ព័ត៌មានអន្ដរជាតិ

អគ្គមេធាវីថៃណែនាំឲ្យព្រះរាជអាជ្ញាប្តឹងឧទ្ធរណ៍ក្នុងសំណុំរឿងប្រមាថស្តេចរបស់ថាក់ស៊ីន

បានផុស

៨ ខែ មុន

នៅ

ថ្ងៃចន្ទ ១៧ វិច្ឆិកា ២០២៥

ដោយ

ការិយាល័យអគ្គមេធាវីបានប្រាប់ទៅរាជអាជ្ញាឱ្យប្តឹងសាទុក្ខទៅកាន់សាលាឧទ្ធរណ៍ ចំពោះសេចក្តីសម្រេចសម្រេចដែលបញ្ចប់សំណុំរឿងប្រមាថព្រះមហាក្សត្រ របស់អតីតនាយករដ្ឋមន្ត្រី លោក ថាក់ស៊ីន ស៊ីណាវ៉ាត្រ។ នេះយោងតាមសារព័ត៌មានថៃ Thai Inquirer ផ្សាយនៅថ្ងៃនេះ។

លោកថាក់ស៊ីនថ្លែងនៅមុនពេលចាប់ខ្លួនបញ្ជូនទៅអនុវត្តទោសសូកប៉ាន់ប៉ូលិស។ Thai Enquirer

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថាក់ស៊ីនត្រូវបានចោទប្រកាន់ក្រោមមាត្រា ១១២នៃក្រមព្រហ្មទណ្ឌ និងច្បាប់ស្តីពីឧក្រិដ្ឋកម្មកុំព្យូទ័រសម្រាប់ការនិយាយដែលបានធ្វើឡើងនៅក្នុងបទសម្ភាសន៍ទូរទស្សន៍កូរ៉េខាងត្បូងដែលត្រូវបានចាត់ទុកថាជាការប្រមាថដល់របបរាជានិយម។

តុលាការព្រហ្មទណ្ឌបានច្រានចោលការចោទប្រកាន់ប្រឆាំងលោកថាក់ស៊ីន ស៊ីណាវ៉ាត្រ ដែលជាអ្នកមានឥទ្ធិពលនយោបាយដ៏ខ្លាំងនៅថៃ កាលពីថ្ងៃទី២២ខែសីហា ដោយអះអាងថា បណ្តឹងចោទប្រកាន់ក្នុងសំណុំរឿងដែលមានអាយុកាលជាង១០ឆ្នាំនោះ មិនមានភស្តុតាងគ្រប់គ្រាន់ ហើយ លោក ថាក់ស៊ីន ក៏រួចផុតពីការចោទប្រកាន់ប្រមាថព្រះចេស្តារបស់មហាក្សត្រថៃ។

ទោះបីយ៉ាងណា លោកថាក់ស៊ីន ក៏ត្រូវជាប់ពន្ធធនាគារដោយសារតែ សំណុំរឿងពុករលួយ ដែលលោក បានព្យាយាមសូកប៉ាន់មន្ត្រីប៉ូលិស ក្រោយលោកអស់អំណាចជានាយករដ្ឋមន្ត្រី។ សំណុំរឿងនេះស្នើរួចផុតការចោទប្រកាន់ទៅហើយ ដោយសារតែព្រះមហាក្សត្ររាជទានទោសនៅសល់១ឆ្នាំ ហើយ លោក បានសម្រាកព្យាបាលនៅពេទ្យប៉ូលិស ដោយអះអាងថា ជាអ្នកទោសមានជម្ងឺ ប៉ុន្តែតុលាការបានតម្រូវឲ្យលោកអនុវត្តទោសសាឡើងវិញចាប់ពីថ្ងៃទី៩ខែកញ្ញាមល។

ការណែនាំចុងក្រោយនេះធ្វើឡើងបន្ទាប់ពីការពន្យារពេលដែលបានអនុម័តដោយតុលាការដែលអនុញ្ញាតឱ្យព្រះរាជអាជ្ញាពីការិយាល័យសំណុំរឿងព្រហ្មទណ្ឌលេខ៨ ប្តឹងឧទ្ធរណ៍ជាលើកទីពីរត្រឹមថ្ងៃទី ២១ខែវិច្ឆិកា។

តាមសេចក្តីរាយការណ៍នោះ គណៈកម្មាធិការពិនិត្យមើលការប្រមាថព្រះមហាក្សត្រនៅក្នុងការិយាល័យរបស់ព្រះរាជអាជ្ញាមុននេះ បានបោះឆ្នោត ៨-២ ប្រឆាំងនឹងការប្តឹងឧទ្ធរណ៍លើករណីនេះ។ សេចក្តីណែនាំចុងក្រោយរបស់អគ្គមេធាវីបានបដិសេធអនុសាសន៍នោះ ដោយណែនាំព្រះរាជអាជ្ញាឱ្យបន្តទៅមុខជាមួយនឹងបណ្តឹងឧទ្ធរណ៍៕

រ៉ាន់ រើយ