជា​ការ​បង្រៀន​ភាសា​អង់គ្លេស​ដល់​អ្នក​ទោស​ក្នុង​ពន្ធនាគារជំនួសវិញ»។

យ៉ាង​ណា​ក៏​ដោយ លោកវរសេនីយ៍ទោ Prawut មិនទាន់អាចនិយាយបានថា តើនៅពេលណាដែលលោកនឹងចាប់ផ្តើមការងារនោះទេ ព្រោះអ្វីៗត្រូវតែគោរពតាមបទប្បញ្ញត្តិ និងគោលការណ៍ណែនាំរបស់ពន្ធនាគារ។

ប្រភពមួយនៅក្នុងនាយកដ្ឋានកែប្រែបានបង្ហើបថា ការថែទាំរបស់លោកថាក់ស៊ីន នឹងផ្តោតលើផ្នែកសំខាន់ពីរគឺការត្រួតពិនិត្យយ៉ាងជិតស្និទ្ធនៃស្ថានភាពសុខភាពមូលដ្ឋានរបស់គាត់ ថ្នាំ និងប្រវត្តិវេជ្ជសាស្ត្រ និងសន្តិសុខ។ ដោយសារពន្ធនាគារកណ្តាលមានអ្នកទោសដែលមានទស្សនៈនយោបាយចម្រុះ ការបែងចែកដាច់ដោយឡែកគឺចាំបាច់ដើម្បីកាត់បន្ថយការប្រឈមមុខដាក់គ្នា និងទប់ស្កាត់ផលវិបាកដែលអាចកើតមាន៕

អត្ថបទ៖ សាង ស្រីល័ក្ខ

ចុចអានខាងក្រោម៖

មេគុក​ចង់​យក​​លោក ថាក់ស៊ីន ធ្វើ​ជា​គ្រូ​បង្រៀន​ភាសា​អង់គ្លេស​សម្រាប់​អ្នក​ទោស

The post មេគុកប្រាប់មូលហេតុ ដែលលោកថាក់ស៊ីន មិនអាចលាងលូ តែមកធ្វើគ្រូវិញ appeared first on Kampuchea Thmey Daily.

ទាក់ទិននឹងពាក្យចចាមអារ៉ាមដែលរីករាលដាលថា បន្ទាប់ពីសាលក្រមព្រហ្មទណ្ឌរបស់តុលាការកំពូលសម្រាប់អ្នកកាន់តំណែងនយោបាយ បានកាត់ទោសអតីតនាយករដ្ឋមន្ត្រីថៃ ឲ្យជាប់ពន្ធនាគាររយៈពេលមួយឆ្នាំ កាលពីថ្ងៃទី ៩ ខែកញ្ញា ឆ្នាំ ២០២៥ ក្នុងសំណុំរឿងកម្រិតទី១៤ ។ មួយ​ថ្ងៃ​ក្រោយ​មក គឺ​នៅ​ថ្ងៃ​ទី​១០ ខែ​កញ្ញា ឆ្នាំ​២២០២៥ លោក ថាក់ស៊ីន បាន​ដាក់​សំណើ​សុំ​លើក​លែង​ទោស ​ពី​ព្រះមហាក្សត្រ​ទៅ​ក្រសួង​យុត្តិធម៌ភ្លាមៗ។

ក្រោយមក នៅថ្ងៃទី២៣ ខែកញ្ញា ឆ្នាំ២០២៥ ក្រសួងយុត្តិធម៌ ក្រោមការដឹកនាំរបស់ លោកវរសេនីយ៍ទោ Thawee Sodsong បានសម្រេចច្រានចោលសំណើនេះ ហើយបញ្ជូនទៅលេខាធិការដ្ឋានខុទ្ទកាល័យ (CSC) ដើម្បីចាត់ការបន្ត​នីតិវិធី។

ទោះជាយ៉ាងណាក៏ដោយ ការពិចារណាលើដំណើរការនេះ បានធ្វើឡើងក្នុងអំឡុងពេលដែលគណៈរដ្ឋមន្ត្រីថ្មីមិនទាន់មានលទ្ធភាពពេញលេញក្នុងការអនុវត្តភារកិច្ចរបស់ខ្លួននៅឡើយ។ បន្ទាប់ពីព្រះរាជបញ្ជាចេញការតែងតាំងនៅថ្ងៃទី ១៩ ខែកញ្ញា ឆ្នាំ ២០២៥ និងស្បថចូលកាន់តំណែងនៅថ្ងៃទី ២៤ ខែកញ្ញា ឆ្នាំ ២០២៥ ជាមួយនឹងការប្រកាសគោលនយោបាយដែលបានគ្រោងទុកទៅកាន់សភា។

សូម​ជម្រាប​ជូនថា ក្រោយ​រត់​គេច​ខ្លួន​ចេញ​ទៅ​ក្រៅ​ប្រទេស​អស់​មួយ​រយៈ​ធំ លោក​ ថាក់ស៊ីន បានវិល​ចូល​​មាតុ​ប្រទេសខ្លួន​វិញ​ កាល​​ខែ​សីហា ​ឆ្នាំ​២០២៣ គឺ​នៅ​មុន​ថ្ងៃ​ដែល​សភា​ថៃ​បោះឆ្នោត​​ជ្រើស​រើស​​​​បេក្ខជន​នាយករដ្ឋមន្ត្រី​​​ចេញ​ពីគណបក្ស​ភឿថៃ ហើយ​ត្រូវ​វបាន​តុលាការ​កំពូលកាត់ទោស​​​ឲ្យ​ជាប់​ពន្ធធនាគារ ១ឆ្នាំ ហើយ​លោកក៏​ត្រូវចូលសម្រាកព្យាបាលនៅមន្ទីរពេទ្យប៉ូលិស​នៅ​ទីក្រុង​បាងកក ដែល​ជា​​ពេទ្យ​របស់ពន្ធធាគារដោយសាររូបលោកជាពិរុទ្ធជន (អ្នកទោស) ដែលត្រូវអនុវត្តទោសរយៈពេល១២០ថ្ងៃក្នុងពន្ធធាគារ៕

អត្ថបទ៖ សាង ស្រីល័ក្ខ

ចុចអាន៖មេពន្ធនាគារ ថៃ ប្រាប់បែបបទដែលលោក ថាក់ស៊ីន អាចសុំការលើកលែង​ទោសពីព្រះមហាក្សត្រ

The post លោក ថាក់ស៊ីន ​ដាក់សំណើសុំ​លើក​លែង​ទោស ​ពី​ព្រះមហាក្សត្រ appeared first on Kampuchea Thmey Daily.

សម្ដេច ហ៊ុន សែន បញ្ជាក់ថា ការចេញមកបញ្ជាក់នាពេលនេះ ការទទួលខុសត្រូវ ដើម្បីរក្សានូវភាពស្អាតស្អំរបស់ លោ ថាក់ ស៉ីន បើទោះបីបច្ចុប្បន្នទំនាក់ទំនងដ៏ស្អិតរមួត ជាបងប្អូនធម៌គ្នា រវាងលោក ថាក់ ស៉ីន និងសម្ដេច មានបញ្ហាជាមួយគ្នាក៏ដោយ។

សម្ដេចតេជោ ហ៊ុន សែន បញ្ជាក់តាមរយៈទំព័រហ្វេសប៊ុកផ្លូវការដូច្នេះ៖«មិនថា ឯកឧត្តម ថាក់ ស៉ីន ឬលោកជំទាវ យ៉ីង ឡាក់ ពុំមានទ្រព្យសម្បត្តិ ឬការរកស៉ីណាមួយនៅកម្ពុជានោះទេ។ ពេលឯកឧត្តម ថាក់ ស៉ីន ឬ យ៉ីង ឡាក់ មកកម្ពុជា គឺប្រើប្រាស់រថយន្តរបស់ខ្ញុំទាំងអស់បង្ហាញថា ថាក់ ស៉ីន គ្មានទ្រព្យសម្បត្តិណាមួយនៅកម្ពុជានោះឡើយ។»។

សម្ដេចតេជោ ហ៊ុន សែន ក៏រម្លឹកឡើងវិញថា រវាងសម្ដេច និង ថាក់ ស៉ីន មិនដែលបានពិភាក្សាគ្នាអំពីរឿងធ្វើអាជីវកម្មរកផលចំណេញខាងសេដ្ឋកិច្ចសម្រាប់បុគ្គល ឬគ្រួសារនោះទេ។

សម្ដេចតេជោ ហ៊ុន សែន ក៏បានបន្ថែមថា៖«ប្រសិនព័ត៌មានបែបនេះចេញពីកម្ពុជា ខ្ញុំស្នើសុំឲ្យបញ្ឈប់ជាបន្ទាន់ដែលជាតិសាសន៍របស់យើងត្រូវរក្សានូវភាពថ្លៃថ្នូរមិនកុហក ភូតភរមួលបង្កាច់ប្រឌិតរឿងខុសការពិត។ ប្រសិនបើរឿងនេះចេញពីប្រទេសថៃ ត្រូវទុកឲ្យអាជ្ញាធរថៃដោះស្រាយ។»៕

The post សម្ដេចតេជោ ហ៊ុន សែន  ចេញមកបញ្ជាក់ថា ថាក់ ស៊ីន និងយ៉ីង ឡាក់ គ្មានទ្រព្យសម្បត្តិនៅកម្ពុជាឡើយ appeared first on Kampuchea Thmey Daily.

លោកវរសេនីយ៍ទោ Chain Kanchanapat អគ្គនាយករងនៃនាយកដ្ឋានកែតម្រូវ និងជាអ្នកនាំពាក្យនាយកដ្ឋានបានលាតត្រដាងករណីនៃការឃុំខ្លួនអតីតនាយករដ្ឋមន្ត្រីថាក់ស៊ីនថា នៅក្នុងរយៈ៥ថ្ងៃដំបូង មហាសេដ្ធីថៃថៃនឹងត្រូវចំណាយពេលនៅដាច់ដោយឡែកពីគេ។ បន្ទាប់ពីនោះ អ្នកទោសនឹងត្រូវបានចាត់ថ្នាក់ដោយគណៈកម្មាធិការចាត់ថ្នាក់ ដែលនឹងពិចារណាលើសមត្ថភាពបុគ្គល។ ជាឧទាហរណ៍ អ្នកទោសដែលមានជំនាញគិលានុបដ្ឋាយិកានឹងត្រូវបានដាក់នៅក្នុងគិលានដ្ឋានដើម្បីជួយក្នុងការគ្រប់គ្រងថ្នាំ ចំណែកអ្នកទោសដែលមានជំនាញវិស្វកម្មនឹងត្រូវដាក់នៅក្នុងផ្នែកថែទាំ។

ដោយឡែក ក្នុងករណីលោកថាក់ស៊ីន ដែលមានជំនាញភាសាស្រាប់ គាត់អាចនឹងត្រូវបានតែងតាំងជាគ្រូបង្រៀនភាសា ព្រោះសកម្មភាពកំពុងត្រូវបានបង្កើតឡើងដើម្បីផ្តល់ចំណេះដឹងដល់អ្នកទោសទាំងអស់ និងអភិវឌ្ឍឥរិយាបទល្អ ដោយប្រើប្រាស់អ្នកទោសគ្រប់រូប ដើម្បីជាប្រយោជន៍ដល់ពន្ធនាគារទាំងមូល។

ក្នុងអំឡុងពេលដាក់ឲ្យនៅដាច់ពីគេរយៈពេល៥ថ្ងៃ នាយកដ្ឋានកែតម្រូវបានដាក់លោកថាក់ស៊ីននៅក្នុងបន្ទប់ជាមួយមនុស្សចាស់ ដោយសារគាត់មានវ័យចំណាស់ ហើយមិនអាចដាក់ជាមួយអ្នកទោសដែលពាក់ព័ន្ធនឹងករណីឃាតកម្មបានឡើយ។ ជាងនេះទៅទៀតដែរ កាលពី២យប់ដំបូងនៅក្នុងគុក លោកក៏អាចហូបត្រឹមស៊ុត និងកាហ្វេដូចអ្នកទោសផ្សេងទៀត ហើយគេងលក់ធម្មតា ក៏មិនមានការស្នើសុំជាពិសេសឡើយ។

អ្នកនាំពាក្យនាយកដ្ឋានរូបនេះ ក៏បានបញ្ចាក់ជាចុងក្រោយទៀតថា បច្ចុប្បន្នខាងពន្ធនាគារ គឺមិនអនុញ្ញាត​ឲ្យ​អ្នកណាម្នាក់ចូល​សួរ​សុខ​ទុក្ខ​អ្នកទោសទេ រួម​ទាំង​មេធាវី​ផ្ទាល់ខ្លួនផងដែរ។ បន្ទាប់ពីរយៈពេលប្រាំថ្ងៃមក មនុស្សតែ ១០ នាក់ប៉ុណ្ណោះ រួមទាំងភរិយា កូនៗ និងសមាជិកគ្រួសារផ្សេងទៀតរបស់ថាក់ស៊ីន នឹងត្រូវបានអនុញ្ញាតឲ្យចូលសួរសុខទុក្ខតាមបទប្បញ្ញត្តិ។

សូមជម្រាបជូនថា ក្រោយ​ការ​ប្រកាស​សាលក្រម​ចប់ភ្លាម មហាសេដ្ឋីវ័យ​៧៦​ឆ្នាំ ត្រូវ​បាន​​តម្រូវ​ឲ្យ​ប្តូរ​សម្លៀក​បំពាក់​ពី​​ឈុត​​ស៊ីវិល​ទៅ​ឈុត​អ្នក​ទោស​ ដើម្បី​​អនុវត្តទោស​​​រយៈពេល១ឆ្នាំ​ ដោយ​ឃុំខ្លួន​នៅមន្ទីរ​ឃុំឃាំង «Bangkok Remand Prison»​ ។ នេះបើយោងតាមសារ​ព័ត៌មាន​ថៃ​ The Nation បានចុះផ្សាយនាពេលកន្លងមក៕

អត្ថបទ៖ សាង ស្រីល័ក្ខ

ចុចអាន៖ពន្ធនាគារ​​បាងកក​ រងការរិះគន់ថា ​ជួសជុល​ឲ្យថ្មីដើម្បីត្រៀមទទួល លោក ថាក់ស៊ីន

The post ស្ថានភាពលោក ថាក់ស៊ីន ក្រោយចូលពន្ធនាគារ​​ ក្នុងនាមជាអ្នកទោស appeared first on Kampuchea Thmey Daily.