ព័ត៌មានអន្ដរជាតិ

មេគុកប្រាប់មូលហេតុ ដែលលោកថាក់ស៊ីន មិនអាចលាងលូ តែមកធ្វើគ្រូវិញ

បានផុស

៧ ខែ មុន

នៅ

ថ្ងៃសៅរ៍ ១១ តុលា ២០២៥

ដោយ

បន្ទាប់ពីបង្ហាញនូវផែនការថ្មីក្នុងការនាំលោកថាក់ស៊ីន ស៊ីណាវ៉ាត្រ ជាគ្រូបង្រៀនភាសាអង់គ្លេសនៅក្នុងពន្ធនាគារ, កាលពីថ្ងៃទី ១០ តុលា មណ្ឌលកែប្រែថៃបានពន្យល់ពីហេតុផល ដែលមិនអនុញ្ញាតឲ្យអតីតនាយករដ្ឋមន្ត្រីវ័យ៧៦ឆ្នាំ សម្អាតលូ ពោលគឺផ្តោតសំខាន់គឺទៅលើសន្តិសុខ បញ្ហានយោបាយ និងតម្រូវការសម្រាប់តំបន់ដាច់ដោយឡែក និងការទប់ស្កាត់ឧប្បត្តិហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម thethaiger អគ្គនាយកមណ្ឌលកែប្រែលោក Prawut Wongsinin បានផ្តល់បទសម្ភាសន៍ដល់អ្នកសារព័ត៌មានដោយបានលាតត្រដាងពីការត្រួតពិនិត្យ និងការគ្រប់គ្រងលើអតីតនាយករដ្ឋមន្ត្រីថាក់ស៊ីន ដោយបញ្ជាក់ថា លោកអាចនឹងត្រូវបានចាត់តាំងតួនាទីថ្មីមួយផ្សេងទៀត ដើម្បីរួមចំណែកដល់ការអប់រំនៅក្នុងពន្ធនាគារវិញ។

ទោះជាយ៉ាងណាក៏ដោយ កាលពីពេលកន្លងមក ផែថងថាន ធ្លាប់បាននិយាយនៅក្នុងបទសម្ភាសន៍មួយថា ឪពុកចង់ជួយដល់សេវាសហគមន៍ ដូចជាមើលការខុសត្រូវលើការសម្អាតលូជាដើម។ ប៉ុន្តែ អគ្គនាយកដ្ឋានកែប្រែបានបំភ្លឺពីបញ្ហានេះថា «លោកថាក់ស៊ីន ជាអ្នកទោសវ័យចំណាស់ ពេលគេសុំធ្វើការត្រូវគិតគូរពីសុខភាព។ ដូច្នេះ ខ្ញុំសូមឲ្យលោកជួយដល់ការអប់រំ ដូចជាការបង្រៀនភាសាអង់គ្លេសដល់អ្នកទោសក្នុងពន្ធនាគារជំនួសវិញ»។

យ៉ាងណាក៏ដោយ លោកវរសេនីយ៍ទោ Prawut មិនទាន់អាចនិយាយបានថា តើនៅពេលណាដែលលោកនឹងចាប់ផ្តើមការងារនោះទេ ព្រោះអ្វីៗត្រូវតែគោរពតាមបទប្បញ្ញត្តិ និងគោលការណ៍ណែនាំរបស់ពន្ធនាគារ។

ប្រភពមួយនៅក្នុងនាយកដ្ឋានកែប្រែបានបង្ហើបថា ការថែទាំរបស់លោកថាក់ស៊ីន នឹងផ្តោតលើផ្នែកសំខាន់ពីរគឺការត្រួតពិនិត្យយ៉ាងជិតស្និទ្ធនៃស្ថានភាពសុខភាពមូលដ្ឋានរបស់គាត់ ថ្នាំ និងប្រវត្តិវេជ្ជសាស្ត្រ និងសន្តិសុខ។ ដោយសារពន្ធនាគារកណ្តាលមានអ្នកទោសដែលមានទស្សនៈនយោបាយចម្រុះ ការបែងចែកដាច់ដោយឡែកគឺចាំបាច់ដើម្បីកាត់បន្ថយការប្រឈមមុខដាក់គ្នា និងទប់ស្កាត់ផលវិបាកដែលអាចកើតមាន៕

អត្ថបទ៖ សាង ស្រីល័ក្ខ

ចុចអានខាងក្រោម៖