សុខភាព
“BA.5” វីរុសបំប្លែងខ្លួនឆ្លងខ្លាំងជាងគេបំផុត បានមកដល់ហើយ (មានវីដេអូ)
ជិតពីរឆ្នាំកន្លះចាប់តាំងពីការរាតត្បាតនៃមេរោគកូវីដ១៩បានចាប់ផ្តើម ពេលនេះ វីរុសដែលឆ្លងខ្លាំងបំផុត បានមកដល់ហើយ។
រលក កូវីដ១៩ ម្តងហើយម្តងទៀត បានបណ្តាលឲ្យមនុស្សរាប់លាននាក់ស្លាប់ ប៉ុន្តែដោយសារតែវ៉ាក់សាំង ចំនួនអ្នកស្លាប់ដោយសារកូវីដ បានកាត់បន្ថយយ៉ាងច្រើន។
ឥឡូវនេះ មេរោគកំពុងរីករាលដាលម្តងទៀត។ ជាមួយនឹងបម្រែបម្រួល ការគេចចេញពីប្រព័ន្ធភាពស៊ាំ ហើយជំរុញករណីឆ្លងនិងការសម្រាកព្យាបាលនៅមន្ទីរពេទ្យ, កំណែចុងក្រោយបំផុតនៃវីរុសបំប្លែងខ្លួនប្រភេទ BA.5 គឺជាសញ្ញាយ៉ាងច្បាស់ថា ជំងឺរាតត្បាតគឺមិនងាយនឹងបញ្ចប់ទេ។
ពូជថ្មីបំផុតរបស់ អូមីក្រុង រួមជាមួយនឹងខ្សែស្រឡាយ BA.4 កំពុងជំរុញករណីឆ្លងជាសកល ពោលគឺកើនឡើង ៣០% ក្នុងរយៈពេលពីរសប្តាហ៍ចុងក្រោយ។ នេះបើយោងតាមអង្គការសុខភាពពិភពលោក (WHO)។
នៅទ្វីបអឺរ៉ុប ពូជរបស់ អូមីក្រុង កំពុងជំរុញករណីឆ្លងប្រហែល ២៥% ថ្វីបើលោកវេជ្ជបណ្ឌិត Michael Ryan នាយកប្រតិបត្តិនៃកម្មវិធីគ្រាអាសន្នសុខភាពរបស់ WHO និយាយថា ចំនួនពិតអាចខ្ពស់ជាងនេះ ដោយសារតែការធ្វើតេស្ត លែងសូវអនុវត្ត ក៏ដោយ។
BA.5 កំពុងវាយលុកប្រទេសចិន ដោយនាំឲ្យមានក្តីបារម្ភថា ទីក្រុងធំៗនៅទីនោះ អាចនឹងអនុវត្តវិធានការបិទខ្ទប់ដ៏តឹងរ៉ឹងឡើងវិញ ទោះទើបត្រូវបានដកចេញនាពេលថ្មីៗនេះក៏ដោយ។ ហើយវីរុសបំប្លែងខ្លួនដូចគ្នានេះ បានក្លាយជាមេរោគលេចធ្លោនៅសហរដ្ឋអាមេរិក ដោយរួមចំណែក ៦៥% នៃការឆ្លងថ្មីកាលពីសប្តាហ៍មុន។
អ្នកជំនាញខាងរោគរាតត្បាតនិយាយថា ទិន្នន័យផ្លូវការ គឺខុសឆ្ងាយណាស់ពីចំនួនពិតប្រាកដនៃការឆ្លងនៅក្នុងសហរដ្ឋអាមេរិក។ អ្នកជំនាញខ្លះគិតថា អាចមានការឆ្លងថ្មីរហូតដល់ ១ លានករណីជារៀងរាល់ថ្ងៃ ពោលគឺខ្ពស់ជាងចំនួនផ្លូវការរហូតដល់ទៅ ១០ដងឯណោះ។
ចំពោះវិធីគ្រប់គ្រងរលកថ្មីនេះ អ្នកជំនាញបានជំរុញមនុស្សដែលមានអាយុចាប់ពី ៥០ ឆ្នាំឡើងទៅ ត្រូវទទួលវ៉ាក់សាំងដូសជំរុញ។
លោក Eric Topol អ្នកឯកទេសខាងជំងឺបេះដូង និងជាសាស្ត្រាចារ្យផ្នែកវេជ្ជសាស្ត្រម៉ូលេគុលនៅវិទ្យាស្ថានស្រាវជ្រាវ Scripps បានហៅ BA.5 ថាជា “កំណែដ៏អាក្រក់បំផុតនៃមេរោគ ដែលយើងមិនដែលបានឃើញសោះ”។
លោកបានពន្យល់នៅក្នុងព្រឹត្តិបត្រព័ត៌មានថ្មីៗនេះថា “វាអាចគេចចេញពីប្រព័ន្ធភាពស៊ាំ យ៉ាងទូលំទូលាយ វិវត្តទៅកាន់កម្រិតបន្ទាប់ ហើយមានសមត្ថភាព ពង្រីកការចម្លងខ្លាំងជាងពូជអូមីក្រុង មុនៗ”។
ម្យ៉ាងវិញទៀត BA.5 អាចគេចចេញពីភាពស៊ាំបានយ៉ាងងាយស្រួលទោះអ្នកធ្លាប់ឆ្លងពីមុន និងចាក់វ៉ាក់សាំងហើយក៏ដោយ រួមទាំងបង្កើនហានិភ័យនៃការឆ្លងឡើងវិញ។
ថ្វីបើមេរោគនេះហាក់ដូចជាមិននាំឲ្យមានជំងឺធ្ងន់ធ្ងរ ប៉ុន្តែនៅក្នុងបទសម្ភាសន៍ជាមួយទូរទស្សន៍ CNN កាលពីដើមសប្តាហ៍នេះ លោក Topol និយាយថា ដោយសារតែវិសាលភាពនៃការគេចចេញពីប្រព័ន្ធភាពស៊ាំរបស់ BA.5, លោករំពឹងថា នឹងមានការកើនឡើងនៃការចូលព្យាបាលក្នុងមន្ទីរពេទ្យ ដូចដែលយើងបានឃើញនៅអឺរ៉ុប និងកន្លែងផ្សេងទៀតដែលវីរុសនេះ ចាក់ឬសគល់។ លោកបានបន្ថែមថា “រឿងល្អមួយគឺថា វាហាក់ដូចជាមិននាំឲ្យមានការចូលសង្គ្រោះបន្ទាន់ និងការស្លាប់ដូចជាវីរុសបំប្លែងខ្លួនមុនៗនេះទេ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNN
ចុចអាន៖ WHO តម្រូវឲ្យពាក់ម៉ាសឡើងវិញ ខណៈករណីកូវីដ កើនឡើងជាថ្មី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង