ព័ត៌មានអន្ដរជាតិ
ស្រ្តីរកស៊ីផ្លូវភេទប្រេស៊ីល ចេញធ្វើកូដកម្មសុំចាក់វ៉ាក់សាំងមុនគេ ព្រោះត្រូវជួបភ្ញៀវប្លែកៗរាល់ថ្ងៃ
ស្រ្តីរកស៊ីផ្លូវភេទនៅក្នុងទីក្រុង Belo Horizonte ភាគអាគ្នេយ៍នៃប្រទេសប្រេស៊ីល បានធ្វើកូដកម្មអស់រយៈពេលមួយសប្តាហ៍មកហើយ ដោយទាមទារឲ្យដាក់បញ្ចូលពួកគេទៅក្នុងក្រុមអាទិភាព ទទួលបានការចាក់វ៉ាក់សាំងការពារជំងឺកូវីដ-១៩។
ពួកគេនិយាយថា ដោយសារតែជំងឺរាតត្បាតកូវីដ-១៩ ស្រ្តីរកស៊ីផ្លូវភេទរាប់ពាន់នាក់នៅក្នុងទីក្រុងនេះ ត្រូវបង្ខំចិត្តបិទផ្ទះសំណាក់ដែលពួកគេជួលសម្រាប់សេវាកម្ម បន្ទាប់ពីទាក់ទងបានភ្ញៀវនៅតាមដងផ្លូវ។
លោកស្រី Cida Vieira ប្រធានសមាគមស្រ្តីរកស៊ីផ្លូវភេទរដ្ឋ Minas Gerais បានប្រាប់ AFP ថា “ពួកយើងកំពុងស្ថិតនៅជួរមុខគេ ពួកយើងធ្វើឲ្យសេដ្ឋកិច្ចរីកចម្រើន ហើយពួកយើងកំពុងស្ថិតក្នុងហានិភ័យ។ ដូច្នេះ យើងត្រូវតែចាក់វ៉ាក់សាំង”។
លោកស្រី Vieira និងស្ត្រីដទៃទៀត បានធ្វើបាតុកម្មកាលពីថ្ងៃចន្ទនៅតាមដងផ្លូវមួយ ដែលជាកន្លែងពួកគេធ្លាប់តែរកស៊ីប៉ុន្តែឥឡូវ ផ្ទះសំណាក់ទាំងឡាយត្រូវបិទទ្វាអស់ទៅហើយ។
ស្ត្រីរកស៊ីផ្លូវភេទម្នាក់បាននិយាយថា “យើងគឺជាផ្នែកមួយនៃក្រុមអាទិភាព ពីព្រោះយើងជួបជាមួយប្រភេទមនុស្សផ្សេងៗគ្នា ហើយជីវិតរបស់យើងកំពុងស្ថិតនៅក្នុងគ្រោះថ្នាក់”។
រដ្ឋាភិបាលបានផ្តល់អាទិភាពដល់បុគ្គលិកសុខាភិបាល គ្រូបង្រៀន មនុស្សចាស់ជរា ជនជាតិដើមភាគតិចនិងប្រជាជនដែលមានជំងឺរ៉ាំរ៉ៃ សម្រាប់ការចាក់វ៉ាក់សាំងជុំទីមួយ។
រដ្ឋាភិបាលសង្ឃឹមថា នឹងចាក់វ៉ាក់សាំងដល់ក្រុមអាទិភាពទាំងនេះពោលគឺស្មើនឹងប្រមាណ៧៧លាននាក់ នៅត្រឹមឆមាសទីមួយនៃឆ្នាំ២០២១ ប៉ុន្តែក្រុមអ្នកជំនាញនិយាយថា វាអាចនឹងអូសបន្លាយដល់ខែកញ្ញាដោយសារកង្វះខាតវ៉ាក់សាំង៕
ប្រែសម្រួលដោយ៖ Vann Vann
ប្រភព៖ Bangkok Post
ចុចអាន៖ ២៤ម៉ោងចុងក្រោយ ប្រេស៊ីល មានអ្នកស្លាប់ដោយសារកូវីដជាង ១,២០០នាក់
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»