ព័ត៌មានអន្ដរជាតិ

ប្រមុខ WHO សង្ឃឹមថា ជំងឺរាតត្បាត កូវីដ១៩ នឹងបញ្ចប់ក្នុងឆ្នាំនេះ

បានផុស

២ years មុន

នៅ

ថ្ងៃអង្គារ ១៤ មីនា ២០២៣

ដោយ

យោងតាមសេចក្តីថ្លែងការណ៍នៅលើគេហទំព័ររបស់អង្គការសុខភាពពិភពលោក, អគ្គនាយក WHO លោក Tedros Adhanom Ghebreyesus បាននិយាយថា លោកសង្ឃឹមថា ជំងឺរាតត្បាតកូវីដ១៩ នឹងបញ្ចប់នៅឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ghebreyesus និយាយថា “បច្ចុប្បន្ន ចំនួនអ្នកស្លាប់ប្រចាំសប្តាហ៍គឺទាបជាងពេលដែលយើងប្រើពាក្យជំងឺរាតត្បាត លើកដំបូងកាលពី៣ឆ្នាំមុន។ ភាពប្រសើរឡើងនេះ គឺមានសារសំខាន់ណាស់។ ខ្ញុំជឿជាក់ថា នៅចំណុចណាមួយក្នុងឆ្នាំនេះ យើងនឹងអាចនិយាយបានថា កូវីដ១៩ ត្រូវបានបញ្ចប់ទាំងស្រុង។ កូវីដ នឹងលែងជាគ្រាអាសន្នផ្នែកសុខភាពសាធារណៈ ជាការព្រួយបារម្ភអន្តរជាតិ និងជារោគរាតត្បាតទៀតហើយ។ មនុស្សគ្រប់រូបត្រូវតែរៀនមេរៀនពីជំងឺរាតត្បាតនេះ”។

គួរបញ្ជាក់ថា ជំងឺកូវីដ១៩ ត្រូវបានរកឃើញដំបូងក្នុងខែធ្នូឆ្នាំ២០១៩ នៅទីក្រុងអ៊ូហាន ប្រទេសចិន ហើយ WHO បានប្រកាសថា ជាជំងឺរាតត្បាតជាសកលនៅថ្ងៃទី១១ខែមីនា ឆ្នាំ២០២០៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អ្នកវិទ្យាសាស្រ្តព្រមាន ជំងឺមួយនឹងចាប់ផ្តើមឆ្លងរាលដាល បន្ទាប់ពី កូវីដ១៩