លោក Tedros បានប្រាប់អ្នកយកព័ត៌មាននៅទីក្រុងហ្សឺណែវកាលពីថ្ងៃពុធថា ក្រោមច្បាប់មនុស្សធម៌អន្តរជាតិ, គ្រឿងបរិក្ខារពេទ្យ បុគ្គលិកពេទ្យ រថយន្តសង្គ្រោះបន្ទាន់ រួមទាំងអ្នកជំងឺផងដែរនោះ ត្រូវតែការពារប្រឆាំងនូវរាល់អំពើឃោរឃៅនៃសង្រ្គាម ហើយរហូតមកដល់ពេលនេះ WHO មិនអាចទាក់ទងបុគ្គលិកសុខាភិបាលនៅក្នុងមន្ទីរពេទ្យនោះបាននៅឡើយទេ ។

WHO និយាយទៀតថា មន្ទីរពេទ្យចំនួន ២៦ ក្នុងចំណោម ៣៦ នៅក្នុងតំបន់ហ្គាហ្សាត្រូវបានបិទទ្វារ ដោយសារតែការខ្ទេចខ្ចីរចនាសម្ព័ន្ធ ក៏ដូចជាមិនមានប្រេងឥន្ធនៈដើម្បីចាក់បញ្ឆេះម៉ាស៊ីន ខណៈចំនួនគ្រែមន្ទីរពេទ្យសរុបក៏បានធ្លាក់ចុះពី ៣,៥០០ មកនៅត្រឹម ១,៤០០ គ្រែផងដែរ ។

លោក Tedros បានពន្យល់ថា វេជ្ជបណ្ឌិត និងគិលានុបដ្ឋាយិកាកំពុងធ្វើការទាំងបង្ខំចិត្ត ជាពិសេសគឺការកំណត់ជោគវាសនាលើអ្នកជំងឺរូបណាត្រូវព្យាបាលឲ្យបន្តមានជីវិត និងអ្នកជំងឺរូបណាត្រូវទុកចោលឲ្យស្លាប់ ។ បន្ថែមពីនេះ ប្រមុខ WHO ក៏​បាន​អំពាវនាវ​ឲ្យ​បញ្ឈប់​ការ​វាយ​ប្រហារ​លើ​បរិក្ខារ​ពេទ្យ ហើយងាកមកផ្ដល់ជំនួយសង្គ្រោះបន្ទាន់ផ្សេងៗជំនួសវិញ ។

រហូតមកដល់ពេលនេះ អ៊ីស្រាអែលនៅតែបន្តធ្វើការវាយប្រហារទាំងតាមផ្លូវអាកាស និងផ្លូវគោកដោយមិនប្រណីដៃលើតំបន់ហ្គាហ្សាស្ទ្រីប រួមទាំងមន្ទីរពេទ្យ កន្លែងស្នាក់នៅ និងវិហារឥស្លាមផងដែរ ចាប់តាំងពីក្រុមហាម៉ាសប៉ាឡេស្ទីនបើកការរវាយប្រហារឆ្លងព្រំដែនកាលពីថ្ងៃទី៧ ខែតុលា និងបានចាប់ចំណាប់ខ្មាំងប្រហែល ២៤០ នាក់ ។

យោងតាមក្រសួងសុខាភិបាលនៅតំបន់ហ្គាហ្សាបានឲ្យដឹងថា ចាប់តាំងពីពេលនោះមក ជនស៊ីវិលលើស ១១,៥០០ នាក់ត្រូវបានសម្លាប់ រួមទាំងកុមារ និងស្ត្រីជាង ៧,៨០០ នាក់ ខណៈខាងអ៊ីស្រាអែលវិញមានមនុស្សជិត ១,២០០ នាក់បានបាត់បង់ជីវិត ។

ក្រៅ​ពី​ចំនួន​អ្នក​ស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាសបាននិយាយថា ការវាយប្រហារសងសឹករបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជាង ២៩,២០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក ប្រាប់ អ៊ីស្រាអែល កុំឲ្យពង្រីកសង្គ្រាមដល់ លីបង់ ចំពេលមានការ​ព្រមានពី អ៊ីរ៉ង់

The post WHO ថា មន្ទីរពេទ្យនៅ ហ្គាហ្សា មិនមែនជាសមរភូមិ ឬទីលានប្រយុទ្ធឡើយ appeared first on Kampuchea Thmey Daily.

លោក Ghebreyesus និយាយថា “បច្ចុប្បន្ន ចំនួនអ្នកស្លាប់ប្រចាំសប្តាហ៍គឺទាបជាងពេលដែលយើងប្រើពាក្យជំងឺរាតត្បាត លើកដំបូងកាលពី៣ឆ្នាំមុន។ ភាពប្រសើរឡើងនេះ គឺមានសារសំខាន់ណាស់។ ខ្ញុំជឿជាក់ថា នៅចំណុចណាមួយក្នុងឆ្នាំនេះ យើងនឹងអាចនិយាយបានថា កូវីដ១៩ ត្រូវបានបញ្ចប់ទាំងស្រុង។ កូវីដ នឹងលែងជាគ្រាអាសន្នផ្នែកសុខភាពសាធារណៈ ជាការព្រួយបារម្ភអន្តរជាតិ និងជារោគរាតត្បាតទៀតហើយ។ មនុស្ស​គ្រប់​រូប​ត្រូវ​តែ​រៀន​មេរៀន​ពី​ជំងឺ​រាតត្បាតនេះ”។

គួរបញ្ជាក់ថា ជំងឺកូវីដ១៩ ត្រូវបានរកឃើញដំបូងក្នុងខែធ្នូឆ្នាំ២០១៩ នៅទីក្រុងអ៊ូហាន​​ ប្រទេសចិន ហើយ WHO បានប្រកាសថា ជាជំងឺរាតត្បាតជាសកលនៅថ្ងៃទី១១ខែមីនា ឆ្នាំ២០២០៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អ្នកវិទ្យាសាស្រ្តព្រមាន ជំងឺមួយនឹងចាប់ផ្តើមឆ្លងរាលដាល បន្ទាប់ពី កូវីដ១៩

The post ប្រមុខ WHO សង្ឃឹមថា ជំងឺរាតត្បាត កូវីដ១៩ នឹងបញ្ចប់ក្នុងឆ្នាំនេះ appeared first on Kampuchea Thmey Daily.

លោក Tedros បានប្រាប់សន្និសីទសារព័ត៌មានមួយថា “កូវីដនៅតែជាប្រធានបទដ៏សំខាន់សម្រាប់ការពិភាក្សារបស់យើង ប៉ុន្តែខ្ញុំជឿជាក់ និងសង្ឃឹមថា ជាមួយនឹងកិច្ចខិតខំប្រឹងប្រែងដ៏ត្រឹមត្រូវនេះ វានឹងក្លាយជាឆ្នាំដែលគ្រោះអាសន្នផ្នែកសុខភាពសាធារណៈមួយនេះ បញ្ចប់ជាផ្លូវការ” ។

ប្រធានអង្គការសុខភាពពិភពលោករូបនេះបានបន្ថែមថា “បច្ចុប្បន្នពិភពលោកស្ថិតនៅក្នុងកន្លែងប្រសើរជាងមុន ប្រសើរជាងកាលពីប៉ុន្មានឆ្នាំមុន ដោយសារតែមានការថែទាំការព្យាបាល មានវ៉ាក់សាំងគ្រប់គ្រាន់ ក៏ដូចជា មានការយល់ដឹងច្រើនពីកូវីដ ជាពិសេសគឺកាតព្វកិច្ចពាក់ម៉ាស” ។

លោក Tedros បានបន្ថែមថា ប្រសិនបើមិនមានការព្យាបាល ក៏ដូចជាការចាក់វ៉ាក់សាំងការពារពេលវេលានោះទេ កូវីដនៅតែជា “មេរោគដ៏គ្រោះថ្នាក់” សម្រាប់សុខភាពមនុស្ស សេដ្ឋកិច្ច និងសង្គមទាំងមូល ។

គួរបញ្ជាក់ថា ជំងឺរាតត្បាតកូវីដ ១៩ បានគ្របដណ្តប់ពិភពលោក ចាប់តាំងពីដើមឆ្នាំ ២០២០ បន្ទាប់ពីរបាយការណ៍ជាច្រើនលើកឡើងថា ផ្ទុះចេញពីទីក្រុងអ៊ូហាន ប្រទេសចិន កាលពីខែធ្នូ ឆ្នាំ ២០១៩ ខណៈរហូតមកដល់ពេលនេះ មនុស្សជាង ៦.៦ លាននាក់នៅទូទាំងពិភពលោកបានស្លាប់ ដោយសារវីរុសនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ហ្វីលីពីន បញ្ជាឲ្យមន្ត្រីប៉ូលិសពាក់សក្ដិធំៗ ជាប់ពាក់ព័ន្ធការជួញដូរគ្រឿង ញៀន លាលែងពីតំណែង

The post មេ WHO សង្ឃឹមថា កូវីដ នឹងរលាយបាត់នៅឆ្នាំ ២០២៣ នេះ appeared first on Kampuchea Thmey Daily.

ថ្លែងក្នុងអំឡុងសន្និសីទសារព័ត៌មានប្រចាំសប្តាហ៍ លោក Tedros និយាយថា “មេរោគកំពុងដើរហើរដោយសេរី ហើយប្រទេសនានា មិនបានគ្រប់គ្រងជំងឺនេះប្រកបដោយប្រសិទ្ធភាពទេ”។

បន្ទាប់ពី WHO បានសន្និដ្ឋានកាលពីសប្តាហ៍មុនថា វីរុសនេះនៅតែជា “គ្រាអាសន្នសុខភាពសាធារណៈ ដ៏គួរឲ្យព្រួយបារម្ភជាអន្តរជាតិ”, លោក Tedros អះអាងថា ជំងឺរាតត្បាតមិនទាន់ជិតដល់ទីបញ្ចប់ឡើយ។

ក្នុងពេលមួយសប្តាហ៍ ចាប់ថ្ងៃពីទី៤ ដល់១០ ខែកក្កដា ឆ្នាំ២០២២, ករណីកូវីដថ្មី ជាង ៥.៧លានករណី ត្រូវបានរាយការណ៍ ពោលគឺកើនឡើង ៦% បើធៀបទៅនឹងសប្តាហ៍មុននោះ។

ទោះបីជាយ៉ាងណាក៏ដោយ អត្រាស្លាប់នៅតែមានកម្រិតទាប ពេញមួយរដូវក្តៅនេះ ដោយមានត្រឹមតែជាង ៩៨០០ នាក់ប៉ុណ្ណោះ ដែលត្រូវបានរាយការណ៍ពោលគឺតិចជាងប្រាំដង បើធៀបនឹងសប្តាហ៍ដូចគ្នាកាលពីឆ្នាំមុន។

ទន្ទឹមនោះ លោក Tedros បានអំពាវនាវឲ្យអាជ្ញាធរជាតិ បង្កើនកិច្ចខិតខំប្រឹងប្រែងរបស់ពួកគេក្នុងការតាមដានទំនាក់ទំនងហានិភ័យដល់សាធារណជន ហើយអំពាវនាវឲ្យមានការអនុវត្តឡើងវិញនូវវិធានការសង្គមសុខភាពសាធារណៈ ដូចជាការពាក់ម៉ាស រក្សាគម្លាត និងបើកទីតាំងឲ្យមានខ្យល់ចេញចូល៕

ប្រែសម្រួល៖ Vann Vann

ប្រភព៖ RT

ចុចអាន៖ “BA.5” វីរុសបំប្លែងខ្លួនឆ្លងខ្លាំងជាងគេបំផុត បានមកដល់ហើយ

The post WHO តម្រូវឲ្យពាក់ម៉ាសឡើងវិញ ខណៈករណីកូវីដ កើនឡើងជាថ្មី appeared first on Kampuchea Thmey Daily.

លោក Tedros ដែលជាអ្នកស្រាវជ្រាវសុខភាពសាធារណៈជនជាតិអេត្យូពីបានកាន់តំណែងជាអគ្គនាយក WHO ចាប់តាំងពីឆ្នាំ ២០១៧ មកម្ល៉េះ ហើយលោកគឺជាជនជាតិអាហ្វ្រិកដំបូងគេដែលកាន់តំណែងមួយនេះ បន្ទាប់ពីត្រូវបានគាំទ្រដោយសហភាពអាហ្វ្រិក ។

អំឡុងពេលដឹកនាំ WHO រយៈពេល ៥ ឆ្នាំកន្លងមកនេះ លោក Tedros បានដើរតួនាទីក្នុងការឆ្លើយតបទៅនឹងការផ្ទុះឡើងនៃជំងឺអេបូឡា និងជំងឺរាតត្បាតកូវីដ ១៩ ខណៈពេលថ្មីៗនេះក៏កំពុងតាមដានជំងឺអុតស្វាផងដែរ ។

គួរបញ្ជាក់ថា មុនពេលត្រូវបានតែងតាំងជាអគ្គនាយក WHO លោក Tedros ធ្លាប់បានបម្រើការជារដ្ឋមន្ត្រីក្រសួងសុខាភិបាលប្រទេសអេត្យូពីពីឆ្នាំ ២០០៥ ដល់ឆ្នាំ ២០១២ និងជារដ្ឋមន្ត្រីការបរទេសពីឆ្នាំ ២០១២ ដល់ឆ្នាំ ២០១៦ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ ពិភពលោកកំពុងល្វីងមុខនឹងបញ្ហាធំៗចំនួន ៣

The post ក្រោយជាប់ឆ្នោតអាណត្តិទី ២ ដឹងទេ មេ WHO កាន់តំណែងនេះតាំងឆ្នាំណា មក appeared first on Kampuchea Thmey Daily.

លោក Tedros បាននិយាយនៅទីក្រុងហ្សឺណែវថា បច្ចុប្បន្នជំងឺអុតស្វាកំពុងផ្ទុះក្នុងប្រទេសក្រៅទ្វីបអាហ្វ្រិកចំនួន ១៨ ហើយ ខណៈករណីច្រើនជាង ១២០ ករណីត្រូវបានបញ្ជាក់នៅក្នុងទ្វីបអឺរ៉ុប សហរដ្ឋអាមេរិក កាណាដា អូស្ត្រាលី និងអ៊ីស្រាអែល ។

ចំណែកជំងឺកូវីដ ១៩ វិញ រហូតមកដល់ពេលនេះពិភពលោកបានកត់ត្រាករណីឆ្លងសរុបជាង ៥២៨ លានករណី ហើយនិងមានអ្នកាស្លាប់ជាង ៦ លាននាក់ហើយ ខណៈដែលសង្គ្រាមលុកលុយរបស់រុស្ស៊ីលើអ៊ុយក្រែនដែលលោក វ្ល៉ាឌីមៀ ពូទីន ហៅថាជា “ប្រតិបត្តិការយោធាពិសេស” ក៏បានអូសបន្លាយពេលដល់ខែទី ៤ ផងដែរ ។

ជំងឺអុតស្វា ឬ Monkeypox ជាមេរោគដែលកើតមានញឹកញាប់បំផុតនៅតំបន់ដាច់ស្រយាលនៃទ្វីបអាហ្រ្វិកកណ្តាល និងខាងលិច ប៉ុន្តែត្រូវបានអ្នកជំនាញសុខភាពជាតិអង់គ្លេសចាត់ទុកថាជាជំងឺស្រាលប៉ុណ្ណោះ ខណៈមនុស្សភាគច្រើនដែលឆ្លងវីរុសនេះបានជាសះស្បើយវិញក្នុងរយៈពេលពីរបីសប្តាហ៍ ។

ទន្ទឹមនោះការផ្ទុះឡើងនេះក៏បានធ្វើឲ្យអ្នកវិទ្យាសាស្ត្រមានការភ្ញាក់ផ្អើលផងដែរ ហើយមន្ត្រីសុខាភិបាលចក្រភពអង់គ្លេសបានចេញដំបូន្មានថ្មីថា ទំនាក់ទំនងដែលមានហានិភ័យខ្ពស់នៃករណីឆ្លងជំងឺអុតស្វាគួរតែដាក់ឲ្យធ្វើចត្តាឡីស័ករយៈពេល ៣ សប្តាហ៍ ហើយបែលហ្សិកបានក្លាយជាប្រទេសដំបូងគេដែលប្រកាសឲ្យអ្នកឆ្លងធ្វើបែបនេះ ។

ទោះបីជាមិនមានវ៉ាក់សាំងសម្រាប់ជំងឺអុតស្វាក៏ដោយ ក៏ប្រទេសមួយចំនួនបាននិយាយថា ពួកគេកំពុងស្តុកទុកថ្នាំបង្ការជំងឺអុតស្វាយ ដែលមានប្រសិទ្ធភាពប្រហែល ៨៥ ភាគរយក្នុងការការពារការឆ្លងមេរោគ ដោយសារតែមេរោគទាំងពីរនេះគឺស្រដៀងគ្នា ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ ជំងឺអុតស្វា ត្រូវបានរកឃើញក្នុងប្រទេសចំនួន៣ ទៀតហើយ

The post ពិភពលោកកំពុងល្វីងមុខនឹងបញ្ហាធំៗចំនួន ៣ (មានវីដេអូ) appeared first on Kampuchea Thmey Daily.

លោក Tedros កំពុងឈរឈ្មោះដោយគ្មានបេក្ខជនប្រកួតប្រជែង ដោយនេះ គ្មានអ្វីត្រូវសង្ស័យឡើយថា លោកនឹងឈ្នះការបោះឆ្នោតនៅខែឧសភា ខណៈអាណត្តិបច្ចុប្បន្នរបស់បុរសសញ្ជាតិ អេត្យូពី រូបនេះ ត្រូវបានញាំញីដោយបញ្ហាជំងឺរាតត្បាត កូវីដ១៩។

គួរបញ្ជាក់ថា ក្រោមការដឹកនាំរបស់លោក Tedros,​ WHO បានប្រឈមមុខនឹងការរិះគន់យ៉ាងខ្លាំងពីអតីតប្រធានាធិបតីអាមេរិកលោក Donald Trump ជុំវិញការដោះស្រាយវិបត្តិជំងឺរាតត្បាតនៅដំណាក់កាលដំបូង ហើយបានប្រឈមមុខនឹងសម្ពាធលើវិធីសាស្រ្តរបស់ខ្លួន ចំពោះប្រទេសចិន ដែលជាកន្លែងផ្ទុះមេរោគជាលើកដំបូងកាលពីពីរឆ្នាំមុន។

ឆ្នាំមុន ក្រុមអ្នកស៊ើបអង្កេតឯករាជ្យបានបង្ហាញពីករណីជាច្រើន នៃការបំពានផ្លូវភេទ និងការកេងប្រវ័ញ្ចផ្លូវភេទនៅក្នុងប្រទេសកុងហ្គោ អំឡុងការឆ្លើយតបដែលដឹកនាំដោយ WHO ចំពោះការផ្ទុះឡើងជំងឺអេបូឡានៅទីនោះក្នុងឆ្នាំ ២០១៩។

លើសពីនេះ ប្រទេសជាច្រើនបានព្រងើយកន្តើយ ឬច្រានចោលការណែនាំរបស់ WHO អំពីមធ្យោបាយដើម្បីដោះស្រាយកូវីដ ដូចជាការអំពាវនាវកុំឲ្យបិទការធ្វើដំណើរទាំងស្រុង ឬការអំពាវនាវឲ្យចែករំលែកវ៉ាក់សាំង និងចំណេះដឹងផ្នែកបច្ចេកវិទ្យាផលិតជាមួយប្រទេសដែលមានការអភិវឌ្ឍន៍តិចតួចជាដើម៕

ប្រែសម្រួល៖ Vann Vann

ប្រភព៖ Stuff

ចុចអាន៖ WHO លើកចំណុចសំខាន់២ ដែលអាចបញ្ចប់ការរីករាលដាល នៃជំងឺរាតត្បាត

The post ប្រធាន WHO កាន់តំណែងមួយអាណត្តិទៀត ព្រោះឈរឈ្មោះម្នាក់ឯង អត់បេក្ខជនប្រជែង appeared first on Kampuchea Thmey Daily.

ប្រធានWHO លោក Tedros Adhanom Ghebreyesus បាននិយាយ​ថា ​ចំនួន​កំណត់ត្រា​នៃ​មនុស្ស​ដែល​ឆ្លង Omicron ​កំពុង​ប្រកួតប្រជែង​ជាមួយ Delta ដែល​ជា​វីរុស​លេចធ្លោ​ពី​មុន​នៅ​ក្នុង​ប្រទេសជា​ច្រើន ខណៈ​ ​មន្ទីរពេទ្យ​ទាំងអស់ កំពុង​ត្រូវ​បាន​គ្រប​ដណ្ដប់​ដោយ​មេរោគ​ទាំងពីរ​នេះ​ហើយ។

លោក Tedros បាន​ប្រាប់​សន្និសីទ​សារព័ត៌មាន​មួយ​ថា “ខណៈ​ពេល​ដែល Omicron ហាក់ដូចជា​មិន​សូវ​ធ្ងន់ធ្ងរ​មែនពិត​ បើ​ប្រៀបធៀប​ទៅ​នឹង Delta ជា​ពិសេស​នៅ​ក្នុង​ការ​ចាក់​វ៉ាក់សាំង​ នោះ​មិន​មានន័យថា វាត្រូវ​បាន​ចាត់​ថា​ ជា​កម្រិត​ស្រាល​នោះ​ទេ ” ។

លោក​បាន​ពន្យល់​បន្ថែម​ថា “ដូច​ទៅ​នឹង​វីរុស​បំប្លែង​ខ្លួន​មុនៗ មនុស្ស​ដែល​ឆ្លង Omicron កំពុង​សម្រាក​ព្យាបាល​នៅ​មន្ទីរពេទ្យ​ជា​ច្រើន ហើយ​វា​កំពុង​សម្លាប់​មនុស្ស​ដូចគ្នា​ផងដែរ ” ៕

ប្រែសម្រួល៖ សាង ស្រីល័ក្ខ

ប្រភព៖Bangkokpost

ចុចអាន៖WHO ព្រមានថា អូមីក្រុង អាចធ្វើឲ្យប្រព័ន្ធសុខាភិបាល រងគ្រោះ

ចុចអាន៖WHO រកឃើញភស្តុតាងបន្ថែមថា Omicron មិនចូលស៊ីសួតរហ័សដូច វីរុសបំប្លែងខ្លួនផ្សេងទេ

The post មេ WHO ៖ កុំមើលងាយ Omicron ថា ជាជំងឺស្រាលនោះ appeared first on Kampuchea Thmey Daily.