ដូច្នេះមានន័យថា បុរសវ័យ៧០ឆ្នាំរូបនេះ នឹងត្រូវចំណាយពេលសេសសល់ក្នុងជីវិត នៅក្នុងពន្ធនាគារហើយ។

តាមការផ្សាយរបស់ BBC, លោកត្រូវ​បាន​រក​ឃើញ​ថា​មាន​ពិរុទ្ធ​លើ​ការ​ចោទ​ប្រកាន់​ចំនួន​៥ករណី​ រួមមានដូចជា៖ ការ​រៀបចំ​អង្គការ​ឧក្រិដ្ឋកម្ម​; ប៉ុនប៉ងបំផ្លាញលទ្ធិប្រជាធិបតេយ្យដោយហិង្សា; ប៉ុនប៉ងធ្វើរដ្ឋប្រហារ; ធ្វើឲ្យខូចខាតដល់ទ្រព្យសម្បត្តិរបស់រដ្ឋាភិបាលដែលត្រូវបានការពារ និងការបំផ្លាញទ្រព្យសម្បត្តិបេតិកភណ្ឌ។

លើសពីនេះ តុលាការក៏និយាយដែរថា លោក Bolsonaro ដឹងពីផែនការធ្វើឃាតប្រធានាធិបតី Luiz Inácio Lula da Silva និងអនុប្រធានរបស់គាត់ ក៏ដូចជាតុលាការកំពូលផងដែរ។

ក្នុងការកាត់ក្តីពីសំណាក់ចៅក្រមចំនួន៥រូប មាន៤រូបបានបោះឆ្នោតគាំទ្រសាលក្រមនេះ ខណៈចៅក្រម​ម្នាក់ឈ្មោះ Luiz Fux បាន​ជំទាស់​ ដោយ​លើក​ហេតុផល​ថា គ្មាន​ព័ស្តុតាង​​គ្រប់គ្រាន់។

ទោះបីជាយ៉ាងណាក៏ដោយ អំឡុងពេលកាត់ក្តី លោក Bolsonaro មិនបានចូលរួមដោយផ្ទាល់ទេ ពោលគឺលោកស្ថិតក្រោមការឃុំខ្លួនក្នុងផ្ទះនៅរដ្ឋធានី ប្រាស៊ីលីយ៉ា។

សូមជម្រាបថា នេះគឺជាសេចក្តីសម្រេចជាប្រវត្តិសាស្ត្រធ្វើឲ្យលោក Bolsonaro ក្លាយជាអតីតប្រធានាធិបតីប្រេស៊ីលដំបូងគេ ដែលត្រូវបានកាត់ទោសពីបទប៉ុនប៉ងផ្តួលរំលំស្ថាប័នប្រជាធិបតេយ្យតាមរបៀបនេះ។

សូមជម្រាបថា លោក Bolsonaro បានកាន់តំណែងជានាយករដ្ឋមន្ត្រីប្រេស៊ីលទី៣៨ចាប់ពីថ្ងៃទី ១ ខែមករា ឆ្នាំ ២០១៩ រហូតដល់ថ្ងៃទី ៣១ ខែធ្នូ ឆ្នាំ ២០២២ ប៉ុន្តែលោកបានចាញ់ការបោះឆ្នោតប្រធានាធិបតីឆ្នាំ ២០២២ ក្រោមដៃលោក Lula da Silva៕

អត្ថបទ៖ សុខ សុវណ្ណ

ចុចអាន៖ លោក Bolsonaro មិនទទួលខុសត្រូវចំពោះភាពចលាចលនៅ រដ្ឋធានី ប្រាស៊ីលីយ៉ា

The post អតីតប្រធានាធិបតីប្រេស៊ីល ត្រូវកាត់ទោសជាប់ពន្ធនាគារ ២៧ឆ្នាំ ពីបទរៀបផែនការធ្វើរដ្ឋប្រហារ appeared first on Kampuchea Thmey Daily.

បន្ទាប់ពីអាជ្ញាធរគ្រប់គ្រងស្ថានការណ៍បាន ក្រោយកុបករសម្រុកចូលអគាររដ្ឋាភិបាល លោក Bolsonaro បានសរសេរនៅលើ Twitter ថា “បាតុកម្មដោយសន្តិវិធីតាមទម្រង់ច្បាប់ គឺជាផ្នែកនៃលទ្ធិប្រជាធិបតេយ្យ។ ទោះបីជាយ៉ាងណាក៏ដោយ ការបន្ទាបបន្ថោក និងការលុកលុយអគាររដ្ឋដូចដែលបានកើតឡើងនៅថ្ងៃនេះ ក៏ដូចជាអ្នកឆ្វេងនិយមដែលធ្វើបែបនេះ ក្នុងឆ្នាំ២០១៣និង២០១៧ គឺខុសច្បាប់”។

លោក Bolsonaro បន្ថែមថា “ខ្ញុំសូមបដិសេធការចោទប្រកាន់ទាំងគ្មានភស្តុតាង ដែលចោទលើរូបខ្ញុំដោយប្រធានប្រតិបត្តិនៃប្រទេសប្រេស៊ីល។

អតីតមេដឹកនាំរូបនេះ បានចាកចេញពីប្រទេសប្រេស៊ីល ប៉ុន្មានថ្ងៃមុនពិធីស្បថចូលកាន់តំណែងតាមប្រពៃណីនៅថ្ងៃទី០១ខែមករា របស់លោក Luiz Inacio Lula da Silva។

លោក Lula បានអះអាងនៅក្នុងសុន្ទរកថាតាមទូរទស្សន៍កាលពីថ្ងៃអាទិត្យថា “អ្នកប្រល័យពូជសាសន៍ កំពុងលើកទឹកចិត្តរឿងនេះតាមរយៈប្រព័ន្ធផ្សព្វផ្សាយសង្គមពីទីក្រុងម៉ៃអាមី”។ ស្របពេលជាមួយគ្នានោះដែរ លោកបានប្តេជ្ញា ដាក់ទោសអ្នកដែលទទួលខុសត្រូវចំពោះភាពវឹកវរនេះ៕

ប្រែសម្រួល៖ Vann Vann

ប្រភព៖ RT

ចុចអាន៖ អ្នកគាំទ្រលោក Bolsonaro សម្រុកចូល បង្កចលាចលក្នុងសភា និងវិមានប្រធានាធិបតីប្រេស៊ីល

The post លោក Bolsonaro មិនទទួលខុសត្រូវចំពោះភាពចលាចលនៅ រដ្ឋធានី ប្រាស៊ីលីយ៉ា appeared first on Kampuchea Thmey Daily.

បើយោងតាមវីដេអូដែលបានបង្ហោះដោយសារព័ត៌មានមួយ លោក Bolsonaro បានតវ៉ាថា “ហេតុអ្វីបានជាត្រូវការលិខិតឆ្លងដែនវ៉ាក់សាំងកូវីដ? ខ្ញុំគ្រាន់តែចង់មើលការប្រកួតបាល់ទាត់របស់ក្លឹប Santos ហើយខ្ញុំត្រូវចាក់វ៉ាក់សាំងដែរឬ ។ ហេតុអ្វីបានជាដូច្នេះ?” ។

លោកបានបន្ថែមថា “ខ្ញុំមានអង់ទីគ័រច្រើនជាងអ្នកដែលចាក់វ៉ាក់សាំងទៅទៀត ក្រោយជាសះស្បើយពីជំងឺកូវីដ ១៩ កាលពីខែកក្កដាឆ្នាំ” ។

លោក Bolsonaro មានរឿងអស់សំណើចជាច្រើននាពេលកន្លងមក ខណៈថ្មីៗនេះលោកត្រូវបានបង្ខំឲ្យញ៉ាំភីហ្សានៅចិញ្ចើមផ្លូវ បន្ទាប់ពីលោកមិនត្រូវបានអនុញ្ញាតឲ្យញ៉ាំអាហារនៅខាងក្នុងនៅឯភោជនីយដ្ឋានទីក្រុងញូវយ៉ក ស្របតាមវិធានការប្រឆាំងនឹងមេរោគរបស់រដ្ឋ ខណៈមេដឹកនាំប្រេស៊ីលរូបនេះបានធ្វើដំណើរទៅទីក្រុងញូវយ៉ក ដើម្បីចូលរួមក្នុងមហាសន្និបាតប្រចាំឆ្នាំរបស់អង្គការសហប្រជាជាតិ (UNGA) កាលពីខែមុន ។

លោក Bolsonaro ប្រហែលជាអ្នកប្រឆាំងវ៉ាក់សាំងដែលមានប្រជាប្រិយបំផុតនៅទូទាំងពិភពលោក ដោយបង្ហាញពីការសង្ស័យជាសាធារណៈចំពោះប្រសិទ្ធភាពនៃវ៉ាក់សាំងដែលមានស្រាប់ ។ ទោះយ៉ាងណាក៏ដោយ លោកបានប្រាប់កិច្ចប្រជុំកំពូល UNGA នៅខែកញ្ញាថា រដ្ឋបាលរបស់លោកមិនប្រឆាំងនឹងការចាក់វ៉ាក់សាំងនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ដោយសារតែមិនចាក់វ៉ាក់សាំងកូវីដ ប្រធានាធិបតី ប្រេស៊ីល ត្រូវឈរញ៉ាំភីហ្សាលើចិញ្ចើមផ្លូវ មុនកិច្ចប្រជុំនៅទីក្រុងញូវយ៉ក

The post មិនលើកលែងសូម្បីប្រធានាធិបតី លោក Bolsonaro ត្រូវបដិសេធចូលទស្សនា ការប្រកួតបាល់ទាត់ ព្រោះមិនចាក់វ៉ាក់សាំង appeared first on Kampuchea Thmey Daily.

វីដេអូដែលត្រូវបានចែកចាយតាមអ៊ីនធើណិត បានបង្ហាញលោក Bolsonaro ជេរប្រទេចចៅក្រមកំពូលរបស់ប្រេស៊ីល និងជាប្រធានតុលាការបោះឆ្នោតកំពូលឈ្មោះ Luis Roberto Barroso ។

រឿងនេះបានកើតឡើងកាលពីថ្ងៃសុក្រ នៅពេលលោកប្រធានាធិបតី កំពុងនិយាយជាមួយអ្នកគាំទ្រនៅភាគខាងត្បូងប្រទេសប្រេស៊ីល។ ជំនួបនេះត្រូវបាន Live នៅលើទំព័រប្រព័ន្ធផ្សព្វផ្សាយសង្គមរបស់លោក Bolsonaro ប៉ុន្តែក្រោយមក បានលុបចោលវិញ។

ប្រតិកម្មទៅនឹងការអត្ថាធិប្បាយនេះ លោក Barroso បាននិយាយថា វាបង្ហាញថា គាត់កំពុងបំពេញការងាររបស់គាត់បានត្រឹមត្រូវ។

ប្រធានាធិបតីប្រេស៊ីល បានជាប់ពាក់ព័ន្ធក្នុងជម្លោះដ៏រ៉ាំរ៉ៃជាមួយតុលាការកំពូល លើបញ្ហាការបោះឆ្នោតប្រធានាធិបតីនាពេលខាងមុខ។ លោក Bolsonaro អះអាងថា ប្រព័ន្ធបោះឆ្នោតអេឡិចត្រូនិក ដែលមានស្រាប់អាចត្រូវបានក្លែងបន្លំ។ 

លោកលើកឡើងថា ការបោះឆ្នោតគួរតែត្រូវបានបោះនៅលើសន្លឹកឆ្នោតដែលបោះពុម្ព ងាយស្រួលក្នុងការរាប់ដោយដៃក្នុងករណីមានជម្លោះ។ លោកបានជំរុញឲ្យមានការធ្វើវិសោធនកម្មរដ្ឋធម្មនុញ្ញ ដើម្បីផ្លាស់ប្តូរប្រព័ន្ធអេឡិចត្រូនិកទាំងអស់ ប៉ុន្តែគណៈកម្មាធិការសភាជាន់ទាប បានបោះឆ្នោតប្រឆាំង៕

ប្រែសម្រួល៖ Vann Vann

ប្រភព៖ Viralnigeria

ចុចអាន៖ ប្រជាជនប្រេស៊ីល គោះចានឆ្នាំង ធ្វើបាតុកម្មប្រឆាំង ប្រធានាធិបតី (មានវីដេអូ)

The post ប្រធានាធិបតីប្រេស៊ីល ជេរប្រទេចចៅក្រមកំពូល ដោយសារជម្លោះលើ ប្រព័ន្ធបោះឆ្នោត appeared first on Kampuchea Thmey Daily.

បាតុកម្មនេះបានកើតឡើងត្រឹមតែប៉ុន្មានថ្ងៃប៉ុណ្ណោះ បន្ទាប់ពីក្រុមបាតុករបានចេញតវ៉ានៅតាមដងផ្លូវទូទាំងប្រទេស ជុំវិញការដោះស្រាយរបស់លោកចំពោះការឆ្លងរាលដាលនៃវីរុសកូវីដ-១៩ ដែលបានសម្លាប់មនុស្សជិតកន្លះលាននាក់ក្នុងប្រទេសប្រេស៊ីល។

យោងតាមទិន្នន័យរបស់រដ្ឋាភិបាលបានឲ្យដឹងថា ត្រឹមមួយថ្ងៃពុធ ប្រជាជនប្រេស៊ីលជិត១០ម៉ឺននាក់ បានឆ្លងវីរុសកូវីដ-១៩ ហើយមនុស្ស២,៥០៧នាក់បានស្លាប់។

កាលពីថ្ងៃសៅរ៍ មនុស្សរាប់ពាន់នាក់ បានចូលរួមក្នុងការតវ៉ានៅទីក្រុងយ៉ាងតិច១៦ ទូទាំងប្រទេស។ បាតុកម្មទាំងនោះ ត្រូវបានរៀបចំឡើងដោយគណបក្សនយោបាយឆ្វេងនិយម សហជីពនិងសមាគមនិស្សិត។

នៅ Sao Paulo ដែលជាទីក្រុងធំបំផុតរបស់ប្រេស៊ីល, មនុស្សពាក់ម៉ាស់រាប់ពាន់នាក់ បានបិទផ្លូវធំមួយ ហើយមានបង្ហោះប៉េងប៉ោងដ៏ធំដែលបង្ហាញរូបលោក Bolsonaro ជាបិសាចជញ្ជក់ឈាម។

ក្នុងសុន្ទរកថាខ្លីកាលពីល្ងាចថ្ងៃពុធ លោក Bolsonaro បាននិយាយថា ប្រជាជនប្រេស៊ីលទាំងអស់ដែលចង់ចាក់វ៉ាក់សាំង នឹងអាចទទួលបានវ៉ាក់សាំងមួយដូសនៅត្រឹមចុងឆ្នាំនេះ៕

វីដេអូ៖ 

ប្រែសម្រួល៖ Vann Vann

ប្រភព៖ Reuters

ចុចអាន៖ មនុស្ស​រាប់​ពាន់​នាក់​តវ៉ា​ឲ្យ​ចោទ​ប្រធានា​ធិបតី​ប្រេស៊ីល​ជុំ​វិញ​ការ​ទប់​ស្កាត់​កូវីដ-១៩

The post ប្រជាជនប្រេស៊ីល គោះចានឆ្នាំង ធ្វើបាតុកម្មប្រឆាំង ប្រធានាធិបតី (មានវីដេអូ) appeared first on Kampuchea Thmey Daily.

រលកថ្មីដ៏សាហាវនៃជំងឺកូវីដ-១៩ ក្នុងរយៈពេលប៉ុន្មានសប្តាហ៍ថ្មីៗនេះ បានជំរុញឲ្យករណីឆ្លងជាផ្លូវការរបស់ប្រទេសប្រេស៊ីលចាប់តាំងពីរោគរាតត្បាតផ្ទុះឡើង កើនដល់ជាង ១៣.៥លានករណីនិងមានមនុស្សស្លាប់ជាង ៣៥៤,០០០នាក់។

ព្រឹទ្ធសភាកំពុងរៀបចំ គណៈកម្មាធិការពិសេសមួយដើម្បីស៊ើបអង្កេតថាតើ រដ្ឋាភិបាលរបស់លោក Bolsonaro បានដោះស្រាយចំពោះជំងឺរាតត្បាតនេះយ៉ាងដូចម្តេច។

ដោយផ្គើនទៅនឹងការឯកភាពផ្នែកវេជ្ជសាស្រ្តពាក់ព័ន្ធជំងឺកូវីដ-១៩, លោក Bolsonaro មិនអើពើនឹងភាពធ្ងន់ធ្ងរនៃវីរុសនេះ ប្រឆាំងវិធានការរឹតត្បិត ហើយទើបតែទទួលយកវ៉ាក់សាំងនាពេលថ្មីៗនេះប៉ុណ្ណោះជាដំណោះស្រាយ។

កាលពីសប្តាហ៍មុន ចៅក្រមតុលាការកំពូលបានត្រួសត្រាយផ្លូវ សម្រាប់ការសាកសួររបស់ព្រឹទ្ធសភា ប៉ុន្តែប្រធានព្រឹទ្ធសភាបានព្យាយាមពន្យារពេល បើទោះបីជាមានការគាំទ្រពីសមាជិកព្រឹទ្ធសភាសំខាន់ៗមួយចំនួនក៏ដោយ។

ប្រភពមួយដែលដឹងច្បាស់ពីបញ្ហានេះបានប្រាប់ Reuters នៅថ្ងៃអង្គារថា តុលាការកំពូលត្រូវបានគេរំពឹងថានឹងចេញសេចក្តីសម្រេច នៅពេលតុលាការទាំងមូលបើកសវនាការរឿងក្តីនេះនៅចុងសប្តាហ៍នេះ៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ កាន់តែ​ធ្ងន់ធ្ងរ ​ពល​រដ្ឋ​ប្រេស៊ីលរាប់​លាន​នាក់​​កំពុង​ជួប​គ្រោះ​អត់ឃ្លាន ចំពេលវិបត្តិ​កូវីដ-១៩

The post ស្លាប់ច្រើនទៅៗ ប្រេស៊ីល បើកការស៊ើបអង្កេតលើលោកប្រធានាធិបតី Bolsonaro appeared first on Kampuchea Thmey Daily.

មន្ទីរពេទ្យមានសភាពចង្អៀតណែនណាន់តាន់តាប់ ហើយមានមនុស្សស្លាប់ខណៈពេលពួកគេរង់ចាំការព្យាបាលនៅតាមទីក្រុងមួយចំនួន ស្របពេលដែលប្រព័ន្ធសុខាភិបាល កំពុងឈានទៅរកការដួលរលំនៅក្នុងតំបន់ជាច្រើន។

ចំនួនអ្នកស្លាប់សរុបរបស់ប្រទេសនេះ ឥឡូវកើនដល់ជិត៣៣៧,០០០នាក់ ជាប់លំដាប់ថ្នាក់ទី២បន្ទាប់ពីសហរដ្ឋអាមេរិក។

ប៉ុន្តែលោកប្រធានាធិបតី Jair Bolsonaro នៅតែបន្តប្រឆាំងនឹងរាល់វិធានការរឹតត្បិត ដែលមានគោលបំណងទប់ស្កាត់ការផ្ទុះឡើងនៃជំងឺនេះ។

លោកអះអាងថា ការបំផ្លាញសេដ្ឋកិច្ចនឹងអាក្រក់ជាងផលប៉ះពាល់ដោយសារវីរុសទៅទៀត ហើយលោកបានព្យាយាមបញ្ចៀសការរឹតត្បិតមួយចំនួនរបស់អាជ្ញាធរមូលដ្ឋាន។

ថ្លែងទៅកាន់អ្នកគាំទ្រនៅខាងក្រៅគេហដ្ឋានប្រធានាធិបតីកាលពីថ្ងៃអង្គារ លោកបានរិះគន់វិធានការធ្វើចត្តាឡីស័ក ប៉ុន្តែមិនបានធ្វើអត្ថាធិប្បាយអំពីអ្នកស្លាប់ចំនួន ៤,១៩៥នាក់ក្នុងរយៈពេល២៤ម៉ោងមុននោះទេ។

យោងតាមក្រសួងសុខាភិបាលបានឲ្យដឹងថា គិតត្រឹមពេលនេះ ប្រេស៊ីលបានកត់ត្រាករណីឆ្លងវីរុសនេះជាង ១៣លានករណី៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ស្រ្តីរកស៊ីផ្លូវភេទប្រេស៊ីល ចេញធ្វើកូដកម្មសុំចាក់វ៉ាក់សាំងមុនគេ ព្រោះត្រូវជួបភ្ញៀវប្លែកៗរាល់ថ្ងៃ

The post លើកដំបូង! មួយថ្ងៃ ប្រេស៊ីល​ មានអ្នកស្លាប់ដោយសារកូវីដ លើស៤,០០០នាក់ appeared first on Kampuchea Thmey Daily.